Joẹl 2
2
1Hworo owanre na vwi Zayọn,
teye unuebo vwẹ ugbenu ọfuanfon mẹ
Jẹn ihwo re dia otọ na ejobi mu phariẹ,
kidie ẹdẹ rẹ Ọrovwohwo na, ọ kẹrire,
2ẹdẹ rẹ ebri ghwi,
ẹdẹ rẹ egho vẹ ebri ghwi!
Biebi ghwi o de rhurhu enu rẹ igbenu na
ihwo ride vẹ egba gangan,
a je mrẹ ọkpọ rayen nẹ awanre rhe-e,
eyẹ a je cha mrẹ ọkpọ rayen bẹdẹ-ẹ
vwẹ ikpe rẹ uvwiẹ na ejobi.
3Erhanre ra tua vwẹ obaro rẹ ayen,
erhanre vwẹ obuko rẹ ayen
Otọ na da họhọ udju rẹ Idẹn vwẹ obaro rẹ ayen,
ẹkẹvuọvo a da rha vrẹn ovwan nu aghwa ofefe kọye ete,
emuọvo cha va ayen abọ-ọ.
4Wọ da mrẹ ayen ke họhọ iyesi,
ayen djẹ kerẹ iyesi re vwo phiẹ ofovwi.
5Kerẹ edo rẹ ekpẹrẹ rẹ ofovwi,
kẹ ọtiọye ayen pho muẹ enu rẹ igbenu,
kirobo rẹ ogiderhanre ruẹ
rọ da torhẹ aton ye,
kerẹ unuofovwi ọgangan
rọ choma hẹrhẹ ofovwi.
6Ihwo re hẹ obaro rẹ ayen ki brenu,
epharo ejobi ki djedje koi.
7Kerẹ egba ofovwi ayen da họrhọ ruọ,
kerẹ otuofovwi ayen ra kpanọ igbẹhẹ na,
O vuẹ idjerhe rọye gba yan nene,
ayen gẹrẹ oma nẹ idjerhe raye-en.
8Ayen ohwohwo kpogho ohwo oma-a,
O vuẹ idjerhe rọye re gba yan;
Ayen duvwẹ rua ihwo na veẹ ekuakua
yẹ a sa da ayen jẹ-ẹ.
9Aye pho muẹ orere na,
ayen dje vwẹ enu rẹ igbẹhẹ na;
ayen yere kpo evun rẹ iwevwi
ayen wan evakpo rua uwevwi kerẹ oji.
10Otọ na re kpogho vwẹ obaro rẹ ayen,
obenu na ra phariẹ.
Ọnre na vẹ emeranvwe mu ebri,
elo rẹ isio na de si reyọ.
11Ọrovwohwo na da kpare urhuru rọye
kẹ unuofovwi na,
kidie otu rọye pha buebu gbidi;
ọ rọ ta ota na pha gangan.
Kidie ẹdẹ rẹ Ọrovwohwo na pha rhuarho o mu oshọ gangan;
kono ri se dede?
Arodọvwẹ rẹ Ọrovwohwo
12Dede vwẹ Asakiephana, eriyin Ọrovwohwo tare,
vwẹ udu wẹn ejobi rhivwi bru vwẹ rhe,.
vẹ owẹvwe echiro, vẹ oviẹ, kugbe omaemuohọ,
13rere wọ bẹrẹ udu wẹn ọ dia amwa wẹ-ẹn,
Re wo rhivwi bru Ọrovwohwo, Ọghẹnẹ wẹn,
kidie ọ vẹ ehrọre vẹ arodọvwẹ,
ọ fobọ mu ophu-u, o vwo ẹguọnọ esiri gangan
ọ kpare iroro vrẹn umwemwu.
14Kono sa riẹn so se rhivwi rhi kuoma rhẹriẹ
rọ da yan jẹn ebruphihọ vwo,
izobo rẹ ọka vẹ izobo rẹ udi
vwọ kẹ Ọrovwohwo, Ọghẹnẹ wẹn?
15Hworo owanre vwi Zayọn,
bru ẹdẹ rẹ owẹvwe echiro,
se ọghwẹgbe ri ruru;
16Se ihwo na koko
Phorho ukoko na oma;
ghwẹ ekpako na koko
koko imitete na,
te emeboba ri viẹ evie.
Jẹn ọshare rẹ ọpha vrẹn nẹ uvun rọye rhe,
rẹ ọpha na nẹ esirọgbo rọye rhe.
17Vwẹ uvwre rẹ umukpe na vẹ agbada na
gbe jẹn irherẹn na, ri gbe odibo kẹ Ọrovwohwo na, viẹ
re ta, Jẹn ihwo wẹn vwo, E Ọrovwohwo,
wo jẹn a vwẹ ireuku wẹn jehwẹ-ẹ
vwo bru ohare vwẹ ohri rẹ ẹgborho na-a.
Die ayen cha vwọ ta vwẹ ohri rẹ ihwo na nẹ,
Tivọ Ọghẹnẹ rayen epha?
18Etiyin Ọrovwohwo da rhe rioma fiki rẹ otọ rọye,
ọ da re ehrọre rẹ ihwo rọye.
19Ọrovwohwo na de nyo ọ da ta kẹ ihwo rọye,
Nighe, mi che vwo rhe we
Ọka, udi, kugbe evwri,
evun kọ cha vọn wẹ;
mi gbi che ru we vwọ
dia ehwẹjẹ vwẹ ohri re ẹgborho na ọfa-a.
20Ki mi che bi ohwo rọ he obọhwẹre ọnre nẹ uwe oma,
ke Me cha djẹ ra ro otọ ọyaya vẹ otọ ofefe,
obaro rọye ra ro abadi rọ hẹ obaro ọnre,
obuko rọye kpo abadi rọ he obuko ọnre;
ọnrhe rọye ro gbo phi na ko che bru rhe
kidie o ru okpemu rode.
21Wọ djẹ oshọ-ọ, E otọ;
ghọghọ re omavwerhe owẹ,
kidie Ọrovwohwo ru okpemu rode!
22Wa djẹ oshọ-ọ, ovwan eranvwe rẹ aghwa,
kidie egbri rẹ aghwa na pha wọnwọnwọn;
urhe na ra mọ emamọ rọye,
te urhe ri fig te vain nabọ mọ buebu.
23Ghọghọ, E emọ ri Zayọn,
re oma vwerhe owẹ vwẹ evun rẹ Ọrovwohwo, Ọghẹnẹ wẹn;
kidie ọ rhọ osio rẹ ẹsosuọ kẹ wẹ ro vwo mu we ẹro,
ọ rhọ osio buebu phihọ otọ kẹ wẹ,
rẹ osio rẹsosuọ rẹ osio rẹ ure, kirobo ri jovwo.
24Utuwevwi re de wuye cha vọn vẹ eka,
Ukpotọ re de miẹ vain ke cha vọn mwavwe hwẹ
vẹ vain kugbe evwri.
25Ke Me cha rhan ikpe na rhivwi
ikpe re igurube na vwọ ghwọrọ na,
ebaka na, eghwọghọ na, emegbọ na
unuofovwi mẹ rode na, ri mi ji rhe ohri rẹ ovwan na.
26Ku wọ cha mrẹ emu re buebu evun kọ vọn wẹ,
ku wo jiri odẹ rẹ Ọrovwohwo Ọghẹnẹ wẹn,
ro nene uwe yeri vwẹ idjerhe rẹ igbunu.
Ihwo mẹ oma gbe cha vo ayen bẹdẹ-ẹ.
27Ku wọ cha riẹn nẹ Me hẹ uherevie rẹ Izrẹl,
nẹ Mẹvwẹ, Ọrovwohwo na, mẹvwẹ Ọghẹnẹ wẹn
ọfa gbe herọ chọ vwẹ ra-a.
A gbe cha vwẹ oma vo ihwo mẹ ọfa-a.
Erhi rẹ Ọghẹnẹ Cha Mwavwe Rhe
28Rẹ ọke de rhi te vwẹ ukuko rọye re,
ki mi che ku erhi mẹ ku ihwo ejobi,
te emeshare wẹn te emetẹ wẹn kẹ cha mraro,
ememare wẹn ke cha vwerhe evwerhẹ,
imighene wẹn ke cha mrẹ emramrẹ.
29Vwevwe rẹ idibo re emeshare vẹ emetẹ
keye mi che ku erhi mẹ ku, vwẹ ẹdẹ yena.
30Ke Me cha vwẹ eka phia vwẹ obo odjuvwu vẹ otọ rẹ akpọ na, ọbara vẹ erhanre kugbe ukori rẹ ivwirhi. 31Ọnre na ko che hirhe phihọ ebri, emeranvwe ko che hirhe phihọ ọbara, tavwe rẹ ẹdẹ rode ro mu oshọ rẹ Ọrovwohwo na ki che te. 32Ọke yena de rhi tere ihwo ejobi ri se odẹ rẹ Ọrovwohwo na ke che sivwi ayen; kidie vwẹ Ugbenu ri Zayọn kugbe Jerusalẹm ka cha mrẹ ẹvo re djẹ vabọ, kirobo rẹ Ọrovwohwo tarẹe, vwẹ usun rẹ ihwo ri ghwu chekọ na ka cha mrẹ ẹvo rẹ Ọrovwohwo na seri.
လက္ရွိေရြးခ်ယ္ထားမွု
Joẹl 2: UBV77
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible in Urhobo © United Bible Societies, 1977.
Joẹl 2
2
1Hworo owanre na vwi Zayọn,
teye unuebo vwẹ ugbenu ọfuanfon mẹ
Jẹn ihwo re dia otọ na ejobi mu phariẹ,
kidie ẹdẹ rẹ Ọrovwohwo na, ọ kẹrire,
2ẹdẹ rẹ ebri ghwi,
ẹdẹ rẹ egho vẹ ebri ghwi!
Biebi ghwi o de rhurhu enu rẹ igbenu na
ihwo ride vẹ egba gangan,
a je mrẹ ọkpọ rayen nẹ awanre rhe-e,
eyẹ a je cha mrẹ ọkpọ rayen bẹdẹ-ẹ
vwẹ ikpe rẹ uvwiẹ na ejobi.
3Erhanre ra tua vwẹ obaro rẹ ayen,
erhanre vwẹ obuko rẹ ayen
Otọ na da họhọ udju rẹ Idẹn vwẹ obaro rẹ ayen,
ẹkẹvuọvo a da rha vrẹn ovwan nu aghwa ofefe kọye ete,
emuọvo cha va ayen abọ-ọ.
4Wọ da mrẹ ayen ke họhọ iyesi,
ayen djẹ kerẹ iyesi re vwo phiẹ ofovwi.
5Kerẹ edo rẹ ekpẹrẹ rẹ ofovwi,
kẹ ọtiọye ayen pho muẹ enu rẹ igbenu,
kirobo rẹ ogiderhanre ruẹ
rọ da torhẹ aton ye,
kerẹ unuofovwi ọgangan
rọ choma hẹrhẹ ofovwi.
6Ihwo re hẹ obaro rẹ ayen ki brenu,
epharo ejobi ki djedje koi.
7Kerẹ egba ofovwi ayen da họrhọ ruọ,
kerẹ otuofovwi ayen ra kpanọ igbẹhẹ na,
O vuẹ idjerhe rọye gba yan nene,
ayen gẹrẹ oma nẹ idjerhe raye-en.
8Ayen ohwohwo kpogho ohwo oma-a,
O vuẹ idjerhe rọye re gba yan;
Ayen duvwẹ rua ihwo na veẹ ekuakua
yẹ a sa da ayen jẹ-ẹ.
9Aye pho muẹ orere na,
ayen dje vwẹ enu rẹ igbẹhẹ na;
ayen yere kpo evun rẹ iwevwi
ayen wan evakpo rua uwevwi kerẹ oji.
10Otọ na re kpogho vwẹ obaro rẹ ayen,
obenu na ra phariẹ.
Ọnre na vẹ emeranvwe mu ebri,
elo rẹ isio na de si reyọ.
11Ọrovwohwo na da kpare urhuru rọye
kẹ unuofovwi na,
kidie otu rọye pha buebu gbidi;
ọ rọ ta ota na pha gangan.
Kidie ẹdẹ rẹ Ọrovwohwo na pha rhuarho o mu oshọ gangan;
kono ri se dede?
Arodọvwẹ rẹ Ọrovwohwo
12Dede vwẹ Asakiephana, eriyin Ọrovwohwo tare,
vwẹ udu wẹn ejobi rhivwi bru vwẹ rhe,.
vẹ owẹvwe echiro, vẹ oviẹ, kugbe omaemuohọ,
13rere wọ bẹrẹ udu wẹn ọ dia amwa wẹ-ẹn,
Re wo rhivwi bru Ọrovwohwo, Ọghẹnẹ wẹn,
kidie ọ vẹ ehrọre vẹ arodọvwẹ,
ọ fobọ mu ophu-u, o vwo ẹguọnọ esiri gangan
ọ kpare iroro vrẹn umwemwu.
14Kono sa riẹn so se rhivwi rhi kuoma rhẹriẹ
rọ da yan jẹn ebruphihọ vwo,
izobo rẹ ọka vẹ izobo rẹ udi
vwọ kẹ Ọrovwohwo, Ọghẹnẹ wẹn?
15Hworo owanre vwi Zayọn,
bru ẹdẹ rẹ owẹvwe echiro,
se ọghwẹgbe ri ruru;
16Se ihwo na koko
Phorho ukoko na oma;
ghwẹ ekpako na koko
koko imitete na,
te emeboba ri viẹ evie.
Jẹn ọshare rẹ ọpha vrẹn nẹ uvun rọye rhe,
rẹ ọpha na nẹ esirọgbo rọye rhe.
17Vwẹ uvwre rẹ umukpe na vẹ agbada na
gbe jẹn irherẹn na, ri gbe odibo kẹ Ọrovwohwo na, viẹ
re ta, Jẹn ihwo wẹn vwo, E Ọrovwohwo,
wo jẹn a vwẹ ireuku wẹn jehwẹ-ẹ
vwo bru ohare vwẹ ohri rẹ ẹgborho na-a.
Die ayen cha vwọ ta vwẹ ohri rẹ ihwo na nẹ,
Tivọ Ọghẹnẹ rayen epha?
18Etiyin Ọrovwohwo da rhe rioma fiki rẹ otọ rọye,
ọ da re ehrọre rẹ ihwo rọye.
19Ọrovwohwo na de nyo ọ da ta kẹ ihwo rọye,
Nighe, mi che vwo rhe we
Ọka, udi, kugbe evwri,
evun kọ cha vọn wẹ;
mi gbi che ru we vwọ
dia ehwẹjẹ vwẹ ohri re ẹgborho na ọfa-a.
20Ki mi che bi ohwo rọ he obọhwẹre ọnre nẹ uwe oma,
ke Me cha djẹ ra ro otọ ọyaya vẹ otọ ofefe,
obaro rọye ra ro abadi rọ hẹ obaro ọnre,
obuko rọye kpo abadi rọ he obuko ọnre;
ọnrhe rọye ro gbo phi na ko che bru rhe
kidie o ru okpemu rode.
21Wọ djẹ oshọ-ọ, E otọ;
ghọghọ re omavwerhe owẹ,
kidie Ọrovwohwo ru okpemu rode!
22Wa djẹ oshọ-ọ, ovwan eranvwe rẹ aghwa,
kidie egbri rẹ aghwa na pha wọnwọnwọn;
urhe na ra mọ emamọ rọye,
te urhe ri fig te vain nabọ mọ buebu.
23Ghọghọ, E emọ ri Zayọn,
re oma vwerhe owẹ vwẹ evun rẹ Ọrovwohwo, Ọghẹnẹ wẹn;
kidie ọ rhọ osio rẹ ẹsosuọ kẹ wẹ ro vwo mu we ẹro,
ọ rhọ osio buebu phihọ otọ kẹ wẹ,
rẹ osio rẹsosuọ rẹ osio rẹ ure, kirobo ri jovwo.
24Utuwevwi re de wuye cha vọn vẹ eka,
Ukpotọ re de miẹ vain ke cha vọn mwavwe hwẹ
vẹ vain kugbe evwri.
25Ke Me cha rhan ikpe na rhivwi
ikpe re igurube na vwọ ghwọrọ na,
ebaka na, eghwọghọ na, emegbọ na
unuofovwi mẹ rode na, ri mi ji rhe ohri rẹ ovwan na.
26Ku wọ cha mrẹ emu re buebu evun kọ vọn wẹ,
ku wo jiri odẹ rẹ Ọrovwohwo Ọghẹnẹ wẹn,
ro nene uwe yeri vwẹ idjerhe rẹ igbunu.
Ihwo mẹ oma gbe cha vo ayen bẹdẹ-ẹ.
27Ku wọ cha riẹn nẹ Me hẹ uherevie rẹ Izrẹl,
nẹ Mẹvwẹ, Ọrovwohwo na, mẹvwẹ Ọghẹnẹ wẹn
ọfa gbe herọ chọ vwẹ ra-a.
A gbe cha vwẹ oma vo ihwo mẹ ọfa-a.
Erhi rẹ Ọghẹnẹ Cha Mwavwe Rhe
28Rẹ ọke de rhi te vwẹ ukuko rọye re,
ki mi che ku erhi mẹ ku ihwo ejobi,
te emeshare wẹn te emetẹ wẹn kẹ cha mraro,
ememare wẹn ke cha vwerhe evwerhẹ,
imighene wẹn ke cha mrẹ emramrẹ.
29Vwevwe rẹ idibo re emeshare vẹ emetẹ
keye mi che ku erhi mẹ ku, vwẹ ẹdẹ yena.
30Ke Me cha vwẹ eka phia vwẹ obo odjuvwu vẹ otọ rẹ akpọ na, ọbara vẹ erhanre kugbe ukori rẹ ivwirhi. 31Ọnre na ko che hirhe phihọ ebri, emeranvwe ko che hirhe phihọ ọbara, tavwe rẹ ẹdẹ rode ro mu oshọ rẹ Ọrovwohwo na ki che te. 32Ọke yena de rhi tere ihwo ejobi ri se odẹ rẹ Ọrovwohwo na ke che sivwi ayen; kidie vwẹ Ugbenu ri Zayọn kugbe Jerusalẹm ka cha mrẹ ẹvo re djẹ vabọ, kirobo rẹ Ọrovwohwo tarẹe, vwẹ usun rẹ ihwo ri ghwu chekọ na ka cha mrẹ ẹvo rẹ Ọrovwohwo na seri.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible in Urhobo © United Bible Societies, 1977.