Joẹl 1
1
Ekala Rhe Guọghọ Otọ na
1Ota rẹ Ọrovwohwo na rọ bru Joẹl rhe, rẹ ọmọ ri Pẹtuẹl.
2Nyo ọnana, ovwan emare,
kerhọn, ovwan ihwo re dia otọ na ejobi!
emu ọtiọnana ruru vwẹ ọke rẹ ovwan dẹvure,
eyẹ ọke rẹ esẹ rẹ ovwan?
3Gbe ikun rọye kẹ emọ rẹ ovwan,
gbe jẹn emọ rẹ ovwan gbe kẹ emọ rayen,
re emọ rayen rhe gbe kẹ uvwiẹ ọfa.
4Obo rẹ igurube na re chekọ,
ọye igurube re rhan rere.
Obo rẹ igurube rha re chekọ,
ọye ebaka ri phọ rere,
obo re ebaka ri pho re chekọ
ọye ebaka re ghwọrọ rere
5Vrẹn, ovwan igbaudu, re wa viẹ;
we beroma, ovwan ihwo ejobi re da udi,
fiki rẹ udi rọ miẹmiẹ,
kidie e kuro kufia nẹ unu wẹn.
6Kidie ẹgborho ọvo rhe vwo so otọ Mẹ,
gangan ọ bu basa-an;
ako rọye ako rẹ okpohrokpo,
ọ de vwọ ako rẹ okpohrokpo re aye.
7Ọ da guọghọ vain mẹ ejobi,
ọ da dia irhe ri fig mẹ;
ọ da kpẹn ehọrọ rayen kuotọ
e de ru eghọn rayen fon.
8Viẹ kerẹ ọmọtobẹ ra vwẹ esiso rhuo
re suẹn rhe ọshare rẹ ọtarhe rọye.
9Izobo rẹ ọka kugbe izobo rẹ udi
e bru ayen kufia nẹ uwevwi rẹ Ọrovwohwo na.
Irherẹn na muomahọ,
otu ri gbe odibo kẹ Ọrovwohwo na.
10A ghwọrọ idju na ejobi fiotọ,
otọ na muomahọ;
fikiridie a ghwọrọ ọka na,
udi na re fiotọ,
Evwri na re beroma.
11Jo gbe we unu, E otu ri voro otọ,
Beroma, E otu re rhuẹrẹ vain,
fiki rẹ ọka vẹ irosun,
fikiridie orhọ rẹ udju na ejobi ghwọrọ kufia.
12Vain na re vwioro
urhc ri fig na ra fa ẹbe
Pomegranate, oriẹ, kugbe orhomrẹ,
irhe rẹ aghwa na ejobi fa ẹbe re,
omavwerhovwẹ gbe herọ
kẹ emọ rẹ ihwo-o
13Vwẹ esiso rhuo re wọ viẹ, E irherẹn na
berọma, E otu ri gbe odibo vwẹ enu rẹ agbada na
Ro uwevwi, vwẹ esiso rhuo shevwerhẹ.
E otu ri gbe odibo kẹ Ọghẹnẹ mẹ!
Fikiridie izobo rẹ ọka vẹ izobo rẹ udi
e si ayen nẹ uwevwi rẹ Ọghẹnẹ wẹn re.
14Bru ẹdẹ orẹ,
se ọghwẹgbe ri ruru
Se ekpako na kugbe ihwo re dia otọ na ejobi
re koko uwevwi rẹ Ọrovwohwo Ọghẹnẹ wẹn;
re wa viẹ kẹ Ọrovwohwo.
15Eghwo kẹ ẹdẹ na!
Kidie ẹdẹ rẹ Ọrovwohwo na kerire,
kerẹ ẹghwọrọ ro nẹ obọ rẹ Ọrovwoẹgba cha–
eriyin ọ cha rhe.
16Ọ dianẹ a ghwọrọ emuọre na kuẹfia
vwẹ irharo rẹ ovwan na,
te aghọghọ te omavwerhe
nẹ uwevwi rẹ Ọghẹnẹ wẹn?
17Emamọ na siẹ reyọ vwẹ otọ rẹ ukorekpẹn,
Erhu na hirhe phihọ ofefe;
erheri rẹ eka na guọghọ re
fikiridie eka mọre-e.
18Nighe obo rẹ eranvwe na guan!
ekru rẹ uchuru na ofu dje ayen
fikiridie egbri gbe herọ kẹ aye-en.
vwevwe rẹ igegede na dede na mu opharo phihọ.
19Wẹ, E Ọrovwohwo, Me viẹ se.
Kidie erhanre rhe torhẹ
egbri rọ hẹ evun rẹ aghwa,
erhanre mu la ro
irhe re hẹ evun rẹ aghwa ejobi.
20Vwevwe rẹ eranvwe rẹ aghwa na viẹ hwe we
fikiridie ame rẹ ẹtẹrhe na ejobi kpọ yamu,
yẹ erhanre ghwa torhẹ
egbri rẹ aghwan na.
လက္ရွိေရြးခ်ယ္ထားမွု
Joẹl 1: UBV77
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible in Urhobo © United Bible Societies, 1977.
Joẹl 1
1
Ekala Rhe Guọghọ Otọ na
1Ota rẹ Ọrovwohwo na rọ bru Joẹl rhe, rẹ ọmọ ri Pẹtuẹl.
2Nyo ọnana, ovwan emare,
kerhọn, ovwan ihwo re dia otọ na ejobi!
emu ọtiọnana ruru vwẹ ọke rẹ ovwan dẹvure,
eyẹ ọke rẹ esẹ rẹ ovwan?
3Gbe ikun rọye kẹ emọ rẹ ovwan,
gbe jẹn emọ rẹ ovwan gbe kẹ emọ rayen,
re emọ rayen rhe gbe kẹ uvwiẹ ọfa.
4Obo rẹ igurube na re chekọ,
ọye igurube re rhan rere.
Obo rẹ igurube rha re chekọ,
ọye ebaka ri phọ rere,
obo re ebaka ri pho re chekọ
ọye ebaka re ghwọrọ rere
5Vrẹn, ovwan igbaudu, re wa viẹ;
we beroma, ovwan ihwo ejobi re da udi,
fiki rẹ udi rọ miẹmiẹ,
kidie e kuro kufia nẹ unu wẹn.
6Kidie ẹgborho ọvo rhe vwo so otọ Mẹ,
gangan ọ bu basa-an;
ako rọye ako rẹ okpohrokpo,
ọ de vwọ ako rẹ okpohrokpo re aye.
7Ọ da guọghọ vain mẹ ejobi,
ọ da dia irhe ri fig mẹ;
ọ da kpẹn ehọrọ rayen kuotọ
e de ru eghọn rayen fon.
8Viẹ kerẹ ọmọtobẹ ra vwẹ esiso rhuo
re suẹn rhe ọshare rẹ ọtarhe rọye.
9Izobo rẹ ọka kugbe izobo rẹ udi
e bru ayen kufia nẹ uwevwi rẹ Ọrovwohwo na.
Irherẹn na muomahọ,
otu ri gbe odibo kẹ Ọrovwohwo na.
10A ghwọrọ idju na ejobi fiotọ,
otọ na muomahọ;
fikiridie a ghwọrọ ọka na,
udi na re fiotọ,
Evwri na re beroma.
11Jo gbe we unu, E otu ri voro otọ,
Beroma, E otu re rhuẹrẹ vain,
fiki rẹ ọka vẹ irosun,
fikiridie orhọ rẹ udju na ejobi ghwọrọ kufia.
12Vain na re vwioro
urhc ri fig na ra fa ẹbe
Pomegranate, oriẹ, kugbe orhomrẹ,
irhe rẹ aghwa na ejobi fa ẹbe re,
omavwerhovwẹ gbe herọ
kẹ emọ rẹ ihwo-o
13Vwẹ esiso rhuo re wọ viẹ, E irherẹn na
berọma, E otu ri gbe odibo vwẹ enu rẹ agbada na
Ro uwevwi, vwẹ esiso rhuo shevwerhẹ.
E otu ri gbe odibo kẹ Ọghẹnẹ mẹ!
Fikiridie izobo rẹ ọka vẹ izobo rẹ udi
e si ayen nẹ uwevwi rẹ Ọghẹnẹ wẹn re.
14Bru ẹdẹ orẹ,
se ọghwẹgbe ri ruru
Se ekpako na kugbe ihwo re dia otọ na ejobi
re koko uwevwi rẹ Ọrovwohwo Ọghẹnẹ wẹn;
re wa viẹ kẹ Ọrovwohwo.
15Eghwo kẹ ẹdẹ na!
Kidie ẹdẹ rẹ Ọrovwohwo na kerire,
kerẹ ẹghwọrọ ro nẹ obọ rẹ Ọrovwoẹgba cha–
eriyin ọ cha rhe.
16Ọ dianẹ a ghwọrọ emuọre na kuẹfia
vwẹ irharo rẹ ovwan na,
te aghọghọ te omavwerhe
nẹ uwevwi rẹ Ọghẹnẹ wẹn?
17Emamọ na siẹ reyọ vwẹ otọ rẹ ukorekpẹn,
Erhu na hirhe phihọ ofefe;
erheri rẹ eka na guọghọ re
fikiridie eka mọre-e.
18Nighe obo rẹ eranvwe na guan!
ekru rẹ uchuru na ofu dje ayen
fikiridie egbri gbe herọ kẹ aye-en.
vwevwe rẹ igegede na dede na mu opharo phihọ.
19Wẹ, E Ọrovwohwo, Me viẹ se.
Kidie erhanre rhe torhẹ
egbri rọ hẹ evun rẹ aghwa,
erhanre mu la ro
irhe re hẹ evun rẹ aghwa ejobi.
20Vwevwe rẹ eranvwe rẹ aghwa na viẹ hwe we
fikiridie ame rẹ ẹtẹrhe na ejobi kpọ yamu,
yẹ erhanre ghwa torhẹ
egbri rẹ aghwan na.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible in Urhobo © United Bible Societies, 1977.