Hosia 11
11
Ọghẹnẹ re Rhẹro rẹ Ihwo Rọye ri Begheri
1Ọke rẹ Izrẹl vwọ hẹ omotete, me da guọnọ
mi de se ọmọ me nẹ Ijipt rhe.
2Tiobo mi se ayen na,
ọtiọye ayen je ghwa mrẹ vwẹ djẹ te;
ayen ji ze izobo kẹ Baal,
jẹn ayen ghwa torhẹ insens kẹ ema.
3Jẹ omẹvwẹ ri yono Ifrem obo ra yan,
Mi de mu ayen phihọ abọ mẹ
ẹkẹvuọvo ayen riẹnre nẹ mẹvwẹ ri sivwi aye-en.
4Me da vwẹ irihrẹ rẹ ehrọnre vwo sun ayen,
vẹ ufi rẹ ẹguọnọ.
Mi de rhi hirhe phihọ ohwo ro dogho
urhukpe re vwo mu ohwo vwọ kẹ ayen,
Mi de rhuẹn kpotọ ra ghẹrẹ ayen.
5Ayen che rhivwi kpo otọ rẹ Ijipt,
Asiria kọ cha dia ovie rayen,
fikiridie ayen rhọvwe rhivwi bru vwẹ rhe-e.
6Ọlọkọ kọ cha hra irere rayen,
kọ guọghọ itehru rẹ inurhoro rayen,
ko ghwọrọ ayen vwẹ evun rẹ ogba ọgangan rayen.
7Ihwo mẹ kẹ ukuko ayen siẹ phihọ kẹ vwẹ,
ọtiọye na e de kru oghwa nyẹ ayen,
rẹ ohwo ọvuọvo se mu-u.
8Mavọ mi se vwo siobọ nu we, E Ifrem!
Mavọ mi se vwo sibọ nu we, E Izrẹl!
Mavọ mi se ru we kerẹ Admah!
Mavọ mi se ru we kerẹ Zeboim!
Udu mẹ djẹgo,
ehrọre mẹ kọ rhua phihọ .
9Ki mi gbobọnyẹ ophu ọtuatua mẹ na,
Me gbe sa guọghọ Ifremu-u,
kidie Mẹvwẹ Ọghẹnẹ me dia ohwo rẹ akpọ-ọ,
Ọfuanfọn Ọvuọvo vwẹ uherevie rẹ ovwan,
Me gba rha rhe rhe ghwọrọ-ọ.
10Ayen che nene Ọrovwohwo,
ko che kperi kerẹ okpohrokpo,
e, o che kperi,
emọ rọye ki che nẹ obuko ọnre rhe vẹ ophariẹ;
11Ayen cha vẹ ophariẹ kerẹ emephran ri nẹ Ijipt cha,
kerẹ ilekuku ri nẹ Asiria cha,
ke me vwẹ ayen rhivwi kpo iwevwi rayen,
eriyin Ọrovwohwo tare.
A Ghwọku Ifrem Fiki rẹ Ofian Evwọnrọ Kugbẹ Oshenyẹ
12Ifrem vwọron efia rhurhu uvwe
uwevwi rẹ Izrẹl vẹ ọphiẹnvwẹ;
ẹkẹvuọvo Ọghẹnẹ je riẹn Juda,
ọ je hẹ ohwo rẹ uyota kẹ Ọfuanfon Ọvuọvo na.
လက္ရွိေရြးခ်ယ္ထားမွု
Hosia 11: UBV77
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible in Urhobo © United Bible Societies, 1977.