Хьунухь 45
45
Юсуфа вичин стхайриз сир ачухун
1Юсуфавай мад чарабур алай чкадал эхи ийиз хъхьанач. «Вири инай экъечӀ!» – гьарайна Юсуфа. Ва садни патав гвачир чӀавуз, Юсуфа вичин стхайриз вич вуж ятӀа малумарна. 2Амма ам акьван ван алаз шехьнай хьи, мисривийризни ван хьанай ва и хабар фиръавандин кӀваливни агакьнай.
3«Зун Юсуф я, – лагьанай ада. – Бубадал чан аламани?» Абурай, къах хьана амукьна, гьич гафни акъатзамачир.
4«Мукьув хьухь», – лагьана Юсуфа. Стхаярни адав агатна.
«Зун Юсуф я, – лагьана ада, – куьне Мисридиз маса гайи куь стха. 5Амма куьне дерт чӀугвамир, а кӀвалах себеб яз рикӀи-рикӀ немир. Аллагьди зун иниз куь уьмуьр хиласун патал ракъурайди тир кьван! 6Ингье им кьве йис я каш давам жез, мадни вад йисуз я цун, я гуьн жедач. 7Аллагьди зун иниз, куь тухум чилелай терг тахьун патал – терг тахьун ва кьадардиз мадни артух хьун патал, виликамаз ракъурна. 8Куьне ваъ, Аллагьди зун иниз фиръавандиз меслят къалурдайди жедайвал – адан гъилик квай вирибурун агъа ва вири Мисридин гьаким жедайвал авуна.
9Бубадин патав тади ая ва адаз лагь: „Ви хва Юсуфа икӀ лугьузва: ‹Аллагьди закай вири Мисридин гьаким авунва. Геж тавуна зи патав ша. 10Вун ви вири рухваяр ва хтулар галаз, вири суьруьяр ва нехирар ва маса мал-девлет гваз Гешен чилел уьмуьр тухуда. 11Ана за ви уьмуьр а тегьерда тешкилда хьи, я ваз, я ви хизандиз, я ви гьайванриз са куьнин патахъайни дарвал жедач – гьикӀ лагьайтӀа вилик кашан мадни вад йис ква›“.
12Куьн килиг тӀун! Килиг, зи стха Бунъямин! Им зун я! Зун я квехъ галаз рахазвайди! 13Бубадиз зун Мисрида гьикьван вилик-кьилик кватӀа ва гьикӀ зал баркалла алатӀа ихтилат ая. Квез ина акур кьван вири гьаларикай бубадиз ахъая ва жезмай кьван фад буба иниз хкваш!»
14Ам Бунъяминан, вичин стхадин, гарданра гьатна, шехьна. Бунъяминани шехьиз, ам къужахда кьуна. 15Ахпа шехьиз, Юсуфа вичин амай стхайризни теменар гана ва суьгьбетар гатӀунна.
Фиръаванди Якьубаз Мисридиз атун теклифзава
16Юсуфан патав стхаяр атанвайдакай хабар фиръавандив ва адан мукьуванривни агакьна. Абуруз хвеши хьана, 17-18ва фиръаванди Юсуфаз лагьана: «Стхайриз, анай чпин хизанар ва буба хкун патал, ламариз парни яна Къенандиз рекье гьатун эмир це. За абуруз Мисрида виридалайни хъсан вуч аватӀани гуда. Чи уьлкведин мублагьвиликай лезет хкудрай. 19Абуру аялар ва папар хкун патал, ваз Мисридай дапурагар къачун эмир ийидай ихтияр гузва; ва абуру чпихъ галаз бубани иниз хкурай. 20Амукьдай мал-девлетдикай абуру гьич фикирни авун герек туш: абурухъ Мисрида авай виридалайни хъсанди вуч ятӀа, вири жеда».
21Исраилан рухвайри гьа икӀ авунни авуна. Юсуфа абурув, фиръаванди къалурайвал, дапурагар вугана, гьакӀни рекьин суьрсет 22ва гьар садаз – цӀийи парталар. Бунъяминаз ада гимишдин пуд виш шекъел ва вад къат парталар гана. 23Бубадиз ада цӀуд ламрал эцигна Мисридин чилин вири няметрикай ва цӀуд диши ламрал эцигна, техил, фу ва рекьин маса суьрсет ракъурна. 24«Алад, рекье къалар ийимир», – лагьана ада стхайриз сагърай лугьудайла.
25Абур, Мисри туна, Къенандиз бубадин патав хтана.
26«Юсуф сагъ яз ама, – лагьана абуру бубадиз, – ва алай вахтунда вири Мисрида гьакимвал ийизва».
Якьубан нефес кьурана: ам сакӀани чӀалахъ жезвачир. 27Амма рухвайри адав Юсуфан вири гафар агакьарна, адаз вичин вилералди Юсуфа ам хутахун патал ракъурнавай дапурагар акуна, – ва руьгь хкаж хьана, 28«Бес я! – лагьана Исраила. – АкӀ хьайила зи хва Юсуф сагъ я ман?! Рекьидалди вилик ам акун патал, зун рекье гьатда».
လက္ရွိေရြးခ်ယ္ထားမွု
Хьунухь 45: ЛезПК
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© Институт перевода Библии, 2010-2024
Хьунухь 45
45
Юсуфа вичин стхайриз сир ачухун
1Юсуфавай мад чарабур алай чкадал эхи ийиз хъхьанач. «Вири инай экъечӀ!» – гьарайна Юсуфа. Ва садни патав гвачир чӀавуз, Юсуфа вичин стхайриз вич вуж ятӀа малумарна. 2Амма ам акьван ван алаз шехьнай хьи, мисривийризни ван хьанай ва и хабар фиръавандин кӀваливни агакьнай.
3«Зун Юсуф я, – лагьанай ада. – Бубадал чан аламани?» Абурай, къах хьана амукьна, гьич гафни акъатзамачир.
4«Мукьув хьухь», – лагьана Юсуфа. Стхаярни адав агатна.
«Зун Юсуф я, – лагьана ада, – куьне Мисридиз маса гайи куь стха. 5Амма куьне дерт чӀугвамир, а кӀвалах себеб яз рикӀи-рикӀ немир. Аллагьди зун иниз куь уьмуьр хиласун патал ракъурайди тир кьван! 6Ингье им кьве йис я каш давам жез, мадни вад йисуз я цун, я гуьн жедач. 7Аллагьди зун иниз, куь тухум чилелай терг тахьун патал – терг тахьун ва кьадардиз мадни артух хьун патал, виликамаз ракъурна. 8Куьне ваъ, Аллагьди зун иниз фиръавандиз меслят къалурдайди жедайвал – адан гъилик квай вирибурун агъа ва вири Мисридин гьаким жедайвал авуна.
9Бубадин патав тади ая ва адаз лагь: „Ви хва Юсуфа икӀ лугьузва: ‹Аллагьди закай вири Мисридин гьаким авунва. Геж тавуна зи патав ша. 10Вун ви вири рухваяр ва хтулар галаз, вири суьруьяр ва нехирар ва маса мал-девлет гваз Гешен чилел уьмуьр тухуда. 11Ана за ви уьмуьр а тегьерда тешкилда хьи, я ваз, я ви хизандиз, я ви гьайванриз са куьнин патахъайни дарвал жедач – гьикӀ лагьайтӀа вилик кашан мадни вад йис ква›“.
12Куьн килиг тӀун! Килиг, зи стха Бунъямин! Им зун я! Зун я квехъ галаз рахазвайди! 13Бубадиз зун Мисрида гьикьван вилик-кьилик кватӀа ва гьикӀ зал баркалла алатӀа ихтилат ая. Квез ина акур кьван вири гьаларикай бубадиз ахъая ва жезмай кьван фад буба иниз хкваш!»
14Ам Бунъяминан, вичин стхадин, гарданра гьатна, шехьна. Бунъяминани шехьиз, ам къужахда кьуна. 15Ахпа шехьиз, Юсуфа вичин амай стхайризни теменар гана ва суьгьбетар гатӀунна.
Фиръаванди Якьубаз Мисридиз атун теклифзава
16Юсуфан патав стхаяр атанвайдакай хабар фиръавандив ва адан мукьуванривни агакьна. Абуруз хвеши хьана, 17-18ва фиръаванди Юсуфаз лагьана: «Стхайриз, анай чпин хизанар ва буба хкун патал, ламариз парни яна Къенандиз рекье гьатун эмир це. За абуруз Мисрида виридалайни хъсан вуч аватӀани гуда. Чи уьлкведин мублагьвиликай лезет хкудрай. 19Абуру аялар ва папар хкун патал, ваз Мисридай дапурагар къачун эмир ийидай ихтияр гузва; ва абуру чпихъ галаз бубани иниз хкурай. 20Амукьдай мал-девлетдикай абуру гьич фикирни авун герек туш: абурухъ Мисрида авай виридалайни хъсанди вуч ятӀа, вири жеда».
21Исраилан рухвайри гьа икӀ авунни авуна. Юсуфа абурув, фиръаванди къалурайвал, дапурагар вугана, гьакӀни рекьин суьрсет 22ва гьар садаз – цӀийи парталар. Бунъяминаз ада гимишдин пуд виш шекъел ва вад къат парталар гана. 23Бубадиз ада цӀуд ламрал эцигна Мисридин чилин вири няметрикай ва цӀуд диши ламрал эцигна, техил, фу ва рекьин маса суьрсет ракъурна. 24«Алад, рекье къалар ийимир», – лагьана ада стхайриз сагърай лугьудайла.
25Абур, Мисри туна, Къенандиз бубадин патав хтана.
26«Юсуф сагъ яз ама, – лагьана абуру бубадиз, – ва алай вахтунда вири Мисрида гьакимвал ийизва».
Якьубан нефес кьурана: ам сакӀани чӀалахъ жезвачир. 27Амма рухвайри адав Юсуфан вири гафар агакьарна, адаз вичин вилералди Юсуфа ам хутахун патал ракъурнавай дапурагар акуна, – ва руьгь хкаж хьана, 28«Бес я! – лагьана Исраила. – АкӀ хьайила зи хва Юсуф сагъ я ман?! Рекьидалди вилик ам акун патал, зун рекье гьатда».
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© Институт перевода Библии, 2010-2024