Хьунухь 44
44
Юсуфа вичин стхаяр синагъ авун
1Юсуфа вичин кӀвал идара ийизвайдаз лагьана: «Абурун шешелар чпивай хутахиз жедай кьван кьадарда техилдай ацӀура, ва гьардан шешелдин винелай адан гимиш эхциг. 2ГъвечӀидан шешелда гимишдихъ галаз санал зи гимишдин жемни тур». КӀвал идара ийизвайда Юсуфа гьикӀ лагьанатӀа, гьакӀ вири кьилиз акъудна.
3Экв са жизви ачух хьанмазни, мугьманар чпин ламарни гваз кӀвализ рекье хутуна. 4Стхаяр шегьердин сергьятрилай элячӀна, амма гьеле яргъаз акъат тавунмаз, Юсуфа кӀвал идара ийизвай касдиз лагьана: «Тадиз абурун гуьгъуьниз алад! Агакьай чӀавуз лагь: „Вучиз куьне хъсанвилиз писвилелди жаваб гана? 5Вучиз зи гимишдин жем чуьнуьхна? Зи сагьибди адай хъвазвайди я. Гьада фал вегьезвайди я. Куьне чӀуру кӀвалах авуна!“»
6КӀвал идара ийизвайда абурув агакьарна ва вичиз эмир авурвал лагьана. 7Стхайри жаваб гана: «Вучиз, чи агъа, вуна икӀ лугьузва? Чавай, ви лукӀаривай, им ийиз жедай кар туш. 8Гьатта чи шешелра аваз жагъай гимишни Къенандай элкъвена ваз хканай эхир! Бес икӀ хьайила, яраб чна ви сагьибдин кӀваляй гимиш, я тушни къизил чуьнуьхда жал? 9Чакай садавай чуьнуьхнавайди жагъайтӀа, адаз кьиникьин жаза гурай, чун вири амайбурни ви лукӀар яз акъвазда». 10«Куьне лагьайвал хьурай, – жаваб гана кӀвал идара ийизвайда, – амма лукӀ анжах чуьнуьхнавайди жагъайдакай жеда, амайбур са манийвални авачиз кӀвализ хъфида».
11Стхайри тадиз чпин шешелар чилел авудна, абур ахъайна. 12КӀвал идара ийизвайди галай-галайвал, чӀехидалай гъвечӀидалди, абурун виридан шешелра къекъвена ва жем Бунъяминавай жагъана. 13Хажалатдин лишан яз стхайри чпел алай парталар къазунна, мад ламариз пар яна ва элкъвена шегьердиз хтана.
14 Ягьудни стхаяр хтай чӀавуз Юсуф кӀвале амай. Абур адан вилик метӀерал аватна, 15ва Юсуфа лагьана: «Квелай ихьтин кӀвалах ийиз гьикӀ алакьна? Квез зун хьтин инсан фал вегьинин карда устад тирди чидачирни кьван?» 16«Чавай чи сагьибдиз вуч лугьуз жеда? – лагьана Ягьуда. – Жув гьикӀ гьахъвилиз акъудда? Аллагьди чи гунагь дуьздал акъудна. Къедлай чун вири чи сагьибдин лукӀар я – гьам вичивай жем жагъайди, гьамни вири амайбур». 17«Ваъ, – лагьана Юсуфа, – ихьтин кӀвалах за ийидач! Нивай жем жагъанатӀа, гьам зи лукӀ жеда, куьн лагьайтӀа саламатдиз куь бубадин кьилив ахлад».
Ягьуд вичин стхадин тереф хуьниз экъечӀун
18И чӀавуз Ягьуд Юсуфан мукьув атана лагьана: «Зи агъа! Заз, ви лукӀраз, вахъ галаз рахадай ихтияр це. Закай, ви лукӀракай, хъел къвемир. Вунни фиръаван хьиз я эхир!
19Вуна, зи агъа, чавай, ви лукӀаривай, чахъ буба авани ва чахъ мадни стхаяр авани лагьана жузунай. 20Чнани жаваб яз ваз, чи сагьибдиз, бубадал чан аламайдакай, амма кьуьзуь хьанвайдакай, адахъ мад са гъвечӀи хва авайдакай ихтилат авунай. Им адан кьуьзуьвилин аял я. Адан дидедин аялрикай амайди са гьам я, адан стха кьена. Бубадиз ам гзаф кӀанда. 21Вунани чаз, ви лукӀариз, чи гъвечӀи стха ви кьилив гъун эмир авунай. 22Чна ваз, чи сагьибдиз, лагьанай хьи, ам бубадин патавай къакъудна жедач: ам къакъатун бубадин эхир жеда. 23Амма вуна чаз, ви лукӀариз, стха галачиз чун мад вилик пайда тахъхьурай лагьанай.
24Чун чи бубадин, ви лукӀран, патав хтайла, чна, зи жанаби, ви гафар адав агакьарнай. 25Бубади чун мад са тӀимил техил хкун патал эмир авурла, 26чна чавай гъвечӀи стха галачиз физ жедач, ам галачиз чаз гьич ви виликни пайда жедай ихтияр авачирди жаваб ганай. 27Ви лукӀ тир чи бубадини чаз икӀ лагьанай: „Квез чизва: зи папа заз кьве хва ханай. 28Сад квахьна. Зун гъавурда акьуна: ам вагьши гьайванри кукӀварна. Мад заз ам ахкунач. 29Гила куьне кьвед лагьайдини къакъудзава. Бес гьадан кьилелни са бедбахтвал атайтӀа вуч ийин? Куьн тахсир яз зун, рехи кьуьзек, гъамуни кана агъа дуьньядиз хъфида!“ 30Бес завай, – лагьана Ягьуда, – ви лукӀ зи бубадин патав ам акьван гуьр хьанвай хва галачиз хъфиз жедани? 31Бубадиз ам чахъ галачирди аквада ва чан гуда. Ва чи буба, ви лукӀ, рехи кьуьзек, чун тахсир яз гъамуни кана, агъа дуьньядиз хъфида! 32За, ви лукӀра, бубадин вилик кьил замин авуна, стха элкъвена хкведа лагьана хиве кьуна: „За ам кӀвализ хкун тавуртӀа, жуван уьмуьрдин эхирдалди зун бубадин вилик батӀул яз амукьда“. 33Гьавиляй зун ина ви лукӀ яз амукьрай! Ам лагьайтӀа, стхайрихъ галаз кӀвализ хъфирай. 34Завай ам галачиз кӀвализ хъфена, бубадин гъамуниз килигиз жедач!»
လက္ရွိေရြးခ်ယ္ထားမွု
Хьунухь 44: ЛезПК
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© Институт перевода Библии, 2010-2024
Хьунухь 44
44
Юсуфа вичин стхаяр синагъ авун
1Юсуфа вичин кӀвал идара ийизвайдаз лагьана: «Абурун шешелар чпивай хутахиз жедай кьван кьадарда техилдай ацӀура, ва гьардан шешелдин винелай адан гимиш эхциг. 2ГъвечӀидан шешелда гимишдихъ галаз санал зи гимишдин жемни тур». КӀвал идара ийизвайда Юсуфа гьикӀ лагьанатӀа, гьакӀ вири кьилиз акъудна.
3Экв са жизви ачух хьанмазни, мугьманар чпин ламарни гваз кӀвализ рекье хутуна. 4Стхаяр шегьердин сергьятрилай элячӀна, амма гьеле яргъаз акъат тавунмаз, Юсуфа кӀвал идара ийизвай касдиз лагьана: «Тадиз абурун гуьгъуьниз алад! Агакьай чӀавуз лагь: „Вучиз куьне хъсанвилиз писвилелди жаваб гана? 5Вучиз зи гимишдин жем чуьнуьхна? Зи сагьибди адай хъвазвайди я. Гьада фал вегьезвайди я. Куьне чӀуру кӀвалах авуна!“»
6КӀвал идара ийизвайда абурув агакьарна ва вичиз эмир авурвал лагьана. 7Стхайри жаваб гана: «Вучиз, чи агъа, вуна икӀ лугьузва? Чавай, ви лукӀаривай, им ийиз жедай кар туш. 8Гьатта чи шешелра аваз жагъай гимишни Къенандай элкъвена ваз хканай эхир! Бес икӀ хьайила, яраб чна ви сагьибдин кӀваляй гимиш, я тушни къизил чуьнуьхда жал? 9Чакай садавай чуьнуьхнавайди жагъайтӀа, адаз кьиникьин жаза гурай, чун вири амайбурни ви лукӀар яз акъвазда». 10«Куьне лагьайвал хьурай, – жаваб гана кӀвал идара ийизвайда, – амма лукӀ анжах чуьнуьхнавайди жагъайдакай жеда, амайбур са манийвални авачиз кӀвализ хъфида».
11Стхайри тадиз чпин шешелар чилел авудна, абур ахъайна. 12КӀвал идара ийизвайди галай-галайвал, чӀехидалай гъвечӀидалди, абурун виридан шешелра къекъвена ва жем Бунъяминавай жагъана. 13Хажалатдин лишан яз стхайри чпел алай парталар къазунна, мад ламариз пар яна ва элкъвена шегьердиз хтана.
14 Ягьудни стхаяр хтай чӀавуз Юсуф кӀвале амай. Абур адан вилик метӀерал аватна, 15ва Юсуфа лагьана: «Квелай ихьтин кӀвалах ийиз гьикӀ алакьна? Квез зун хьтин инсан фал вегьинин карда устад тирди чидачирни кьван?» 16«Чавай чи сагьибдиз вуч лугьуз жеда? – лагьана Ягьуда. – Жув гьикӀ гьахъвилиз акъудда? Аллагьди чи гунагь дуьздал акъудна. Къедлай чун вири чи сагьибдин лукӀар я – гьам вичивай жем жагъайди, гьамни вири амайбур». 17«Ваъ, – лагьана Юсуфа, – ихьтин кӀвалах за ийидач! Нивай жем жагъанатӀа, гьам зи лукӀ жеда, куьн лагьайтӀа саламатдиз куь бубадин кьилив ахлад».
Ягьуд вичин стхадин тереф хуьниз экъечӀун
18И чӀавуз Ягьуд Юсуфан мукьув атана лагьана: «Зи агъа! Заз, ви лукӀраз, вахъ галаз рахадай ихтияр це. Закай, ви лукӀракай, хъел къвемир. Вунни фиръаван хьиз я эхир!
19Вуна, зи агъа, чавай, ви лукӀаривай, чахъ буба авани ва чахъ мадни стхаяр авани лагьана жузунай. 20Чнани жаваб яз ваз, чи сагьибдиз, бубадал чан аламайдакай, амма кьуьзуь хьанвайдакай, адахъ мад са гъвечӀи хва авайдакай ихтилат авунай. Им адан кьуьзуьвилин аял я. Адан дидедин аялрикай амайди са гьам я, адан стха кьена. Бубадиз ам гзаф кӀанда. 21Вунани чаз, ви лукӀариз, чи гъвечӀи стха ви кьилив гъун эмир авунай. 22Чна ваз, чи сагьибдиз, лагьанай хьи, ам бубадин патавай къакъудна жедач: ам къакъатун бубадин эхир жеда. 23Амма вуна чаз, ви лукӀариз, стха галачиз чун мад вилик пайда тахъхьурай лагьанай.
24Чун чи бубадин, ви лукӀран, патав хтайла, чна, зи жанаби, ви гафар адав агакьарнай. 25Бубади чун мад са тӀимил техил хкун патал эмир авурла, 26чна чавай гъвечӀи стха галачиз физ жедач, ам галачиз чаз гьич ви виликни пайда жедай ихтияр авачирди жаваб ганай. 27Ви лукӀ тир чи бубадини чаз икӀ лагьанай: „Квез чизва: зи папа заз кьве хва ханай. 28Сад квахьна. Зун гъавурда акьуна: ам вагьши гьайванри кукӀварна. Мад заз ам ахкунач. 29Гила куьне кьвед лагьайдини къакъудзава. Бес гьадан кьилелни са бедбахтвал атайтӀа вуч ийин? Куьн тахсир яз зун, рехи кьуьзек, гъамуни кана агъа дуьньядиз хъфида!“ 30Бес завай, – лагьана Ягьуда, – ви лукӀ зи бубадин патав ам акьван гуьр хьанвай хва галачиз хъфиз жедани? 31Бубадиз ам чахъ галачирди аквада ва чан гуда. Ва чи буба, ви лукӀ, рехи кьуьзек, чун тахсир яз гъамуни кана, агъа дуьньядиз хъфида! 32За, ви лукӀра, бубадин вилик кьил замин авуна, стха элкъвена хкведа лагьана хиве кьуна: „За ам кӀвализ хкун тавуртӀа, жуван уьмуьрдин эхирдалди зун бубадин вилик батӀул яз амукьда“. 33Гьавиляй зун ина ви лукӀ яз амукьрай! Ам лагьайтӀа, стхайрихъ галаз кӀвализ хъфирай. 34Завай ам галачиз кӀвализ хъфена, бубадин гъамуниз килигиз жедач!»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© Институт перевода Библии, 2010-2024