Насигьятар 31

Лемуэл паччагьдин мисалар

1Паччагь Лемуэлиз чан дадайи улупу гирами гафар.

2Эй, йиз бай! Эй, йиз багърум бай!

Эй, йишв-йигъди ккарагну узуз гъахьи бай!

3Мутуван яв кьувват дишагьлийириз,

паччгьар тӀараш апӀру хпарихъди махьан.

4Паччгьариз ваъ, Лемуэл,

паччгьариз лайикь дар чяхир убхъуб,

гьюкумдрариз лайикь дар чпиз ички абгруб;

5дарш убхъиди ва гьархди къанунар,

дюз сударихъ мягьрум апӀиди пай ктрудар.

6Тувай ички йикӀурайириз

ва чяхир – шлин гъяназ кьутӀкьалди вуш:

7убхъиди – кӀваълан гьархди касибвал,

чан бахтсузваликан хьибдар кӀваин.

8Гафар апӀуз даршлударихъанди гафар апӀин,

кьувватсузарин ихтиярарихъанди хъюгъ;

9дюзвалин тереф бис,

аьжузринна пай дурубкьурин ихтиярар бадали.

Ужур хпирин тяриф

10Ужур хпир – наан думу дихъидихъа?

Багьа ву думу вари жавагьирартӀан;

11жилирин хъугъʼвал дугъʼин ал.

Гьацир хпирихъди думу хайир дарди гъузидар.

12Дугъу жилириз ужуб апӀура, харжиб – ваъ,

чан уьмрин вари йигъари.

13Хьа хилиз гъадабгъишра, ир гъадабгъишра –

дугъан хилари ляхин абгура.

14Думу алвер апӀру гимиси ву –

ярхларианмина чан уьлин кьацӀ ккабалгура.

15Ахсрар ккивайиз думу гъудужвура –

хизандиз гьиврубдин гъайгъушнаъ духьна

ва гъараваш дишагьлийириз ляхин тувра.

16Лигиди хутӀлиз ва гъадабгъиди думу,

тӀумтӀин багъ ибтди, жафайиинди уч дапӀну пул.

17Думу кьувватлу ва ляхниин юкӀв алир ву,

кьувват убхьура дугъан хилариъ.

18Рябкъюра, алвер ужуйи гъябгъюрайиб –

ва ктӀубшвруб дар йишвнура дугъан лампа;

19хилар дугъан гьачӀарккура чухрайихьна,

хъа тӀубари деебтурадар хъибтрайи мурсул;

20хилин гагь ачухъди ву дугъан аьжузриз,

хил гьачӀабккна пай дурубкьурихьна.

21Хизандиз дугъан гучӀ адар абхьу йифкан –

вари хизан гъибиржна кьюб гъат парчайигъян;

22ахнариин илирчрудар дирхура,

чаинра алабхьна хьайинна ирин михек багьа палат.

23Гимихъ дугъан жилир аьгъя,

деъна думу жилир агъсакъларин арайиъ жилин чпин.

24Дирхура думу хпири ккурттар тувуз масу,

юкьвнаан идитӀру чӀулар алверчйириз ханаан.

25Гизаф а дугъаз кьувват ва гьюрмат,

ва шадди а думу улубкьурайи йигъʼин;

26ушвниъ дугъан – гаф аькьвлин,

ужувлан насигьятар – мелзниин;

27лигури шулу фици гъягъюраш хулаъ ляхнар,

ипӀурадар гьавайиди чан кьацӀ уьлин.

28Гъудужвуру веледар – тярифар апӀуру дугъан,

жилир дугъан ктӀарццурадар тярифарикан:

29«Гизаф гъахьнийи лайикьлу дишагьлийир,

аммаки уву варидартӀан зина гъахьунва!»

30Гюрчегʼвал кучӀлинуб, успагьивал ичӀиб шулу,

амма РАББИЙИХЬАН гучӀру хпирин ад ибшри;

31чан хъуркьувалариз дилигну,

гимихъ дугъан ляхнарин тяриф апӀинай!

လက္ရွိေရြးခ်ယ္ထားမွု

Насигьятар 31: ТабГК

အေရာင္မွတ္ခ်က္

မၽွေဝရန္

ကူးယူ

မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ

Гирами Китаб အေၾကာင္းကို ပို၍ သင္ယူပါ။