Насигьятар 30

Агур пайгъамбрин мисалар

1Якейин бай, пайгъамбар Агурин гафар.

Магьа мугъу Итиэлиз гъапидар, Итиэлиз ва Ухализ.

2ИкибаштӀан, вари инсанартӀан камир вуза

ва адмивалин фагьум узуъ адар,

3узу аькьюл гъудубгъур дарза

ва гирами аьгъюваларик кайир дарза.

4Фуж завʼина гъушну ва гъафну?

Шилхьан дебккуз гъабхьну гъурдаъ микӀ?

Шли гъюнарихъ хъипрубдигъян гъибиржну шид?

Шли дерккну гъирагъар жилин?

Дугъан ччвур фуж ву? Фуж ву ччвур дугъан балин?

Увуз аьгъяйвуз?

5Гьарсаб гаф марцциб ву Заанурин;

Думу – Гъалхан ву, Чак миж кайириз.

6Дугъан гафариин фукӀа мииливан,

даршиш уву иливнайиб Дугъу ачухъ апӀиди, ва уву кучӀлар апӀуб аьгъю хьибди.

7Кьюб мутму тӀалаб апӀураза Увкан,

узуз ваъ макӀан узу чӀивидимиди:

8ичӀи ва кучӀлин гаф ярхла апӀин узхьан,

я касибвал, я девлет узуз мутуван,

кадабтӀ узуз йиз пай уьлин кьацӀ;

9ацӀиган, узу Уву ярхла дарапӀуз,

дарпуз: «Хъа фуж ву думу – РАББИ?»,

вая, касиб гъахьиган, гьитӀитӀибкӀуз,

кфир апӀури ччвур Заанурин йиз.

10ЛукӀралан чӀуруб макӀан чан эйсийиз,

даршиш кубкӀдивук лукӀран гъапӀу агь.

11А гьацдар, абйириз агьрар апӀури,

бабариз ужʼвал ккун дарапӀди;

12а гьацдар, чпи марцциди гьисаб апӀури,

аммаки чпин нежсихьан дижрикӀди;

13а гьацдар, инсандиз заълансина лигрудар,

лигбари инсан асккан апӀрудар;

14а гьацдар, сппар – ханжларси,

шархьлар – йикк убкрурин гаркӀларси,

инсанарин арайиъ айи касибар итӀуз

ва пай дурубкьдар дюнʼяйилан илдитуз ккунидар.

15Кьюб бицӀи зили а – «ча! ча!» кӀурудар.

Шубуб мутму гьич ацӀидар,

ва юкьубпибдира «чӀяаьн!» пидар:

16гъачӀидарин дюнʼя,

бицӀир даршлу дишагьли,

гьич затра штухьди адрабцӀру жил,

ва зат «чӀяаьн!» даркӀру цӀа.

17Эгер ул, кялхъруси чан адашдиз либгураш,

ва чан дадара фужкӀа дарди гьисаб апӀураш –

думу удубдиди дерейиъ хъюттари,

итӀиди дицир люкьяри.

18Шубуб мутмуйи узу гъах апӀуразу,

ваъ, юкьубдин – узу гъавриъ адарза:

19аьршариъ айи люкьран жилгъайин,

гъарзарик кайи битӀран жилгъайин,

гьюлин кьялаъ айи гимийин жилгъайин,

шурахьна жилижвуван жилгъайин.

20Хъа чӀат ул айи дишагьлийин жилгъа гьамциб ву:

дугъу ипӀиди, кӀвантӀар марцц апӀиди

хъа пиди: «ФукӀара узу чӀуруб гъапӀундарза».

21Шубуб мутмуйи гукӀни апӀура жил

ва юкьубпибра дидхьан гьял апӀуз шуладар:

22паччагь шуз хъюгъю лукӀ;

ипӀрубдихьди фун абцӀу авам;

23швуваз гъушу чӀуру хасиятнан дишагьли;

чан ханумдин йишв гъибису гъараваш дишагьли.

24Ал жилиин юкьуб бицӀи мутму,

аммаки дурар аькьюл айидартӀан аькьюл айидар ву:

25зимзар – бицӀи халкьсиб, пузкьан кьувватлу даруб,

хъа ипӀруб уч апӀура хьад кмиди;

26даманар#30:26 Ближний Востокдиъ шлу, гъарзариъ мукьар апӀру гьяйванатар. – бицӀи халкьсиб, пузкьан мюгькам даруб,

хъа мукьар апӀуру гъарзарин арйириъ;

27цицӀар, паччагь адру,

аммаки сабхилди дурар гъедергуру;

28чурчул, хилиъ гъадабгъуз шлу,

аммаки думу паччгьарин ужагъариъра шулу.

29Шубурин магьа, гъягъбан успагьи саягъ,

ваъ, юкьурин – фукьан заанди ликар алдагърудар дарин:

30аслан – гьяйванатарин арайиъ гужли – саризра диди рякъ тувидар;

31датт – пеэрин кӀулʼин;

кьун – лижан улихь;

паччагь – кьушмин кӀулиъ.

32Эгер абдалвалиан уву яв тяриф гъапӀнуш,

эгер чӀуруб апӀуз ният гъапӀнуш –

хилин гагьнахьди яв ушв чӀюбкь,

33фицики хах гъутӀубччвган, шулайиб ву кӀаму,

хъюхъниз гъивган, удубчӀвурайиб ифи ву,

ва хъял адапӀган, арайиз гъюрайидар гъярхьувалар ву.

လက္ရွိေရြးခ်ယ္ထားမွု

Насигьятар 30: ТабГК

အေရာင္မွတ္ခ်က္

မၽွေဝရန္

ကူးယူ

မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ

Гирами Китаб အေၾကာင္းကို ပို၍ သင္ယူပါ။