Насигьятар 28

1ФужкӀа хъергнадаршра, гьякьсуз йишвʼин кдисурдар,

хъа гьякьлур, асланси, ижмиди дийигънайир ву.

2Гьюкумат бикьурайиган гизаф шулу гьюкумдрар,

хъа фикирлу ва зигьимлу гьюкумдарихъди уьлке ккадабхъидар.

3Аьжузариз илзигру касиб кас,

гъурзу хутӀлар гъахру сел гьисаб ву.

4КӀваълан гьапӀнайири Къанун гьякьсузарин тяриф апӀура,

хъа думу уьбхрур дурарихъди женгнаъ а.

5Пис инсанар гъавриъ адар дюзвалин,

РАББИ агурайидар гъавриъ ахъди дидин.

6Марцциди яшамиш шулайи касиб кас ужуди ву,

дугъри дару девлетлутӀан.

7Фикирлу бали Къанун тамам апӀура,

ичӀи адмийирихъди хъайири чан адаш беябур апӀура.

8Буржназ пул туври гьаддилан ацӀрайирин девлет

тувди касибарин гъайгъу кайириз.

9Къанундин гафар ерхьуз даккнирин

ккарагубра ву хявишин.

10Дюз касар пис рякъюхъ хъаърур чав гъапӀу ичӀазди ахъур,

хъа кацӀну адруриз хьибди ужувлан пай.

11Девлетлуйиз учв аькьюл айирси рякъюра,

хъа фикирлу касибур дугъан гъавриъ ахъди.

12Гъалиб шулу гьякьлуйир – шадвалин гьарайра абхъру;

гьякьсузар гъуллугъарихь дерккруган, адмийир, ачмиш даршули, гьитӀикӀури шулу.

13ГьитӀибкӀарва яв гуннагь – ужубдиз миккилиган;

кӀулʼина гъадабгъарва ва тина апӀарва – хил алдабгъиди увлан.

14Бахтавар ву РАББИЙИЗ гьаммишан гьюрмат айир,

хъа ахъди балайиъ инкар юкӀв айир.

15Аслан ккярябгъюрайи, швеъ деллу дубхьнайи,

гьацир ву пис гьюкумдар касиб халкьдиз.

16Абдал гьюкумдри артухъди илзигури шулу,

хъа ярхи хьиди йигъар илзигуб даккнирин.

17Инсан йикӀбягъ гъяйир

йикӀайизкьан тӀиркӀури хьиди,

гъит сарира дицириз кюмек дарапӀри.

18Марцциди яшамиш шулайириз хатӀа хьибдар,

терсди гъягъюрайир чаз хабар дарди алдакиди.

19Жил тартиб апӀрур хьиди тухъ,

хъа фуж ичӀибдихъ хъергнаш, аьжузвал хътюбкьиди.

20Варжбан ужувлакк кка инсан вафалу,

хъа девлетнахъ хъачӀарккнайир жазайиккан ккутӀурччвидар.

21Майил апӀуб ужуб ляхин дар –

саб тики уьл бадалира инсанди нягьякьвал апӀури шулу.

22Девлетлу хьуз гьялак ву тямягькар,

хъа кьяляхъди аьжузвал хъайиб аьгъдар.

23Тягьна кипбаз артухъди чухсагъул пидивуз,

иблисвалин гафаризтӀан.

24«Дици апӀбаъ гуннагь адар», кӀури,

адашна дада хътитӀурайир,

тӀарашчйирин ву терефкар.

25Тямягькар адмийи гьязур апӀура гъяувалар,

хъа РАББИЙИИН хъугъʼвал алир ужувлаъ а.

26ЖвувʼинтӀан хъугъвал алдрур абдал ву,

хъа аькьвлин жилгъйириъди гъярайир, уьрхиди.

27Касибриз капӀрайирин хътӀабццидар,

хъа касибвал дярябкъюз улар уьлчӀюкьнайири артухъ апӀура чаз агьрар.

28Зина удучӀвру гьякьсузарихьан инсанари гъирагъ йивуру,

дурар гъачӀиган, гьякьлуйир артухъ шулу.

လက္ရွိေရြးခ်ယ္ထားမွု

Насигьятар 28: ТабГК

အေရာင္မွတ္ခ်က္

မၽွေဝရန္

ကူးယူ

မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ

Гирами Китаб အေၾကာင္းကို ပို၍ သင္ယူပါ။

Насигьятар 28