Насигьятар 18
18
1Адмийирихьан жаради яшамиш шулайири чаз ккуниб апӀура,
тувру насигьятар гьадаури тина.
2Абдлиз фикир апӀуб кьабулди дар,
ккунду дугъаз фикриинди фурс апӀуз.
3Писвалихъан гъибди даккнишин,
хъа намус ктрувалихъан гъибди аьйиб.
4Адмийин гафар – дерин штар,
булагъ аькьвлин – ебчурайи шид.
5Суддиъ писуриз кюмек апӀуб
вая гьякьлурин дюз суд дарапӀуб пис ляхин ву.
6Абдлин мелзну гьюжатариз адапӀиди,
дугъан мучӀмучӀи йивбарихъ хъаъди.
7Улхбариъ абдлин – чан аьжал,
чав ахърушв – чан ушв.
8Футнакрин улхбар иццишинси ву,
ва адмийири дурар итӀури шулу.
9ТӀагъруди лихрур
дабгърурик гьисаб ву.
10РАББИЙИН ччвур – зурба чӀвурд:
гьякьлур душваъ гьитӀикӀиди ва хьибдар дисуз.
11Девлетлуйиз девлет гъаласи ву, дугъаз думу учв уьрхру ижми цалси гьибгъру.
12Жвув заанди улупрур ктахъиди,
хъа фурс ктрур адлу хьиди.
13ГьубкӀну хъпехъайиз жаваб тувуб –
анжагъ ахмакьвална аьйибтӀан дар.
14Жвуван ижми рюгьну ккабгъди уьзур,
хъа фици хьибди, рюгь дюбгънаш?
15Фикирлуйин юкӀву аьгъювалар уч апӀура,
аькьюл айидарин ибари аьгъювалар агура.
16Рушʼватну ачмиш апӀиди жилгъа
ва абццди рякъ гьюкум айидарихьна.
17Суддиз сарпирди илтӀикӀур гьякь ву –
тмунур гьюжатнаъ учӀвайиз.
18Тпутди гьюжатар дерккру
ва гъярхьнайи кьувватлу касар мясляаьтназ хуру.
19Гиран дубхьнайи гъардаш ижмиди дийибгънайи гъалайик гьисаб ву,
хъа гъалмагъал хъяркьнайи урнарик гьисаб ву.
20Инсандин уьмур чав гъапи гафарилан асиллу шулу:
мелзниинди гъазанмиш гъапӀубди яшамиш хьуз гъитру.
21Уьмурна аьжал – мелзнан гьюкмиъ а,
ва мелзнан дустру мелзнан йимиш ипӀиди.
22Хпир гъидихъуриз – хазна дибихъна ва РАББИ дицириин разиди шулу.
23Касибрин гафариъ миннатвал а,
девлетлуйин жавабнаъ гъагъивал а.
24Гизаф дустар хъайириз рягьятди шулдар,
вушра саспиган сар дустран ккунивал багъри чвуччвунтӀан ижмиб шулу.
လက္ရွိေရြးခ်ယ္ထားမွု
Насигьятар 18: ТабГК
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© Институт перевода Библии, 2010, 2013, 2016, 2018, 2023
Насигьятар 18
18
1Адмийирихьан жаради яшамиш шулайири чаз ккуниб апӀура,
тувру насигьятар гьадаури тина.
2Абдлиз фикир апӀуб кьабулди дар,
ккунду дугъаз фикриинди фурс апӀуз.
3Писвалихъан гъибди даккнишин,
хъа намус ктрувалихъан гъибди аьйиб.
4Адмийин гафар – дерин штар,
булагъ аькьвлин – ебчурайи шид.
5Суддиъ писуриз кюмек апӀуб
вая гьякьлурин дюз суд дарапӀуб пис ляхин ву.
6Абдлин мелзну гьюжатариз адапӀиди,
дугъан мучӀмучӀи йивбарихъ хъаъди.
7Улхбариъ абдлин – чан аьжал,
чав ахърушв – чан ушв.
8Футнакрин улхбар иццишинси ву,
ва адмийири дурар итӀури шулу.
9ТӀагъруди лихрур
дабгърурик гьисаб ву.
10РАББИЙИН ччвур – зурба чӀвурд:
гьякьлур душваъ гьитӀикӀиди ва хьибдар дисуз.
11Девлетлуйиз девлет гъаласи ву, дугъаз думу учв уьрхру ижми цалси гьибгъру.
12Жвув заанди улупрур ктахъиди,
хъа фурс ктрур адлу хьиди.
13ГьубкӀну хъпехъайиз жаваб тувуб –
анжагъ ахмакьвална аьйибтӀан дар.
14Жвуван ижми рюгьну ккабгъди уьзур,
хъа фици хьибди, рюгь дюбгънаш?
15Фикирлуйин юкӀву аьгъювалар уч апӀура,
аькьюл айидарин ибари аьгъювалар агура.
16Рушʼватну ачмиш апӀиди жилгъа
ва абццди рякъ гьюкум айидарихьна.
17Суддиз сарпирди илтӀикӀур гьякь ву –
тмунур гьюжатнаъ учӀвайиз.
18Тпутди гьюжатар дерккру
ва гъярхьнайи кьувватлу касар мясляаьтназ хуру.
19Гиран дубхьнайи гъардаш ижмиди дийибгънайи гъалайик гьисаб ву,
хъа гъалмагъал хъяркьнайи урнарик гьисаб ву.
20Инсандин уьмур чав гъапи гафарилан асиллу шулу:
мелзниинди гъазанмиш гъапӀубди яшамиш хьуз гъитру.
21Уьмурна аьжал – мелзнан гьюкмиъ а,
ва мелзнан дустру мелзнан йимиш ипӀиди.
22Хпир гъидихъуриз – хазна дибихъна ва РАББИ дицириин разиди шулу.
23Касибрин гафариъ миннатвал а,
девлетлуйин жавабнаъ гъагъивал а.
24Гизаф дустар хъайириз рягьятди шулдар,
вушра саспиган сар дустран ккунивал багъри чвуччвунтӀан ижмиб шулу.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© Институт перевода Библии, 2010, 2013, 2016, 2018, 2023