Sawmus 70
70
Uya parak abet nuhawkan kuri
1Kiyavwiye Uhokri, uya amnihun parak abet nuhawkan kuri!
2Kahadbe ignes ku pariye aharitnevwi nuwmepten igkis marekepkankis pahatye giminkis. Kahadbe igkis bisikbetwikis awaku igkis marekepkankis, awaku igkis hahwa, ignes ku pariye batekyevwi akak ku samah nah wakaymniye.
3Ignes ku pariye miyathan igis kis adahan igkis marekevwebdi. Hawata adahan gihawkankis matekbet.
4Ayge nikwe neras ku pariye pivegvetnivwi ik adahan igkis karisaw. Hawata madikte ku pariye batekyevwi akak pamnihakni udahan igkis awnanek avanenekwa: “Kiyavwiye Uhokri ig ka gikiytanisima!”
5 Ku akak inin nah kewa madiptivyebe ku pariye yumanene arikna gimun. Heneme pis, Kiyavwiye, uya avuriwhun! Uya parak abet nuhawkan. Ka ba ayivwihwa. Mmanawa pisnewa namnihten, Kiyavwiye nuwohkiga.
လက္ရွိေရြးခ်ယ္ထားမွု
Sawmus 70: pluPB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018, Wycliffe Bible Translators, Inc. All rights reserved.