Sawmus 67
67
Ahawkanavrik ahiwviki
1Kiyavwiye Uhokri, amnihnaba usuh. Sarayhnaba kabayka uvitit. Iveg womkanit akak pabay.
2Ini pamihra hiyapkanek gavitkis madikte hiyegviyenevwi. In humawnek areketni gitkis ku samah pis muwaka igkis wew avigkutavrik ku samah pimawkan.
3Amawka ignes hiyegviyenevwi kabayhap, Kiyavwiye! Amawka madikte hiyegviyenevwi kabayhap!
4Amawka igkis madikte batekyekuyes adahan igkis peknekuyes akak batekka. Mmanawa pisnewa hiyak gikakkis madikte hiyegviyenevwi avigkutavrik waditka. Pisnewa huwitha gaymahwankis.
5Amawka ignes hiyegviyenevwi kabayhap, Kiyavwiye! Amawka madikte hiyegviyenevwi kabayhap!
6Kibeyne, kuwis danuh ahawkanavrik adahan ahiwviki. Kibeyne, ig Kiyavwiye Uhokri, ku pariye uwohkigawiy, ig ike wotwiy ka aynsima kabayka.
7Ig ike kabayka wotwiy wixwiy madikte. Kibeyne, kuwis danuh ahawkanavarik adahan hiyegviyenevwi niyesri inin waxri kiyathig, adahan igkis avis abohri gitaraksankis gikak.
လက္ရွိေရြးခ်ယ္ထားမွု
Sawmus 67: pluPB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018, Wycliffe Bible Translators, Inc. All rights reserved.