Púcook 5
5
Ataam keesokoo maamaa fo ti Nowe
1Ehe heekiicee ha kiti Ataam niŋ keesokoo maamaa. Ta Pútuun pa mpiliile ta pakan mpíhinii kápuful po. 2Mpiliilii áyiin niŋ aal mpisampanii mpuluwii caacaw ca “pakan” ti hinoom eeha mpiliilii ha.
3Ataam ta naataake ta sitiil keme niŋ áwii niŋ ŋaasuwan (130), naapuk cikampaani céefuloo naalu co caacaw ca Set. 4Pamuusal hipukuyee ha hiti Set, Ataam nene aloŋ sitiil sikeme isak niŋ síhaaciil (800) naapuk pakakee epuuk pikampaani niŋ púmaacul. 5Ataam eloŋoo púlooŋ neeyeno sitiil sikeme isak niŋ sipaakiil niŋ áwii niŋ ŋaasuwan (930). Púful toko naaket.
6Set ta naataake ta sitiil keme niŋ isak (105) naapuk cikampaani naalu co caacaw ca Enos. 7Pamuusal hipukuyee ha hiti Enos, Set nene aloŋ sitiil sikeme isak niŋ síhaaciil niŋ isak niŋ súsupak (807) naapuk pakakee epuuk pikampaani niŋ púmaacul. 8Set eloŋoo púlooŋ neeyeno sitiil sikeme isak niŋ sipaakiil niŋ ŋaasuwan niŋ súsupak (912). Púful toko naaket.
9Enos ta naataake ta sitiil áwii epaakiil niŋ ŋaasuwan (90) naapuk cikampaani naalu co caacaw ca Kenan. 10Pamuusal hipukuyee ha hiti Kenan, Enos nene aloŋ sitiil sikeme isak niŋ síhaaciil niŋ kaat (815) naapuk pakakee epuuk pikampaani niŋ púmaacul. 11Enos eloŋoo púlooŋ neeyeno sitiil sikeme isak niŋ sipaakiil niŋ isak (905). Púful toko naaket.
12Kenan ta naataake ta sitiil áwii éhaaciil niŋ ŋaasuwan (70) naapuk cikampaani naalu co caacaw ca Mahalaleel. 13Pamuusal hipukuyee ha hiti Mahalaleel, Kenan nene aloŋ sitiil sikeme isak niŋ síhaaciil niŋ áwii ésupak (840) naapuk pakakee epuuk pikampaani niŋ púmaacul. 14Kenan eloŋoo púlooŋ neeyeno sitiil sikeme isak niŋ sipaakiil niŋ ŋaasuwan (910). Púful toko naaket.
15Mahalaleel ta naataake ta sitiil áwii éhaaciil niŋ isak (65) naapuk cikampaani naalu co caacaw ca Yelet. 16Pamuusal hipukuyee ha hiti Yelet, Mahalaleel nene aloŋ sitiil sikeme isak niŋ síhaaciil niŋ áwii niŋ ŋaasuwan (830) naapuk pakakee epuuk pikampaani niŋ púmaacul. 17Mahalaleel eloŋoo púlooŋ neeyeno sitiil sikeme isak niŋ síhaaciil niŋ áwii epaakiil niŋ kaat (895). Púful toko naaket.
18Yelet ta naataake ta sitiil keme niŋ áwii éhaaciil niŋ súsupak (162) naapuk cikampaani naalu co caacaw ca Enok. 19Pamuusal hipukuyee ha hiti Enok, Yelet nene aloŋ sitiil sikeme isak niŋ síhaaciil (800), naapuk pakakee epuuk pikampaani niŋ púmaacul. 20Yelet eloŋoo púlooŋ neeyeno sitiil sikeme isak niŋ sipaakiil niŋ áwii éhaaciil niŋ súsupak (962). Púful toko naaket.
21Ta Enok naataake ta sitiil áwii éhaaciil niŋ isak (65) naapuk cikampaani naalu co caacaw ca Metuselah. 22Pamuusal hipukuyee ha hiti Metuselah, Enok naacok pítin pa piti Pútuun pa fo sitiil sikeme síhaaciil (300) naataak pakakee epuuk pikampaani niŋ púmaacul. 23Enok eloŋoo púlooŋ neeyeno sitiil sikeme síhaaciil niŋ áwii éhaaciil niŋ isak (365). 24Enok naacok pítin pa piti Pútuun pa, hikee hinoom nene acukutee kaatuko Pútuun pa píseepinoo patiila.
25Metuselah ta naataake ta sitiil keme niŋ áwii epaakiil niŋ isak niŋ súsupak (187) naapuk cikampaani naalu co caacaw ca Lemek. 26Pamuusal hipukuyee ha hiti Lemek, Metuselah nene aloŋ sitiil sikeme isak niŋ súsupak niŋ áwii epaakiil niŋ súsupak (782), naataak pakakee epuuk pikampaani niŋ púmaacul. 27Metuselah eloŋoo púlooŋ neeyeno sitiil sikeme isak niŋ sipaakiil niŋ áwii éhaaciil niŋ isak niŋ sipaakiil (969). Púful toko naaket.
28Ta Lemek naataake ta sitiil keme niŋ áwii epaakiil niŋ súsupak (182) naapuk cikampaani. 29Naalu co caacaw ca Nowe (ekina eyem “kayihan”), naasok: “Ateeteyo añanaañan etaam ya, pale cikampaani ence eficiyihan unaa ti ñáhin unaa niŋ ti ñíyoka eñña nuuñaŋaa ña hicuku.” 30Pamuusal hipukuyee ha hiti Nowe, Lemek nene aloŋ sitiil sikeme isak niŋ áwii epaakiil niŋ kaat (595), naapuk pakakee epuuk pikampaani niŋ púmaacul. 31Lemek eloŋoo púlooŋ neeyeno sitiil sikeme isak niŋ súsupak niŋ áwii éhaaciil niŋ kaat niŋ súsupak (777). Púful toko naaket.
32Ta Nowe naataake ta sitiil sikeme isak (500), naapuk epuuk pákayiin pákahaaciil poko kayem: Sem, Ham niŋ Yafet.
လက္ရွိေရြးခ်ယ္ထားမွု
Púcook 5: KRX
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
(Active) © Wycliffe Bible Translators, Inc