BOTHUBO 43
43
Benjamin sasu Ijiplo Ighi
1Puqumiye keu Kanan yeghilo ihulo keu shi auve. 2Jakob nobolomiqono Ijip lo pu-lu pughi keu athi kumtsu chukhave kethiu, Jakob no pa nuliqo vilo pi, “Itaghi wuno ningu ghenguno achuqupu ta qhusu ghilo.” 3Tile Juda no pa khochile ghi pi, “Timi huno nivilo tsatsayi piveake, ningu thikuzuu nigholo saghimo aye khilemu ninguye pasasu kushomla putsae pivae. 4Tsala nono ni thikuzuu ni gholo puwu aye ninguno iqino achuqupu qhusuwo otsuni, 5ikemu nono pa puwumo aye ninguye iqimoe, kughengu timi huno ishi pivae, ‘Nongu thikuzuu nongu gholo ighimo aye nonguye khilemu isasu kushomlae!’ ” 6Israil no pi, “Nonguye kushiye ishi ipeithapusa cheni kya? Kushini aye timi tipau vilo nonguye athikuzuu kutau lakhi anie piwu kya?” 7Panonguno pi, “Timi huno vejoi ni vehu eno nibolomi vehu inijuno ishi pie, ‘Nongu papu ye xu aphi kesha? Nonguye athikuzuu kutau ani kesha?’ Ninguye pano iniju keu khochile ake thono ninguye pano nithikuzuu sasu iqighilo pini keu ithi ake sha?” 8Tishieno Juda no papuh Israil vilo pi, “Appu igholo puwulo eno ninguno kutopesu wunie. Tishi anguno ningu ghi noghi eno ningu tianuli akhuava lono thimono xulu kepushinie. 9Ikuxu no pa zuqhu shinie eno ipelo pa ghenguno amakho pu pelo. Tsala olau ino pa sachile saghino ozulo qhitsumo aye, ikuxu kupuju ozulo angsu shipenie. 10Ninguno kunachope ngomoke aye ninguye itehi pha ghuthu kini ideve aghini cheke.”
11Ike panongu papu Israil no panongu vilo pi, “Tishikepu shiaye hi shilo, niyeghi lono ipeghikeu akini pesu timi hu agho chhekepushi nongu kholo hipaqo supulo: i-yikeu ta kitila, akhingozu kitila, axokutsungu ta ngo vekutsungu kepu mukhu, almon lothi ngo thaithi lothi toikeu ngo ishi. 12Eno pisa puzuu pewu keu jehi ghuthu kini lulo, kughengu nongu pulukholo puideghi keu pisa hu tsuchile maye sake, kumsujukelo tiye jupicheve keniake. 13Nongu thikuzuu sasu kutopesu timi lau idewujulo. 14Tuchomujokulu Lhou no timi tipau pelo nongu shou kimiyeqhiyi keu apeni, tishianguno timi tipau pelo nongu thikuzuu hula qhivekeu ngo Benjamin ngo ishi kighidepuwo vetsu penie. Pama puhave aye niye amlo ghimepu sholuniae!” 15Ikehu panonguno agho chhekepuqo ngo pisa puzuu nguno ghuthu kini kutopu eno Benjamin ngo ishi sasu Ijip lo wue eno Josef sasu kushoniye pa zulo ighi.
16Kughou Josef no pamunoqo gholo Benjamin ithulu keno, pakilo aqemi gholo atou vilo pi, “Timi hipaqo akilo saghilo, lhoxu lakhi heqhi no kuchukusho kutolo, kughengu timi hipaqoye puchou igholo kuchukusho shinani.” 17Aqeu no Josef no pavilo pikeu hutoi shi eno timi tipaqo Josef kilo sawuve.
18Josef kilo sawuve kelo, panonguye musave eno panonguno ishi kumsuve, “Atughiu ighi kelo pisa ni kholo tsuchile puwove aghikeu ghengu lono hilau ningu saghi anie. Tishianguno paye kiuala ningu nguku puzu kughaluveno ningu pe aqemi shive eno ningu wu gadahaqo luve ishiniye hile saghivae.” 19Ikehu panonguno Josef kilo aqemi peitha chekeu lau ighi eno ahukikha lono pa putsaghi pi, 20“Akijeu, atughulo ninguye achuqupu qhuniye ighike. 21Ike ningu no aghazulo zuniye ningu pulukho lhapeju kelauye pututa wu pisa pututa pulukho kichilo aghie, khije keno tipa qhemi aghi ike ninguno itaghi tipaqo pechilesu ighi anie. 22Itaghi achuqupu qhunike pisa kutau pesu iqighi anie. Khuuno ningu wu pisa ni pulukholo tsuchile puwovekela ninguye mthae.” 23Aqeu no pi, “Nongu mulo kusapu kuhae, musa kevilo. Nongu puasu Lhou no nongu pulukholo akini kusu puaghi tsuake. Niye nonguno atughulo tsukeu me ithuluveake.” Tishieno pano panongu pamu Simon saghi.
24Aqeu no Josef kilo panongu saghino apukhu qhu peniye azutsue. Pano panongu wu gadahaqo ghi kughulhutsu. 25Josef no puchou ighini chekelo panonguno agho chhekepu kutope ngokhe, kughengu panonguye tilau kuchu kusho shipeni cheniepi panonguno chiluke. 26Kughou Josef no akilo ighi keno panonguno agho chhekepu pesu pa lau akilo ighi no pazulo pishiqho itsaiqi agigihu tsue. 27Pano panonguye kiutoi akhani kela inijuno pi, “Nongu no ivilo piakeu nongu papu amuchou huye akivishi anima? Paye xu aphi kesha?” 28Panonguno khochile pi, “Ningu papu oqeu huye itehi kuto xu aphie eno akivishi anie.” Panonguno khoqhunheno itsaiqi agigihu patsu. 29Josef no pishipuwo pa thikuzuu Benjamin pama aza lakhi nu ithulu puzu pi, “Hino nongu thikuzuu anipau kenia nalae, nonguno ivilo pi akeu hu.” Josef no pi “Appu, Alhou no okumghatsu peni.” 30Josef no kakashi wuve, kughengu pa thikuzuu kumsukeu lono pamlo kighishi ihulokeu shive. Ikehu pano qah nikeu-a phuwuve eno pa zuabolo ilono tilano qah ae. 31Pano pagi phaveno ipeghive eno pamlo kighishi suchileluve pazu achuqupu kutope qhiwolo pi ahza tsu. 32Ikehu aqemiqono Josef kutashi palikhi kutotsu, eno pa thikuzumiqono kutaulo kuto tsu. Ijipmi tile pagholo chuakemiqo kutashi kutaulo kuto tsue, kughengu Ijipmiye Ibrimi gholo kumtsa kuchu kusho shimo nani kehu, Ijipmi ghenguno tiye kuthakugha pue. 33Ike pa thikuzumiqoye Josef gizulo kughuqa. Anoghiu lono ayitiu kutolo akichiu ayitiu shighi apasu shi kughuqae. Panongu kishi kughuqawo kela ithulu puzu panonguye lakhino lakhi juno akumza ae. 34Josef ghulhua lono milakhi khi sala achuqupu kepewo qhitsu ape eno Benjamin salaye kutamiqo sala nguno ghuthu punguno alau shi kepewo qhitsupe. Ike panonguno pa gholo chu shoae eno panongu kumtsu aloinoluve.
လက္ရွိေရြးခ်ယ္ထားမွု
BOTHUBO 43: SUMIBSI
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
BOTHUBO 43
43
Benjamin sasu Ijiplo Ighi
1Puqumiye keu Kanan yeghilo ihulo keu shi auve. 2Jakob nobolomiqono Ijip lo pu-lu pughi keu athi kumtsu chukhave kethiu, Jakob no pa nuliqo vilo pi, “Itaghi wuno ningu ghenguno achuqupu ta qhusu ghilo.” 3Tile Juda no pa khochile ghi pi, “Timi huno nivilo tsatsayi piveake, ningu thikuzuu nigholo saghimo aye khilemu ninguye pasasu kushomla putsae pivae. 4Tsala nono ni thikuzuu ni gholo puwu aye ninguno iqino achuqupu qhusuwo otsuni, 5ikemu nono pa puwumo aye ninguye iqimoe, kughengu timi huno ishi pivae, ‘Nongu thikuzuu nongu gholo ighimo aye nonguye khilemu isasu kushomlae!’ ” 6Israil no pi, “Nonguye kushiye ishi ipeithapusa cheni kya? Kushini aye timi tipau vilo nonguye athikuzuu kutau lakhi anie piwu kya?” 7Panonguno pi, “Timi huno vejoi ni vehu eno nibolomi vehu inijuno ishi pie, ‘Nongu papu ye xu aphi kesha? Nonguye athikuzuu kutau ani kesha?’ Ninguye pano iniju keu khochile ake thono ninguye pano nithikuzuu sasu iqighilo pini keu ithi ake sha?” 8Tishieno Juda no papuh Israil vilo pi, “Appu igholo puwulo eno ninguno kutopesu wunie. Tishi anguno ningu ghi noghi eno ningu tianuli akhuava lono thimono xulu kepushinie. 9Ikuxu no pa zuqhu shinie eno ipelo pa ghenguno amakho pu pelo. Tsala olau ino pa sachile saghino ozulo qhitsumo aye, ikuxu kupuju ozulo angsu shipenie. 10Ninguno kunachope ngomoke aye ninguye itehi pha ghuthu kini ideve aghini cheke.”
11Ike panongu papu Israil no panongu vilo pi, “Tishikepu shiaye hi shilo, niyeghi lono ipeghikeu akini pesu timi hu agho chhekepushi nongu kholo hipaqo supulo: i-yikeu ta kitila, akhingozu kitila, axokutsungu ta ngo vekutsungu kepu mukhu, almon lothi ngo thaithi lothi toikeu ngo ishi. 12Eno pisa puzuu pewu keu jehi ghuthu kini lulo, kughengu nongu pulukholo puideghi keu pisa hu tsuchile maye sake, kumsujukelo tiye jupicheve keniake. 13Nongu thikuzuu sasu kutopesu timi lau idewujulo. 14Tuchomujokulu Lhou no timi tipau pelo nongu shou kimiyeqhiyi keu apeni, tishianguno timi tipau pelo nongu thikuzuu hula qhivekeu ngo Benjamin ngo ishi kighidepuwo vetsu penie. Pama puhave aye niye amlo ghimepu sholuniae!” 15Ikehu panonguno agho chhekepuqo ngo pisa puzuu nguno ghuthu kini kutopu eno Benjamin ngo ishi sasu Ijip lo wue eno Josef sasu kushoniye pa zulo ighi.
16Kughou Josef no pamunoqo gholo Benjamin ithulu keno, pakilo aqemi gholo atou vilo pi, “Timi hipaqo akilo saghilo, lhoxu lakhi heqhi no kuchukusho kutolo, kughengu timi hipaqoye puchou igholo kuchukusho shinani.” 17Aqeu no Josef no pavilo pikeu hutoi shi eno timi tipaqo Josef kilo sawuve.
18Josef kilo sawuve kelo, panonguye musave eno panonguno ishi kumsuve, “Atughiu ighi kelo pisa ni kholo tsuchile puwove aghikeu ghengu lono hilau ningu saghi anie. Tishianguno paye kiuala ningu nguku puzu kughaluveno ningu pe aqemi shive eno ningu wu gadahaqo luve ishiniye hile saghivae.” 19Ikehu panonguno Josef kilo aqemi peitha chekeu lau ighi eno ahukikha lono pa putsaghi pi, 20“Akijeu, atughulo ninguye achuqupu qhuniye ighike. 21Ike ningu no aghazulo zuniye ningu pulukho lhapeju kelauye pututa wu pisa pututa pulukho kichilo aghie, khije keno tipa qhemi aghi ike ninguno itaghi tipaqo pechilesu ighi anie. 22Itaghi achuqupu qhunike pisa kutau pesu iqighi anie. Khuuno ningu wu pisa ni pulukholo tsuchile puwovekela ninguye mthae.” 23Aqeu no pi, “Nongu mulo kusapu kuhae, musa kevilo. Nongu puasu Lhou no nongu pulukholo akini kusu puaghi tsuake. Niye nonguno atughulo tsukeu me ithuluveake.” Tishieno pano panongu pamu Simon saghi.
24Aqeu no Josef kilo panongu saghino apukhu qhu peniye azutsue. Pano panongu wu gadahaqo ghi kughulhutsu. 25Josef no puchou ighini chekelo panonguno agho chhekepu kutope ngokhe, kughengu panonguye tilau kuchu kusho shipeni cheniepi panonguno chiluke. 26Kughou Josef no akilo ighi keno panonguno agho chhekepu pesu pa lau akilo ighi no pazulo pishiqho itsaiqi agigihu tsue. 27Pano panonguye kiutoi akhani kela inijuno pi, “Nongu no ivilo piakeu nongu papu amuchou huye akivishi anima? Paye xu aphi kesha?” 28Panonguno khochile pi, “Ningu papu oqeu huye itehi kuto xu aphie eno akivishi anie.” Panonguno khoqhunheno itsaiqi agigihu patsu. 29Josef no pishipuwo pa thikuzuu Benjamin pama aza lakhi nu ithulu puzu pi, “Hino nongu thikuzuu anipau kenia nalae, nonguno ivilo pi akeu hu.” Josef no pi “Appu, Alhou no okumghatsu peni.” 30Josef no kakashi wuve, kughengu pa thikuzuu kumsukeu lono pamlo kighishi ihulokeu shive. Ikehu pano qah nikeu-a phuwuve eno pa zuabolo ilono tilano qah ae. 31Pano pagi phaveno ipeghive eno pamlo kighishi suchileluve pazu achuqupu kutope qhiwolo pi ahza tsu. 32Ikehu aqemiqono Josef kutashi palikhi kutotsu, eno pa thikuzumiqono kutaulo kuto tsu. Ijipmi tile pagholo chuakemiqo kutashi kutaulo kuto tsue, kughengu Ijipmiye Ibrimi gholo kumtsa kuchu kusho shimo nani kehu, Ijipmi ghenguno tiye kuthakugha pue. 33Ike pa thikuzumiqoye Josef gizulo kughuqa. Anoghiu lono ayitiu kutolo akichiu ayitiu shighi apasu shi kughuqae. Panongu kishi kughuqawo kela ithulu puzu panonguye lakhino lakhi juno akumza ae. 34Josef ghulhua lono milakhi khi sala achuqupu kepewo qhitsu ape eno Benjamin salaye kutamiqo sala nguno ghuthu punguno alau shi kepewo qhitsupe. Ike panonguno pa gholo chu shoae eno panongu kumtsu aloinoluve.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.