BOTHUBO 42
42
Josef Pamunoqo Ijip lo Ighi
1Kughou Jakob no Ijip lo athi ithulu anie pikeu chilu keno, pano pa nuliqo vilo pi, “Nonguye kushiye lakhino lakhi kughuju pesu ani kya? 2Ino chiluke Ijip lo athi ithulu aniepike. Tilau iqino ningu ghenguno qhusughilo tishianguno ninguye thimono xulu kepushi.” 3Ikehu Josef pamu chighi huye athi qhuniye Ijip lo iqi, 4ikemu Josef thikuzuu Benjamin ye Jakob no pamu noqo gholo puwumove, kughengu pashou kutsakungo keu ighinosa keu msave.
5Kutami gholono Israil nuqo ghi athi qhuniye ighi, kughengu Kanan lo puqumiye ake. 6Josef no Ijip yeghilo ahng kehu, ayeghiqhalo timi kumtsu vilo pano athi jesutsu ae. Ike Josef pamunoqono ighi no pa gizulo panongu gi pishiqhope itsaiqie. 7Kughou Josef no pamunoqo ithulu keno pano panongu ju michiluve, ikemu paye panongu mthamitheke toi shie. Pano mghachhoi shi panongu putsa ghi pi, “Nonguye khilano ighi kya?” Panonguno khochile pi, “Ninguye achuqupu qhuniye Kanan lono ighie.”
8Josef ye pamunoqo ju michiluve kemu panonguye pa ju michimlave. 9Josef no pano asamo pumokelo panongu pumokeu hu kumsuchilelu eno panongu vilo pi, “Nonguye miqeju chekemiqoe, nonguye niyeghi khileno mutomono aghini keno phuni aye ighi ani.” 10Ikemu panonguno khochile pi, “Tishimoe, akijeu, ningu oqemiqoye achuqupu qhuniye ighi ani kethono. 11Ningu kumtsu apu lakhi nuliqoke ningu oqemiqoye amikuchomi kethono miqeju chekemi kumoe.” 12Josef no panongu vilo pi, “Moe, qeti nonguye niyeghi khileno mutomono aghini keno phuniaye ighi ani.” 13Panonguno pi, “Akijeu, nichighi kini athia-zuke, apu lakhi nuliqoke eno Kanan yeghi lono ighi ke. Anipauye ishi kutolo ningu papuh gholo anie eno lakhiuye kuhavae.” 14Josef no panongu vilo pi, “Ino nongu vilo piveano nonguye miqeju chekemiqo. 15Hipau lono nonguye mutsumishei ani kemono juni: Farao je lono ino piqhi ani, nongu thikuzuu anipau hile ighi mokeloye nonguye hileno wuvemlae. 16Nongu gholo milakhi puwuno nongu thikuzuu saghi pelo. Kutamiqoye akughukilo khathasu pe puaghini nonguno pikeu toi kuchou kemo keno mutsumishei shiju moke kuto. Tikumoaye, Farao je lono pi ani nonguye kuchouno miqeju chekemiqoe.” 17Tishieno, panongu akughukilo atsala kuthu khathae. 18Akuthuni Josef no panongu vilo pi, “Niye Alhou sumsa acheni, ike nonguye nongu kuxu xaphe luve kepushi hishilo. 19Nonguye amikuchomi napiaye, nongu gholo milakhi likhi tshupesu nongu akughu shikeu kilo ngovepelo, eno nongu kutamiqoye athi qhukeu xapusu nobolomi akhuava shi akeqo lau wolo. 20Nongu thikuzuu anipau ilau saghilo, tishikeu lono nonguye kuchou pi ani kepi mutsumisheyi shinie eno nongu kughape pithimo nani.” Panonguno tipaulo pulove. 21Panongu lakhino lakhi vilo ishi pi, “Ningu thikuzuu shou kiu shikeno tipau ghenguno ninguye angsu ithulu kuzupu shivae. Pano amlo kughuju shi ake, ikemu ninguno initsumoe, tighenguno amlo kughujupu hitoi ningu shou ighi anie.” 22Ruben no panongu vilo pi, “Ino nongu vilo appu shou akumou shikevilo pike kumo kesha, ikemu nonguno inimoe, ikehu pa kithi jume ninguno lochile auvae.” 23Panonguno kiu pi akeno Josef ye ithi ae, ikemu panonguye ti mthae, kughengu panonguye atsa pekikiliu vechewo pa putsa akehu. 24Josef no panongu launo tsughusu wuve no qah ae. Tishieno itaghi ideighi no panongu sasu kuptsa apuzu panongu gholono Simon kotha phe pesu panongu zulono tshuluve.
Amunoqo Kanan lo Idewo
25Josef no ahza tsukeuno panongu pulukholo athi chhitoyi musho pipe, pututa wu pisa pututa pulukholo suchilevetsu eno alalo sala achuqupu supipe lo pie eno tihutoi panongu ghenguno shitsue. 26Josef pamunoqono athi qhulukeu hu gadahaqo xapipeno tipa-a qhiveno wuve. 27Panongu putholo aghazulo ngokelo panongu gholo milakhino achuqu gadaha tsuniaye papulukho lhaphe kelauye, pawu pisa apulukho kichilo aghikeu kukalu. 28Pano pa thikuzumiqo vilo pi, “Iwu pisa itsuchileve tsuae, ipuzu hiye ipulukholo aghie.” Panongu mulo hauve eno musakhokho shive no lakhino lakhi vilo pi, “Alhou ye ningu lau hiye kiu shitsu ani kya?”
29Panonguno Kanan yeghilo panongu papu Jakob lau wo tokelo, panongu shou kiu ighi kela lhepesu ishi pi: 30“Tipa yeghilo ahng no mughachhoyi ni putsae, eno ayeghi miqejuchekemie ipi ni ngukue. 31Ninguno pavilo ishi pie, ‘Ninguye amikuchomi eno miqejuchekemi kumoe, 32Ni chighi kini athiazuke, apu lakhi nuqo ke, lakhiye kuhavae eno anipauye ishi kutolo Kanan yeghilo ningu papu sasu ani.’ 33Ike timi ampiu shi akeu huno ningu vilo ishi pie, ‘Nonguye amikuchomi keo mokela hipau lono ino ithinie: nongu gholo milakhiye igholo qhivelo eno kutamiye athi pusu nobolomi akhuavalo akeqo ghenguno chevelo. 34Eno nongu thikuzuu anipau ilau saghilo tithiuno nonguye miqeju chekemi kumo no amikuchomi kepi ino ithi nanie, tishieno ino nongu thikuzuu ikhiphe pe nongu tsunie eno nonguno hipa yeghilo iqhoiqi lhidi shilu nani,’ ipi pie.”
35Tipathiu panonguno apulukho lephe kelauye, pututa wu pisa gho pututa phulukholo aghie. Kughou panonguno pisa ghoqo ithulu keno panongu ghi eno panongu papu ghi msakhokho shive. 36Jakob no panongu vilo pi, “Inuliqo, nongu ghenguno imlo shikighime qhivae. Josef hauvea Simon ghi chevea eno nonguye Benjamin ghi sawuveni keshea? Hi kumtsuno ighimeqhi auvae!” 37Ruben no papu vilo pi, “Tsala ino Benjamin olau sachile saghimo aye nono inu kini pithilu nani. Ipelo pa tuchomujo sawu pelo eno itaghi ino olau saideghini ke.” 38Ikemu Jakob no pi, “Inu Benjamin ye nongu gholo iqi pemoe. Pamuye thivae eno palikhi veake. Aghuzulalo nongu cheke lono pa kithipu sholuve aye ino ateasu shivekethiu ghi akumolo iloke kutolo nonguno ipelo amlo ghime shipeni chenie.”
လက္ရွိေရြးခ်ယ္ထားမွု
BOTHUBO 42: SUMIBSI
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
BOTHUBO 42
42
Josef Pamunoqo Ijip lo Ighi
1Kughou Jakob no Ijip lo athi ithulu anie pikeu chilu keno, pano pa nuliqo vilo pi, “Nonguye kushiye lakhino lakhi kughuju pesu ani kya? 2Ino chiluke Ijip lo athi ithulu aniepike. Tilau iqino ningu ghenguno qhusughilo tishianguno ninguye thimono xulu kepushi.” 3Ikehu Josef pamu chighi huye athi qhuniye Ijip lo iqi, 4ikemu Josef thikuzuu Benjamin ye Jakob no pamu noqo gholo puwumove, kughengu pashou kutsakungo keu ighinosa keu msave.
5Kutami gholono Israil nuqo ghi athi qhuniye ighi, kughengu Kanan lo puqumiye ake. 6Josef no Ijip yeghilo ahng kehu, ayeghiqhalo timi kumtsu vilo pano athi jesutsu ae. Ike Josef pamunoqono ighi no pa gizulo panongu gi pishiqhope itsaiqie. 7Kughou Josef no pamunoqo ithulu keno pano panongu ju michiluve, ikemu paye panongu mthamitheke toi shie. Pano mghachhoi shi panongu putsa ghi pi, “Nonguye khilano ighi kya?” Panonguno khochile pi, “Ninguye achuqupu qhuniye Kanan lono ighie.”
8Josef ye pamunoqo ju michiluve kemu panonguye pa ju michimlave. 9Josef no pano asamo pumokelo panongu pumokeu hu kumsuchilelu eno panongu vilo pi, “Nonguye miqeju chekemiqoe, nonguye niyeghi khileno mutomono aghini keno phuni aye ighi ani.” 10Ikemu panonguno khochile pi, “Tishimoe, akijeu, ningu oqemiqoye achuqupu qhuniye ighi ani kethono. 11Ningu kumtsu apu lakhi nuliqoke ningu oqemiqoye amikuchomi kethono miqeju chekemi kumoe.” 12Josef no panongu vilo pi, “Moe, qeti nonguye niyeghi khileno mutomono aghini keno phuniaye ighi ani.” 13Panonguno pi, “Akijeu, nichighi kini athia-zuke, apu lakhi nuliqoke eno Kanan yeghi lono ighi ke. Anipauye ishi kutolo ningu papuh gholo anie eno lakhiuye kuhavae.” 14Josef no panongu vilo pi, “Ino nongu vilo piveano nonguye miqeju chekemiqo. 15Hipau lono nonguye mutsumishei ani kemono juni: Farao je lono ino piqhi ani, nongu thikuzuu anipau hile ighi mokeloye nonguye hileno wuvemlae. 16Nongu gholo milakhi puwuno nongu thikuzuu saghi pelo. Kutamiqoye akughukilo khathasu pe puaghini nonguno pikeu toi kuchou kemo keno mutsumishei shiju moke kuto. Tikumoaye, Farao je lono pi ani nonguye kuchouno miqeju chekemiqoe.” 17Tishieno, panongu akughukilo atsala kuthu khathae. 18Akuthuni Josef no panongu vilo pi, “Niye Alhou sumsa acheni, ike nonguye nongu kuxu xaphe luve kepushi hishilo. 19Nonguye amikuchomi napiaye, nongu gholo milakhi likhi tshupesu nongu akughu shikeu kilo ngovepelo, eno nongu kutamiqoye athi qhukeu xapusu nobolomi akhuava shi akeqo lau wolo. 20Nongu thikuzuu anipau ilau saghilo, tishikeu lono nonguye kuchou pi ani kepi mutsumisheyi shinie eno nongu kughape pithimo nani.” Panonguno tipaulo pulove. 21Panongu lakhino lakhi vilo ishi pi, “Ningu thikuzuu shou kiu shikeno tipau ghenguno ninguye angsu ithulu kuzupu shivae. Pano amlo kughuju shi ake, ikemu ninguno initsumoe, tighenguno amlo kughujupu hitoi ningu shou ighi anie.” 22Ruben no panongu vilo pi, “Ino nongu vilo appu shou akumou shikevilo pike kumo kesha, ikemu nonguno inimoe, ikehu pa kithi jume ninguno lochile auvae.” 23Panonguno kiu pi akeno Josef ye ithi ae, ikemu panonguye ti mthae, kughengu panonguye atsa pekikiliu vechewo pa putsa akehu. 24Josef no panongu launo tsughusu wuve no qah ae. Tishieno itaghi ideighi no panongu sasu kuptsa apuzu panongu gholono Simon kotha phe pesu panongu zulono tshuluve.
Amunoqo Kanan lo Idewo
25Josef no ahza tsukeuno panongu pulukholo athi chhitoyi musho pipe, pututa wu pisa pututa pulukholo suchilevetsu eno alalo sala achuqupu supipe lo pie eno tihutoi panongu ghenguno shitsue. 26Josef pamunoqono athi qhulukeu hu gadahaqo xapipeno tipa-a qhiveno wuve. 27Panongu putholo aghazulo ngokelo panongu gholo milakhino achuqu gadaha tsuniaye papulukho lhaphe kelauye, pawu pisa apulukho kichilo aghikeu kukalu. 28Pano pa thikuzumiqo vilo pi, “Iwu pisa itsuchileve tsuae, ipuzu hiye ipulukholo aghie.” Panongu mulo hauve eno musakhokho shive no lakhino lakhi vilo pi, “Alhou ye ningu lau hiye kiu shitsu ani kya?”
29Panonguno Kanan yeghilo panongu papu Jakob lau wo tokelo, panongu shou kiu ighi kela lhepesu ishi pi: 30“Tipa yeghilo ahng no mughachhoyi ni putsae, eno ayeghi miqejuchekemie ipi ni ngukue. 31Ninguno pavilo ishi pie, ‘Ninguye amikuchomi eno miqejuchekemi kumoe, 32Ni chighi kini athiazuke, apu lakhi nuqo ke, lakhiye kuhavae eno anipauye ishi kutolo Kanan yeghilo ningu papu sasu ani.’ 33Ike timi ampiu shi akeu huno ningu vilo ishi pie, ‘Nonguye amikuchomi keo mokela hipau lono ino ithinie: nongu gholo milakhiye igholo qhivelo eno kutamiye athi pusu nobolomi akhuavalo akeqo ghenguno chevelo. 34Eno nongu thikuzuu anipau ilau saghilo tithiuno nonguye miqeju chekemi kumo no amikuchomi kepi ino ithi nanie, tishieno ino nongu thikuzuu ikhiphe pe nongu tsunie eno nonguno hipa yeghilo iqhoiqi lhidi shilu nani,’ ipi pie.”
35Tipathiu panonguno apulukho lephe kelauye, pututa wu pisa gho pututa phulukholo aghie. Kughou panonguno pisa ghoqo ithulu keno panongu ghi eno panongu papu ghi msakhokho shive. 36Jakob no panongu vilo pi, “Inuliqo, nongu ghenguno imlo shikighime qhivae. Josef hauvea Simon ghi chevea eno nonguye Benjamin ghi sawuveni keshea? Hi kumtsuno ighimeqhi auvae!” 37Ruben no papu vilo pi, “Tsala ino Benjamin olau sachile saghimo aye nono inu kini pithilu nani. Ipelo pa tuchomujo sawu pelo eno itaghi ino olau saideghini ke.” 38Ikemu Jakob no pi, “Inu Benjamin ye nongu gholo iqi pemoe. Pamuye thivae eno palikhi veake. Aghuzulalo nongu cheke lono pa kithipu sholuve aye ino ateasu shivekethiu ghi akumolo iloke kutolo nonguno ipelo amlo ghime shipeni chenie.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.