Genese 43
43
PENE XLIII - 43
Ko Iakoba, tuku mamate atura aia i tana tamaiti ra ia Beniamina, e kua kai ratou i te kai i te are o Iosepha.
1TE maata #Gene 41:54,57rava ra te onge i taua enua ra. 2E pou akera te sitona i te kaingaia, ta ratou i apai mei Aiphiti maira, kua tuatua akera to ratou metua tane kia ratou, Ka aere rai kotou, e oko rai i tetai manga kai na tatou. 3Kua karanga aturā Iuda kiaia, na ko atura, Kua tuatua tika tikai maira taua tangata ra kia matou nei, na ko maira, #Gene 42:20; 44:23Kia kore to kotou teina e tae katoa mai, kare rava kotou e kite mai i toku nei mata. 4Kia tuku mai koe i to matou teina e aere katoa matou ra, ka aere ïa matou ki raro e oko i te kai naau: 5Kia kore ra koe e tuku mai iaia kia aere, kare matou e tae ki raro: kua tuatua mai oki taua tangata ra kia matou e, Kia kore e tae katoa mai to kotou teina, kare kotou e kite mai i toku mata. 6Kua tuatua mairā Iseraela, Eaa kotou i takinga-kino mai ei iaku, i akakite atu ei kotou i taua tangata ra e, te noo ra tetai taeake rai no kotou? 7Kua karanga atura ratou, Kua ui maē mai taua tangata ra i te tuatua ia matou, e to matou ra kopu-tangata, na ko maira, Te ora na to kotou metua tane? e e taeake rai to kotou? e kua akakite atura matou i taua tuatua ra: kitea atu e matou e, e tuatua mai aia, E arataki mai i to kotou teina ki raro nei? 8Kua karanga aturā Iuda ki tona metua tane kia Iseraela. Tuku mai ana i taua tamaiti na kiaku nei, e tu matou e aere; kia ora oki tatou, auraka kia mate, ko matou, e ko koe, e ta matou au tamariki. 9Ei tutaki au iaia; ko au taau e umuumu mai iaia; #Gene 44:32; Phile 18,19kia kore au e akaoki mai iaia kia koe, ka tuku atu ei au ki mua i toou aroaro na, ei iaku ïa ara vai ei e tuatau ua atu. 10Naringa matou kare i tavare, mei teianei kua oki mairai matou, ko te tu rua ïa o te oki anga mai. 11Kua tuatua maira to ratou metua ko Iseraela kia ratou, Ko te reira ra, teia ta kotou e rave; #Gene 32:20; Mase 18:18e rave kotou i te kai memeitaki o te enua nei i roto i ta kotou au āriki, ka apai ei na taua tangata ra ei taoonga-rima, i tetai manga #Gene 37:25; Iere 8:22balama, e tetai manga meli, te kai kakara, e te mura, te au ua rakau, e te au sekadi: 12Kia taki rua atu kou moni kia apai kotou; #Gene 42:25,35e akaoki atu oki i te moni i apaiia mai i roto i te vaa o ta kotou au pute ra: peneiake e ē ua anga: 13E rave katoa oki i to kotou teina, e tu, e oki atu kotou ki taua tangata ra: 14E kia aroaia mai kotou ki mua i te aroaro o taua tangata e te Atua Mana katoatoa ra, kia tuku mai aia i tetai tuakana o kotou, e ia Beniamina nei: #Esete 4:16e kia ngere au ra, kua ngere rai ïa.
15Kua rave iora taua au tangata ra i taua taoonga-rima ra, e kua tataki rua atura i te kou moni i te rima, e Beniamina; tu akera ratou, aere atura ki Aiphiti, tu atura ki mua i te aroaro o Iosepha ra. 16E kite akerā Iosepha e, ko ratou katoa ma Beniamina, kua tuatua akera aia #Gene 24:2; 30:4; 33:1ki te akaaere o tona are, Ka arataki i taua au tangata nei ki te ngutuare, e ko i te puaka, e ka akonokono; ka kaikai oki te au tangata nei ki oku ra kia avatea. 17Kua pera oki taua tangata ra ta Iosepha i akaue ra; kua arataki aia i taua au tangata ra ki roto i te are o Iosepha. 18E mataku akera taua au tangata ra, i te mea ratou i aratakiia ki roto i te are o Iosepha; kua tuatua akera ratou, No te moni i akaokiia i roto i ta tatou au pute i muatangana ra i aratakiia mai ei tatou ki ko nei; kia rauka tana tapepe anga mai ia tatou, ka opu mai ei ia tatou ka rave ei ia tatou ei tuikaa, e ta tatou au asini.
19Kua aere atura ratou i vaitata ki te akaaere i taua ngutuare o Iosepha ra, kua karangaranga iora kiaia i te pae ngutupa o taua are ra, 20Na ko atura, E to matou rangatira e, #Gene 42:3,10e tere oko kai tikai to matou i aere mai ei matou i muatangana ra: 21E tae #Gene 42:27,35atura matou ki te ngai moe anga, ko te tatara angaia ïa e matou i ta matou au pute, e i na, tera ake ta matou katoa ra au moni tei roto i te vaa o ta matou au pute, e moni aite ta matou: e kua akaoki maira matou i te reira ra i to matou rima. 22E e moni ke tei apai katoaia mai e matou i to matou rima ei oko kai: kare matou i kite i te tangata i tuku i ta matou moni ki roto i ta matou au pute. 23Kua tuatua maira aia, Kia ora kotou, auraka e mataku: kua oronga mai to kotou Atua, te Atua o to kotou ra metua, i te apinga na kotou i roto i ta kotou na au pute: i ko nei ta kotou moni iaku nei. Kua arataki maira aia ia Simeona kia ratou ra. 24Kua arataki atura taua tangata ra ia ratou ki te are o Iosepha ra, e #Gene 18:4; 24:32kua apai maira i te vai, ei orei i to ratou vaevae; e kua angai atura oki i ta ratou au asini ki te kai. 25Kua akonokono iora ratou i ta ratou atinga, e kia tae mai a Iosepha i te avatea: kite akera oki ratou e, ei reira ratou e kai ei i te kai.
26E tae mairā Iosepha ki te ngutuare, kua apai akera atinga ta ratou i taoi maira kiaia ra, ki roto i te are, e kua #Gene 37:7,10tupou iora ratou ki raro i te one ki mua iaia ra. 27Kua ui maira aia kia ratou i te meitaki anga, kua tuatua maira, Te meitaki ra to kotou metua tane, te #Gene 42:11,13tangata ruaine ta kotou i tuatua maira? Te ora ra ainei? 28Kua karanga atura ratou, Te ora ua rai toou tavini to matou nei metua tane, te meitaki rai. #Gene 37:7,10Kua piko iora ratou ki raro, e tupou atura kiaia. 29Kua nānā maira tona mata, akara maira i tona teina ia Beniamina, i te tamaiti #Gene 35:17,18a tona uaorai metua vaine, e kua tuatua maira, Ko to kotou teina openga ra teia, ta #Gene 42:13kotou i tuatua mai kiaku ra? e kua tuatua maira oki aia, Kia aroa mai te Atua ia koe, e taku tamaiti. 30Kua rapurapu ua iorā Iosepha; #1 Ari 3:26kua aue aroa oki tona ngakau i tona teina: e kua kimi i te ngai aue anga; kua tomo atura ki roto i te pia moe, #Gene 42:24aue iora i reira. 31E kua orei iora i tona mata, e kua aere maira ki vao, akakoromaki ua iora, e kua karanga atura, #Gene 43:25E akanoonoo i te kaingakai. 32Kua akanoonoo iora ratou i tana, koia anake uaorai, e ta ratou, ko ratou anake o, e ta to Aiphiti, ko tei kaikai i reira ra, ko ratou anake oki; kare oki to Aiphiti i kapiti katoa i ta ratou kaingakai i ta te ngati Ebera; #Gene 46:34; Exo 8:26e mea viivii oki te reira i ta to Aiphiti ra. 33Noo iora ratou ki mua i tona aroaro, ko te tama mua ana, no te mea koia tei anau ana, e te tamaiti ou ra, no te mea koia te openga: kua va ua iora taua au tangata ra, ki tetai ki tetai. 34Kua tua akera aia i te kai i mua i tona aroaro na ratou: kareka ta Beniamina tuanga, e tau ïa ki nga tuanga e #Gene 45:22rima katoa i ta ratou ra. E kua inu oki ratou ma ia katoa i te wina, e rekareka akera ratou.
လက္ရွိေရြးခ်ယ္ထားမွု
Genese 43: CIMB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Holy Bible in Cook Islands Maori, Reprinted from the edition of 1888 © United Bible Societies, 1972.