Malakaus Lug Tawqha
Lug Tawqha
Phoo Malakaus nuav yog has txug Yexus Khetos kws yog Vaajtswv Leejtub. Malakaus qha kuas peb pum tas Yexus yog ib tug kws ua dlejnum hab muaj fwjchim. Peb pum Nwg lub fwjchim nyob rua huv Nwg tej lug qhuabqha, nyob rua huv Nwg txuj kev kovyeej dlaab, hab nyob rua huv qhov kws Nwg zaam tau tuabneeg lub txim. Yexus qha txug Nwg tugkheej has tas Nwg yog Tuabneeg Leejtub, kws tau muab txujsa lug txhwv tuabneeg kuas puab dlim puab lub txim.
Malakaus has ncaajnraim hab muajceem heev txug Yexus tegnum ntau dlua le Nwg tej lug qhuabqha. Tomqaab kws Malakaus has mivntsiv txug Yauhaas tug kws muab tuabneeg ua kevcai rausdlej, hab has txug Yexus ua kevcai rausdlej hab Yexus raug simsab, Malakaus txawm sau txuas kag rua Yexus tegnum kws yog kev khu mob hab kev qhuabqha. Ntev zujzug, cov tuabneeg kws caum Yexus qaab totaub Yexus zoo dlua qub, tabsis Yexus cov yeejkom yimfuab ua yeebncuab rua Yexus. 2-3 tshooj kws yuav xaus yog has txug lub limtam kawg ntawm Yexus lub neej nyob huv nplajteb nuav, tshwjxeeb yog has txug Yexus raug ntsa rua sau ntoo khaublig hab sawv huv qhovtuag rov lug.
Ob ntu xaus lug tom kawg huv phoo ntawv nuav kws muaj ob lub cim zoole nuav [ ], yog lwmtug sau, tsi yog Malakaus sau.
Txheejtxheem
Pib muaj Txuj Moo Zoo (1:1-13)
Yexus tegnum huv Kalilais (1:14—9:50)
Txij ntawm Kalilais moog rua Yeluxalees (10:1-52)
Limtam kawg hab nyob ze huv Yeluxalees (11:1—15:47)
Yexus sawv huv qhovtuag rov lug (16:1-8)
Tug Tswv lug tshwm hab moog sau ntuj (16:9-20)
လက္ရွိေရြးခ်ယ္ထားမွု
Malakaus Lug Tawqha: HNJ2022
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.