Malakaus 5
5
Yexus Khu Tug Txivneej Raug Dlaab
(Mathais 8:28-34; Lukas 8:26-39)
1Yexus hab Nwg cov thwjtim moog txug saab ntug Havtxwv Kalilais tim u, kws yog cheebtsaam Nkelaxas. 2Thaus Yexus tawm huv lub nkoj lug, taamsim ntawd muaj ib tug txivneej kws raug ib tug ntsujplig phem txawm tawm tom roob tojntxaas lug ntsib Nwg. 3Tug txivneej nuav nyob tom tej roob tojntxaas xwb, yeej tsi muaj leejtwg kws yuav khi tau nwg le lawm, txawm yuav muab saw hlau khi los yeej tsi tau le. 4Puab tub muab saw hlau khi nwg teg nwg taw ntau zag lawm, tabsis txhua zag kws puab khi nwg, nwg muab ntag tu taag, hab muab tej khawb hlau kws xauv nwg kutaw luv taag. Tsi muaj leejtwg muajzug txaus kws yuav kovyeej nwg le. 5Nwg yos taagnub taagmo tom tojntxaas hab peg tej roob, nwg pheej qw nrov-nrov hab muab pobzeb hlais nwg lub cev.
6Thaus nwg pum Yexus tseem nyob dleb tsawv, nwg txawm dlha lug txhuscaug ndlua pe Yexus, 7hab qw nrov-nrov has tas, “Yexus kws yog Vaajtswv tug muaj Fwjchim Tshaajplawg tug Tub! Koj tuaj thaab kuv ua dlaabtsi? Thov Koj coglug rua Vaajtswv has tas Koj yuav tsi tsimtxom kuv!” ( 8Nwg has le ntawd, ruaqhov Yexus has rua nwg tas, “Tug nam ntsujplig phem, koj cale tawm huv tug txivneej nuav moog!”)
9Yexus nug nwg has tas, “Koj lub npe hu lecaag?”
Nwg teb tas, “Kuv lub npe hu ua ‘Coob’ ruaqhov peb muaj coob tug!” 10Nwg txawm thov Yexus tsi tseg kuas tsi xob ntab puab tawm ntawm thaaj chaw ntawd moog.
11Muaj ib paab npua coob-coob taabtom nrhav noj ntawm ib ntaa toj. 12Cov ntsujplig phem ntawd txawm thov Yexus has tas, “Xaa peb moog rua ntawm paab npua hab ca peb nkaag moog nyob rua huv paab npua ntawd.” 13Yexus txawm tso ncauj, tes cov ntsujplig phem txawm tawm huv tug txivneej moog nkaag rua paab npua. Taagnrho paab npua ntawd, kwvlaam le ntawm 2,000 tug, txawm dlha ntawm lub tsaag tsua moog poob rua huv havtxwv hab tuag taag huv tuabsi.
14Cov tuabneeg kws zuv npua ntawd txawm dlha rovqaab moog qha tej ntawd rua cov tuabneeg kws nyob huv nroog hab nrau tej zog kws nyob ibncig lub nroog, tes suavdlawg txawm tuaj saib tej xwmtxheej kws muaj ntawd. 15Thaus puab tuaj txug ntawm Yexus, puab pum tug txivneej kws raug ntau tug dlaab nyob quastsawg ntawd tub naav rigtsho hab feeb meej lawm, mas puab ntshai kawg le. 16Cov tuabneeg kws tau pum tej xwmtxheej ntawd txawm qha txug tug txivneej kws raug dlaab hab qha txug paab npua ntawd rua suavdlawg noog.
17Thaus suavdlawg nov le ntawd, puab txawm thov kuas Yexus tawm huv puab le cheebtsaam moog.
18Thaus Yexus taabtom nce rua huv lub nkoj, tug txivneej kws raug dlaab txawm thov Yexus has tas, “Thov ca kuv nrug Koj moog hab!”
19Tabsis Yexus tsi kheev, Yexus has rua nwg tas, “Koj cale rovqaab moog tsev, moog cuag koj tsev tuabneeg hab qha rua puab paub tas tug Tswv paab koj hab taabncuab koj npaum lecaag.”
20Tug txivneej ntawd txawm moog qha thoobplawg huv lub xeev Dekapaulis txug tej kws Yexus tau paab nwg lawm rua suavdlawg noog, txhua tug kws nov nwg qha xaav tsi thoob le.
Yailus Tug Ntxhais Hab Tug Quaspuj Kws Kov Yexus Tw Tsho
(Mathais 9:18-28; Lukas 8:40-56)
21Yexus txawm caij nkoj hlaa havtxwv rovqaab moog rua saab tim u. Muaj tuabneeg coob-coob tuaj cuag Yexus ntawm ntug dlej. 22Muaj ib tug txivneej hu ua Yailus, kws yog tug saib num huv lub tsev saablaaj tuaj txug ntawd hab. Nwg pum dlheev Yexus, nwg txawm lug txhuscaug ndlua ntawm Yexus kutaw 23hab thov Yexus has tas, “Kuv tug ntxhais mob nyaav heev tub yuav tuag. Thov Koj moog tsaa teg rua sau nwg, nwg txhaj yuav zoo hab muaj sa nyob.”
24Yogle ntawd, Yexus txhaj nrug Yailus moog. Muaj tuabneeg coob-coob kuj nrug Yexus moog ua rua sis txiv quasqev.
25Muaj ib tug quaspuj kws txomnyem kawg le vim nwg mob nchuav cev tau kaum-ob lub xyoos. 26Txawm yog nwg tub siv taagnrho nwg tej nyajtxag hab tub muaj ntau tug kws-khumob khu lawm los tsi zoole, nwg tseem hajyam mob luj zujzug ntxiv xwb. 27Thaus tug quaspuj ntawd nov txug Yexus, tes nwg txawm peem ntag ntawm cov tuabneeg coob-coob moog rua tom Yexus nrauqaum, 28ruaqhov nwg xaav tas, “Yog kuv tau kov Nwg tej khaubdluag, kuv tug mob yeej yuav zoo xwb.”
29Nwg txhaj kov kag Yexus lub tsho, taamsim ntawd ntshaav txawm tunrho hab nwg noog nwg lub cev tub zoo mob lawm. 30Lub sijhawm ntawd Yexus paub tas fwjchim tawm huv Nwg moog lawm, Nwg txhaj tig hlo moog nug cov tuabneeg kws lawv Nwg qaab has tas, “Leejtwg kov Kuv lub tsho?”
31Nwg cov thwjtim teb tas, “Koj tsi pum tas muaj tuabneeg coob ualuaj le nuav txiv Koj lov? Uacaag Koj yuav nug has tas, leejtwg kov Koj?”
32Tabsis Yexus tseem pheej saib ncig pis leeg rua tej tuabneeg kws sawv ibncig ntawd seb yog leejtwg kov Nwg. 33Tug quaspuj ntawd paub tas nwg tug mob zoo lawm, nwg txawm txaav zog lug, nwg ntshai ua ibce tsheenyo, nwg lug txhuscaug ndlua ntawm Yexus kutaw hab qha tseeb txug txhua yaam rua Yexus. 34Yexus has rua nwg tas, “Mivntxhais 'e, koj txuj kev ntseeg tub khu koj zoo lawm. Koj cale moog kaajsab lug hab tsi xob muaj mob muaj nkeeg le nuav ntxiv lawm.”
35Thaus Yexus tseem taabtom has le ntawd, txawm muaj ob-peb leeg tuaj tom Yailus tsev tuaj has rua Yailus tas, “Koj tug ntxhais tub tuag lawm. Ua lecaag tseem yuav taabkaum Xwbfwb ua dlaabtsi hab?”
36Tabsis Yexus tsi quavntsej#5:36: tsi quavntsej; lossis tub nov txug. tej lug kws puab has ntawd, Yexus has rua Yailus has tas, “Koj tsi xob ntshai, cale ntseeg xwb.” 37Yexus tsi pub lwmtug nrug Nwg moog, Nwg tsuas pub Petus, Yakaunpaus hab Yakaunpaus tug kwv Yauhaas nrug Nwg moog xwb. 38Thaus puab moog txug ntawm Yailus tsev, Yexus pum suavdlawg ua ntxhuv quas nab, hab quaj-nyav ntsoogqeeg huv tsev. 39Yexus moog rua huv tsev hab has rua suavdlawg tas, “Mej ua ntxhuv quas nab hab quaj ua dlaabtsi? Tug mivntxhais nuav tub tsi tau tuag, nwg tsuas yog tsaugzug xwb.”
40Puab luag hab thuam Yexus zumzawg, Yexus txhaj ntab puab tawm moog nrauzoov, tes Yexus txawm coj tug mivnyuas ntawd nam hab txiv, hab Yexus peb tug thwjtim nrug Nwg moog rua huv chaav kws tug mivnyuas pw. 41Yexus moog tuav nkaus tug mivnyuas ntawd txhais teg hab has rua nwg tas, “Talithas khum,” lulug ntawd txhais has tas, “Mivntxhais 'e, Kuv has rua koj tas, cale sawvtseeg!”
42Taamsim ntawd tug mivntxhais txawm sawvtseeg hab moog kev. (Nwg noobnyoog muaj kaum-ob xyoos.) Thaus pum le ntawd suavdlawg xaav tsi thoob le. 43Tabsis Yexus txwv tawv-tawv rua puab kuas tsi xob moog qha zaaj nuav rua leejtwg, hab Nwg has kuas puab moog muab zaub-mov lug rua tug mivntxhais ntawd noj.
လက္ရွိေရြးခ်ယ္ထားမွု
Malakaus 5: HNJ2022
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.
Malakaus 5
5
Yexus Khu Tug Txivneej Raug Dlaab
(Mathais 8:28-34; Lukas 8:26-39)
1Yexus hab Nwg cov thwjtim moog txug saab ntug Havtxwv Kalilais tim u, kws yog cheebtsaam Nkelaxas. 2Thaus Yexus tawm huv lub nkoj lug, taamsim ntawd muaj ib tug txivneej kws raug ib tug ntsujplig phem txawm tawm tom roob tojntxaas lug ntsib Nwg. 3Tug txivneej nuav nyob tom tej roob tojntxaas xwb, yeej tsi muaj leejtwg kws yuav khi tau nwg le lawm, txawm yuav muab saw hlau khi los yeej tsi tau le. 4Puab tub muab saw hlau khi nwg teg nwg taw ntau zag lawm, tabsis txhua zag kws puab khi nwg, nwg muab ntag tu taag, hab muab tej khawb hlau kws xauv nwg kutaw luv taag. Tsi muaj leejtwg muajzug txaus kws yuav kovyeej nwg le. 5Nwg yos taagnub taagmo tom tojntxaas hab peg tej roob, nwg pheej qw nrov-nrov hab muab pobzeb hlais nwg lub cev.
6Thaus nwg pum Yexus tseem nyob dleb tsawv, nwg txawm dlha lug txhuscaug ndlua pe Yexus, 7hab qw nrov-nrov has tas, “Yexus kws yog Vaajtswv tug muaj Fwjchim Tshaajplawg tug Tub! Koj tuaj thaab kuv ua dlaabtsi? Thov Koj coglug rua Vaajtswv has tas Koj yuav tsi tsimtxom kuv!” ( 8Nwg has le ntawd, ruaqhov Yexus has rua nwg tas, “Tug nam ntsujplig phem, koj cale tawm huv tug txivneej nuav moog!”)
9Yexus nug nwg has tas, “Koj lub npe hu lecaag?”
Nwg teb tas, “Kuv lub npe hu ua ‘Coob’ ruaqhov peb muaj coob tug!” 10Nwg txawm thov Yexus tsi tseg kuas tsi xob ntab puab tawm ntawm thaaj chaw ntawd moog.
11Muaj ib paab npua coob-coob taabtom nrhav noj ntawm ib ntaa toj. 12Cov ntsujplig phem ntawd txawm thov Yexus has tas, “Xaa peb moog rua ntawm paab npua hab ca peb nkaag moog nyob rua huv paab npua ntawd.” 13Yexus txawm tso ncauj, tes cov ntsujplig phem txawm tawm huv tug txivneej moog nkaag rua paab npua. Taagnrho paab npua ntawd, kwvlaam le ntawm 2,000 tug, txawm dlha ntawm lub tsaag tsua moog poob rua huv havtxwv hab tuag taag huv tuabsi.
14Cov tuabneeg kws zuv npua ntawd txawm dlha rovqaab moog qha tej ntawd rua cov tuabneeg kws nyob huv nroog hab nrau tej zog kws nyob ibncig lub nroog, tes suavdlawg txawm tuaj saib tej xwmtxheej kws muaj ntawd. 15Thaus puab tuaj txug ntawm Yexus, puab pum tug txivneej kws raug ntau tug dlaab nyob quastsawg ntawd tub naav rigtsho hab feeb meej lawm, mas puab ntshai kawg le. 16Cov tuabneeg kws tau pum tej xwmtxheej ntawd txawm qha txug tug txivneej kws raug dlaab hab qha txug paab npua ntawd rua suavdlawg noog.
17Thaus suavdlawg nov le ntawd, puab txawm thov kuas Yexus tawm huv puab le cheebtsaam moog.
18Thaus Yexus taabtom nce rua huv lub nkoj, tug txivneej kws raug dlaab txawm thov Yexus has tas, “Thov ca kuv nrug Koj moog hab!”
19Tabsis Yexus tsi kheev, Yexus has rua nwg tas, “Koj cale rovqaab moog tsev, moog cuag koj tsev tuabneeg hab qha rua puab paub tas tug Tswv paab koj hab taabncuab koj npaum lecaag.”
20Tug txivneej ntawd txawm moog qha thoobplawg huv lub xeev Dekapaulis txug tej kws Yexus tau paab nwg lawm rua suavdlawg noog, txhua tug kws nov nwg qha xaav tsi thoob le.
Yailus Tug Ntxhais Hab Tug Quaspuj Kws Kov Yexus Tw Tsho
(Mathais 9:18-28; Lukas 8:40-56)
21Yexus txawm caij nkoj hlaa havtxwv rovqaab moog rua saab tim u. Muaj tuabneeg coob-coob tuaj cuag Yexus ntawm ntug dlej. 22Muaj ib tug txivneej hu ua Yailus, kws yog tug saib num huv lub tsev saablaaj tuaj txug ntawd hab. Nwg pum dlheev Yexus, nwg txawm lug txhuscaug ndlua ntawm Yexus kutaw 23hab thov Yexus has tas, “Kuv tug ntxhais mob nyaav heev tub yuav tuag. Thov Koj moog tsaa teg rua sau nwg, nwg txhaj yuav zoo hab muaj sa nyob.”
24Yogle ntawd, Yexus txhaj nrug Yailus moog. Muaj tuabneeg coob-coob kuj nrug Yexus moog ua rua sis txiv quasqev.
25Muaj ib tug quaspuj kws txomnyem kawg le vim nwg mob nchuav cev tau kaum-ob lub xyoos. 26Txawm yog nwg tub siv taagnrho nwg tej nyajtxag hab tub muaj ntau tug kws-khumob khu lawm los tsi zoole, nwg tseem hajyam mob luj zujzug ntxiv xwb. 27Thaus tug quaspuj ntawd nov txug Yexus, tes nwg txawm peem ntag ntawm cov tuabneeg coob-coob moog rua tom Yexus nrauqaum, 28ruaqhov nwg xaav tas, “Yog kuv tau kov Nwg tej khaubdluag, kuv tug mob yeej yuav zoo xwb.”
29Nwg txhaj kov kag Yexus lub tsho, taamsim ntawd ntshaav txawm tunrho hab nwg noog nwg lub cev tub zoo mob lawm. 30Lub sijhawm ntawd Yexus paub tas fwjchim tawm huv Nwg moog lawm, Nwg txhaj tig hlo moog nug cov tuabneeg kws lawv Nwg qaab has tas, “Leejtwg kov Kuv lub tsho?”
31Nwg cov thwjtim teb tas, “Koj tsi pum tas muaj tuabneeg coob ualuaj le nuav txiv Koj lov? Uacaag Koj yuav nug has tas, leejtwg kov Koj?”
32Tabsis Yexus tseem pheej saib ncig pis leeg rua tej tuabneeg kws sawv ibncig ntawd seb yog leejtwg kov Nwg. 33Tug quaspuj ntawd paub tas nwg tug mob zoo lawm, nwg txawm txaav zog lug, nwg ntshai ua ibce tsheenyo, nwg lug txhuscaug ndlua ntawm Yexus kutaw hab qha tseeb txug txhua yaam rua Yexus. 34Yexus has rua nwg tas, “Mivntxhais 'e, koj txuj kev ntseeg tub khu koj zoo lawm. Koj cale moog kaajsab lug hab tsi xob muaj mob muaj nkeeg le nuav ntxiv lawm.”
35Thaus Yexus tseem taabtom has le ntawd, txawm muaj ob-peb leeg tuaj tom Yailus tsev tuaj has rua Yailus tas, “Koj tug ntxhais tub tuag lawm. Ua lecaag tseem yuav taabkaum Xwbfwb ua dlaabtsi hab?”
36Tabsis Yexus tsi quavntsej#5:36: tsi quavntsej; lossis tub nov txug. tej lug kws puab has ntawd, Yexus has rua Yailus has tas, “Koj tsi xob ntshai, cale ntseeg xwb.” 37Yexus tsi pub lwmtug nrug Nwg moog, Nwg tsuas pub Petus, Yakaunpaus hab Yakaunpaus tug kwv Yauhaas nrug Nwg moog xwb. 38Thaus puab moog txug ntawm Yailus tsev, Yexus pum suavdlawg ua ntxhuv quas nab, hab quaj-nyav ntsoogqeeg huv tsev. 39Yexus moog rua huv tsev hab has rua suavdlawg tas, “Mej ua ntxhuv quas nab hab quaj ua dlaabtsi? Tug mivntxhais nuav tub tsi tau tuag, nwg tsuas yog tsaugzug xwb.”
40Puab luag hab thuam Yexus zumzawg, Yexus txhaj ntab puab tawm moog nrauzoov, tes Yexus txawm coj tug mivnyuas ntawd nam hab txiv, hab Yexus peb tug thwjtim nrug Nwg moog rua huv chaav kws tug mivnyuas pw. 41Yexus moog tuav nkaus tug mivnyuas ntawd txhais teg hab has rua nwg tas, “Talithas khum,” lulug ntawd txhais has tas, “Mivntxhais 'e, Kuv has rua koj tas, cale sawvtseeg!”
42Taamsim ntawd tug mivntxhais txawm sawvtseeg hab moog kev. (Nwg noobnyoog muaj kaum-ob xyoos.) Thaus pum le ntawd suavdlawg xaav tsi thoob le. 43Tabsis Yexus txwv tawv-tawv rua puab kuas tsi xob moog qha zaaj nuav rua leejtwg, hab Nwg has kuas puab moog muab zaub-mov lug rua tug mivntxhais ntawd noj.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.