Malakaus 4
4
Zaaj Lug Pevtxwv Has Txug Tug Tseb Nplej
(Mathais 13:1-19; Lukas 8:4-8)
1Yexus rovqaab moog qha nraag ntug dlej Havtxwv Kalilais dlua ib zag. Cov tuabneeg kws tuaj nyob puagncig Nwg ntawd coob heev, Nwg txhaj nce moog nyob huv ib lub nkoj ze rua ntawm ntug havtxwv. Cov tuabneeg coob-coob ntawd sawv ntawm ntug dlej. #Lukas 5:1-3 2Yexus ua lug pevtxwv qha ntau zaaj rua puab noog has tas:
3“Mej ua tuabzoo noog! Muaj ib tug txivneej nqaa nplej moog tseb. 4Thaus nwg tseb cov noob nplej rua huv dlaim teb, muaj qee lub poob rua huv txujkev, tes noog txawm yaa lug khaws noj lawm. 5Muaj qee lub poob rua ntawm thaaj aav kws muaj pobzeb ntau tabsis aav tsawg. Cov noob ntawd tuaj kaug sai-sai, ruaqhov aav tsi tub. 6Thaus lub nub tawm tuaj, tshaav kub, ua rua cov yub nplej cale qhuav lawm, vim cov caag ntsa aav tsi tub. 7Muaj qee lub poob rua huvqaab tsob xuavpaug, tes cov xuavpaug txhaj hlub tuaj laum cov nplej, ua rua cov nplej txhawv tsi taug. 8Tabsis muaj qee lub poob rua ntawm qhov aav zoo, cov ntawd tuaj kaug, lujhlub zoo hab txhawv taug. Qee naab txi tau 30 npaug, qee naab 60 npaug, hab qee naab 100 npaug.”
9Yexus xaus lug has tas, “Yog leejtwg muaj qhovntsej, cale noog!”
Lub Homphaj Ntawm Tej Lug Pevtxwv
(Mathais 13:10-17; Lukas 8:9-10)
10Thaus Yexus nyob ib leeg lawm xwb, cov tuabneeg kws nov Yexus qha muaj qeeleej nrug kaum-ob tug thwjtim txawm tuaj thov Yexus txhais zaaj lug pevtxwv ntawd rua puab paub. 11Yexus has rua puab tas, “Vaajtswv lub Tebchaws kws muab zais ca tub muab qha meej rua mej lawm, tabsis yuav tau ua lug pevtxwv qha txhua yaam rua cov kws nyob saabnrau, 12sub,
“ ‘Puab yuav saib taag saib thab,
los yuav tsi pum;
puab yuav noog taag noog thab,
los yuav tsi totaub.
Yog puab pum hab totaub lawm, ntshe puab yuav rov lug cuag Vaajtswv,
hab Vaajtswv yuav zaam puab lub txim.’ ” #Yaxaya 6:9-10 (LXX)
Yexus Txhais Zaaj Lug Pevtxwv Has Txug Tug Tseb Nplej
(Mathais 13:18-23; Lukas 8:11-15)
13Yexus has rua puab tas, “Mej tseem tsi totaub txug zaaj lug pevtxwv nuav hab lov? Yog mej tsi totaub zaaj nuav, mej yuav ua lecaag totaub lwm zaaj? 14Tug tseb nplej yog tseb Vaajtswv Txujlug. 15Qeeleej tuabneeg tes zoole cov noob nplej kws poob rua huv txujkev, thaus puab nov dlheev Vaajtswv Txujlug, tes Xataas txawm lug rhu kag txujlug ntawd moog lawm. 16Qeetug tuabneeg tes puab zoole cov noob nplej kws poob rua ntawm thaaj aav kws muaj pobzeb ntau tabsis aav tsawg, thaus puab nov dlheev Vaajtswv Txujlug, puab txaussab hlo txais yuav taamsim ntawd. 17Tabsis txujlug ntawd cog caag tsi tub rua huv puab, puab txhaj ntseeg ib nyuas ntu xwb. Thaus puab raug kev txomnyem lossis kev tsimtxom vim txujlug ntawd, tes puab txawm muab tsotseg taamsim. 18Qeetug tuabneeg tes zoole cov noob nplej kws poob rua huvqaab tsob xuavpaug. Cov nuav yog cov kws nov Vaajtswv Txujlug, 19tabsis tej kev nyuajsab huv puab lub neej, kev ntshaw nyaj, hab ntshaw yaam nuav yaam u, txawm hlub tuaj laum txujlug ntawd, ua rua puab lub neej txhaj tsi tawgpaaj txitxiv. 20Tabsis ibtxha tuabneeg tes zoole cov noob nplej kws poob rua ntawm qhov aav zoo. Puab nov Vaajtswv Txujlug, puab txais yuav txujlug ntawd, ua rua puab lub neej txhaj tawgpaaj txitxiv. Ibtxha txi tau 30 npaug, ibtxha 60 npaug, hab ibtxha 100 npaug.”
Muab Phab Khwb Lub Teeb
(Lukas 8:16-18)
21Yexus qha ntxiv has tas, “Puas muaj leejtwg taws teeb es muab ib lub phab khwb rua lossis muab txawb rua huv qaabtxaag? Tsuas muaj kws yuav muab txawb rua sau lub txee txawb teeb xwb. #Math 5:15; Lukas 11:33 22Tej kws muab zais ca lawm yeej yuav raug muab nthuav tawm, hab tej kws muab npug ca lawm yeej yuav raug muab qheb kuas suavdlawg paub xwb. #Math 10:26; Lukas 12:2 23Yog leejtwg muaj qhovntsej, cale noog!”
24Yexus has ntxiv rua puab tas, “Mej yuavtsum ua tuabzoo noog tej kws mej nov. Mej muab lub luaj lecaag luj rua lwmtug lawm, Vaajtswv yuav muab lub luaj le ntawd luj rov rua mej, lossis tseem yuav tsaav ntxiv ntau dlua ntawd hab. #Math 7:2; Lukas 6:38 25Tug kws muaj lawm, tseem yuav muab tsaav ntxiv rua nwg, tabsis tug kws tsi muaj dlaabtsi le, txawm yog yaam nyuas miv-miv kws nwg muaj xwb los tseem yuav muab rhu tawm ntawm nwg moog.” #Math 13:12; 25:29; Lukas 19:26
Zaaj Lug Pevtxwv Has Txug Lub Noob Nplej Kws Tuaj Kaug
26Yexus qha ntxiv has tas, “Vaajtswv lub Tebchaws yog zoole nuav. Muaj ib tug txivneej moog tseb nplej rua huv nwg dlaim teb. 27Montuj nwg pw tsaugzug, nruabnub nwg sawv ua num, tabsis cov noob nplej yeej nthaw kaug hab luj zujzug tuaj. Nwg tsi paub sov ua lecaag cov noob nplej ho ua tau le ntawd. 28Tub yog cov aav ua kuas nplej tuaj hab txhawv, xub muaj tug kaav mog-mog, naab nplej maamle txhawv tuaj, thaus kawg lub noob npleg maam ua tau lub ntsab. 29Thaus nplej sav lawm, nwg txawm muab lag moog hlais, ruaqhov tub txug lub caij hlais lawm.” #Yau 3:13
Zaaj Lug Pevtxwv Has Txug Lub Noob Maxataj
(Mathais 13:31-32, 34; Lukas 13:18-19)
30Yexus qha ntxiv has tas, “Yuav muab Vaajtswv lub Tebchaws pev rua dlaabtsi lossis yuav siv zaaj lug pevtxwv twg txhaj yuav qha tau? 31Vaajtswv lub Tebchaws pev ib yaam le ib tug txivneej nqaa ib lub noob maxataj kws yog lub miv dlua lwmyaam noob huv nplajteb nuav, coj moog cog rua huv aav. 32Tsi ntev lub noob ntawd txawm hlub tuaj hab dlhau moog ua tsob kws luj dlua txhua yaam zaub huv tuabsi. Nwg ncau ntau ceg luj heev ua rua noog lug ua zeg rua sau tej ceg kws muaj nplooj roog.”
33Yexus qha Vaajtswv Txujlug ua lug pevtxwv ntau zaaj rua suavdlawg noog lawvle puab muaj peevxwm totaub tau. 34Thaus Nwg qha rua suavdlawg, Nwg ua lug pevtxwv qha xwb, tabsis thaus Nwg tuableeg nrug cov thwjtim nyob, Nwg yeej txhais txhua zaaj rua puab paub.
Yexus Txwv Cua
(Mathais 8:23-27; Lukas 13:18-19)
35Nub ntawd thaus yuav tsausntuj, Yexus has rua Nwg cov thwjtim has tas, “Peb cale hlaa havtxwv moog rua saab tim u.” 36Thaus puab ncaim suavdlawg lawm; Yexus txhaj xub moog nyob huv lub nkoj, cov thwjtim txawm lawv Yexus qaab hab coj Nwg nrug puab moog. Muaj ob-peb lub nkoj kuj nrug puab lub moog hab. 37Taamsim ntawd txawm muaj cuadlaaj cuadlub hlub heev ntsawj dlej ndlaas lug rua huv lub nkoj tub yuav puv. 38Yexus tseem rau ncoo pw tsaugzug tom tw nkoj, cov thwjtim txhaj lug tsaa Yexus has tas, “Xwbfwb, peb tub yuav puamtsuaj taamsim nuav, Koj txawm tsi quavntsej le lov?”
39Yexus sawvtseeg lug txwv kag cov cua hab has rua dlej has tas, “Cale tu hab nyob tugyeeg!” Tes cua txawm pib tu moog hab dlej cale nyob tugyeeg lawm xwb. 40Yexus has rua Nwg cov thwjtim tas, “Vim lecaag mej ntshai ualuaj? Mej tseem tsi tau muaj kev ntseeg lov?”
41Tabsis puab ntshai kawg, puab sisthaam has tas, “Tug nuav yog leejtwg? Txawm yog cua hab dlej los tseem noog Nwg lug hab?”
လက္ရွိေရြးခ်ယ္ထားမွု
Malakaus 4: HNJ2022
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.
Malakaus 4
4
Zaaj Lug Pevtxwv Has Txug Tug Tseb Nplej
(Mathais 13:1-19; Lukas 8:4-8)
1Yexus rovqaab moog qha nraag ntug dlej Havtxwv Kalilais dlua ib zag. Cov tuabneeg kws tuaj nyob puagncig Nwg ntawd coob heev, Nwg txhaj nce moog nyob huv ib lub nkoj ze rua ntawm ntug havtxwv. Cov tuabneeg coob-coob ntawd sawv ntawm ntug dlej. #Lukas 5:1-3 2Yexus ua lug pevtxwv qha ntau zaaj rua puab noog has tas:
3“Mej ua tuabzoo noog! Muaj ib tug txivneej nqaa nplej moog tseb. 4Thaus nwg tseb cov noob nplej rua huv dlaim teb, muaj qee lub poob rua huv txujkev, tes noog txawm yaa lug khaws noj lawm. 5Muaj qee lub poob rua ntawm thaaj aav kws muaj pobzeb ntau tabsis aav tsawg. Cov noob ntawd tuaj kaug sai-sai, ruaqhov aav tsi tub. 6Thaus lub nub tawm tuaj, tshaav kub, ua rua cov yub nplej cale qhuav lawm, vim cov caag ntsa aav tsi tub. 7Muaj qee lub poob rua huvqaab tsob xuavpaug, tes cov xuavpaug txhaj hlub tuaj laum cov nplej, ua rua cov nplej txhawv tsi taug. 8Tabsis muaj qee lub poob rua ntawm qhov aav zoo, cov ntawd tuaj kaug, lujhlub zoo hab txhawv taug. Qee naab txi tau 30 npaug, qee naab 60 npaug, hab qee naab 100 npaug.”
9Yexus xaus lug has tas, “Yog leejtwg muaj qhovntsej, cale noog!”
Lub Homphaj Ntawm Tej Lug Pevtxwv
(Mathais 13:10-17; Lukas 8:9-10)
10Thaus Yexus nyob ib leeg lawm xwb, cov tuabneeg kws nov Yexus qha muaj qeeleej nrug kaum-ob tug thwjtim txawm tuaj thov Yexus txhais zaaj lug pevtxwv ntawd rua puab paub. 11Yexus has rua puab tas, “Vaajtswv lub Tebchaws kws muab zais ca tub muab qha meej rua mej lawm, tabsis yuav tau ua lug pevtxwv qha txhua yaam rua cov kws nyob saabnrau, 12sub,
“ ‘Puab yuav saib taag saib thab,
los yuav tsi pum;
puab yuav noog taag noog thab,
los yuav tsi totaub.
Yog puab pum hab totaub lawm, ntshe puab yuav rov lug cuag Vaajtswv,
hab Vaajtswv yuav zaam puab lub txim.’ ” #Yaxaya 6:9-10 (LXX)
Yexus Txhais Zaaj Lug Pevtxwv Has Txug Tug Tseb Nplej
(Mathais 13:18-23; Lukas 8:11-15)
13Yexus has rua puab tas, “Mej tseem tsi totaub txug zaaj lug pevtxwv nuav hab lov? Yog mej tsi totaub zaaj nuav, mej yuav ua lecaag totaub lwm zaaj? 14Tug tseb nplej yog tseb Vaajtswv Txujlug. 15Qeeleej tuabneeg tes zoole cov noob nplej kws poob rua huv txujkev, thaus puab nov dlheev Vaajtswv Txujlug, tes Xataas txawm lug rhu kag txujlug ntawd moog lawm. 16Qeetug tuabneeg tes puab zoole cov noob nplej kws poob rua ntawm thaaj aav kws muaj pobzeb ntau tabsis aav tsawg, thaus puab nov dlheev Vaajtswv Txujlug, puab txaussab hlo txais yuav taamsim ntawd. 17Tabsis txujlug ntawd cog caag tsi tub rua huv puab, puab txhaj ntseeg ib nyuas ntu xwb. Thaus puab raug kev txomnyem lossis kev tsimtxom vim txujlug ntawd, tes puab txawm muab tsotseg taamsim. 18Qeetug tuabneeg tes zoole cov noob nplej kws poob rua huvqaab tsob xuavpaug. Cov nuav yog cov kws nov Vaajtswv Txujlug, 19tabsis tej kev nyuajsab huv puab lub neej, kev ntshaw nyaj, hab ntshaw yaam nuav yaam u, txawm hlub tuaj laum txujlug ntawd, ua rua puab lub neej txhaj tsi tawgpaaj txitxiv. 20Tabsis ibtxha tuabneeg tes zoole cov noob nplej kws poob rua ntawm qhov aav zoo. Puab nov Vaajtswv Txujlug, puab txais yuav txujlug ntawd, ua rua puab lub neej txhaj tawgpaaj txitxiv. Ibtxha txi tau 30 npaug, ibtxha 60 npaug, hab ibtxha 100 npaug.”
Muab Phab Khwb Lub Teeb
(Lukas 8:16-18)
21Yexus qha ntxiv has tas, “Puas muaj leejtwg taws teeb es muab ib lub phab khwb rua lossis muab txawb rua huv qaabtxaag? Tsuas muaj kws yuav muab txawb rua sau lub txee txawb teeb xwb. #Math 5:15; Lukas 11:33 22Tej kws muab zais ca lawm yeej yuav raug muab nthuav tawm, hab tej kws muab npug ca lawm yeej yuav raug muab qheb kuas suavdlawg paub xwb. #Math 10:26; Lukas 12:2 23Yog leejtwg muaj qhovntsej, cale noog!”
24Yexus has ntxiv rua puab tas, “Mej yuavtsum ua tuabzoo noog tej kws mej nov. Mej muab lub luaj lecaag luj rua lwmtug lawm, Vaajtswv yuav muab lub luaj le ntawd luj rov rua mej, lossis tseem yuav tsaav ntxiv ntau dlua ntawd hab. #Math 7:2; Lukas 6:38 25Tug kws muaj lawm, tseem yuav muab tsaav ntxiv rua nwg, tabsis tug kws tsi muaj dlaabtsi le, txawm yog yaam nyuas miv-miv kws nwg muaj xwb los tseem yuav muab rhu tawm ntawm nwg moog.” #Math 13:12; 25:29; Lukas 19:26
Zaaj Lug Pevtxwv Has Txug Lub Noob Nplej Kws Tuaj Kaug
26Yexus qha ntxiv has tas, “Vaajtswv lub Tebchaws yog zoole nuav. Muaj ib tug txivneej moog tseb nplej rua huv nwg dlaim teb. 27Montuj nwg pw tsaugzug, nruabnub nwg sawv ua num, tabsis cov noob nplej yeej nthaw kaug hab luj zujzug tuaj. Nwg tsi paub sov ua lecaag cov noob nplej ho ua tau le ntawd. 28Tub yog cov aav ua kuas nplej tuaj hab txhawv, xub muaj tug kaav mog-mog, naab nplej maamle txhawv tuaj, thaus kawg lub noob npleg maam ua tau lub ntsab. 29Thaus nplej sav lawm, nwg txawm muab lag moog hlais, ruaqhov tub txug lub caij hlais lawm.” #Yau 3:13
Zaaj Lug Pevtxwv Has Txug Lub Noob Maxataj
(Mathais 13:31-32, 34; Lukas 13:18-19)
30Yexus qha ntxiv has tas, “Yuav muab Vaajtswv lub Tebchaws pev rua dlaabtsi lossis yuav siv zaaj lug pevtxwv twg txhaj yuav qha tau? 31Vaajtswv lub Tebchaws pev ib yaam le ib tug txivneej nqaa ib lub noob maxataj kws yog lub miv dlua lwmyaam noob huv nplajteb nuav, coj moog cog rua huv aav. 32Tsi ntev lub noob ntawd txawm hlub tuaj hab dlhau moog ua tsob kws luj dlua txhua yaam zaub huv tuabsi. Nwg ncau ntau ceg luj heev ua rua noog lug ua zeg rua sau tej ceg kws muaj nplooj roog.”
33Yexus qha Vaajtswv Txujlug ua lug pevtxwv ntau zaaj rua suavdlawg noog lawvle puab muaj peevxwm totaub tau. 34Thaus Nwg qha rua suavdlawg, Nwg ua lug pevtxwv qha xwb, tabsis thaus Nwg tuableeg nrug cov thwjtim nyob, Nwg yeej txhais txhua zaaj rua puab paub.
Yexus Txwv Cua
(Mathais 8:23-27; Lukas 13:18-19)
35Nub ntawd thaus yuav tsausntuj, Yexus has rua Nwg cov thwjtim has tas, “Peb cale hlaa havtxwv moog rua saab tim u.” 36Thaus puab ncaim suavdlawg lawm; Yexus txhaj xub moog nyob huv lub nkoj, cov thwjtim txawm lawv Yexus qaab hab coj Nwg nrug puab moog. Muaj ob-peb lub nkoj kuj nrug puab lub moog hab. 37Taamsim ntawd txawm muaj cuadlaaj cuadlub hlub heev ntsawj dlej ndlaas lug rua huv lub nkoj tub yuav puv. 38Yexus tseem rau ncoo pw tsaugzug tom tw nkoj, cov thwjtim txhaj lug tsaa Yexus has tas, “Xwbfwb, peb tub yuav puamtsuaj taamsim nuav, Koj txawm tsi quavntsej le lov?”
39Yexus sawvtseeg lug txwv kag cov cua hab has rua dlej has tas, “Cale tu hab nyob tugyeeg!” Tes cua txawm pib tu moog hab dlej cale nyob tugyeeg lawm xwb. 40Yexus has rua Nwg cov thwjtim tas, “Vim lecaag mej ntshai ualuaj? Mej tseem tsi tau muaj kev ntseeg lov?”
41Tabsis puab ntshai kawg, puab sisthaam has tas, “Tug nuav yog leejtwg? Txawm yog cua hab dlej los tseem noog Nwg lug hab?”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.