Malakaus 13
13
Yexus Has Txug Lub Tuamtsev Yuav Puamtsuaj
(Mathais 24:1-2; Lukas 21:5-6)
1Thaus Yexus taabtom tawm huv lub Tuamtsev moog, Yexus ib tug thwjtim has rua Nwg has tas, “Xwbfwb, Koj saib tej txhibzeb hab tej tsev nuav seb, zoonkauj kawg le!”
2Yexus teb tas, “Koj puas pum tej tsev kws luj-luj nuav? Tej txhibzeb kws luas muab tib ib lub tshooj ib lub ntawd, txhua lub yuav pluam nyag nyob nyag taag huv tuabsi.”
Kev Txomnyem Hab Kev Tsimtxom
(Mathais 24:3-14; Lukas 21:7-19)
3Thaus Yexus nyob peg lub Roob Txiv Ntoo-Roj kws nyob ncaaj lub Tuamtsev saab tid, Petus, Yakaunpaus, Yauhaas, hab Aanrus lug nug Yexus tuabywv. 4Puab has tas, “Koj qha rua peb seb thaus twg maamle muaj tej nuav? Hab yuav muaj dlaabtsi tshwm lug qha rua peb paub tas tub txug lub sijhawm kws muaj tej ntawd lawm?”
5Yexus has rua puab tas, “Mej yuavtsum ceevfaaj, tsi xob ca leejtwg ntxag tau mej yuamkev. 6Yuav muaj ntau leej tuaj ntawm Kuv lub npe tuaj has rua mej tas, ‘Kuv yog Nwg!’ Hab puab yuav ntxag ntau leej yuamkev. 7Thaus mej nov kev tsuv kev rog nyob ze mej hab nov moo txug tej tebchaws kws nyob dleb uatsuv uarog, mej tsi xob poobsab. Yeej yuav muaj tej ntawd, tabsis tsi tau txhais has tas tub txug lub sijhawm kawg lawm. 8Ib lub tebchaws yuav sawv tawmtsaam ib lub tebchaws, hab ib tsaav tuabneeg yuav sawv tawmtsaam ib tsaav tuabneeg. Yuav muaj aav qeeg nyob rua txhua qhov, hab yuav muaj kev tshaib kev nqhes. Tej nuav zoo ib yaam le tug quaspuj kws nyavnyuas pib mob plaab yuav yug mivnyuas xwb.
9“Mej yuavtsum ceevfaaj. Yuav muaj tuabneeg nteg mej hab coj moog rua huv tsev tu plaub, luas yuav muab mej ntaus huv tej tsev saablaaj. Mej yuav raug moog sawv taabmeeg tej numtswv hab tej vaajntxwv ntawm Kuv lub npe ua timkhawv rua puab txug Txuj Moo Zoo. #Math 10:17-20; Lukas 12:11-12 10Tabsis uantej lub sijhawm kawg, Txuj Moo Zoo yuavtsum raug muab qha rua txhua tsaav tuabneeg tsaiv. 11Thaus luas nteg mej coj moog rua huv tej tsev has plaub, mej tsi xob txhawj tas mej yuav has lecaag; thaus txug lub sijhawm ntawd lawm, cale has lawvle Vaajtswv qha kuas mej has, ruaqhov tej lug kws mej yuav has ntawd tsi yog mej le lug tabsis yog Vaaj Ntsujplig tug Dlawbhuv le lug.
12“Tej kwvtij ib tug yuav muab ib tug rua luas tua. Cov kws yog leejtxiv yuav ua ib yaam le ntawd rua puab tej mivnyuas hab. Tej mivnyuas yuav tawmtsaam namtxiv hab coj moog rua luas tua. 13Txhua tug yuav ntxub mej vim mej yog cov kws ntseeg Kuv, tabsis tug kws ua sabntev tiv taug moog txug thaus kawg, tug ntawd yuav dlim. #Math 10:22
Yaam Phem Kawg Nkaus
(Mathais 24:15-28; Lukas 21:20-24)
14“Mej yuav pum ‘Yaam phem kawg nkaus’ sawv huv qhov chaw kws tsi tsimnyog nwg sawv.” (Tug kws nyeem qhov nuav, nwg yuavtsum totaub has tas lub ntsablug nuav yog txhais lecaag!) “Thaus ntawd cov tuabneeg kws nyob huv xeev Yudas yuavtsum tsiv moog rua peg tej roob. #Dani 9:27; 11:31; 12:11 15Tug kws nyob sau ruvtsev, txheej tsev laagtshaav, tsi xob nkim sijhawm nqeg moog nqaa ib yaam dlaabtsi huv tsev tawm. 16Tug kws nyob tom teb, tsi xob rov lug nqaa nwg lub tsho ntev huv tsev. 17Lub sijhawm ntawd tej quaspuj kws suab mivnyuas hab tej quaspuj kws muaj mivnyuas mog noj mig yuav txomnyem kawg nkaus le. 18Thov Vaajtswv paab kuas tej nuav tsi xob tshwmsim rua thaus lub caij ntuj no! 19Ruaqhov txij thaus Vaajtswv tsim lub nplajteb lug txug najnub nua, yeej tsi tau muaj kev txomnyem kws yuav heev npaum le zag nuav, hab yaav tomntej los yuav tsi muaj le zag nuav lawm. 20Tabsis tug Tswv tub txav noobnyoog ntawm lub sijhawm ntawd kuas tuablu lawm. Yog Nwg tsi ua le ntawd, yeej yuav tsi muaj leejtwg dlim le. Qhov kws Vaajtswv txav noobnyoog kuas tuablu ntawd, tub yog vim Nwg hlub Nwg tsaav tuabneeg kws Nwg tau xaiv ca lawm.
21“Thaus ntawd, yog leejtwg has rua mej has tas, ‘Mej saib seb, tug Mexiyas nyob ntawm nuav!’ Lossis has tas, ‘Nwg nyob tod!’ Mej tsi xob ntseeg tej ntawd. 22Ruaqhov yuav muaj tej Mexiyas cuav hab tej xwbfwb cevlug cuav kws tshwm tuaj. Puab yuav lug ua tej txujci tseemceeb ntxag Vaajtswv tsaav tuabneeg kws Nwg tub xaiv lawm, seb puab puas yuamkev tau. 23Mej yuavtsum ceevfaaj, ruaqhov Kuv tub qha txhua yaam rua mej paub uantej lawm.
Tuabneeg Leejtub Yuav Lug
(Mathais 24:29-31; Lukas 21:25-28)
24“Thaus tej kev txomnyem ntawd dlhau lawm, lub nub yuav tsaus, lub hli yuav tsi ci, #Yaxaya 13:10; Yau 2:10, 31; 3:15; Tshwm 6:12; Tsiv 13:10; Exek 32:7 25tej nubqub yuav poob sau ntuj lug, hab tej kws muaj fwjchim nyob sau nruabntug yuav uazug koog huv tuabsi. #Yaxaya 34:4; Tshwm 6:13; Yau 2:10 26Thaus ntawd suavdlawg yuav pum Tuabneeg Leejtub tshwm sau cov fuab lug, nrug Nwg lub fwjchim hab tug tshwjchim ci ntsaa-ab. #Tegnum 7:13; Tshwm 1:7 27Nwg yuav khaiv Nwg cov timtswv moog txhuanrho plaub cegkaum ntuj, qaws cov tuabneeg kws Vaajtswv tub xaiv ca lawm, taagnrho qaabntuj kawg moog txug rua hauvntuj kawg, lug nyob uake.
Kawm Txug Tsob Txiv Ncuavpas
(Mathais 24:32-35; Lukas 21:29-33)
28“Mej cale kawm lug ntawm tsob txiv ncuavpas. Thaus nwg tej ceg rov tawg kaug ntsuab hab chiv hlaav nplooj mognyoos tuaj, mej paub tas tub yuav txug lub caij ntuj kub. 29Ib yaam nkaus le ntawd, thaus mej pum tej ntawd tshwmsim, mej yuav paub tas lub sijhawm tub lug yuav txug, tub nyob ntawm qhovrooj lawm.#13:29: Lub sijhawm tub lug yuav txug, tub nyob ntawm qhovrooj lawm; lossis Nwg tub pib yuav lug sai-sai nuav lawm. 30Ncuntsoov tas txhua yaam nuav yuav tshwmsim lug uantej cov tuabneeg tam nuav tuag taag. 31Lub ntuj hab lub nplajteb yuav pluj moog, tabsis Kuv tej lug qha yuav tsi pluj hlo le.
Tsi Muaj Leejtwg Paub Nub Hab Sijhawm
(Mathais 24:36-44)
32“Tsi muaj leejtwg paub tas yog nub ntawd lossis lub sijhawm ntawd, txawm yog cov timtswv ceebtsheej hab Leejtub los yeej tsi paub; tsuas yog Leejtxiv tuableeg txhaj paub xwb. #Math 24:36 33Mej yuavtsum ceevfaaj hab zuv tog, ruaqhov mej tsi paub tas thaus twg lub sijhawm ntawd yuav lug txug. 34Yuav zoole ib tug txivneej kws tawm huv nwg lub tsev moog rua lwmqhov, tseg nwg cov tubkhai zuv tsev hab saib dlejnum, puab nyag muaj nyag ib tegnum ua. Hab nwg has kuas tug zuv qhovrooj, zuv zoo-zoo. #Lukas 12:36-38 35Yogle ntawd, mej yuavtsum zuv zoo-zoo, ruaqhov mej tsi paub tas thaus twg tug tswvtsev ntawd yuav rov lug. Tejzag nwg yuav lug thaus tsausntuj lossis thaus ib taagmo lossis thaus qab qua lossis thaus kaajntug. 36Yog nwg cale lug tshwm plawg taamsim, xob ca nwg tseem pum mej pw tsaugzug. 37Tej lug kws Kuv qha rua mej, Kuv has rua suavdlawg ib yaam nkaus tas: Ceevfaaj zuv tog!”
လက္ရွိေရြးခ်ယ္ထားမွု
Malakaus 13: HNJ2022
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.
Malakaus 13
13
Yexus Has Txug Lub Tuamtsev Yuav Puamtsuaj
(Mathais 24:1-2; Lukas 21:5-6)
1Thaus Yexus taabtom tawm huv lub Tuamtsev moog, Yexus ib tug thwjtim has rua Nwg has tas, “Xwbfwb, Koj saib tej txhibzeb hab tej tsev nuav seb, zoonkauj kawg le!”
2Yexus teb tas, “Koj puas pum tej tsev kws luj-luj nuav? Tej txhibzeb kws luas muab tib ib lub tshooj ib lub ntawd, txhua lub yuav pluam nyag nyob nyag taag huv tuabsi.”
Kev Txomnyem Hab Kev Tsimtxom
(Mathais 24:3-14; Lukas 21:7-19)
3Thaus Yexus nyob peg lub Roob Txiv Ntoo-Roj kws nyob ncaaj lub Tuamtsev saab tid, Petus, Yakaunpaus, Yauhaas, hab Aanrus lug nug Yexus tuabywv. 4Puab has tas, “Koj qha rua peb seb thaus twg maamle muaj tej nuav? Hab yuav muaj dlaabtsi tshwm lug qha rua peb paub tas tub txug lub sijhawm kws muaj tej ntawd lawm?”
5Yexus has rua puab tas, “Mej yuavtsum ceevfaaj, tsi xob ca leejtwg ntxag tau mej yuamkev. 6Yuav muaj ntau leej tuaj ntawm Kuv lub npe tuaj has rua mej tas, ‘Kuv yog Nwg!’ Hab puab yuav ntxag ntau leej yuamkev. 7Thaus mej nov kev tsuv kev rog nyob ze mej hab nov moo txug tej tebchaws kws nyob dleb uatsuv uarog, mej tsi xob poobsab. Yeej yuav muaj tej ntawd, tabsis tsi tau txhais has tas tub txug lub sijhawm kawg lawm. 8Ib lub tebchaws yuav sawv tawmtsaam ib lub tebchaws, hab ib tsaav tuabneeg yuav sawv tawmtsaam ib tsaav tuabneeg. Yuav muaj aav qeeg nyob rua txhua qhov, hab yuav muaj kev tshaib kev nqhes. Tej nuav zoo ib yaam le tug quaspuj kws nyavnyuas pib mob plaab yuav yug mivnyuas xwb.
9“Mej yuavtsum ceevfaaj. Yuav muaj tuabneeg nteg mej hab coj moog rua huv tsev tu plaub, luas yuav muab mej ntaus huv tej tsev saablaaj. Mej yuav raug moog sawv taabmeeg tej numtswv hab tej vaajntxwv ntawm Kuv lub npe ua timkhawv rua puab txug Txuj Moo Zoo. #Math 10:17-20; Lukas 12:11-12 10Tabsis uantej lub sijhawm kawg, Txuj Moo Zoo yuavtsum raug muab qha rua txhua tsaav tuabneeg tsaiv. 11Thaus luas nteg mej coj moog rua huv tej tsev has plaub, mej tsi xob txhawj tas mej yuav has lecaag; thaus txug lub sijhawm ntawd lawm, cale has lawvle Vaajtswv qha kuas mej has, ruaqhov tej lug kws mej yuav has ntawd tsi yog mej le lug tabsis yog Vaaj Ntsujplig tug Dlawbhuv le lug.
12“Tej kwvtij ib tug yuav muab ib tug rua luas tua. Cov kws yog leejtxiv yuav ua ib yaam le ntawd rua puab tej mivnyuas hab. Tej mivnyuas yuav tawmtsaam namtxiv hab coj moog rua luas tua. 13Txhua tug yuav ntxub mej vim mej yog cov kws ntseeg Kuv, tabsis tug kws ua sabntev tiv taug moog txug thaus kawg, tug ntawd yuav dlim. #Math 10:22
Yaam Phem Kawg Nkaus
(Mathais 24:15-28; Lukas 21:20-24)
14“Mej yuav pum ‘Yaam phem kawg nkaus’ sawv huv qhov chaw kws tsi tsimnyog nwg sawv.” (Tug kws nyeem qhov nuav, nwg yuavtsum totaub has tas lub ntsablug nuav yog txhais lecaag!) “Thaus ntawd cov tuabneeg kws nyob huv xeev Yudas yuavtsum tsiv moog rua peg tej roob. #Dani 9:27; 11:31; 12:11 15Tug kws nyob sau ruvtsev, txheej tsev laagtshaav, tsi xob nkim sijhawm nqeg moog nqaa ib yaam dlaabtsi huv tsev tawm. 16Tug kws nyob tom teb, tsi xob rov lug nqaa nwg lub tsho ntev huv tsev. 17Lub sijhawm ntawd tej quaspuj kws suab mivnyuas hab tej quaspuj kws muaj mivnyuas mog noj mig yuav txomnyem kawg nkaus le. 18Thov Vaajtswv paab kuas tej nuav tsi xob tshwmsim rua thaus lub caij ntuj no! 19Ruaqhov txij thaus Vaajtswv tsim lub nplajteb lug txug najnub nua, yeej tsi tau muaj kev txomnyem kws yuav heev npaum le zag nuav, hab yaav tomntej los yuav tsi muaj le zag nuav lawm. 20Tabsis tug Tswv tub txav noobnyoog ntawm lub sijhawm ntawd kuas tuablu lawm. Yog Nwg tsi ua le ntawd, yeej yuav tsi muaj leejtwg dlim le. Qhov kws Vaajtswv txav noobnyoog kuas tuablu ntawd, tub yog vim Nwg hlub Nwg tsaav tuabneeg kws Nwg tau xaiv ca lawm.
21“Thaus ntawd, yog leejtwg has rua mej has tas, ‘Mej saib seb, tug Mexiyas nyob ntawm nuav!’ Lossis has tas, ‘Nwg nyob tod!’ Mej tsi xob ntseeg tej ntawd. 22Ruaqhov yuav muaj tej Mexiyas cuav hab tej xwbfwb cevlug cuav kws tshwm tuaj. Puab yuav lug ua tej txujci tseemceeb ntxag Vaajtswv tsaav tuabneeg kws Nwg tub xaiv lawm, seb puab puas yuamkev tau. 23Mej yuavtsum ceevfaaj, ruaqhov Kuv tub qha txhua yaam rua mej paub uantej lawm.
Tuabneeg Leejtub Yuav Lug
(Mathais 24:29-31; Lukas 21:25-28)
24“Thaus tej kev txomnyem ntawd dlhau lawm, lub nub yuav tsaus, lub hli yuav tsi ci, #Yaxaya 13:10; Yau 2:10, 31; 3:15; Tshwm 6:12; Tsiv 13:10; Exek 32:7 25tej nubqub yuav poob sau ntuj lug, hab tej kws muaj fwjchim nyob sau nruabntug yuav uazug koog huv tuabsi. #Yaxaya 34:4; Tshwm 6:13; Yau 2:10 26Thaus ntawd suavdlawg yuav pum Tuabneeg Leejtub tshwm sau cov fuab lug, nrug Nwg lub fwjchim hab tug tshwjchim ci ntsaa-ab. #Tegnum 7:13; Tshwm 1:7 27Nwg yuav khaiv Nwg cov timtswv moog txhuanrho plaub cegkaum ntuj, qaws cov tuabneeg kws Vaajtswv tub xaiv ca lawm, taagnrho qaabntuj kawg moog txug rua hauvntuj kawg, lug nyob uake.
Kawm Txug Tsob Txiv Ncuavpas
(Mathais 24:32-35; Lukas 21:29-33)
28“Mej cale kawm lug ntawm tsob txiv ncuavpas. Thaus nwg tej ceg rov tawg kaug ntsuab hab chiv hlaav nplooj mognyoos tuaj, mej paub tas tub yuav txug lub caij ntuj kub. 29Ib yaam nkaus le ntawd, thaus mej pum tej ntawd tshwmsim, mej yuav paub tas lub sijhawm tub lug yuav txug, tub nyob ntawm qhovrooj lawm.#13:29: Lub sijhawm tub lug yuav txug, tub nyob ntawm qhovrooj lawm; lossis Nwg tub pib yuav lug sai-sai nuav lawm. 30Ncuntsoov tas txhua yaam nuav yuav tshwmsim lug uantej cov tuabneeg tam nuav tuag taag. 31Lub ntuj hab lub nplajteb yuav pluj moog, tabsis Kuv tej lug qha yuav tsi pluj hlo le.
Tsi Muaj Leejtwg Paub Nub Hab Sijhawm
(Mathais 24:36-44)
32“Tsi muaj leejtwg paub tas yog nub ntawd lossis lub sijhawm ntawd, txawm yog cov timtswv ceebtsheej hab Leejtub los yeej tsi paub; tsuas yog Leejtxiv tuableeg txhaj paub xwb. #Math 24:36 33Mej yuavtsum ceevfaaj hab zuv tog, ruaqhov mej tsi paub tas thaus twg lub sijhawm ntawd yuav lug txug. 34Yuav zoole ib tug txivneej kws tawm huv nwg lub tsev moog rua lwmqhov, tseg nwg cov tubkhai zuv tsev hab saib dlejnum, puab nyag muaj nyag ib tegnum ua. Hab nwg has kuas tug zuv qhovrooj, zuv zoo-zoo. #Lukas 12:36-38 35Yogle ntawd, mej yuavtsum zuv zoo-zoo, ruaqhov mej tsi paub tas thaus twg tug tswvtsev ntawd yuav rov lug. Tejzag nwg yuav lug thaus tsausntuj lossis thaus ib taagmo lossis thaus qab qua lossis thaus kaajntug. 36Yog nwg cale lug tshwm plawg taamsim, xob ca nwg tseem pum mej pw tsaugzug. 37Tej lug kws Kuv qha rua mej, Kuv has rua suavdlawg ib yaam nkaus tas: Ceevfaaj zuv tog!”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.