Malakaus 12
12
Zaaj Lug Pevtxwv Txug Cov Tuabneeg Kws Tu Lub Vaaj Txivmaab
(Mathais 21:33-46; Lukas 20:9-19)
1Yexus txawm ua lug pevtxwv qha rua puab has tas: “Muaj ib tug txivneej cog ib cov txivmaab hab xov vaaj puagncig rua, nwg khawb ib lub qhov tsuam txivmaab hab ua lub chaw tsomfaaj zuv. Nwg muab cov txivmaab ntawd xauj rua ib cov tuabneeg tu, tes nwg txawm moog rua lwm tebchaws lawm. #Yaxaya 5:1-2 2Thaus txug lub caij dle txivmaab, nwg txawm khaiv nwg ib tug tubqhe moog cuag cov kws tu lub vaaj hab sau tej txivmaab kws yog nwg feem lug rua nwg. 3Cov tuabneeg kws tu lub vaaj txawm muab tug tubqhe ntawd nteg, muab nwg ntaus, hab ntab nwg rov moog teg dlawb teg nplag. 4Tug tswv vaaj rov khaiv dlua ib tug tubqhe moog; cov tuabneeg kws tu lub vaaj muab tug tubqhe ntawd ntaus taubhau hab ua saib tsi taug nwg. 5Tug tswv vaaj rov khaiv dlua ib tug tubqhe moog, tabsis puab muab tug tubqhe ntawd tua tuag; puab yeej ua le ntawd rua txhua tug kws tug tswv vaaj khaiv moog; qeeleej raug ntaus hab muaj qeeleej raug tua tuag.
6“Tshuav tug tswv vaaj tug tub kws nwg hlub xwb txhaj tsi tau raug xaa moog. Thaus kawg tug tswv vaaj txhaj khaiv kag nwg tug tub moog cuag cov tuabneeg kws tu lub vaaj. Nwg has tas, ‘Kuv ntseeg tas puab yeej yuav fwm kuv tug tub xwb.’ 7Tabsis cov tuabneeg kws tu lub vaaj ntawd txawm sisthaam has tas, ‘Tug nuav ntaag lau, yog tug tswv vaaj tug tub. Peb cale muab nwg tua povtseg, peb txhajle tau nwg tej teejtug!’ 8Puab txawm nteg kag tug tub ntawd, muab nwg tua hab muab pov rua saab ntug vaaj nrau.”
9Yexus nug has tas, “Mej xaav tas tug tswv vaaj yuav ua lecaag? Nwg yeej yuav moog muab cov tuabneeg tu lub vaaj ntawd tua povtseg huv tuabsi hab muab lub vaaj txivmaab ntawd tso rua lwm cov tu. 10Mej tub nyeem Vaajtswv Txujlug kws has tas:
“ ‘Lub pobzeb kws cov tuabneeg ua tsev muab povtseg lawm,
lub ntawd tub dlhau lug ua lub kws tseemceeb dlua ndlais lawm.
11Qhov nuav yog tug Tswv ua,
yog yaam zoo kawg nkaus kws peb pum!’ ” #Nnkauj 118:22-23
12Cov Yudais cov thawjcoj yeej npaajsab yuav nteg Yexus taamsim ntawd, vim puab paub tas Nwg txhobtxwm pav zaaj lug pevtxwv ntawd lug tawmtsaam puab. Tabsis puab kuj ntshai cov tuabneeg coob-coob ntawd, puab txawm cale tsiv lawm.
Nug Txug Kev Them Se
(Mathais 22:15-22; Lukas 20:20-26)
13Puab khaiv cov Falixais qeeleej hab Helauj cov tuabneeg qeeleej tuaj cuag Yexus hab nug le nuav le u seb Nwg puas yuav has txhum. 14Puab txawm nug has tas, “Xwbfwb, peb paub tas Koj yog ib tug tuabneeg ncaaj, Koj tsi xaiv leejtwg ntsejmuag hab tsi tuaj leejtwg tog. Koj tsuas qha qhov tseeb txug Vaajtswv txujkev rua tuabneeg xwb. Koj qha rua peb seb, yog peb them se rua Xixas puas txhum peb txuj kevcai los tsi txhum? Puas tsimnyog peb them rua puab hab?”
15Tabsis Yexus tub paub txug puab tej tswvyim phem ntawd lawm, Nwg txhaj teb puab has tas, “Mej tuaj sim Kuv ua dlaabtsi? Muab ib lub nyaj lug rua Kuv saib seb.”
16Puab txawm muab ib lub nyaj lug rua Nwg, tes Nwg txhaj nug puab has tas, “Lub ntsejmuag hab lub npe kws txaug rua huv lub nyaj nuav yog leejtwg lub?”
Puab teb tas, “Yog Xixas lub.”
17Yexus txhaj has tas, “Yaam kws yog Xixas le cale muab rua Xixas, hab yaam kws yog Vaajtswv le cale muab rua Vaajtswv.”
Thaus puab nov Yexus teb le ntawd, puab xaav tsi thoob le.
Nug Txug Cov Tuabneeg Tuag Kws Sawv Rovqaab Lug
(Mathais 22:23-33; Lukas 20:27-40)
18Cov Xadukais kws tsi ntseeg tas tuabneeg yuav sawv huv qhovtuag rovqaab lug, muaj qeeleej tuaj cuag Yexus hab nug has tas, #Tegnum 23:8 19“Xwbfwb, Mauxes sau txuj kevcai nuav qha rua peb has tas, ‘Yog ib tug quasyawg twg tuag thaus nwg tug quaspuj tseem tsi tau muaj mivnyuas, nwg tug kwv yuavtsum yuav tug namtij hab muaj tubki rua tug tijlaug.’ #2Kev 25:5 20Zagnua, muaj xyaa leej kwvtij; tug tijlaug hlub yuav quaspuj tabsis tseem tsi tau muaj mivnyuas tes nwg txawm tuag lawm. 21Tug kwv thib ob yuav tug namtij ntawd, tsi tau muaj mivnyuas tes nwg txawm tuag lawm. Tug kwv thib peb los kuj ua tuabyaam le ntawd hab, 22taagnrho xyaa leej kwvtij kws yuav tug quaspuj ntawd puavleej tuag huv tuabsi hab yeej tsi tau muaj mivnyuas le. Thaus kawg tug quaspuj ntawd kuj tuag lawm hab. 23Yogle ntawd, thaus txug nub kws cov tuabneeg tuag sawv rovqaab lug, tug quaspuj ntawd yuav yog leejtwg tug quaspuj? Ruaqhov puab xyaa leej puavleej tau yuav nwg huv tuabsi lawm.”
24Yexus teb tas, “Mej yuamkev lawm, ruaqhov mej tsi paub Vaajtswv tej Lug lossis Vaajtswv lub fwjchim. 25Thaus cov tuabneeg kws tuag lawm sawv rovqaab lug, puab yuav zoo ib yaam le cov timtswv kws nyob sau ntuj ceebtsheej, puab yuav tsi sisyuav lawm. 26Has txug qhov kws cov tuabneeg tuag sawv rovqaab lug: mej tsi tau nyeem Mauxes phoo ntawv ntu kws has txug cov nplaimtawg kws cig ntawm tsob ntoo lov? Vaajtswv has rua Mauxes has tas, ‘Kuv yog Anplahaas tug Vaajtswv, yog Ixaj tug Vaajtswv, hab yog Yakhauj tug Vaajtswv,’ #Tsiv 3:6 27Vaajtswv tsi yog cov tuabneeg tuag tug Vaajtswv, tabsis yog cov tuabneeg caj tug Vaajtswv. Mej yuamkev luj heev lawm lau!”
Nqai Kevcai Kws Tseemceeb Heev
(Mathais 22:34-40; Lukas 10:25-28)
28Muaj ib tug xwbfwb kws qha Kevcai nyob ntawd nov puab siscaav. Nwg pum tas Yexus teb tau cov Xadukais zoo heev, nwg txawm lug nug Yexus has tas, “Taagnrho cov kevcai, nqai twg yog nqai kws tseemceeb dlua ndlais huv tuabsi?” #Lukas 10:25-28
29Yexus teb tas, “Thawj nqai kws tseemceeb dlua ndlais yog nqai nuav: ‘Cov tuabneeg Yixalayees, mej ua tuabzoo noog! Tug Tswv kws yog peb tug Vaajtswv, Nwg tuableeg xwb txhaj yog tug Tswv.#12:29: Tug Tswv kws yog peb tug Vaajtswv, nwg tuableeg xwb txhaj yog tug Tswv; lossis Tug Tswv yog peb tug Vaajtswv, tsuas muaj tuabtug Tswv xwb. #2Kev 6:4-5 30Koj yuavtsum hlub tug Tswv kws yog koj tug Vaajtswv, kuas kawg sab kawg ntsws, kawg plaab kawg plawv, kawg laajlim tswvyim, hab kawg dlaag kawg zug.’ 31Nqai kevcai kws tseemceeb thib ob has le nuav tas, ‘Koj yuavtsum hlub koj tug kwvtij zejzog ib yaam le koj hlub koj tugkheej.’ Yeej tsi muaj dlua lwm nqai kevcai kws yuav tseemceeb tshaaj ob nqai nuav lawm.” #Levi 19:18
32Tug xwbfwb kws qha Kevcai teb Yexus has tas, “Yog lawm, Xwbfwb! Yeej muaj tseeb le Koj has tag, tsuas muaj tuabtug Tswv kws yog Vaajtswv xwb, yeej tsi muaj dlua lwmtug vaajtswv lawm. #2Kev 4:35 33Hab koj yuav tau hlub Vaajtswv kawg sab kawg ntsws, kawg laajlim tswvyim, hab kawg dlaag kawg zug; hab koj yuavtsum hlub koj tug kwvtij zejzog ib yaam le koj hlub koj tugkheej. Qhov kws ua lawvle ob nqai nuav kevcai nuav tseem tseemceeb dlua le muab tej tsaj tua theej txhoj, hab muab khoom hlawv fij rua Vaajtswv.” #Hauxe 6:6
34Yexus pum tas nwg muaj tswvyim teb, tes Yexus txawm has rua nwg tas, “Koj nyob tsi dleb Vaajtswv lub Tebchaws lawm.”
Txij ntawd lug tsi muaj leejtwg muaj cuabkaav nug Yexus ntxiv le lawm.
Nug Txug Tug Mexiyas
(Mathais 22:41-46; Lukas 20:41-44)
35Thaus Yexus taabtom qha huv lub Tuamtsev, Nwg nug has tas, “Ua lecaag cov xwbfwb kws qha Kevcai has tas, tug Mexiyas#12:35: Mexiyas; lossis Khetos. yog Daviv le caajceg? 36Vaaj Ntsujplig tug Dlawbhuv tshoov Daviv sab, nwg txhaj has tas,
“ ‘Tug Tswv has rua kuv tug Tswv has tas:
Lug nyob ntawm Kuv saab xis
moog txug thaus Kuv muab Koj cov yeebncuab lug tso huv Koj qaab xibtaws.’ #Nnkauj 110:1
37Daviv tub hu Nwg has tas ‘Tug Tswv’; es yuav ua lecaag has tau tas tug Mexiyas yog Daviv le caajceg?”
Yexus Ceebtoom Txug Cov Xwbfwb Kws Qha Kevcai
(Mathais 23:1-36; Lukas 20:45-47)
Cov tuabneeg coob-coob kws noog Yexus qha ntawd zoosab kawg le. 38Yexus qha puab has tas, “Mej yuavtsum ceevfaaj txug cov xwbfwb kws qha Kevcai. Puab nyam naav tej tsho ntev ncig moog ncig lug rua nuav rua u, hab nyam kuas tuabneeg hawm puab tom tej kab, 39puab xaiv moog nyob tej rooj kws tseemceeb huv tej tsev saablaaj, hab thaus muaj rooj noj rooj haus puab nyam nyob ntawm tej chaw saamxeeb xwb. 40Puab txhaav cov pujntsuag tej vaajtse yuav, hab uatxuj thov Vaajtswv ntev-ntev kuas suavdlawg qhuas puab. Puab cov nuav yuav raug txim nyaav tshaajplawg!”
Tug Pujntsuag Tso Nyaj
(Lukas 21:1-4)
41Yexus nyob ze rua ntawm lub thawv tso nyaj huv lub Tuamtsev, Nwg saib cov tuabneeg kws coj puab tej nyaj tuaj tso. Muaj ntau tug tuabneeg npluanuj tso nyaj ntau kawg le; 42thaus ntawd muaj ib tug pujntsuag pluag-pluag tuaj hab muab ob lub nyuas txaj toog lab miv-miv kws raug nqe le ib lub nyuas npib lab tuaj tso rua huv. 43Yexus txawm hu Nwg cov thwjtim lug hab has rua puab tas, “Kuv qha tseeb rua mej has tas, tug pujntsuag kws pluag-pluag nuav tseem tso nyaj rua huv lub thawv ntau dlua lwmtug huv tuabsi. 44Ruaqhov lwmtug muab tej nyuas kws seem ntawm puab txuj kev npluanuj tuaj tso xwb; tabsis tug puj nuav txawm yog nwg tub pluag npaum le ntawd los nwg tseem muab taagnrho tej kws nwg muaj, nwg muab hlo qhov nyaj kws yug nwg txujsa tuaj tso.”
လက္ရွိေရြးခ်ယ္ထားမွု
Malakaus 12: HNJ2022
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.
Malakaus 12
12
Zaaj Lug Pevtxwv Txug Cov Tuabneeg Kws Tu Lub Vaaj Txivmaab
(Mathais 21:33-46; Lukas 20:9-19)
1Yexus txawm ua lug pevtxwv qha rua puab has tas: “Muaj ib tug txivneej cog ib cov txivmaab hab xov vaaj puagncig rua, nwg khawb ib lub qhov tsuam txivmaab hab ua lub chaw tsomfaaj zuv. Nwg muab cov txivmaab ntawd xauj rua ib cov tuabneeg tu, tes nwg txawm moog rua lwm tebchaws lawm. #Yaxaya 5:1-2 2Thaus txug lub caij dle txivmaab, nwg txawm khaiv nwg ib tug tubqhe moog cuag cov kws tu lub vaaj hab sau tej txivmaab kws yog nwg feem lug rua nwg. 3Cov tuabneeg kws tu lub vaaj txawm muab tug tubqhe ntawd nteg, muab nwg ntaus, hab ntab nwg rov moog teg dlawb teg nplag. 4Tug tswv vaaj rov khaiv dlua ib tug tubqhe moog; cov tuabneeg kws tu lub vaaj muab tug tubqhe ntawd ntaus taubhau hab ua saib tsi taug nwg. 5Tug tswv vaaj rov khaiv dlua ib tug tubqhe moog, tabsis puab muab tug tubqhe ntawd tua tuag; puab yeej ua le ntawd rua txhua tug kws tug tswv vaaj khaiv moog; qeeleej raug ntaus hab muaj qeeleej raug tua tuag.
6“Tshuav tug tswv vaaj tug tub kws nwg hlub xwb txhaj tsi tau raug xaa moog. Thaus kawg tug tswv vaaj txhaj khaiv kag nwg tug tub moog cuag cov tuabneeg kws tu lub vaaj. Nwg has tas, ‘Kuv ntseeg tas puab yeej yuav fwm kuv tug tub xwb.’ 7Tabsis cov tuabneeg kws tu lub vaaj ntawd txawm sisthaam has tas, ‘Tug nuav ntaag lau, yog tug tswv vaaj tug tub. Peb cale muab nwg tua povtseg, peb txhajle tau nwg tej teejtug!’ 8Puab txawm nteg kag tug tub ntawd, muab nwg tua hab muab pov rua saab ntug vaaj nrau.”
9Yexus nug has tas, “Mej xaav tas tug tswv vaaj yuav ua lecaag? Nwg yeej yuav moog muab cov tuabneeg tu lub vaaj ntawd tua povtseg huv tuabsi hab muab lub vaaj txivmaab ntawd tso rua lwm cov tu. 10Mej tub nyeem Vaajtswv Txujlug kws has tas:
“ ‘Lub pobzeb kws cov tuabneeg ua tsev muab povtseg lawm,
lub ntawd tub dlhau lug ua lub kws tseemceeb dlua ndlais lawm.
11Qhov nuav yog tug Tswv ua,
yog yaam zoo kawg nkaus kws peb pum!’ ” #Nnkauj 118:22-23
12Cov Yudais cov thawjcoj yeej npaajsab yuav nteg Yexus taamsim ntawd, vim puab paub tas Nwg txhobtxwm pav zaaj lug pevtxwv ntawd lug tawmtsaam puab. Tabsis puab kuj ntshai cov tuabneeg coob-coob ntawd, puab txawm cale tsiv lawm.
Nug Txug Kev Them Se
(Mathais 22:15-22; Lukas 20:20-26)
13Puab khaiv cov Falixais qeeleej hab Helauj cov tuabneeg qeeleej tuaj cuag Yexus hab nug le nuav le u seb Nwg puas yuav has txhum. 14Puab txawm nug has tas, “Xwbfwb, peb paub tas Koj yog ib tug tuabneeg ncaaj, Koj tsi xaiv leejtwg ntsejmuag hab tsi tuaj leejtwg tog. Koj tsuas qha qhov tseeb txug Vaajtswv txujkev rua tuabneeg xwb. Koj qha rua peb seb, yog peb them se rua Xixas puas txhum peb txuj kevcai los tsi txhum? Puas tsimnyog peb them rua puab hab?”
15Tabsis Yexus tub paub txug puab tej tswvyim phem ntawd lawm, Nwg txhaj teb puab has tas, “Mej tuaj sim Kuv ua dlaabtsi? Muab ib lub nyaj lug rua Kuv saib seb.”
16Puab txawm muab ib lub nyaj lug rua Nwg, tes Nwg txhaj nug puab has tas, “Lub ntsejmuag hab lub npe kws txaug rua huv lub nyaj nuav yog leejtwg lub?”
Puab teb tas, “Yog Xixas lub.”
17Yexus txhaj has tas, “Yaam kws yog Xixas le cale muab rua Xixas, hab yaam kws yog Vaajtswv le cale muab rua Vaajtswv.”
Thaus puab nov Yexus teb le ntawd, puab xaav tsi thoob le.
Nug Txug Cov Tuabneeg Tuag Kws Sawv Rovqaab Lug
(Mathais 22:23-33; Lukas 20:27-40)
18Cov Xadukais kws tsi ntseeg tas tuabneeg yuav sawv huv qhovtuag rovqaab lug, muaj qeeleej tuaj cuag Yexus hab nug has tas, #Tegnum 23:8 19“Xwbfwb, Mauxes sau txuj kevcai nuav qha rua peb has tas, ‘Yog ib tug quasyawg twg tuag thaus nwg tug quaspuj tseem tsi tau muaj mivnyuas, nwg tug kwv yuavtsum yuav tug namtij hab muaj tubki rua tug tijlaug.’ #2Kev 25:5 20Zagnua, muaj xyaa leej kwvtij; tug tijlaug hlub yuav quaspuj tabsis tseem tsi tau muaj mivnyuas tes nwg txawm tuag lawm. 21Tug kwv thib ob yuav tug namtij ntawd, tsi tau muaj mivnyuas tes nwg txawm tuag lawm. Tug kwv thib peb los kuj ua tuabyaam le ntawd hab, 22taagnrho xyaa leej kwvtij kws yuav tug quaspuj ntawd puavleej tuag huv tuabsi hab yeej tsi tau muaj mivnyuas le. Thaus kawg tug quaspuj ntawd kuj tuag lawm hab. 23Yogle ntawd, thaus txug nub kws cov tuabneeg tuag sawv rovqaab lug, tug quaspuj ntawd yuav yog leejtwg tug quaspuj? Ruaqhov puab xyaa leej puavleej tau yuav nwg huv tuabsi lawm.”
24Yexus teb tas, “Mej yuamkev lawm, ruaqhov mej tsi paub Vaajtswv tej Lug lossis Vaajtswv lub fwjchim. 25Thaus cov tuabneeg kws tuag lawm sawv rovqaab lug, puab yuav zoo ib yaam le cov timtswv kws nyob sau ntuj ceebtsheej, puab yuav tsi sisyuav lawm. 26Has txug qhov kws cov tuabneeg tuag sawv rovqaab lug: mej tsi tau nyeem Mauxes phoo ntawv ntu kws has txug cov nplaimtawg kws cig ntawm tsob ntoo lov? Vaajtswv has rua Mauxes has tas, ‘Kuv yog Anplahaas tug Vaajtswv, yog Ixaj tug Vaajtswv, hab yog Yakhauj tug Vaajtswv,’ #Tsiv 3:6 27Vaajtswv tsi yog cov tuabneeg tuag tug Vaajtswv, tabsis yog cov tuabneeg caj tug Vaajtswv. Mej yuamkev luj heev lawm lau!”
Nqai Kevcai Kws Tseemceeb Heev
(Mathais 22:34-40; Lukas 10:25-28)
28Muaj ib tug xwbfwb kws qha Kevcai nyob ntawd nov puab siscaav. Nwg pum tas Yexus teb tau cov Xadukais zoo heev, nwg txawm lug nug Yexus has tas, “Taagnrho cov kevcai, nqai twg yog nqai kws tseemceeb dlua ndlais huv tuabsi?” #Lukas 10:25-28
29Yexus teb tas, “Thawj nqai kws tseemceeb dlua ndlais yog nqai nuav: ‘Cov tuabneeg Yixalayees, mej ua tuabzoo noog! Tug Tswv kws yog peb tug Vaajtswv, Nwg tuableeg xwb txhaj yog tug Tswv.#12:29: Tug Tswv kws yog peb tug Vaajtswv, nwg tuableeg xwb txhaj yog tug Tswv; lossis Tug Tswv yog peb tug Vaajtswv, tsuas muaj tuabtug Tswv xwb. #2Kev 6:4-5 30Koj yuavtsum hlub tug Tswv kws yog koj tug Vaajtswv, kuas kawg sab kawg ntsws, kawg plaab kawg plawv, kawg laajlim tswvyim, hab kawg dlaag kawg zug.’ 31Nqai kevcai kws tseemceeb thib ob has le nuav tas, ‘Koj yuavtsum hlub koj tug kwvtij zejzog ib yaam le koj hlub koj tugkheej.’ Yeej tsi muaj dlua lwm nqai kevcai kws yuav tseemceeb tshaaj ob nqai nuav lawm.” #Levi 19:18
32Tug xwbfwb kws qha Kevcai teb Yexus has tas, “Yog lawm, Xwbfwb! Yeej muaj tseeb le Koj has tag, tsuas muaj tuabtug Tswv kws yog Vaajtswv xwb, yeej tsi muaj dlua lwmtug vaajtswv lawm. #2Kev 4:35 33Hab koj yuav tau hlub Vaajtswv kawg sab kawg ntsws, kawg laajlim tswvyim, hab kawg dlaag kawg zug; hab koj yuavtsum hlub koj tug kwvtij zejzog ib yaam le koj hlub koj tugkheej. Qhov kws ua lawvle ob nqai nuav kevcai nuav tseem tseemceeb dlua le muab tej tsaj tua theej txhoj, hab muab khoom hlawv fij rua Vaajtswv.” #Hauxe 6:6
34Yexus pum tas nwg muaj tswvyim teb, tes Yexus txawm has rua nwg tas, “Koj nyob tsi dleb Vaajtswv lub Tebchaws lawm.”
Txij ntawd lug tsi muaj leejtwg muaj cuabkaav nug Yexus ntxiv le lawm.
Nug Txug Tug Mexiyas
(Mathais 22:41-46; Lukas 20:41-44)
35Thaus Yexus taabtom qha huv lub Tuamtsev, Nwg nug has tas, “Ua lecaag cov xwbfwb kws qha Kevcai has tas, tug Mexiyas#12:35: Mexiyas; lossis Khetos. yog Daviv le caajceg? 36Vaaj Ntsujplig tug Dlawbhuv tshoov Daviv sab, nwg txhaj has tas,
“ ‘Tug Tswv has rua kuv tug Tswv has tas:
Lug nyob ntawm Kuv saab xis
moog txug thaus Kuv muab Koj cov yeebncuab lug tso huv Koj qaab xibtaws.’ #Nnkauj 110:1
37Daviv tub hu Nwg has tas ‘Tug Tswv’; es yuav ua lecaag has tau tas tug Mexiyas yog Daviv le caajceg?”
Yexus Ceebtoom Txug Cov Xwbfwb Kws Qha Kevcai
(Mathais 23:1-36; Lukas 20:45-47)
Cov tuabneeg coob-coob kws noog Yexus qha ntawd zoosab kawg le. 38Yexus qha puab has tas, “Mej yuavtsum ceevfaaj txug cov xwbfwb kws qha Kevcai. Puab nyam naav tej tsho ntev ncig moog ncig lug rua nuav rua u, hab nyam kuas tuabneeg hawm puab tom tej kab, 39puab xaiv moog nyob tej rooj kws tseemceeb huv tej tsev saablaaj, hab thaus muaj rooj noj rooj haus puab nyam nyob ntawm tej chaw saamxeeb xwb. 40Puab txhaav cov pujntsuag tej vaajtse yuav, hab uatxuj thov Vaajtswv ntev-ntev kuas suavdlawg qhuas puab. Puab cov nuav yuav raug txim nyaav tshaajplawg!”
Tug Pujntsuag Tso Nyaj
(Lukas 21:1-4)
41Yexus nyob ze rua ntawm lub thawv tso nyaj huv lub Tuamtsev, Nwg saib cov tuabneeg kws coj puab tej nyaj tuaj tso. Muaj ntau tug tuabneeg npluanuj tso nyaj ntau kawg le; 42thaus ntawd muaj ib tug pujntsuag pluag-pluag tuaj hab muab ob lub nyuas txaj toog lab miv-miv kws raug nqe le ib lub nyuas npib lab tuaj tso rua huv. 43Yexus txawm hu Nwg cov thwjtim lug hab has rua puab tas, “Kuv qha tseeb rua mej has tas, tug pujntsuag kws pluag-pluag nuav tseem tso nyaj rua huv lub thawv ntau dlua lwmtug huv tuabsi. 44Ruaqhov lwmtug muab tej nyuas kws seem ntawm puab txuj kev npluanuj tuaj tso xwb; tabsis tug puj nuav txawm yog nwg tub pluag npaum le ntawd los nwg tseem muab taagnrho tej kws nwg muaj, nwg muab hlo qhov nyaj kws yug nwg txujsa tuaj tso.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.