Chivkeeb 48
48
Yakhauj Foom Koobmoov Rua Efalayees Hab Manaxes
1Tomqaab ntawd muaj tuabneeg moog qha rua Yauxej has tas nwg txiv mob. Yauxej txhaj coj nwg ob tug tub kws yog Manaxes hab Efalayees moog saib nwg txiv Yakhauj. 2Thaus muaj tuabneeg moog qha rua Yakhauj paub tas nwg tug tub Yauxej tuaj saib nwg, nwg txhaj ua tag peem sawv lug nyob quastsawg sau txaaj.
3Yakhauj has rua Yauxej has tas, “Vaajtswv tug kws muaj Fwjchim Luj Kawg Nkaus tau tshwm lug rua kuv pum peg lub nroog Lus kws nyob huv tebchaws Kana-aas hab foom koobmoov rua kuv. 4Vaajtswv tau has rua kuv tas, ‘Kuv yuav pub rua koj muaj tubki coob, koj caajceg yuav fuamvaam moog ua ntau tsaav tuabneeg, Kuv yuav muab lub tebchaws nuav pub rua koj caajceg nyob ua puab tug moog ibtxhis le.’ ”
5Yakhauj rov has rua Yauxej has tas, “Koj ob tug tub kws yug uantej kuv lug nyob huv tebchaws Iziv nuav puavleej yog kuv le huv tuabsi. Efalayees hab Manaxes obtug puavleej yog kuv tubki ib yaam le Lunpees hab Xime-oos obtug hab. 6Yog koj tseem muaj tub ntxiv, puab yuav tsi yog kuv cov tub lawm. Tej qubtxeeg qubteg kws puab yuav tau txais yog lug ntawm Efalayees hab Manaxes obtug lawm xwb. 7Thaus kuv rov peg tebchaws Padaas#48:7: Padaas: lub npe tuablu rua Padaas Alaas, lossis Mexuputamias. lug, koj nam Laxees tau tuag rua huv tebchaws Kana-aas, tsi dleb ntawm Efalas, mas ua rua kuv tau kev quajntsuag; kuv txhaj muab nwg log rua ntawm ib saab ntug kev kws moog rua huv lub zog Efalas.” (Nwgnuav Efalas yog lub nroog Npelehees.) #Chiv 35:16-19
8Thaus Yakhauj pum Yauxej ob tug tub, nwg nug has tas, “Ob tug tub nuav yog leejtwg?”
9Yauxej teb tas, “Ob tug nuav yog kuv ob tug tub kws Vaajtswv muab pub rua kuv huv lub tebchaws Iziv nuav.”
Yakhauj txawm has tas, “Coj obtug lug rua kuv es kuv yuav foom koobmoov rua obtug.” 10Yakhauj ob lub qhovmuag plooj hab pumkev tsi tseeb vim nwg laug lawm. Yauxej txhaj coj nwg ob tug tub lug rua Yakhauj, tes Yakhauj txhaj puag nkaus hab nwj obtug. 11Yakhauj has rua Yauxej tas, “Kuv tsi xaav tas kuv yuav rov pum koj lub ntsejmuag ib zag ntxiv le lawm, tabsis nwgnuav Vaajtswv tub pub kuv pum koj cov mivnyuas lawm hab.” 12Tes Yauxej txhaj tshem obtug ntawm Yakhauj txhais ncejqaab lug hab nwg nyo hau ua ntsejmuag ti nkaus huv aav pe Yakhauj.
13Yauxej tuav nwg ob tug tub moog ze-ze nwg txiv. Nwg saab teg xis tuav Efalayees moog rua Yakhauj saab txhumphem, hab nwg saab txhumphem tuav Manaxes moog rua Yakhauj saab xis. 14Tabsis Yakhauj muab nwg ob txhais teg sisqhab, hab cev nwg saab teg xis moog tuav Efalayees kws yog tug kwv lub taubhau, hab nwg cev nwg saab teg txhumphem moog tuav Manaxes kws yog tug tijlaug lub taubhau. 15Tes Yakhauj txawm foom koobmoov rua Yauxej#48:15: Yauxej: Qhov kws Yakhauj foom koobmoov rua Efalayees hab Manaxes, qhov tseeb tag yog nwg foom koobmoov rua Yauxej. le nuav:
“Thov Vaajtswv tug kws kuv yawmkoob Anplahaas hab kuv txiv Ixaj ibtxwm tam lug, foom koobmoov rua ob tug mivtub nuav!
Thov Vaajtswv tug kws coj kuv txuj haukev lug txug najnub nua, foom koobmoov rua obtug!
16Thov tug timtswv ceebtsheej kws tau cawm kuv dlim ntawm txhua yaam kev phem, foom koobmoov rua obtug!
Thov kuas kuv lub npe hab kuv yawm Anplahaas lub npe hab kuv txiv Ixaj lub npe nyob nrug ob tug tub nuav moog le!
Thov kuas obtug muaj tubki coob hab muaj caajceg fuamvaam thoob nplajteb!”
17Yauxej tsi txaussab thaus nwg pum nwg txiv muab nwg txiv saab teg xis tso rua sau Efalayees taubhau; yogle ntawd, nwg txhaj muab nwg txiv txhais teg sau Efalayees taubhau moog tso rua sau Manaxes taubhau. 18Nwg has rua nwg txiv has tas, “Txiv, ua le ko tsi yog lawm. Tug nuav yog tug tub hlub, tso koj txhais teg xis rua sau nwg taubhau.”
19Tabsis Yakhauj tsi tseev le, nwg has tas, “Kuv paub los mas kuv tub, kuv paub los mas. Manaxes caajceg yuav dlhau moog ua ib tsaav tuabneeg tseemceeb. Tabsis nwg tug kwv Efalayees tseem yuav tseemceeb dlua nwg, hab nwg caajceg tseem yuav dlhau moog ua ntau tsaav tuabneeg.”
20Yogle ntawd, nub ntawd Yakhauj txhaj foom koobmoov rua obtug has tas, “Thaus cov Yixalayees foom koobmoov rua ib tug twg, puab yuav tuav meb ob lub npe. Puab yuav has tas, ‘Thov Vaajtswv pub kuas koj npluanuj ib yaam le Nwg tau pub rua Efalayees hab Manaxes obtug.’ ” Qhov nuav yog Yakhauj muab Efalayees tso ua Manaxes ntej.
21Tes Yakhauj has rua Yauxej has tas, “Koj tub pum lawm has tas kuv tub yuav tuag, tabsis Vaajtswv yuav nrugnraim koj hab yuav coj koj rovqaab moog nyob peg koj cov yawmkoob lub tebchaws. 22Kuv yuav muab lub nroog Sekhees, cheebtsaam kws zoo ua noj ua haus kws kuv nqaa ntaaj nqaa neev moog txeeb tau ntawm cov tuabneeg Amaules lug, pub rua koj ua koj tug, tsi yog yuav pub rua koj cov tijlaug.”
လက္ရွိေရြးခ်ယ္ထားမွု
Chivkeeb 48: HNJ2022
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.
Chivkeeb 48
48
Yakhauj Foom Koobmoov Rua Efalayees Hab Manaxes
1Tomqaab ntawd muaj tuabneeg moog qha rua Yauxej has tas nwg txiv mob. Yauxej txhaj coj nwg ob tug tub kws yog Manaxes hab Efalayees moog saib nwg txiv Yakhauj. 2Thaus muaj tuabneeg moog qha rua Yakhauj paub tas nwg tug tub Yauxej tuaj saib nwg, nwg txhaj ua tag peem sawv lug nyob quastsawg sau txaaj.
3Yakhauj has rua Yauxej has tas, “Vaajtswv tug kws muaj Fwjchim Luj Kawg Nkaus tau tshwm lug rua kuv pum peg lub nroog Lus kws nyob huv tebchaws Kana-aas hab foom koobmoov rua kuv. 4Vaajtswv tau has rua kuv tas, ‘Kuv yuav pub rua koj muaj tubki coob, koj caajceg yuav fuamvaam moog ua ntau tsaav tuabneeg, Kuv yuav muab lub tebchaws nuav pub rua koj caajceg nyob ua puab tug moog ibtxhis le.’ ”
5Yakhauj rov has rua Yauxej has tas, “Koj ob tug tub kws yug uantej kuv lug nyob huv tebchaws Iziv nuav puavleej yog kuv le huv tuabsi. Efalayees hab Manaxes obtug puavleej yog kuv tubki ib yaam le Lunpees hab Xime-oos obtug hab. 6Yog koj tseem muaj tub ntxiv, puab yuav tsi yog kuv cov tub lawm. Tej qubtxeeg qubteg kws puab yuav tau txais yog lug ntawm Efalayees hab Manaxes obtug lawm xwb. 7Thaus kuv rov peg tebchaws Padaas#48:7: Padaas: lub npe tuablu rua Padaas Alaas, lossis Mexuputamias. lug, koj nam Laxees tau tuag rua huv tebchaws Kana-aas, tsi dleb ntawm Efalas, mas ua rua kuv tau kev quajntsuag; kuv txhaj muab nwg log rua ntawm ib saab ntug kev kws moog rua huv lub zog Efalas.” (Nwgnuav Efalas yog lub nroog Npelehees.) #Chiv 35:16-19
8Thaus Yakhauj pum Yauxej ob tug tub, nwg nug has tas, “Ob tug tub nuav yog leejtwg?”
9Yauxej teb tas, “Ob tug nuav yog kuv ob tug tub kws Vaajtswv muab pub rua kuv huv lub tebchaws Iziv nuav.”
Yakhauj txawm has tas, “Coj obtug lug rua kuv es kuv yuav foom koobmoov rua obtug.” 10Yakhauj ob lub qhovmuag plooj hab pumkev tsi tseeb vim nwg laug lawm. Yauxej txhaj coj nwg ob tug tub lug rua Yakhauj, tes Yakhauj txhaj puag nkaus hab nwj obtug. 11Yakhauj has rua Yauxej tas, “Kuv tsi xaav tas kuv yuav rov pum koj lub ntsejmuag ib zag ntxiv le lawm, tabsis nwgnuav Vaajtswv tub pub kuv pum koj cov mivnyuas lawm hab.” 12Tes Yauxej txhaj tshem obtug ntawm Yakhauj txhais ncejqaab lug hab nwg nyo hau ua ntsejmuag ti nkaus huv aav pe Yakhauj.
13Yauxej tuav nwg ob tug tub moog ze-ze nwg txiv. Nwg saab teg xis tuav Efalayees moog rua Yakhauj saab txhumphem, hab nwg saab txhumphem tuav Manaxes moog rua Yakhauj saab xis. 14Tabsis Yakhauj muab nwg ob txhais teg sisqhab, hab cev nwg saab teg xis moog tuav Efalayees kws yog tug kwv lub taubhau, hab nwg cev nwg saab teg txhumphem moog tuav Manaxes kws yog tug tijlaug lub taubhau. 15Tes Yakhauj txawm foom koobmoov rua Yauxej#48:15: Yauxej: Qhov kws Yakhauj foom koobmoov rua Efalayees hab Manaxes, qhov tseeb tag yog nwg foom koobmoov rua Yauxej. le nuav:
“Thov Vaajtswv tug kws kuv yawmkoob Anplahaas hab kuv txiv Ixaj ibtxwm tam lug, foom koobmoov rua ob tug mivtub nuav!
Thov Vaajtswv tug kws coj kuv txuj haukev lug txug najnub nua, foom koobmoov rua obtug!
16Thov tug timtswv ceebtsheej kws tau cawm kuv dlim ntawm txhua yaam kev phem, foom koobmoov rua obtug!
Thov kuas kuv lub npe hab kuv yawm Anplahaas lub npe hab kuv txiv Ixaj lub npe nyob nrug ob tug tub nuav moog le!
Thov kuas obtug muaj tubki coob hab muaj caajceg fuamvaam thoob nplajteb!”
17Yauxej tsi txaussab thaus nwg pum nwg txiv muab nwg txiv saab teg xis tso rua sau Efalayees taubhau; yogle ntawd, nwg txhaj muab nwg txiv txhais teg sau Efalayees taubhau moog tso rua sau Manaxes taubhau. 18Nwg has rua nwg txiv has tas, “Txiv, ua le ko tsi yog lawm. Tug nuav yog tug tub hlub, tso koj txhais teg xis rua sau nwg taubhau.”
19Tabsis Yakhauj tsi tseev le, nwg has tas, “Kuv paub los mas kuv tub, kuv paub los mas. Manaxes caajceg yuav dlhau moog ua ib tsaav tuabneeg tseemceeb. Tabsis nwg tug kwv Efalayees tseem yuav tseemceeb dlua nwg, hab nwg caajceg tseem yuav dlhau moog ua ntau tsaav tuabneeg.”
20Yogle ntawd, nub ntawd Yakhauj txhaj foom koobmoov rua obtug has tas, “Thaus cov Yixalayees foom koobmoov rua ib tug twg, puab yuav tuav meb ob lub npe. Puab yuav has tas, ‘Thov Vaajtswv pub kuas koj npluanuj ib yaam le Nwg tau pub rua Efalayees hab Manaxes obtug.’ ” Qhov nuav yog Yakhauj muab Efalayees tso ua Manaxes ntej.
21Tes Yakhauj has rua Yauxej has tas, “Koj tub pum lawm has tas kuv tub yuav tuag, tabsis Vaajtswv yuav nrugnraim koj hab yuav coj koj rovqaab moog nyob peg koj cov yawmkoob lub tebchaws. 22Kuv yuav muab lub nroog Sekhees, cheebtsaam kws zoo ua noj ua haus kws kuv nqaa ntaaj nqaa neev moog txeeb tau ntawm cov tuabneeg Amaules lug, pub rua koj ua koj tug, tsi yog yuav pub rua koj cov tijlaug.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.