Chivkeeb 47
47
1Yauxej moog has rua Falaus has tas, “Kuv txiv hab kuv cov kwvtij caab puab tej tsajtxhu luj hab miv, hab coj txhua yaam kws yog puab tug, nrug puab lug peg tebchaws Kana-aas lug; taamsim nuav puab nyob huv cheebtsaam Nkausees.” 2Nwg txhaj coj nwg tsib tug tijlaug moog qha rua Falaus.
3Falaus nug puab has tas, “Mej ua num dlaabtsi?”
Puab teb Falaus has tas, “Peb yog tuabneeg yug yaaj ib yaam le peb cov yawmkoob. 4Peb tau tsiv lug nyob huv lub tebchaws nuav, ruaqhov nyob peg tebchaws Kana-aas muaj kev tshaib nqhes heev, ua rua tsi muaj zaub rua tej tsajtxhu noj le lawm. Thov koj tsocai rua peb nyob rua huv cheebtsaam Nkausees.” 5Falaus has rua Yauxej has tas, “Nwgnuav koj txiv hab koj cov kwvtij tub lug txug koj lawm, 6lub tebchaws Iziv nuav yeej yog puab lub hab. Cale tso puab nyob rua huv cheebtsaam Nkausees, yog thaaj chaw kws aav zoo tshaajplawg huv lub tebchaws nuav. Nyob rua huv puab cov ntawd, yog leejtwg muaj peevxwm, koj kuas puab ua cov yug kuv tej tsajtxhu hab.”
7Tes Yauxej txhaj coj nwg txiv Yakhauj moog qha rua Falaus. Yakhauj tau foom koobmoov rua Falaus, 8hab Falaus nug Yakhauj has tas, “Koj noobnyoog muaj pistsawg xyoo lawm?”
9Yakhauj teb Falaus has tas, “Kuv tub ua neej ncig moog ncig lug tau 130 xyoo lawm. Kuv lub neej tuablu hab ntxhuvsab kawg le, kuv noobnyoog tsi ntev le kuv cov yawmkoob kws thaus u puab ncig moog ncig lug lawm.” 10Yakhauj txawm foom koobmoov rua Falaus hab tawm moog lawm.
11Tes Yauxej tu aav rua nwg txiv hab nwg cov kwvtij nyob huv tebchaws Iziv, muab thaaj aav zoo tshaajplawg kws nyob ze lub nroog Lamexes rua puab nyob, lawvle Falaus tau has taag lug ntawd. 12Yauxej muab zaub-mov rua nwg txiv, nwg cov kwvtij, hab taagnrho puab tej quaspuj mivnyuas noj.
Kev Tshaib Nqhes
13Thaus ntawd thoobplawg txhua qhov chaw muaj kev tshaib nqhes luj heev ua rua tsi muaj mov noj le lawm; cov tuabneeg Iziv hab cov tuabneeg Kana-aas cale qaugzug zig lawm xwb. 14Yauxej muab tej nyaj kws cov tuabneeg Iziv hab cov tuabneeg Kana-aas coj tuaj yuav nplej ntawd nqaa taagnrho moog ca rua huv Falaus lub loog. 15Thaus cov tuabneeg Iziv hab cov tuabneeg Kana-aas siv puab tej nyaj taag lawm, cov tuabneeg Iziv tuaj cuag Yauxej hab has tas, “Thov muab mov rua peb noj! Tsi xob ca peb tuag tshaib. Thov nrhav kev cawm peb, ruaqhov peb tej nyaj taag lawm!”
16Yauxej teb tas, “Yog mej tej nyaj taag lawm, mej cale coj mej tej tsajtxhu tuaj pauv, kuv maam muab nplej rua mej.” 17Yogle ntawd, puab txhaj coj puab tej tsajtxhu tuaj rua Yauxej, tes nwg txhaj muab nplej pauv puab tej neeg, tej yaaj, tej tshis, tej nyuj hab neegluav. Xyoo ntawd nwg muab nplej pauv tej tsajtxhu taagnrho huv tuabsi.
18Xyoo tomqaab puab rov tuaj cuag nwg dlua hab has tas, “Tug tswv, peb has tseeb rua koj, peb tsi zais ib yaam dlaabtsi hlo le; peb tej nyajtxag los taag hab peb tej tsajtxhu los peb coj tuaj rua koj taag le lawm. Peb yeej tsi tshuav ib yaam dlaabtsi kws yuav coj tuaj rua koj le lawm, tsuas yog tshuav peb tugkheej hab peb tej laj-teb lawm xwb. 19Thov koj tsi xob ca peb tuag. Thov nrhav kev cawm peb! Tsi xob ca peb tej teb caj quavpoj. Peb muab peb tugkheej hab peb tej teb muag rua koj ua kev pauv koj tej mov. Peb zoosab moog ua Falaus qhev, hab yuav muab peb tej teb rua nwg. Thov pub mov rua peb noj peb txhaj tsi tuag tshaib, hab muab noobqoob rua peb kuas peb txhaj tau coj moog cog rua huv peb tej teb.”
20Yauxej yuav taagnrho tej teb huv tebchaws Iziv rua Falaus. Txhua tug tuabneeg Iziv puavleej muab puab tej teb muag huv tuabsi, ruaqhov muaj kev tshaib nqhes luj heev; Falaus txhaj tau taagnrho suavdlawg tej teb lug ua nwg tug. 21Yauxej muab taagnrho txhua tug pejxeem kws nyob huv tebchaws Iziv ua Falaus qhev huv tuabsi. 22Tsuas yog tshuav cov povthawj hlub tej teb nkaus xwb, Yauxej txhaj tsi tau yuav. Puab tsi taag yuav muag puab tej teb, ruaqhov Falaus tub pub rua puab tau noj tau haus lawm.
23Yauxej has rua cov pejxeem has tas, “Nwgnuav kuv tub yuav mej hab mej tej teb ua Falaus tug taag lawm. Nuav yog tej noobqoob kws muab rua mej nqaa moog tseb rua huv mej tej teb. 24Thaus txug caij sau qoob mej yuavtsum muab ib feem tsib coj tuaj rua Falaus. Dlua le cov, mej muab khaws tseg ca ua noob hab tseg rua mej hab mej tsev tuabneeg tau noj.”
25Puab teb tas, “Tug tswv, koj tau cawm peb txujsa; koj tau ua zoo kawg le rua peb, mas peb zoosab hlo yuav moog ua Falaus qhev.” 26Yogle ntawd, Yauxej txhaj sau ib txujcai rua lub tebchaws Iziv kuas yuavtsum muab tej qoobloo kws sau tau, ib feem tsib tuaj rua Falaus. Txujcai nuav tseem coj lug txug najnub nua. Tsuas yog cov povthawj hlub tej teb xwb, txhaj tsi yog vaajntxwv tug.
Yakhauj Lulug Thov Zag Kawg
27Cov tuabneeg Yixalayees kws nyob huv tebchaws Iziv ntawm cheebtsaam Nkausees, tau npluanuj hab muaj tubki fuamvaam coob kawg le. 28Yakhauj nyob huv tebchaws Iziv tau 17 xyoo; nwg muaj noobnyoog 147 xyoo. 29Thaus ze lub caij kws nwg yuav tuag, nwg txawm hu nwg tug tub Yauxej lug cuag nwg hab has tas, “Yog koj tseem saib taug kuv, muab koj ob txhais teg tso rua huv kuv ceg puabtais#47:29: Muab … ceg puabtais: Saib 24:2. hab coglug ncaajnceeg tseg has tas koj yuav tsi muab kuv log rua huv tebchaws Iziv nuav. 30Thaus kuv tuag, koj yuavtsum coj kuv lub cev tawm huv tebchaws Iziv nuav moog log nrug kuv cov yawmkoob uake.”
Yauxej teb tas, “Kuv yuav ua lawvle koj has.” #Chiv 49:29-32; 50:6
31Yakhauj has tas, “Koj cale coglug rua kuv has tas koj yuav ua le kuv has.” Yauxej txawm coglug, tes Yakhauj cale qhau cev hlo ua Vaajtswv tsaug sau nwg lub txaaj.
လက္ရွိေရြးခ်ယ္ထားမွု
Chivkeeb 47: HNJ2022
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.
Chivkeeb 47
47
1Yauxej moog has rua Falaus has tas, “Kuv txiv hab kuv cov kwvtij caab puab tej tsajtxhu luj hab miv, hab coj txhua yaam kws yog puab tug, nrug puab lug peg tebchaws Kana-aas lug; taamsim nuav puab nyob huv cheebtsaam Nkausees.” 2Nwg txhaj coj nwg tsib tug tijlaug moog qha rua Falaus.
3Falaus nug puab has tas, “Mej ua num dlaabtsi?”
Puab teb Falaus has tas, “Peb yog tuabneeg yug yaaj ib yaam le peb cov yawmkoob. 4Peb tau tsiv lug nyob huv lub tebchaws nuav, ruaqhov nyob peg tebchaws Kana-aas muaj kev tshaib nqhes heev, ua rua tsi muaj zaub rua tej tsajtxhu noj le lawm. Thov koj tsocai rua peb nyob rua huv cheebtsaam Nkausees.” 5Falaus has rua Yauxej has tas, “Nwgnuav koj txiv hab koj cov kwvtij tub lug txug koj lawm, 6lub tebchaws Iziv nuav yeej yog puab lub hab. Cale tso puab nyob rua huv cheebtsaam Nkausees, yog thaaj chaw kws aav zoo tshaajplawg huv lub tebchaws nuav. Nyob rua huv puab cov ntawd, yog leejtwg muaj peevxwm, koj kuas puab ua cov yug kuv tej tsajtxhu hab.”
7Tes Yauxej txhaj coj nwg txiv Yakhauj moog qha rua Falaus. Yakhauj tau foom koobmoov rua Falaus, 8hab Falaus nug Yakhauj has tas, “Koj noobnyoog muaj pistsawg xyoo lawm?”
9Yakhauj teb Falaus has tas, “Kuv tub ua neej ncig moog ncig lug tau 130 xyoo lawm. Kuv lub neej tuablu hab ntxhuvsab kawg le, kuv noobnyoog tsi ntev le kuv cov yawmkoob kws thaus u puab ncig moog ncig lug lawm.” 10Yakhauj txawm foom koobmoov rua Falaus hab tawm moog lawm.
11Tes Yauxej tu aav rua nwg txiv hab nwg cov kwvtij nyob huv tebchaws Iziv, muab thaaj aav zoo tshaajplawg kws nyob ze lub nroog Lamexes rua puab nyob, lawvle Falaus tau has taag lug ntawd. 12Yauxej muab zaub-mov rua nwg txiv, nwg cov kwvtij, hab taagnrho puab tej quaspuj mivnyuas noj.
Kev Tshaib Nqhes
13Thaus ntawd thoobplawg txhua qhov chaw muaj kev tshaib nqhes luj heev ua rua tsi muaj mov noj le lawm; cov tuabneeg Iziv hab cov tuabneeg Kana-aas cale qaugzug zig lawm xwb. 14Yauxej muab tej nyaj kws cov tuabneeg Iziv hab cov tuabneeg Kana-aas coj tuaj yuav nplej ntawd nqaa taagnrho moog ca rua huv Falaus lub loog. 15Thaus cov tuabneeg Iziv hab cov tuabneeg Kana-aas siv puab tej nyaj taag lawm, cov tuabneeg Iziv tuaj cuag Yauxej hab has tas, “Thov muab mov rua peb noj! Tsi xob ca peb tuag tshaib. Thov nrhav kev cawm peb, ruaqhov peb tej nyaj taag lawm!”
16Yauxej teb tas, “Yog mej tej nyaj taag lawm, mej cale coj mej tej tsajtxhu tuaj pauv, kuv maam muab nplej rua mej.” 17Yogle ntawd, puab txhaj coj puab tej tsajtxhu tuaj rua Yauxej, tes nwg txhaj muab nplej pauv puab tej neeg, tej yaaj, tej tshis, tej nyuj hab neegluav. Xyoo ntawd nwg muab nplej pauv tej tsajtxhu taagnrho huv tuabsi.
18Xyoo tomqaab puab rov tuaj cuag nwg dlua hab has tas, “Tug tswv, peb has tseeb rua koj, peb tsi zais ib yaam dlaabtsi hlo le; peb tej nyajtxag los taag hab peb tej tsajtxhu los peb coj tuaj rua koj taag le lawm. Peb yeej tsi tshuav ib yaam dlaabtsi kws yuav coj tuaj rua koj le lawm, tsuas yog tshuav peb tugkheej hab peb tej laj-teb lawm xwb. 19Thov koj tsi xob ca peb tuag. Thov nrhav kev cawm peb! Tsi xob ca peb tej teb caj quavpoj. Peb muab peb tugkheej hab peb tej teb muag rua koj ua kev pauv koj tej mov. Peb zoosab moog ua Falaus qhev, hab yuav muab peb tej teb rua nwg. Thov pub mov rua peb noj peb txhaj tsi tuag tshaib, hab muab noobqoob rua peb kuas peb txhaj tau coj moog cog rua huv peb tej teb.”
20Yauxej yuav taagnrho tej teb huv tebchaws Iziv rua Falaus. Txhua tug tuabneeg Iziv puavleej muab puab tej teb muag huv tuabsi, ruaqhov muaj kev tshaib nqhes luj heev; Falaus txhaj tau taagnrho suavdlawg tej teb lug ua nwg tug. 21Yauxej muab taagnrho txhua tug pejxeem kws nyob huv tebchaws Iziv ua Falaus qhev huv tuabsi. 22Tsuas yog tshuav cov povthawj hlub tej teb nkaus xwb, Yauxej txhaj tsi tau yuav. Puab tsi taag yuav muag puab tej teb, ruaqhov Falaus tub pub rua puab tau noj tau haus lawm.
23Yauxej has rua cov pejxeem has tas, “Nwgnuav kuv tub yuav mej hab mej tej teb ua Falaus tug taag lawm. Nuav yog tej noobqoob kws muab rua mej nqaa moog tseb rua huv mej tej teb. 24Thaus txug caij sau qoob mej yuavtsum muab ib feem tsib coj tuaj rua Falaus. Dlua le cov, mej muab khaws tseg ca ua noob hab tseg rua mej hab mej tsev tuabneeg tau noj.”
25Puab teb tas, “Tug tswv, koj tau cawm peb txujsa; koj tau ua zoo kawg le rua peb, mas peb zoosab hlo yuav moog ua Falaus qhev.” 26Yogle ntawd, Yauxej txhaj sau ib txujcai rua lub tebchaws Iziv kuas yuavtsum muab tej qoobloo kws sau tau, ib feem tsib tuaj rua Falaus. Txujcai nuav tseem coj lug txug najnub nua. Tsuas yog cov povthawj hlub tej teb xwb, txhaj tsi yog vaajntxwv tug.
Yakhauj Lulug Thov Zag Kawg
27Cov tuabneeg Yixalayees kws nyob huv tebchaws Iziv ntawm cheebtsaam Nkausees, tau npluanuj hab muaj tubki fuamvaam coob kawg le. 28Yakhauj nyob huv tebchaws Iziv tau 17 xyoo; nwg muaj noobnyoog 147 xyoo. 29Thaus ze lub caij kws nwg yuav tuag, nwg txawm hu nwg tug tub Yauxej lug cuag nwg hab has tas, “Yog koj tseem saib taug kuv, muab koj ob txhais teg tso rua huv kuv ceg puabtais#47:29: Muab … ceg puabtais: Saib 24:2. hab coglug ncaajnceeg tseg has tas koj yuav tsi muab kuv log rua huv tebchaws Iziv nuav. 30Thaus kuv tuag, koj yuavtsum coj kuv lub cev tawm huv tebchaws Iziv nuav moog log nrug kuv cov yawmkoob uake.”
Yauxej teb tas, “Kuv yuav ua lawvle koj has.” #Chiv 49:29-32; 50:6
31Yakhauj has tas, “Koj cale coglug rua kuv has tas koj yuav ua le kuv has.” Yauxej txawm coglug, tes Yakhauj cale qhau cev hlo ua Vaajtswv tsaug sau nwg lub txaaj.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.