Tsiv Dlim 4
4
Vaajtswv Pub Fwjchim Rua Mauxes Ua Txujci Tseemceeb
1Mauxes teb tug TSWV has tas, “Tabsis yog tas cov Yixalayees tsi ntseeg kuv hab tsi noog tej lug kws kuv has ne, kuv yuav ua lecaag? Yog puab has tas, ‘Tug TSWV yeej tsi tau lug tshwm rua koj pum’ nua ne?”
2Tug TSWV txhaj nug Mauxes has tas, “Koj tuav dlaabtsi ntawm koj txhais teg?”
Mauxes teb tas, “Kuv tuav ib tug paas nreg.”
3Tug TSWV has tas, “Koj muab nwg pov rua huv aav seb.” Thaus Mauxes muab tug paas nreg povrhees rua huv aav, uacav tug paas ntawd txawm hloov kag ua ib tug naab, Mauxes txhaj dlha tsiv. 4Tes tug TSWV has rua Mauxes has tas, “Koj cale cev teg moog tuav nkaus nwg tug kutwv nqaa hlo.” Mauxes txhaj cev loo teg tuav nkaus naab tug kutwv, tes tug naab txawm hloov hlo rov ua tug paas nreg le qub. 5Tug TSWV has rua Mauxes has tas, “Koj ua le nuav qha rua cov Yixalayees kuas puab paub tas tug TSWV, kws yog puab cov yawmkoob tug Vaajtswv, kws yog Anplahaas, Ixaj, hab Yakhauj tug Vaajtswv tau lug tshwm rua koj pum lawm.”
6Tug TSWV has ntxiv rua Mauxes has tas, “Muab koj txhais teg ntxig rua huv koj plaab tshos.” Mauxes ua lawvle ntawd; hab thaus nwg thau nwg txhais teg tawm lug, uacav nwg txhais teg cale mob ruas ua cos dlawbpaug le dlaus. 7Tug TSWV has tas, “Rov muab koj txhais teg ntxig rua huv koj plaab tshos.” Mauxes txawm ua lawvle ntawd; thaus nwg thau nwg txhais teg tawm lug, uacav nwg txhais teg rov zoo dlu lug ib yaam le nwg tej nqajtawv lawm.
8Tug TSWV has tas, “Yog puab tsi ntseeg koj lossis tsi kaam ntseeg thawj yaam txujci kws koj ua, los puab yeej yuavtsum ntseeg zaaj nuav xwb. 9Thaus puab pum ob yaam txujci nuav taag, yog puab tseem tsi ntseeg koj hab tsi kaam noog koj tej lug, koj cale moog has ib cov dlej huv tug Dlej Nais lug laub rua sau nruabnqhuab. Cov dlej ntawd yuav hloov ua ntshaav.”
10Tabsis Mauxes has rua Vaajtswv has tas, “Tug TSWV, thov Koj tsi xob khaiv kuv moog. Kuv yeej ibtxwm has tsi tau lug nplag, tsi has yaav taag lug lossis nwgnuav kws Koj nrug kuv thaam. Kuv yeej ibtxwm has tsi tau lug zoo, pheej has qeeb-qeeb hab has tsi nplag.”
11Tug TSWV has rua Mauxes has tas, “Leejtwg muab qhovncauj rua tuabneeg? Leejtwg ua rua tuabneeg laagntseg lossis ruag? Leejtwg ua rua tuabneeg pumkev lossis dligmuag? Tsi yog Kuv, kws yog tug TSWV lov? 12Koj cale moog! Kuv yuav paab koj has, hab yuav qha has tas koj yuav has lecaag.”
13Tabsis Mauxes teb tas, “Thov lau tug TSWV, thov Koj khaiv lwmtug moog.”
14Thaus ntawd tug TSWV npautawg heev rua Mauxes, Nwg txhaj has tas, “Koj tug tijlaug Aloos kws yog xeem Levis ne? Kuv paub tas nwg has tau lug zoo. Taamsim nuav nwg taabtom tuaj cuag koj, hab thaus nwg pum koj nwg yuav zoosab heev. 15Koj cale nrug nwg thaam hab cevlug rua huv nwg lub qhovncauj. Kuv yuav paab meb ob leeg has, hab yuav qha has tas meb yuav ua dlaabtsi. 16Aloos yuav yog tug kws sawv koj cev has koj lug rua cov pejxeem. Tes koj yuav zoo ib yaam le Vaajtswv, es qha seb nwg yuav has dlaabtsi lawm xwb. 17Nqaa tug paas nreg nuav nrug koj moog, koj txhaj yuav tau tug paas nuav siv ua txujci tseemceeb.”
Mauxes Rovqaab Moog Rua Tebchaws Iziv
18Tes Mauxes txawm rovqaab moog cuag nwg yawmtxiv Yethoos, hab has rua Yethoos has tas, “Thov ca kuv rovqaab moog saib kuv cov kwvtij kws nyob rua tebchaws Iziv, seb puab puas tseem muaj sa nyob.” Yethoos pumzoo hab has tas “Moog zoo koj.”
19Thaus Mauxes tseem nyob huv tebchaws Midias, tug TSWV has rua nwg tas, “Koj cale rovqaab moog rua tebchaws Iziv, ruaqhov cov tuabneeg kws xaav muab koj tua povtseg tub tuag taag lawm.” 20Yogle ntawd, Mauxes txhaj muab nwg tug quaspuj hab ob tug tub caij neegluav hab puab rov moog rua tebchaws Iziv lawm, Mauxes nqaa rawv nwg tug paas nreg kws Vaajtswv kuas nwg nqaa nrug nwg moog.
21Tug TSWV rov has rua Mauxes has tas, “Thaus koj moog txug tebchaws Iziv, koj yuavtsum ua txhua yaam txujci tseemceeb kws Kuv tub muab fwjchim rua koj lawm rua Falaus saib. Tabsis Kuv yuav ua kuas Falaus muaj lub sab tawv, mas nwg yuav tsi kaam tso cov tuabneeg ntawd moog. 22Thaus ntawd koj yuavtsum qha rua nwg has tas Kuv, kws yog tug TSWV, has le nuav, ‘Cov Yixalayees yog Kuv tug tub hlub. 23Kuv tub has rua koj lawm has tas kuas cale tso kev rua Kuv tug tub moog, kuas nwg txhaj tau pehawm Kuv, tabsis koj tsi kaam tso le. Zagnua Kuv yuav muab koj tug tub hlub tua.’ ” #Tsiv 12:29
24Thaus puab taug kev moog rua tebchaws Iziv, puab moog txug rua ib lub chaw pw, tug TSWV tau lug ntsib Mauxes hab npaajsab yuav muab Mauxes tua povtseg. 25Tes Xipaulas kws yog Mauxes tug quaspuj, txhaj muab tau ib dlaim txhais zeb ntse-ntse lug hlais nwg tug tub dlaim tawv nqaj chaw mog, hab muab moog npuab Mauxes kutaw,#4:25: kutaw: Qhov nuav ibtxha xaav tas tsuas yog ua paajlug has txug “kutaw” xwb, qhov tseeb yog has txug tug noov ntaag. hab has tas, “Koj yog tug nraugvauv ntshaav rua kuv tag-tag le.” 26Tes tug TSWV txhaj tseg Mauxes txujsa. Qhov kws nwg has tas, “Koj yog tug nraugvauv ntshaav,” yog has txug qhov kws ua kevcai txav tawv.
27Tomqaab ntawd, tug TSWV has rua Aloos has tas, “Koj cale moog ntsib Mauxes tom taj suabpuam.” Yogle ntawd, Aloos txhaj moog ntsib Mauxes rua sau lub roob dlawbhuv, hab thaus nwg ntsib Mauxes, nwg txhaj puag nkaus Mauxes nwj. 28Tes Mauxes qha Aloos txug txhua yaam kws tug TSWV tau has rua Mauxes kuas nwg rov lug rua tebchaws Iziv; hab nwg tseem qha tej txujci kws tug TSWV tau xaaj kuas nwg ua huv tuabsi rua Aloos.
29Mauxes hab Aloos obtug txhaj uake moog rua tebchaws Iziv, hab hu taagnrho cov Yixalayees tej thawjcoj tuaj txoos uake. 30Aloos qha txhua yaam kws tug TSWV has rua Mauxes rua cov Yixalayees noog, hab Mauxes ua txhua yaam txujci tseemceeb kws tug TSWV qha rua nwg lawm, rua cov Yixalayees saib. 31Puab kuj ntseeg, hab thaus puab nov tas, tug TSWV tau lug saib puab hab pum puab tej kev txomnyem kws raug luas tsimtxom ntawd lawm, puab txhaj qhau cev hlo pehawm tug TSWV.
လက္ရွိေရြးခ်ယ္ထားမွု
Tsiv Dlim 4: HNJ2022
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.
Tsiv Dlim 4
4
Vaajtswv Pub Fwjchim Rua Mauxes Ua Txujci Tseemceeb
1Mauxes teb tug TSWV has tas, “Tabsis yog tas cov Yixalayees tsi ntseeg kuv hab tsi noog tej lug kws kuv has ne, kuv yuav ua lecaag? Yog puab has tas, ‘Tug TSWV yeej tsi tau lug tshwm rua koj pum’ nua ne?”
2Tug TSWV txhaj nug Mauxes has tas, “Koj tuav dlaabtsi ntawm koj txhais teg?”
Mauxes teb tas, “Kuv tuav ib tug paas nreg.”
3Tug TSWV has tas, “Koj muab nwg pov rua huv aav seb.” Thaus Mauxes muab tug paas nreg povrhees rua huv aav, uacav tug paas ntawd txawm hloov kag ua ib tug naab, Mauxes txhaj dlha tsiv. 4Tes tug TSWV has rua Mauxes has tas, “Koj cale cev teg moog tuav nkaus nwg tug kutwv nqaa hlo.” Mauxes txhaj cev loo teg tuav nkaus naab tug kutwv, tes tug naab txawm hloov hlo rov ua tug paas nreg le qub. 5Tug TSWV has rua Mauxes has tas, “Koj ua le nuav qha rua cov Yixalayees kuas puab paub tas tug TSWV, kws yog puab cov yawmkoob tug Vaajtswv, kws yog Anplahaas, Ixaj, hab Yakhauj tug Vaajtswv tau lug tshwm rua koj pum lawm.”
6Tug TSWV has ntxiv rua Mauxes has tas, “Muab koj txhais teg ntxig rua huv koj plaab tshos.” Mauxes ua lawvle ntawd; hab thaus nwg thau nwg txhais teg tawm lug, uacav nwg txhais teg cale mob ruas ua cos dlawbpaug le dlaus. 7Tug TSWV has tas, “Rov muab koj txhais teg ntxig rua huv koj plaab tshos.” Mauxes txawm ua lawvle ntawd; thaus nwg thau nwg txhais teg tawm lug, uacav nwg txhais teg rov zoo dlu lug ib yaam le nwg tej nqajtawv lawm.
8Tug TSWV has tas, “Yog puab tsi ntseeg koj lossis tsi kaam ntseeg thawj yaam txujci kws koj ua, los puab yeej yuavtsum ntseeg zaaj nuav xwb. 9Thaus puab pum ob yaam txujci nuav taag, yog puab tseem tsi ntseeg koj hab tsi kaam noog koj tej lug, koj cale moog has ib cov dlej huv tug Dlej Nais lug laub rua sau nruabnqhuab. Cov dlej ntawd yuav hloov ua ntshaav.”
10Tabsis Mauxes has rua Vaajtswv has tas, “Tug TSWV, thov Koj tsi xob khaiv kuv moog. Kuv yeej ibtxwm has tsi tau lug nplag, tsi has yaav taag lug lossis nwgnuav kws Koj nrug kuv thaam. Kuv yeej ibtxwm has tsi tau lug zoo, pheej has qeeb-qeeb hab has tsi nplag.”
11Tug TSWV has rua Mauxes has tas, “Leejtwg muab qhovncauj rua tuabneeg? Leejtwg ua rua tuabneeg laagntseg lossis ruag? Leejtwg ua rua tuabneeg pumkev lossis dligmuag? Tsi yog Kuv, kws yog tug TSWV lov? 12Koj cale moog! Kuv yuav paab koj has, hab yuav qha has tas koj yuav has lecaag.”
13Tabsis Mauxes teb tas, “Thov lau tug TSWV, thov Koj khaiv lwmtug moog.”
14Thaus ntawd tug TSWV npautawg heev rua Mauxes, Nwg txhaj has tas, “Koj tug tijlaug Aloos kws yog xeem Levis ne? Kuv paub tas nwg has tau lug zoo. Taamsim nuav nwg taabtom tuaj cuag koj, hab thaus nwg pum koj nwg yuav zoosab heev. 15Koj cale nrug nwg thaam hab cevlug rua huv nwg lub qhovncauj. Kuv yuav paab meb ob leeg has, hab yuav qha has tas meb yuav ua dlaabtsi. 16Aloos yuav yog tug kws sawv koj cev has koj lug rua cov pejxeem. Tes koj yuav zoo ib yaam le Vaajtswv, es qha seb nwg yuav has dlaabtsi lawm xwb. 17Nqaa tug paas nreg nuav nrug koj moog, koj txhaj yuav tau tug paas nuav siv ua txujci tseemceeb.”
Mauxes Rovqaab Moog Rua Tebchaws Iziv
18Tes Mauxes txawm rovqaab moog cuag nwg yawmtxiv Yethoos, hab has rua Yethoos has tas, “Thov ca kuv rovqaab moog saib kuv cov kwvtij kws nyob rua tebchaws Iziv, seb puab puas tseem muaj sa nyob.” Yethoos pumzoo hab has tas “Moog zoo koj.”
19Thaus Mauxes tseem nyob huv tebchaws Midias, tug TSWV has rua nwg tas, “Koj cale rovqaab moog rua tebchaws Iziv, ruaqhov cov tuabneeg kws xaav muab koj tua povtseg tub tuag taag lawm.” 20Yogle ntawd, Mauxes txhaj muab nwg tug quaspuj hab ob tug tub caij neegluav hab puab rov moog rua tebchaws Iziv lawm, Mauxes nqaa rawv nwg tug paas nreg kws Vaajtswv kuas nwg nqaa nrug nwg moog.
21Tug TSWV rov has rua Mauxes has tas, “Thaus koj moog txug tebchaws Iziv, koj yuavtsum ua txhua yaam txujci tseemceeb kws Kuv tub muab fwjchim rua koj lawm rua Falaus saib. Tabsis Kuv yuav ua kuas Falaus muaj lub sab tawv, mas nwg yuav tsi kaam tso cov tuabneeg ntawd moog. 22Thaus ntawd koj yuavtsum qha rua nwg has tas Kuv, kws yog tug TSWV, has le nuav, ‘Cov Yixalayees yog Kuv tug tub hlub. 23Kuv tub has rua koj lawm has tas kuas cale tso kev rua Kuv tug tub moog, kuas nwg txhaj tau pehawm Kuv, tabsis koj tsi kaam tso le. Zagnua Kuv yuav muab koj tug tub hlub tua.’ ” #Tsiv 12:29
24Thaus puab taug kev moog rua tebchaws Iziv, puab moog txug rua ib lub chaw pw, tug TSWV tau lug ntsib Mauxes hab npaajsab yuav muab Mauxes tua povtseg. 25Tes Xipaulas kws yog Mauxes tug quaspuj, txhaj muab tau ib dlaim txhais zeb ntse-ntse lug hlais nwg tug tub dlaim tawv nqaj chaw mog, hab muab moog npuab Mauxes kutaw,#4:25: kutaw: Qhov nuav ibtxha xaav tas tsuas yog ua paajlug has txug “kutaw” xwb, qhov tseeb yog has txug tug noov ntaag. hab has tas, “Koj yog tug nraugvauv ntshaav rua kuv tag-tag le.” 26Tes tug TSWV txhaj tseg Mauxes txujsa. Qhov kws nwg has tas, “Koj yog tug nraugvauv ntshaav,” yog has txug qhov kws ua kevcai txav tawv.
27Tomqaab ntawd, tug TSWV has rua Aloos has tas, “Koj cale moog ntsib Mauxes tom taj suabpuam.” Yogle ntawd, Aloos txhaj moog ntsib Mauxes rua sau lub roob dlawbhuv, hab thaus nwg ntsib Mauxes, nwg txhaj puag nkaus Mauxes nwj. 28Tes Mauxes qha Aloos txug txhua yaam kws tug TSWV tau has rua Mauxes kuas nwg rov lug rua tebchaws Iziv; hab nwg tseem qha tej txujci kws tug TSWV tau xaaj kuas nwg ua huv tuabsi rua Aloos.
29Mauxes hab Aloos obtug txhaj uake moog rua tebchaws Iziv, hab hu taagnrho cov Yixalayees tej thawjcoj tuaj txoos uake. 30Aloos qha txhua yaam kws tug TSWV has rua Mauxes rua cov Yixalayees noog, hab Mauxes ua txhua yaam txujci tseemceeb kws tug TSWV qha rua nwg lawm, rua cov Yixalayees saib. 31Puab kuj ntseeg, hab thaus puab nov tas, tug TSWV tau lug saib puab hab pum puab tej kev txomnyem kws raug luas tsimtxom ntawd lawm, puab txhaj qhau cev hlo pehawm tug TSWV.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.