Tsiv Dlim 3
3
Vaajtswv Hu Mauxes
1Muaj ib nub Mauxes taabtom saib nwg yawmtxiv Yethoos, kws yog tug povthawj hlub nyob huv tebchaws Midias, cov yaaj hab cov tshis; nwg coj paab tsaj ntawd hlaa taj suabpuam moog txug tim lub Roob Xinais kws yog lub roob dlawbhuv. 2Nyob rua qhov ntawd, tug TSWV tug timtswv tau lug tshwm ua ib tug nplaim suavtawg rua Mauxes pum nyob huv ib tsob ntoo. Mauxes pum nplaimtawg cig labploog huv tsob ntoo tuaj, tabsis tsob ntoo tsi kubnyab le. #Tegnum 7:30-34 3Nwg xaav huv sab tas, “Uacaag txawv ualuaj! Vim lecaag tsob ntoo ho tsi kubnyab? Kuv sim txaav moog kuas ze zog hab saib seb.”
4Thaus tug TSWV pum tas Mauxes txaav lug ze lawm, Nwg txhaj hu Mauxes huv tsob ntoo ntawd tuaj has tas, “Mauxes! Mauxes!”
Mauxes teb tas, “Kuv nyob ntawm nuav.”
5Vaajtswv has tas, “Tsi xob txaav lug ze ntxiv lawm! Cale hle koj nkawm khau, ruaqhov koj taabtom sawv ntawm thaaj chaw kws dlawbhuv. 6Kuv yog koj cov yawmkoob tug Vaajtswv, yog Anplahaas, Ixaj, hab Yakhauj tug Vaajtswv.” Yogle ntawd, Mauxes txhaj muab teg lug pus nwg ntsejmuag ca ruaqhov nwg tsi muaj cuabkaav yuav saib tau Vaajtswv.
7Tug TSWV txhaj has tas, “Kuv pum Kuv tsaav tuabneeg kws nyob huv tebchaws Iziv raug kev tsimtxom lecaag lawm, Kuv nov puab tej suab quaj qw thov kev paab kuas puab dlim ntawm txuj kev kws puab raug yuam ua qhev. Kuv paub taagnrho puab tej kev txomnyem lawm, 8yogle ntawd, Kuv txhaj nqeg lug paab puab kuas dlim ntawm cov tuabneeg Iziv hab yuav coj puab tawm huv tebchaws Iziv moog nyob rua lub tebchaws kws zoo ua noj ua haus hab aav dlaav heev; lub tebchaws kws muaj kua mig hab zib ntaab ndlwg ndlo, kws nwgnuav cov tuabneeg Kana-aas, cov Hitis, cov Amaules, cov Pelixes, cov Hivis hab cov Yenpus nyob. 9Kuv tub nov Kuv tsaav tuabneeg lub suab quaj, hab Kuv pum tas cov tuabneeg Iziv caijtsuj puab lecaag lawm. 10Zagnua Kuv yuav khaiv koj moog cuag Falaus, sub koj txhaj yuav moog tso tau Kuv tsaav tuabneeg tawm tau huv nwg lub tebchaws lug.”
11Tabsis Mauxes has rua Vaajtswv tas, “Kuv yog leejtwg, es yuav moog cuag tau Falaus, hab coj cov Yixalayees tawm huv tebchaws Iziv moog?”
12Vaajtswv teb tas, “Kuv yuav nrugnraim koj, hab thaus koj coj cov Yixalayees tawm huv tebchaws Iziv lug, mej yuav pehawm Kuv sau lub roob nuav. Qhov ntawd yuav ua lub cim qha rua koj paub tas Kuv yog tug khaiv koj moog.”
13Mauxes teb Vaajtswv has tas, “Thaus kuv moog txug ntawm cov Yixalayees hab has rua puab has tas, ‘Mej cov yawmkoob tug Vaajtswv khaiv kuv tuaj cuag mej,’ es puab nug kuv has tas, ‘Tug Vaajtswv ntawd lub npe hu lecaag?’ Thaus ntawd, kuv yuav teb puab lecaag?” #Tsiv 6:2-3
14Vaajtswv has tas, “KUV YOG TUG KWS KUV YOG. Koj yuavtsum qha rua puab has tas: ‘Tug kws hu ua KUV YOG,#3:14: KUV YOG TUG KWS KUV YOG…KUV YOG lossis KUV YUAV YOG TUG KWS KUV YUAV YOG … KUV YUAV YOG. “KUV YOG” has le lulug Henplais kws siv rua Yaves (Lulug "Yahweh" kws siv lug Aaskiv). Lulug Yehauvas tawm ntawm lulug Yaves nuav lug. Lub npe Yaves nuav yuav siv lulug “tug TSWV” thoobplawg phoo Vaajlugkub nuav, kws yog siv cov tsajntawv luj xwb. yog tug khaiv kuv tuaj cuag mej.’ #Tshwm 1:4, 8 15Qha rua cov Yixalayees has tas Kuv, kws yog tug TSWV, kws yog puab cov yawmkoob tug Vaajtswv, kws yog Anplahaas, Ixaj, hab Yakhauj tug Vaajtswv, yog tug khaiv koj moog cuag puab. Lub npe nuav yog Kuv lub npe moog ibtxhis; lub npe nuav yog lub kws txhua tam tuabneeg tomntej nuav yuavtsum tau hu. 16Koj cale moog hab hu cov Yixalayees cov kevtxwj quaslaug tuaj uake hab qha rua puab has tas Kuv, kws yog tug TSWV, kws yog puab cov yawmkoob tug Vaajtswv, kws yog Anplahaas, Ixaj, hab Yakhauj tug Vaajtswv, tau lug tshwm rua koj pum lawm. Qha rua puab has tas Kuv tub lug saib puab hab pum tej kws cov tuabneeg Iziv ua rua puab lawm. 17Kuv npaajsab lawm has tas, Kuv yuav coj puab tawm huv tebchaws Iziv, qhov chaw kws puab raug luas tsimtxom, moog nyob rua lub tebchaws kws cov Kana-aas, cov Hitis, cov Amaules, cov Pelixes, cov Hivis, hab cov Yenpus nyob, kws yog lub tebchaws kws muaj kua mig hab zib ntaab ndlwg ndlo.
18“Kuv tsaav tuabneeg yuav noog tej lug kws koj has. Tes koj yuavtsum nrug cov Yixalayees tej kevtxwj quaslaug moog cuag cov Iziv tug vaajntxwv hab has rua nwg tas, ‘Tug TSWV, kws yog cov Henplais tug Vaajtswv, tau lug qha Nwg tugkheej rua peb pum lawm. Zagnua thov koj tso peb moog peb nub ke rua tom taj suabpuam, kws yog moog tua tsaj fij rua tug TSWV, kws yog peb tug Vaajtswv.’ 19Kuv paub tas cov Iziv tug vaajntxwv yeej yuav tsi tso mej moog, yog tas nwg tsi raug txhais teg kws muaj fwjchim luj kawg nkaus yuam kuas nwg tso. 20Tabsis Kuv yuav siv Kuv lub fwjchim hab rautxim rua cov Iziv lug ntawm qhov kws ua tej yaam txaus ntshai kawg nkaus. Tes tomqaab ntawd nwg yeej yuav tso mej moog xwb.
21“Kuv yuav tshoov cov tuabneeg Iziv sab kuas puab fwm koj, sub thaus Kuv tsaav tuabneeg tawm moog, puab yuav tsi tawm moog teg dlawb teg nplag. 22Txhua tug quaspuj Yixalayees yuav moog cuag tej quaspuj Iziv kws nrug mej nyob koom zej koom zog, hab nrug nwg nyob ua ib tse; puab yuav moog thov tej tsoogtsho, hab saw nyaj saw kub. Cov Yixalayees yuav muab tej ntawd rua puab tej tub tej ntxhais coj hab naav, hab yuav txeeb cov Iziv tej qhov txhua chaw huv tuabsi moog.” #Tsiv 12:35-36
လက္ရွိေရြးခ်ယ္ထားမွု
Tsiv Dlim 3: HNJ2022
အေရာင္မွတ္ခ်က္
မၽွေဝရန္
ကူးယူ

မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.
Tsiv Dlim 3
3
Vaajtswv Hu Mauxes
1Muaj ib nub Mauxes taabtom saib nwg yawmtxiv Yethoos, kws yog tug povthawj hlub nyob huv tebchaws Midias, cov yaaj hab cov tshis; nwg coj paab tsaj ntawd hlaa taj suabpuam moog txug tim lub Roob Xinais kws yog lub roob dlawbhuv. 2Nyob rua qhov ntawd, tug TSWV tug timtswv tau lug tshwm ua ib tug nplaim suavtawg rua Mauxes pum nyob huv ib tsob ntoo. Mauxes pum nplaimtawg cig labploog huv tsob ntoo tuaj, tabsis tsob ntoo tsi kubnyab le. #Tegnum 7:30-34 3Nwg xaav huv sab tas, “Uacaag txawv ualuaj! Vim lecaag tsob ntoo ho tsi kubnyab? Kuv sim txaav moog kuas ze zog hab saib seb.”
4Thaus tug TSWV pum tas Mauxes txaav lug ze lawm, Nwg txhaj hu Mauxes huv tsob ntoo ntawd tuaj has tas, “Mauxes! Mauxes!”
Mauxes teb tas, “Kuv nyob ntawm nuav.”
5Vaajtswv has tas, “Tsi xob txaav lug ze ntxiv lawm! Cale hle koj nkawm khau, ruaqhov koj taabtom sawv ntawm thaaj chaw kws dlawbhuv. 6Kuv yog koj cov yawmkoob tug Vaajtswv, yog Anplahaas, Ixaj, hab Yakhauj tug Vaajtswv.” Yogle ntawd, Mauxes txhaj muab teg lug pus nwg ntsejmuag ca ruaqhov nwg tsi muaj cuabkaav yuav saib tau Vaajtswv.
7Tug TSWV txhaj has tas, “Kuv pum Kuv tsaav tuabneeg kws nyob huv tebchaws Iziv raug kev tsimtxom lecaag lawm, Kuv nov puab tej suab quaj qw thov kev paab kuas puab dlim ntawm txuj kev kws puab raug yuam ua qhev. Kuv paub taagnrho puab tej kev txomnyem lawm, 8yogle ntawd, Kuv txhaj nqeg lug paab puab kuas dlim ntawm cov tuabneeg Iziv hab yuav coj puab tawm huv tebchaws Iziv moog nyob rua lub tebchaws kws zoo ua noj ua haus hab aav dlaav heev; lub tebchaws kws muaj kua mig hab zib ntaab ndlwg ndlo, kws nwgnuav cov tuabneeg Kana-aas, cov Hitis, cov Amaules, cov Pelixes, cov Hivis hab cov Yenpus nyob. 9Kuv tub nov Kuv tsaav tuabneeg lub suab quaj, hab Kuv pum tas cov tuabneeg Iziv caijtsuj puab lecaag lawm. 10Zagnua Kuv yuav khaiv koj moog cuag Falaus, sub koj txhaj yuav moog tso tau Kuv tsaav tuabneeg tawm tau huv nwg lub tebchaws lug.”
11Tabsis Mauxes has rua Vaajtswv tas, “Kuv yog leejtwg, es yuav moog cuag tau Falaus, hab coj cov Yixalayees tawm huv tebchaws Iziv moog?”
12Vaajtswv teb tas, “Kuv yuav nrugnraim koj, hab thaus koj coj cov Yixalayees tawm huv tebchaws Iziv lug, mej yuav pehawm Kuv sau lub roob nuav. Qhov ntawd yuav ua lub cim qha rua koj paub tas Kuv yog tug khaiv koj moog.”
13Mauxes teb Vaajtswv has tas, “Thaus kuv moog txug ntawm cov Yixalayees hab has rua puab has tas, ‘Mej cov yawmkoob tug Vaajtswv khaiv kuv tuaj cuag mej,’ es puab nug kuv has tas, ‘Tug Vaajtswv ntawd lub npe hu lecaag?’ Thaus ntawd, kuv yuav teb puab lecaag?” #Tsiv 6:2-3
14Vaajtswv has tas, “KUV YOG TUG KWS KUV YOG. Koj yuavtsum qha rua puab has tas: ‘Tug kws hu ua KUV YOG,#3:14: KUV YOG TUG KWS KUV YOG…KUV YOG lossis KUV YUAV YOG TUG KWS KUV YUAV YOG … KUV YUAV YOG. “KUV YOG” has le lulug Henplais kws siv rua Yaves (Lulug "Yahweh" kws siv lug Aaskiv). Lulug Yehauvas tawm ntawm lulug Yaves nuav lug. Lub npe Yaves nuav yuav siv lulug “tug TSWV” thoobplawg phoo Vaajlugkub nuav, kws yog siv cov tsajntawv luj xwb. yog tug khaiv kuv tuaj cuag mej.’ #Tshwm 1:4, 8 15Qha rua cov Yixalayees has tas Kuv, kws yog tug TSWV, kws yog puab cov yawmkoob tug Vaajtswv, kws yog Anplahaas, Ixaj, hab Yakhauj tug Vaajtswv, yog tug khaiv koj moog cuag puab. Lub npe nuav yog Kuv lub npe moog ibtxhis; lub npe nuav yog lub kws txhua tam tuabneeg tomntej nuav yuavtsum tau hu. 16Koj cale moog hab hu cov Yixalayees cov kevtxwj quaslaug tuaj uake hab qha rua puab has tas Kuv, kws yog tug TSWV, kws yog puab cov yawmkoob tug Vaajtswv, kws yog Anplahaas, Ixaj, hab Yakhauj tug Vaajtswv, tau lug tshwm rua koj pum lawm. Qha rua puab has tas Kuv tub lug saib puab hab pum tej kws cov tuabneeg Iziv ua rua puab lawm. 17Kuv npaajsab lawm has tas, Kuv yuav coj puab tawm huv tebchaws Iziv, qhov chaw kws puab raug luas tsimtxom, moog nyob rua lub tebchaws kws cov Kana-aas, cov Hitis, cov Amaules, cov Pelixes, cov Hivis, hab cov Yenpus nyob, kws yog lub tebchaws kws muaj kua mig hab zib ntaab ndlwg ndlo.
18“Kuv tsaav tuabneeg yuav noog tej lug kws koj has. Tes koj yuavtsum nrug cov Yixalayees tej kevtxwj quaslaug moog cuag cov Iziv tug vaajntxwv hab has rua nwg tas, ‘Tug TSWV, kws yog cov Henplais tug Vaajtswv, tau lug qha Nwg tugkheej rua peb pum lawm. Zagnua thov koj tso peb moog peb nub ke rua tom taj suabpuam, kws yog moog tua tsaj fij rua tug TSWV, kws yog peb tug Vaajtswv.’ 19Kuv paub tas cov Iziv tug vaajntxwv yeej yuav tsi tso mej moog, yog tas nwg tsi raug txhais teg kws muaj fwjchim luj kawg nkaus yuam kuas nwg tso. 20Tabsis Kuv yuav siv Kuv lub fwjchim hab rautxim rua cov Iziv lug ntawm qhov kws ua tej yaam txaus ntshai kawg nkaus. Tes tomqaab ntawd nwg yeej yuav tso mej moog xwb.
21“Kuv yuav tshoov cov tuabneeg Iziv sab kuas puab fwm koj, sub thaus Kuv tsaav tuabneeg tawm moog, puab yuav tsi tawm moog teg dlawb teg nplag. 22Txhua tug quaspuj Yixalayees yuav moog cuag tej quaspuj Iziv kws nrug mej nyob koom zej koom zog, hab nrug nwg nyob ua ib tse; puab yuav moog thov tej tsoogtsho, hab saw nyaj saw kub. Cov Yixalayees yuav muab tej ntawd rua puab tej tub tej ntxhais coj hab naav, hab yuav txeeb cov Iziv tej qhov txhua chaw huv tuabsi moog.” #Tsiv 12:35-36
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ

မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.