Uchokholha 20
20
Aburahimu ni Naabimeleki
1Paahi Aburahimu ahothama Umamre nkayaalhukama ilhapo yo Unegebu nkayaamaka iriyari yo Ukadeshi ni Ushuri, yamalheke nkayaarwaa ni ukhalha wo mahuku vakani Ugerari. 2Vaari aya wowo, Aburahimu aheera wiira ahanu aya Asara ayo arokoraya. Paahi etu amwene Naabimeleki o Ugerari ahaakusha Asara ukhalha ahanu aya. 3Nansho Nlhuku ahaakhumelhelha Naabimeleki ntorani uhiyu, nkeerelha, “Inyu nnookhwa wo nlhatu no athiyana mwaawelhe inyu ayo, ahanaa owannyaya.”
4Naabimeleki aari ahinarupa ni Asara, paahi nkayaakhulha, “Chani, Pwiiya, nnooweeva attu ahittenke? 5Aburahimu anene ayo phi enre wiira alha arokoraya. Tho, ata Asara anene ayo yenre wiira Aburahimu ayo onnaya! Mii kaapannge kipannge aka iyo wo nnikwa woombone ni mena akiwonnye.”
6Paahi Nlhuku nkeerelha ntorani mmo, “Aye. Kihochuwelha wiira mwaapannge chiicho wo nrima woombone ni mii phi ohinheni wiira nhiwonye ni ukittekelha, phi nlhatu etu akohilheni wiira mwaatamerie yayo athiyana ayo. 7Vano etu mwaahokolhosheke athiyana ayo wa owannyaya. Aburahimu ayo, yayo anamilhohi aka, anoulhapelhelhani wiira nhikhwe. Nansho mwaahahokolhosheke, nchuwelheke we ikekhiaye wiira inyuva nnookhwa vamoka ni attu inyu onkhaye.”
8Paahi Naabimeleki nkayonkwa wichishuru, nkayeehanacha akavihi aya onkhaye ni waahimeria mwaha wonne aya ntorani, ni ayo yahoovacha chinene. 9Phi vavawo Naabimeleki vehanne aya Aburahimu, nkayaakoha, “Nnipangenlheni? Kuuttekenlheni ittu yaani, mpaka nkamwaakiwiihera wu uthapana wu, mii ni imwene aka? Nhokipangelha ittu ihinophwanelha upangiya.” 10Tho Naabimeleki yahothepa waakoha Aburahimu, “Ittu yaani yurummeni wiira mpange chiicho?”
11Aburahimu nkayaakhulha, “Kaapannge chiicho ukhalhawaya koopuwelha wiira, khaawo ntu nonthimicha Nlhuku va. Ni vavawo mwaanokiiva wiira mwaakushe ahanu aka ayo. 12Wo uthepa vavawo tho, wo ikekhiaye yayo mii mwanrokoraka, niyareelhe ni athumwanihu amoka nimwalhaanne unipelheni, paahi etu phi nlhatu no ukhalha ahanu aka. 13Ikatema Nlhuku vaakirenlhe awe kithame unupani wa athumwanaka ni ukirweeha wa amalhaponi, kaheerelha ahanu aka, ‘Ukittu uriwoothe unohalha ihu urwaa, mweereke mii mwanrokorinyu!’ ”
14Naabimeleki nkaahokolhosha Asara ahanu a Aburahimu wa owannyaya, nkaayavaha Aburahimu ikhondoro ni ing'ope ni ipotta chilhopwana ni chithiyana. 15Tho Naabimeleki nkayeerelha Aburahimu, “Mwooneke, ilhapo yonkhaye ilha yawaka, paahi etu nthanlheke ukittu Nnothanana inyu, nrweeke mwakhalheke.” 16Tho, nkayeerelha Asara, “Mwooneke, mii kihaavaha onninyu nchurukhu makhobilhi elufu imoka wo wooniha attu onkhaye ari ni inyu ayo wiira khanttenke, khanrina nlhatu.”
17Baada yo vavawo, Aburahimu nkayanlhepelha Nlhuku, nkookokholha Naabimeleki ni ahanu aya ni ipotta chaya ashithiyana ata nkayooria waapatta ashaana tho. 18Ukhalhawaya Apwiiya Nlhuku aari anaattukilhe manyoopani o unupani wa Naabimeleki wiira ahiyare wo nlhatu wa Asara, ahanu a Aburahimu.
လက္ရွိေရြးခ်ယ္ထားမွု
Uchokholha 20: MOT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible Version in Makua @The Word for The World International and Makua Language translators. All rights reserved.
Uchokholha 20
20
Aburahimu ni Naabimeleki
1Paahi Aburahimu ahothama Umamre nkayaalhukama ilhapo yo Unegebu nkayaamaka iriyari yo Ukadeshi ni Ushuri, yamalheke nkayaarwaa ni ukhalha wo mahuku vakani Ugerari. 2Vaari aya wowo, Aburahimu aheera wiira ahanu aya Asara ayo arokoraya. Paahi etu amwene Naabimeleki o Ugerari ahaakusha Asara ukhalha ahanu aya. 3Nansho Nlhuku ahaakhumelhelha Naabimeleki ntorani uhiyu, nkeerelha, “Inyu nnookhwa wo nlhatu no athiyana mwaawelhe inyu ayo, ahanaa owannyaya.”
4Naabimeleki aari ahinarupa ni Asara, paahi nkayaakhulha, “Chani, Pwiiya, nnooweeva attu ahittenke? 5Aburahimu anene ayo phi enre wiira alha arokoraya. Tho, ata Asara anene ayo yenre wiira Aburahimu ayo onnaya! Mii kaapannge kipannge aka iyo wo nnikwa woombone ni mena akiwonnye.”
6Paahi Nlhuku nkeerelha ntorani mmo, “Aye. Kihochuwelha wiira mwaapannge chiicho wo nrima woombone ni mii phi ohinheni wiira nhiwonye ni ukittekelha, phi nlhatu etu akohilheni wiira mwaatamerie yayo athiyana ayo. 7Vano etu mwaahokolhosheke athiyana ayo wa owannyaya. Aburahimu ayo, yayo anamilhohi aka, anoulhapelhelhani wiira nhikhwe. Nansho mwaahahokolhosheke, nchuwelheke we ikekhiaye wiira inyuva nnookhwa vamoka ni attu inyu onkhaye.”
8Paahi Naabimeleki nkayonkwa wichishuru, nkayeehanacha akavihi aya onkhaye ni waahimeria mwaha wonne aya ntorani, ni ayo yahoovacha chinene. 9Phi vavawo Naabimeleki vehanne aya Aburahimu, nkayaakoha, “Nnipangenlheni? Kuuttekenlheni ittu yaani, mpaka nkamwaakiwiihera wu uthapana wu, mii ni imwene aka? Nhokipangelha ittu ihinophwanelha upangiya.” 10Tho Naabimeleki yahothepa waakoha Aburahimu, “Ittu yaani yurummeni wiira mpange chiicho?”
11Aburahimu nkayaakhulha, “Kaapannge chiicho ukhalhawaya koopuwelha wiira, khaawo ntu nonthimicha Nlhuku va. Ni vavawo mwaanokiiva wiira mwaakushe ahanu aka ayo. 12Wo uthepa vavawo tho, wo ikekhiaye yayo mii mwanrokoraka, niyareelhe ni athumwanihu amoka nimwalhaanne unipelheni, paahi etu phi nlhatu no ukhalha ahanu aka. 13Ikatema Nlhuku vaakirenlhe awe kithame unupani wa athumwanaka ni ukirweeha wa amalhaponi, kaheerelha ahanu aka, ‘Ukittu uriwoothe unohalha ihu urwaa, mweereke mii mwanrokorinyu!’ ”
14Naabimeleki nkaahokolhosha Asara ahanu a Aburahimu wa owannyaya, nkaayavaha Aburahimu ikhondoro ni ing'ope ni ipotta chilhopwana ni chithiyana. 15Tho Naabimeleki nkayeerelha Aburahimu, “Mwooneke, ilhapo yonkhaye ilha yawaka, paahi etu nthanlheke ukittu Nnothanana inyu, nrweeke mwakhalheke.” 16Tho, nkayeerelha Asara, “Mwooneke, mii kihaavaha onninyu nchurukhu makhobilhi elufu imoka wo wooniha attu onkhaye ari ni inyu ayo wiira khanttenke, khanrina nlhatu.”
17Baada yo vavawo, Aburahimu nkayanlhepelha Nlhuku, nkookokholha Naabimeleki ni ahanu aya ni ipotta chaya ashithiyana ata nkayooria waapatta ashaana tho. 18Ukhalhawaya Apwiiya Nlhuku aari anaattukilhe manyoopani o unupani wa Naabimeleki wiira ahiyare wo nlhatu wa Asara, ahanu a Aburahimu.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible Version in Makua @The Word for The World International and Makua Language translators. All rights reserved.