Uchokholha 19
19
Uwonya wa attu o Usodoma
1Minepa elhi alhe nkayaaphiya Usodoma uchechilho. Yeyo ikatema iyo Nalutu aari anakhanlhe vaari nlhako wo iwani yo Usodoma. Vonne aya attu ayo, aheemelha weekamelha, nkayooroma mpaka vathi, waathimicha. 2Nkayeera, “Manyaathithi, mii namitheko inyu, kharibu etu uwannyaka, nnookhucha mieto, ni urupa uwannyaka uhiyu wo lhelho ulha. Washaakaru nnowooria urwaa nkwaha inyu.” Nansho, ayo nkayeeracha, “Mena! Hii ninoorupa vapuwani va.” 3Nalutu nkayaapepechacha chinene, nkayaarumelhalhacha, nkayaarukunuwa ni ukelha unupani wa Nalutu. Ni ayo nkayaalhehera anamitheko aya wiira yaaterekhelhe yolhia alheto ayo. Vaayilhe aya, nkayaakhalhacha ni ulhia.
4Nansho uhiyu, ahinaya urupa, manyaalhopwana onkhaye o iwani yo Usodoma vawo, ashimirawo ni ashulhupalhe, onkhaye hihalhaka ata ntu mmoka uwani, ahorukureriacha inupa ya Nalutu. 5Nkayeehana Nalutu ni waakoha, “Ari vayi attu awilhe uchechilho uwaninyu alhe? Mwaakumihacheke vathe, ninothanana waarupana.”
6Nalutu nkayaakhuma vathe ni uttia nlhako, 7nkayeerelhacha attu ayo, “Manyaamunna, kinoulhepelhani wiira nhipange ittu yo unanara iyo. 8Nkoonani etu, mii va kihaana ashimialhi elhi ahinathupha mooro. Nkihiyeke etu kuuvaheni yayo ashimialhi ayo mwaapangelheke thoko chinothanana inyu mwaatti. Nansho nhaapangelhe ittu iriyoothe alha attu alha ukhalhawaya yayo alheto aka.”
9Nansho yayo manyaattu ayo nkayeeracha, “Nthame uwo! Inyuva mwaawilhe va nlheto ni vano nnepanga ntu o waamulha milhatu! Paahi etu ninoupangelhani ittu yo unanara upwaha chaathanana ihu waapangelha alheto inyu ayo.” Vavawo nkayaakakha Nalutu utulhi, nkayaalhikacha uphomolha nlhako. 10Nansho alheto alhe nkayookolha miono chaya nkayaapurulhelha Nalutu mpaani ni uttia nlhako. 11Nkayaata ni waahelha uhoona ahoorie woona yayo manyaalhopwana onkhaye ayo, olhupalhe ni ashinkani ata nkayaahalha yaaviaka nlhako ulhe ahoonaka.
Nalutu anoothama Usodoma
12Alheto elhi alhe nkayaakoha Nalutu, “Chani nhanaa ntu nkina vaa, veekinaka achishaana inyu ashilhopwana ama ashithiyana, ama attu yaavenke, ama ashilhoko inyu akina anokhalha ilha iwani ilha? Mwaathamihacheke vawani va chitema, 13ukhalhawaya ichuku yinchi ya attu anokhalha va ihaaphiyelha Apwiiya Nlhuku. Paahi ahoniruma niwe naahararia.”
14Paahi Nalutu nkayaarwelha manyaahokohaya yaathenlhe achishaana aya ashithiyana ayo, nkayeerelha, “Mwaatti mwaakuvieke, nthamache va vakittu va, ukhalhawaya Apwiiya Nlhuku anothanana ulhakalhiha iwani ilha!” Nansho yayo manyaattu ayo nkayoona thoko anowiiraka upanga iperwa.
15Wichishuru washeeke, minepa alhe yahaakurumicha Nalutu yiiraka, “Munkweke! Mwaakuvieke mwaakusheke ahanu inyu ni achishaana inyu elhi alha nhiwe mwaapotera iwani ilha vanohalha aya utwarushiya vawo.” 16Nalutu nkayaakhalha ni ureeshi. Nansho ukhalhawaya Apwiiya Nlhuku aari oonelhaka ikiriri, minepa chilhe chahaavara miono Nalutu ni ahanu aya ni achishaana aya elhi alhe nkayaakushacha mpaka uchereshere iwani. 17Vaakuminhe aya vachereshere iwani, nnepa mmoka nkaweerelha, “Nttaweke, mwiichaakiheke mwaashinene. Nhiwehe utulhi mena nheemelhe variwoothe unikooteni uwo. Nttawelheke umiakoni, nhiwe mwaalhakalhihiya.”
18Nalutu nkayaakhulha, “Mena thithi! Akinooria. 19Wo ikekhiaye mii namitheko inyu va, kihoona ikiriri inyu. Nhookholha ukumi aka, nansho akinooria uttawelha umiakoni uwo. Wowo ulhakalhihiya uwo unowa waakiphwanya kihinaphiya wowo, ni mii kinookhwa etu. 20Mwooneke, ulhe ihaawo iwani ikaani kinooria aka uttawelha, iri vakhiviru. Paahi etu nkihiyeke kittawelhe wowo. Ilhe iwani ikani tu, wowo kinokowookhwaa.”
21Nnepa uyo nkawaakhulha, “Aye, kihorumelhelha. Akinolhakalhiha iwani iromonlhe inyu iyo. 22Mwaakuviheke! Nttawelheke wowo ni mii akinooria upanga ittu iriyoothe mpaka vanohalha inyu uphiya wowo.” Paahi yeyo iwani iyo nkayeehaniya Soari, maana aya, “Iwani ikani.”
Ulhakalhihiya iwani cho Usodoma ni Ugomora
23Nchuwa naari nishaaka Nalutu vaaphilhe aya Usoari. 24Phi vavawo etu Apwiiya Nlhuku vaakurunshe aya mooro wo upaha wo uka wo ukhuma wiirimu, upaha Usodoma ni Ugomora, 25nkayaalhakalhiha chechiyo iwani chiyo ni nikoote nonkhaye ni attu yaakhalhacha onkhaye ni kila ittu yaamenlhe yeyo ilhapo iyo. 26Nansho ahanu a Nalutu aari utulhi wa Nalutu, ahoweha utulhi, nkayaathathuwa ukhalha nipoto no maakha.
27Wichishuru nihuku no neyelhi, Aburahimu ahorwaa vakittu veemenlhe aya umihoolho wa Apwiiya Nlhuku. 28Vaari aya vavawo, ahoweha nthelha wo Usodoma ni Ugomora ni nikoote nonkhaye, nkayaashanga woona mwiishi mwinchi ututumaka thoko wo mooro mulhupalhe. 29Paahi Apwiiya Nlhuku vaalhakalhihilhe aya iwani cho umakoteni mwaakhalha aya Nalutu, ahoopuwelha Aburahimu, nkayaathamiha Nalutu yeyo iwani iyo, wiira ahiwe yaakhwa vamoka ni attu o wowo ayo.
Nalutu ni achishaana aya ashithiyana
30Nalutu nkayoova ukhalha Vasoari vawo paahi etu ahothama yeyo iwani iyo vamoka ni achishaana aya ashithiyana elhi alhe, nkayaarwaa uukhalhani unikhukuni umwakoni. 31Nihuku nimoka ikatema vaari aya wowo vawo, mwaamwanaya muulhupalhe uyo ahomwiirelha nhima awe, “Athumwanihu alha ahoolhuvalha ni mena khaawo nlhopwana varii ihu va, onithelha wiira naapatte ashaana. 32Paahi etu, naavaheke idivai yo uchasha athumwanihu ahapalhiyeke, naarupane wiira ninnuwihe iyari wo waapatta ashaana uwannyaya.” 33Yoyo uhiyu uyo nkayaavaha idivai yo uchasha athumwanaya, nkayaahapalhiya. Mwalhi muulhupalhe uyo nkaarwaa uwaarupanani. Nansho anarupaka chiicho, athumwanaya khayachuwenlhe ikatema vanrupanne aya mwaamwanaya mena vaathamme awe.
34Nihuku no neyelhi, mwalhi muulhupalhe uyo ahomwiirelha nhima awe, “Nchana uhiyu mii kahaarupana athumwanihu, lhelho etu naavaheke idivai yo uchisha ahapalhiyeke ni inyu mwaarupane ninnuwihe iyari wo waapatta ashaana.” 35Paahi yoyo uhiyu uyo, nkayaavaha tho idivai yo uchasha ni mwaana mwankani ulhe nkaarwaa uwaarupanani athumwanawe. Nansho athumwanaya ayo khaaari achuwelhaka ikatema yaanrupanne aya mena vaathamme awe. 36Chiichammo etu, achishaana o yelhi a Nalutu ayo yahorupalha irukulhu wo urupa ni athumwanaya. 37Mwalhi muulhupalhe uyo nkannyara mwaana mwanlhopwana nkaamwiihana nchina nawe Moabu. Yoyo phi ntepo no attu o nikosho no Amoabu mpaka lhelho nna. 38Mwalhi mwankani ulhe ni uyo ahonnyara mwaana mwanlhopwana nkaamwiihana nchina nawe, Ben ammi. Yoyo phi athumwanaya attu o nikosho no Aamoni mpaka lhelho nna.
လက္ရွိေရြးခ်ယ္ထားမွု
Uchokholha 19: MOT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible Version in Makua @The Word for The World International and Makua Language translators. All rights reserved.
Uchokholha 19
19
Uwonya wa attu o Usodoma
1Minepa elhi alhe nkayaaphiya Usodoma uchechilho. Yeyo ikatema iyo Nalutu aari anakhanlhe vaari nlhako wo iwani yo Usodoma. Vonne aya attu ayo, aheemelha weekamelha, nkayooroma mpaka vathi, waathimicha. 2Nkayeera, “Manyaathithi, mii namitheko inyu, kharibu etu uwannyaka, nnookhucha mieto, ni urupa uwannyaka uhiyu wo lhelho ulha. Washaakaru nnowooria urwaa nkwaha inyu.” Nansho, ayo nkayeeracha, “Mena! Hii ninoorupa vapuwani va.” 3Nalutu nkayaapepechacha chinene, nkayaarumelhalhacha, nkayaarukunuwa ni ukelha unupani wa Nalutu. Ni ayo nkayaalhehera anamitheko aya wiira yaaterekhelhe yolhia alheto ayo. Vaayilhe aya, nkayaakhalhacha ni ulhia.
4Nansho uhiyu, ahinaya urupa, manyaalhopwana onkhaye o iwani yo Usodoma vawo, ashimirawo ni ashulhupalhe, onkhaye hihalhaka ata ntu mmoka uwani, ahorukureriacha inupa ya Nalutu. 5Nkayeehana Nalutu ni waakoha, “Ari vayi attu awilhe uchechilho uwaninyu alhe? Mwaakumihacheke vathe, ninothanana waarupana.”
6Nalutu nkayaakhuma vathe ni uttia nlhako, 7nkayeerelhacha attu ayo, “Manyaamunna, kinoulhepelhani wiira nhipange ittu yo unanara iyo. 8Nkoonani etu, mii va kihaana ashimialhi elhi ahinathupha mooro. Nkihiyeke etu kuuvaheni yayo ashimialhi ayo mwaapangelheke thoko chinothanana inyu mwaatti. Nansho nhaapangelhe ittu iriyoothe alha attu alha ukhalhawaya yayo alheto aka.”
9Nansho yayo manyaattu ayo nkayeeracha, “Nthame uwo! Inyuva mwaawilhe va nlheto ni vano nnepanga ntu o waamulha milhatu! Paahi etu ninoupangelhani ittu yo unanara upwaha chaathanana ihu waapangelha alheto inyu ayo.” Vavawo nkayaakakha Nalutu utulhi, nkayaalhikacha uphomolha nlhako. 10Nansho alheto alhe nkayookolha miono chaya nkayaapurulhelha Nalutu mpaani ni uttia nlhako. 11Nkayaata ni waahelha uhoona ahoorie woona yayo manyaalhopwana onkhaye ayo, olhupalhe ni ashinkani ata nkayaahalha yaaviaka nlhako ulhe ahoonaka.
Nalutu anoothama Usodoma
12Alheto elhi alhe nkayaakoha Nalutu, “Chani nhanaa ntu nkina vaa, veekinaka achishaana inyu ashilhopwana ama ashithiyana, ama attu yaavenke, ama ashilhoko inyu akina anokhalha ilha iwani ilha? Mwaathamihacheke vawani va chitema, 13ukhalhawaya ichuku yinchi ya attu anokhalha va ihaaphiyelha Apwiiya Nlhuku. Paahi ahoniruma niwe naahararia.”
14Paahi Nalutu nkayaarwelha manyaahokohaya yaathenlhe achishaana aya ashithiyana ayo, nkayeerelha, “Mwaatti mwaakuvieke, nthamache va vakittu va, ukhalhawaya Apwiiya Nlhuku anothanana ulhakalhiha iwani ilha!” Nansho yayo manyaattu ayo nkayoona thoko anowiiraka upanga iperwa.
15Wichishuru washeeke, minepa alhe yahaakurumicha Nalutu yiiraka, “Munkweke! Mwaakuvieke mwaakusheke ahanu inyu ni achishaana inyu elhi alha nhiwe mwaapotera iwani ilha vanohalha aya utwarushiya vawo.” 16Nalutu nkayaakhalha ni ureeshi. Nansho ukhalhawaya Apwiiya Nlhuku aari oonelhaka ikiriri, minepa chilhe chahaavara miono Nalutu ni ahanu aya ni achishaana aya elhi alhe nkayaakushacha mpaka uchereshere iwani. 17Vaakuminhe aya vachereshere iwani, nnepa mmoka nkaweerelha, “Nttaweke, mwiichaakiheke mwaashinene. Nhiwehe utulhi mena nheemelhe variwoothe unikooteni uwo. Nttawelheke umiakoni, nhiwe mwaalhakalhihiya.”
18Nalutu nkayaakhulha, “Mena thithi! Akinooria. 19Wo ikekhiaye mii namitheko inyu va, kihoona ikiriri inyu. Nhookholha ukumi aka, nansho akinooria uttawelha umiakoni uwo. Wowo ulhakalhihiya uwo unowa waakiphwanya kihinaphiya wowo, ni mii kinookhwa etu. 20Mwooneke, ulhe ihaawo iwani ikaani kinooria aka uttawelha, iri vakhiviru. Paahi etu nkihiyeke kittawelhe wowo. Ilhe iwani ikani tu, wowo kinokowookhwaa.”
21Nnepa uyo nkawaakhulha, “Aye, kihorumelhelha. Akinolhakalhiha iwani iromonlhe inyu iyo. 22Mwaakuviheke! Nttawelheke wowo ni mii akinooria upanga ittu iriyoothe mpaka vanohalha inyu uphiya wowo.” Paahi yeyo iwani iyo nkayeehaniya Soari, maana aya, “Iwani ikani.”
Ulhakalhihiya iwani cho Usodoma ni Ugomora
23Nchuwa naari nishaaka Nalutu vaaphilhe aya Usoari. 24Phi vavawo etu Apwiiya Nlhuku vaakurunshe aya mooro wo upaha wo uka wo ukhuma wiirimu, upaha Usodoma ni Ugomora, 25nkayaalhakalhiha chechiyo iwani chiyo ni nikoote nonkhaye ni attu yaakhalhacha onkhaye ni kila ittu yaamenlhe yeyo ilhapo iyo. 26Nansho ahanu a Nalutu aari utulhi wa Nalutu, ahoweha utulhi, nkayaathathuwa ukhalha nipoto no maakha.
27Wichishuru nihuku no neyelhi, Aburahimu ahorwaa vakittu veemenlhe aya umihoolho wa Apwiiya Nlhuku. 28Vaari aya vavawo, ahoweha nthelha wo Usodoma ni Ugomora ni nikoote nonkhaye, nkayaashanga woona mwiishi mwinchi ututumaka thoko wo mooro mulhupalhe. 29Paahi Apwiiya Nlhuku vaalhakalhihilhe aya iwani cho umakoteni mwaakhalha aya Nalutu, ahoopuwelha Aburahimu, nkayaathamiha Nalutu yeyo iwani iyo, wiira ahiwe yaakhwa vamoka ni attu o wowo ayo.
Nalutu ni achishaana aya ashithiyana
30Nalutu nkayoova ukhalha Vasoari vawo paahi etu ahothama yeyo iwani iyo vamoka ni achishaana aya ashithiyana elhi alhe, nkayaarwaa uukhalhani unikhukuni umwakoni. 31Nihuku nimoka ikatema vaari aya wowo vawo, mwaamwanaya muulhupalhe uyo ahomwiirelha nhima awe, “Athumwanihu alha ahoolhuvalha ni mena khaawo nlhopwana varii ihu va, onithelha wiira naapatte ashaana. 32Paahi etu, naavaheke idivai yo uchasha athumwanihu ahapalhiyeke, naarupane wiira ninnuwihe iyari wo waapatta ashaana uwannyaya.” 33Yoyo uhiyu uyo nkayaavaha idivai yo uchasha athumwanaya, nkayaahapalhiya. Mwalhi muulhupalhe uyo nkaarwaa uwaarupanani. Nansho anarupaka chiicho, athumwanaya khayachuwenlhe ikatema vanrupanne aya mwaamwanaya mena vaathamme awe.
34Nihuku no neyelhi, mwalhi muulhupalhe uyo ahomwiirelha nhima awe, “Nchana uhiyu mii kahaarupana athumwanihu, lhelho etu naavaheke idivai yo uchisha ahapalhiyeke ni inyu mwaarupane ninnuwihe iyari wo waapatta ashaana.” 35Paahi yoyo uhiyu uyo, nkayaavaha tho idivai yo uchasha ni mwaana mwankani ulhe nkaarwaa uwaarupanani athumwanawe. Nansho athumwanaya ayo khaaari achuwelhaka ikatema yaanrupanne aya mena vaathamme awe. 36Chiichammo etu, achishaana o yelhi a Nalutu ayo yahorupalha irukulhu wo urupa ni athumwanaya. 37Mwalhi muulhupalhe uyo nkannyara mwaana mwanlhopwana nkaamwiihana nchina nawe Moabu. Yoyo phi ntepo no attu o nikosho no Amoabu mpaka lhelho nna. 38Mwalhi mwankani ulhe ni uyo ahonnyara mwaana mwanlhopwana nkaamwiihana nchina nawe, Ben ammi. Yoyo phi athumwanaya attu o nikosho no Aamoni mpaka lhelho nna.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible Version in Makua @The Word for The World International and Makua Language translators. All rights reserved.