Xekhaliyas 3
3
Tus Xibhwb Cev Vajtswv Lus Zaj Yogtoog Pom Tus Povthawj Hlob
1Kuv ua dua lwm zaj yogtoog, tus TSWV ua rau kuv pom tus Tuam Povthawj Hlob Yausuas tabtom sawv ntawm tus TSWV tus timtswv hauvntej. Thiab Xatas#3:1: Xatas: Yog ib tug muaj hwjchim uas nyob saum nruabntug, nws lub npe qhia tau tias nws yog tus tawmtsam noobneej. sawv ntawm Yausuas sab xis, npaj rawv tos yuav haislus nkaug Yausuas. #Exala 5:2; Tshwm 12:10 2Tus TSWV tus timtswv#3:2: Ib phau ntawv qub-qub thaum ub sau hais tias Tus TSWV tus timtswv; phau lus Henplais hais tias tus TSWV. hais rau Xatas tias, “Xatas, thov kom tus TSWV rautxim rau koj! Thov kom tus TSWV uas hlub lub nroog Yeluxalees rautxim rau koj. Tus neeg no zoo yam li tus tw taws uas muab thau tawm hauv qhovcub los lawm.” #Yudas 9
3Yausuas hnav ib ce ristsho lo phem heev sawv rau ntawd. 4Tus timtswv ceebtsheej hais rau cov timtswv uas nrog nws sawv ntawd tias, “Ciali muab tus txivneej cev ristsho uas lo phem ntawd hle povtseg.” Ces nws txawm hais rau Yausuas tias, “Kuv twb muab koj tej kev txhaum tshem tag lawm, kuv yuav muab dua ib ce ristsho tshiab rau koj hnav.”
5Ces kuv hais tias, “Kom lawv ciali muab ib pluaj ntaub huv-huv los khi nws taubhau.” Ces lawv txawm muab ib pluaj ntaub los khi Yausuas taubhau thiab muab ib ce ristsho tshiab los rau nws hnav thaum uas tus TSWV tus timtswv tseem sawv rawv ntawd.
6Ces tus timtswv ceebtsheej hais rau Yausuas tias 7tus TSWV uas muaj Hwjchim Loj Kawg Nkaus hais tias: “Yog koj coj rawsli Kuv tej kevcai thiab ua tej haujlwm uas Kuv tau muab cob rau koj, ces koj yuav tau ua tus saib Kuv lub Tuamtsev thiab tej tshavpuam uas nyob ibncig lub Tuamtsev, thiab Kuv yuav pub koj muaj cai yog ib tug nyob rau hauv cov timtswv uas sawv ntawm no thiab. 8Yausuas, uas yog tus Tuam Povthawj Hlob, koj ciali mloog Kuv hais; thiab nej cov povthawj hlob uas yog nws tsoom phoojywg, nej ciali mloog kuv hais, nej yog lub cim zoo rau yav tomntej: Kuv yuav coj Kuv tus tubtxib uas hu ua Tus Ceg los rau nej pom! #Yelemi 23:5; 33:15; Xekhali 6:12 9Kuv muab ib lub pobzeb uas muaj xya nreej los tso rau ntawm Yausuas xubntiag. Kuv yuav txaug ib co lus rau ntawm lub pobzeb, thiab tibhnub xwb Kuv yuav tshem lub tebchaws no tej kev txhaum mus huv tibsi. 10Thaum txog hnub ntawd, nyias yuav caw nyias tej phoojywg zejzog tuaj nyob hauv nej tej vaj txivhmab thiab txiv ncuavpias muaj kev zoosiab thiab nyabxeeb lug.” #Mikha 4:4
လက္ရွိေရြးခ်ယ္ထားမွု
Xekhaliyas 3: MWW2022
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.