Xekhaliyas 13
13
1Tus TSWV uas muaj Hwjchim Loj Kawg Nkaus hais tias, “Thaum txog lub sijhawm ntawd, yuav muaj ib lub qhovdej txhawv los ntxuav Daviv cajces thiab cov neeg uas nyob hauv lub nroog Yeluxalees tej kev txhaum thiab tej kev pe mlom. 2Lub sijhawm ntawd Kuv yuav tshem cov mlom uas nyob hauv lub tebchaws ntawd tej npe tawm mus kom tag, kom tsis txhob muaj leejtwg nco tau lawv ntxiv li lawm. Kuv yuav tshem txhua tus uas khav hais tias nws yog tus xibhwb cev Vajtswv lus thiab muab lawv txoj kev uas ntshaw pe mlom coj mus povtseg. 3Yog leejtwg tseem pheej yuav ua tus cevlus, mas nws niam nws txiv yuav tau qhia rau nws tias nws yuav raug muab tua kom tuag, rauqhov nws khav hais tias yog nws hais tus TSWV li lus, tiamsis qhov tseeb yog nws hais tej lus dag xwb. Thaum nws cevlus, nws niam thiab nws txiv yuavtsum muab nws nkaug kom tuag. 4Thaum txog lub sijhawm ntawd, cov cevlus yuav raug txajmuag rau lawv tej kev ua yogtoog; lawv yuav tsis coj li cov cevlus lossis hnav cov cevlus tej tsho ntev mus dag-ntxias neeg ntxiv lawm. 5Tiamsis, nws yuav hais tias, ‘Kuv tsis yog ib tug cevlus. Kuv yog ib tug neeg ua teb xwb, kuv lub neej yeej ibtxwm yog neeg ua teb xwb.’ 6Yog leejtwg nug nws tias, ‘Cov qhovtxhab ntawm koj hauvsiab yog dabtsi?’ Nws yuav teb tias, ‘Kuv raug tej qhovtxhab no hauv kuv tus phoojywg tsev los.’ ”
Xaaj Kom Tua Vajtswv Tus Tub Yug Yaj
7Tus TSWV uas muaj Hwjchim Loj Kawg Nkaus hais tias, “Rab ntaj, ciali sawv, thiab mus tua tus tub yug yaj#13:7: tub yug yaj: Saib 11:4. uas ua haujlwm rau Kuv! Ciali muab nws tua, ces cov yaj yuav tawg khiav ri sua rau ub rau no. Kuv yuav tawmtsam Kuv haivneeg #Math 26:31; Malak 14:27 8thiab nyob thoobplaws hauv lub tebchaws yuav muaj neeg tuag txog ob feem peb. 9Kuv yuav sim ib feem peb uas seem tuag ntawd, thiab yuav muab lawv ntxuav kom dawbhuv yam li tej nyiaj uas raug hluavtaws hlawv. Kuv yuav sim lawv ib yam li sim kub. Ces lawv yuav thov Kuv, thiab Kuv yuav teb lawv tej lus thov. Kuv yuav qhia rau lawv tias lawv yog Kuv haivneeg, thiab lawv yuav lees tias Kuv yog lawv tus Vajtswv.”
လက္ရွိေရြးခ်ယ္ထားမွု
Xekhaliyas 13: MWW2022
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.