Xekhaliyas 11
11
Cov Muaj Hwjchim Swb Lawm
1Lenpanoos, ciali qhib koj tej qhovrooj,
kom hluavtaws thiaj yuav kub koj tej ntoo ciab!#11:1: ntoo ciab: cov ntoo ciab no piv txog txhua haivneeg uas muaj hwjchim lossis lawv tej vajntxwv.
2Cov ntoo thuv, ciali quajntsuag
rauqhov tej ntoo ciab twb vau tag lawm;
tej ntoo uas muaj meejmom twb raug puastsuaj tag lawm!
Tej ntoo qhib hauv tebchaws Npasas, ciali quajntsuag,
tej roob zoov uas tsaus nti twb raug muab ntov tag lawm!
3Cov nomtswv tsa suab hlo quaj tusiab;
lawv tej meejmom twb poob tag lawm!
Ciali mloog tsov ntxhuav tej suab nyooj;
thaj zoov uas yog lawv qhov chaw nkaum nyob raws tus dej Yauladees raug puastsuaj tag lawm!
Ob Tug Yug Yaj
4Tus TSWV uas yog kuv tus Vajtswv hais rau kuv tias, “Ciali mus ua li tub yug yaj#11:4: tub yug yaj: Tub yug yaj yog siv ua piv txog tus vajntxwv lossis tus thawjcoj, thiab cov yaj piv txog nws cov neeg lossis nws cov pejxeem. uas zov rawv pab yaj uas tabtom yuav raug luag coj mus tua. 5Cov uas yuav cov yaj ntawd muab lawv cov yaj tua thiab tsis raug txim dabtsi li. Lawv muab cov nqaij coj mus muag thiab hais tias, ‘Ua tus TSWV tsaug! Peb npluanuj heev!’ Txawm yog lawv cov tswv yaj los lawv twb tsis tabncuab cov yaj li.”
( 6Tus TSWV hais tias, “Kuv yuav tsis tabncuab ib tug tibneeg twg nyob hauv ntiajteb no ntxiv lawm. Kuv yuav muab txhua haivneeg cob rau lawv cov nomtswv tes. Cov nomtswv no yuav rhuav lub ntiajteb, thiab Kuv yuav tsis cawm lub ntiajteb kom dim ntawm lawv lub hwjchim li.”)
7Cov uas yuav thiab cov uas muag cov yaj tau ntiav kuv ua tus tu cov yaj uas yuav coj mus tua. Kuv muab tau ob tug pas ntoo los: muaj ib tug kuv tis npe hu ua “Nyiam” thiab muaj dua ib tug kuv tis npe hu ua “Koomxeeb”. Thiab kuv ua tus tu pab yaj ntawd. 8Kuv txawm ua tsis taus siabntev rau peb tug yug yaj uas ntxub kuv, kuv thiaj muab lawv rhuav tshem huv tibsi mus rau tiblub hli nkaus xwb. 9Ces kuv hais rau cov yaj tias, “Kuv yuav tsis ua nej tus yug yaj ntxiv lawm. Cia cov uas yuav tuag, tuag mus, thiab cia cov uas yuav puastsuaj, puastsuaj mus. Cia cov uas seem ib tug ua kom ib tug puastsuaj mus.” 10Ces kuv txawm muab tus pas ntoo uas hu ua “Nyiam” lov, kom thim tus TSWV tej lus uas tau cogtseg rau txhua haivneeg lawm. 11Yogli ntawd, tus TSWV tej lus cogtseg thiaj raug muab thim kiag hnub ntawd lawm. Cov neeg uas yuav yaj thiab cov muag yaj puavleej tsa qhovmuag ntsia kuv, thiab lawv paub tias yog tus TSWV hais rau kuv txog tej uas kuv ua ntawd ntag. 12Kuv hais rau lawv tias, “Yog nej txaussiab, nej ciali them kuv tej nqizog rau kuv. Tiamsis yog nej tsis txaussiab, nej muab khaws cia los tau.” Ces lawv thiaj muab tau pebcaug lub txiajnyiag los them kuv. #Math 26:15
13Tus TSWV hais rau kuv tias, “Ciali coj cov nyiaj ko mus tso rau hauv qhov chaw cia nyiaj hauv lub Tuamtsev.”#11:13: Tej co ntawv qub-qub thaum ub sau hais tias Ciali coj cov nyiaj ko mus tso rau hauv qhov chaw cia nyiaj hauv lub Tuamtsev; phau lus Henplais hais tias Ciali muab rau tus kws puab laujkaub av. Yogli ntawd, kuv thiaj coj pebcaug lub txiajnyiag—qhov nyuag nyiaj uas lawv xav tias kuv tsuas tsimnyog tau li ntawd xwb—muab mus tso rau hauv lub chaw cia nyiaj hauv lub Tuamtsev. 14Ces kuv txawm muab tus pas ntoo thib ob uas hu ua “Koomxeeb” lov, ua rau txoj kev koomxeeb ntawm cov Yudais thiab cov Yixalayees tawg mus.
15Ces tus TSWV hais rau kuv tias, “Ciali rovqab mus ua tus yug yaj, thiab zaum no koj ua li ib tug tub uas tsis tsimtxiaj hlo li. 16Kuv tau tsa ib tug tub yug yaj ua tus saib Kuv pab yaj, tiamsis nws tsis quavntsej txog cov yaj uas ploj lawm, nws tsis mus nrhiav cov thav yaj, lossis kho cov uas raug mob, lossis tsis pub zaub rau cov uas zoo log noj li. Tiamsis nws noj tej nqaij yaj uas rog-rog thiab muab yaj tej rau taw tev huv tibsi. 17Tus tub yug yaj uas tsis tsimtxiaj li ntawd raug puastsuaj lawm lau! Nws tau muab nws pab yaj tsotseg lawm. Kev tsov kev rog yuav rhuav nws lub hwjchim kom puastsuaj. Nws sab npab yuav qhuav, thiab nws lub qhovmuag sab xis yuav dig.”
လက္ရွိေရြးခ်ယ္ထားမွု
Xekhaliyas 11: MWW2022
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.