Psalms 149
149
Atuun Nanġautikun
1Nanġaqsiuŋ Ataniq!
Nutaatchauramik atuġitchi Ataniġmun;
nanġaqsiuŋ ukpiqtuaguruat katitpata!
2Quyyatiqaġitchi, Israel-guruasii, ilaata savaaġiŋaraasi;
quviasugitchi, iñuŋich Zion, pisigilugu umialiksi!
3Nanġaġlirruŋ atqa kanaakkiulutiŋ;
atuqtuurautilirruŋ aviḷuqtaġuuruaniglu, harp-niglu.
4Atanġum quviagigaich ilaata iñuni;
kamanaqsiḷiġuugaich qiñuitchuat akimmanmik.
5God-im iñuŋich quviasuglich akimmanmi
atuġlutiglu quviasuutiqpaqaġlutiŋ unnuaqtutilaaŋatun siñigvigmigni.
6Nipatulutiŋ nanġaġlirruŋ God,
avanmun kiiñalignik savikpaqaġlutiŋ
7akiiḷisaġlugich nunaqpauruat
tatavsaqsaqługich iñuich;
8qiḷiqsruutisaqługich umialiŋich kalimñanik,
aullarriŋiḷḷu savił̣hanik kalimñanik;
9tatavsausiaŋich nunaqpauruat tainnaittut taŋŋiqsaqługu God-im piraksriutaa;
tavra God-im kamanaqsiḷiġutaa iḷumutuuqtuanun iñumiñun.
Nanġaqtauli Ataniq!
လက္ရွိေရြးခ်ယ္ထားမွု
Psalms 149: INUPIAQ
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)