Psalms 146

146

Nanġaqługu God Annaurri

1Nanġaqtauli Ataniq!

Nanġaġli Ataniq, iḷitqusimaaŋ!

2Nanġaqtuaġniaġiga iñuuniqtutilauramni;

Atuutiniaġiga God-iga iñuuniqtutilaaptun.

3Ukpiqqutiksi itinnasiuŋ iñugruiññanun aullarriuruanun;

iñugruiññauruam annautiyumiñaitkaasi.

4Tuqugamiŋ, utiġuurut nunamun;

taaptumani uvlumi sivunniuġutikkaluaŋich isukłitchuurut.

5Quviasuglich God-iŋanik Jacob ikayuqtiqaġuuruat

suli tunŋavigivlugu Ataniq God-iktiŋ,

6 # Ac 4.24; 14.15. Savaŋaruaq qiḷaŋmik, nunamik, suli taġiumik,

suli supayauranik ittuanik tavrani.

Ilaata taŋŋiġuugaich unniqsuqłiisigiŋarani;

7isivġiġuugaich nalaunŋaruakun nagliksaaqtitauruat

suli niqiksrił̣ł̣ugich kaaksiuruat.

Atanġum tigutaaqsimaŋaiqsitchuugaich tigutaaqtauruat.

8Suli qiñillasipkaqługich ayauŋaruat.

Makititchuugaich tamatkua ulġuŋasiruat;

nakuaġigaich iluaqtualiqirauruat.

9Munaġisuugaich iglaat iñuuniaqtuat nunaptinni;

ikayuġuugaich uiḷgaŋaruallu aŋayuqaagitchuallu,

aglaan pigiitchualiqirauruat suksraunġiqł̣ugich.

10Ataniq umialguniaqtuq isuitchuamun.

Zion-guruatiin, God-igiran umialguniaqtuq taimuŋaaglaan.

Nanġaqtauli Ataniq!

လက္ရွိေရြးခ်ယ္ထားမွု

Psalms 146: INUPIAQ

အေရာင္မွတ္ခ်က္

မၽွေဝရန္

ကူးယူ

မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ

Iñupiatun Mumiksat Uqalugiksuat (North Slope Iñupiaq Bible) © American Bible Society.

Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:

American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)

Iñupiatun Mumiksat Uqalugiksuat အေၾကာင္းကို ပို၍ သင္ယူပါ။