ܡܙܡܘܪ̈ܐ 148 (ܩܡܚ)

148 (ܩܡܚ)

1ܗܲܠܸܠܘܼܝܵܐ،

ܫܲܒܚܘܼܢ ܠܡܵܪܝܵܐ ܡ̣ܢ ܫܡܲܝܵܐ،

ܫܲܒܚܘܼܢ ܠܹܗ ܒܲܡܪ̈ܵܘܡܹܐ.

2ܫܲܒܚܘܼܢ ܠܹܗ، ܟܠܲܝܗܝ ܡܲܠܲܐܟ݂ܘܼ̈ܗܝ،

ܫܲܒܚܘܼܢ ܠܹܗ، ܟܠܲܝܗܝ ܚܲܝܠܵܘܵܬܹ̈ܗ.

3ܫܲܒܚܘܼܢ ܠܹܗ، ܫܸܡܫܵܐ ܘܣܲܗܪܵܐ،

ܫܲܒܚܘܼܢ ܠܹܗ، ܟܠܲܝܗܝ ܟܵܘܟ݂ܒܹ̈ܐ ܕܒܲܗܪܵܐ.

4ܫܲܒܚܘܼܢ ܠܹܗ، ܫܡܲܝ̈ ܫܡܲܝܹ̈ܐ،

ܘܡ̈ܝܼܵܐ ܕܠܥܸܠܸܠ ܡ̣ܢ ܫܡܲܝܹ̈ܐ.

5ܫܲܒܚܝܼ ܠܫܸܡܵܐ ܕܡܵܪܝܵܐ،

ܣܵܒܵܒ ܗ̇ܘ ܦܩܝܼܕ ܠܹܗ ܘܦܝܼܫ ܠܗܘܿܢ ܒܸܪܝܹܐ.

6ܘܫܘܼܬܐܸܣܲܝ ܠܹܗ ܠܥܵܠܲܡ ܥܵܠܡܝܼܢ،

ܝܘܼܗ݇ܒܸܠ ܠܹܗ ܩܵܢܘܿܢܵܐ ܕܠܹܐ ܒܵܛܹܠ.

7ܫܲܒܚܘܼܢ ܠܡܵܪܝܵܐ ܡ̣ܢ ܐܲܪܥܵܐ،

ܬܲܢܝܼܢܹ̈ܐ ܘܟܠܲܝܗܝ ܬܗܘܿܡܹ̈ܐ.

8ܢܘܼܪܵܐ ܘܒܲܪܕܵܐ، ܬܲܠܓܵܐ ܘܗܵܘܓܵܐ،

ܦܵܘܚܵܐ ܕܥܲܠܥܵܠܵܐ ܥܵܒ݂ܕܵܢܵܐ ܕܚܲܒܪܹܗ.

9ܛܘܼܪ̈ܵܢܹܐ ܘܟܠܲܝܗܝ ܪ̈ܘܼܡܝܵܬܹܐ،

ܐܝܼܠܵܢܹ̈ܐ ܕܛܥܘܼܢܬܵܐ ܘܟܠܲܝܗܝ ܐܲܪ̈ܙܹܐ.

10ܚܲܝܘܬܵܐ ܘܟܠ ܒܸܩܪܵܐ،

ܪܸܓ̰ܒܵܐ ܘܛܲܝܪܵܐ ܡܵܪܹܐ ܓܘܼܠܦܵܐ.

11ܡܲܠܟܹ̈ܐ ܕܐܲܪܥܵܐ ܘܟܠܲܝܗܝ ܐܸܡܘܵܬܹ̈ܐ،

ܓܘܼܪ̈ܵܢܹܐ ܘܟܠܲܝܗܝ ܕܲܝܵܢܹ̈ܐ ܕܐܲܪܥܵܐ.

12ܥܠܲܝܡܹ̈ܐ ܘܐܘܼܦ ܥܠܲܝܡܵܬܹ̈ܐ،

ܣܵܒܹ̈ܐ ܥܲܡ ܝܵܠܹ̈ܕ݇ܐ ܙܥܘܿܪܹ̈ܐ.

13ܫܲܒܚܝܼ ܠܫܸܡܵܐ ܕܡܵܪܝܵܐ،

ܣܵܒܵܒ ܪܝܼܡܵܐ ܝܠܹܗ ܫܸܡܹܗ ܒܢܲܦ̮ܫܹܗ،

ܚܸܩܪܹܗ ܥܲܠ ܐܲܪܥܵܐ ܘܫܡܲܝܵܐ.

14ܘܡܘܼܪܸܡ ܠܹܗ ܚܲܝܠܵܐ ܕܥܲܡܹܗ،

ܕܝܼܠܹܗ ܬܸܫܒܘܿܚܬܵܐ ܕܟܠܲܝܗܝ ܙܲܕܝܼܩܘܼ̈ܗܝ،

ܕܒܢܲܝ̈ ܝܼܣܪܵܝܹܠ، ܥܲܡܵܐ ܕܩܘܼܪܒܵܐ ܐܸܠܹܗ.

ܗܲܠܸܠܘܼܝܵܐ.

လက္ရွိေရြးခ်ယ္ထားမွု

ܡܙܡܘܪ̈ܐ 148 (ܩܡܚ): ABTAB

အေရာင္မွတ္ခ်က္

မၽွေဝရန္

ကူးယူ

မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ

ܟܬܵܒ݂ܵܐ ܩܲܕܝܼܫܵܐ ܒܠܸܫܵܢܵܐ ܐܵܬܘܿܪܵܝܵܐ အေၾကာင္းကို ပို၍ သင္ယူပါ။