ܡܙܡܘܪ̈ܐ 142 (ܩܡܒ)
142 (ܩܡܒ)
ܡܲܣܟܝܼܠ ܕܕܵܘܝܼܕ، ܐܝܼܡܲܢ ܕܝܼܗ݇ܘܵܐ ܓܵܘ ܓܸܦܝܼܬܵܐ. ܨܠܘܿܬܵܐ.
1ܒܩܵܠܝܼ ܠܡܵܪܝܵܐ ܟܹܐ ܡܲܩܘܸܚܸܢ،
ܒܩܵܠܝܼ ܠܡܵܪܝܵܐ ܟܹܐ ܦܲܪܦܸܠܸܢ.
2ܟܹܐ ܫܲܦܟܸܢ ܩܵܕ݇ܡܘܼܗܝ ܩܒ݂ܵܠܬܝܼ.
ܥܵܘܩܵܢܝܼ ܩܵܕ݇ܡܘܼܗܝ ܟܹܐ ܡܲܕܥܸܢ.
3ܟܲܕ ܒܓܵܘܝܼ ܕܘܼܪܕܸܫ̃ ܠܵܗ̇ ܪܘܼܚܝܼ، ܐܲܢ݇ܬ ܟܹܐ ܝܵܕܥܹܬ ܠܹܗ ܫܒ݂ܝܼܠܝܼ،
ܒܐܘܼܪܚܵܐ ܕܟܹܐ ܚܵܕܪܹܢ، ܛܘܼܫܹܐ ܠܗܘܿܢ ܢܸܫܒ݂ܵܐ ܐܸܠܝܼ.
4ܚܘܼܪ ܠܝܲܡܝܼܢܵܐ، ܘܚܙܝܼ ܕܠܲܝܬ ܠܝܼ ܝܵܕܥܵܢܵܐ،
ܛܠܝܼܩ ܠܵܗ̇ ܡܸܢܝܼ ܕܘܼܟܬܵܐ ܕܥܪܵܩܬܵܐ، ܠܲܝܬ ܒܲܩܪܵܢܵܐ ܒܘܼܬ ܓܵܢܝܼ.
5ܡܘܼܩܘܸܚ ܠܝܼ ܠܟܸܣ ܠܘܼܟ݂، ܝܵܐ ܡܵܪܝܵܐ،
ܐ݇ܡܝܼܪܝܼ: ܐܲܢ݇ܬ ܝܼܘܸܬ ܒܹܝܬ ܓܵܘܣܝܼ،
ܣܵܗܡܝܼ ܒܐܲܪܥܵܐ ܕܚܲܝܹ̈ܐ.
6ܨܘܼܬ ܠܓܥܵܝܬܝܼ ܣܵܒܵܒ ܦܝܼܫ ܠܝܼ ܡܘܼܟܸܦܵܐ ܪܵܒܵܐ،
ܦܲܨܝܼ ܠܝܼ ܡ̣ܢ ܢܵܦܠܵܢܹ̈ܐ ܒܵܬ݇ܪܝܼ ܣܵܒܵܒ ܒܘܼܫ ܚܲܝܠܵܢܹ̈ܐ ܝܢܵܐ ܡܸܢܝܼ.
7ܦܲܠܸܛ ܠܵܗ̇ ܓܵܢܝܼ ܡ̣ܢ ܒܹܝܬ ܚܒ݂ܘܼܫܝܵܐ ܕܫܲܟܪܸܢ ܠܫܸܡܘܼܟ݂،
ܠܚܵܕܸܪ̈ܘܵܢܝܼ ܒܸܬ ܟܵܪܟ݂ܝܼ ܙܲܕܝܼܩܹ̈ܐ،
ܣܵܒܵܒ ܒܦܸܪܝܘܼܬܵܐ ܒܸܬ ܦܵܪܥܹܬ ܠܝܼ.
လက္ရွိေရြးခ်ယ္ထားမွု
ܡܙܡܘܪ̈ܐ 142 (ܩܡܒ): ABTAB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Aramaic Bible Translation Assyrian Bible © 2025 Aramaic Bible Translation