ܡܙܡܘܪ̈ܐ 138 (ܩܠܚ)

138 (ܩܠܚ)

ܡܲܙܡܘܿܪܵܐ ܕܕܵܘܝܼܕ.

1ܒܸܬ ܫܲܟܪܸܢܘܼܟ݂ ܒܟܠܹܗ ܠܸܒܝܼ،

ܩܵܕ݇ܡ ܐܲܠܵܗܹ̈ܐ ܒܸܬ ܙܵܡܪܹܢ ܐܸܠܘܼܟ݂.

2ܒܸܬ ܣܵܓ݂ܕܹܢ ܠܓܹܒܵܐ ܕܗܲܝܟܠܵܐ ܕܩܘܼܕܫܘܼܟ݂،

ܘܒܸܬ ܫܲܟܪܸܢ ܠܫܸܡܘܼܟ݂ ܒܘܼܬ ܫܵܦܵܩܲܬܘܼܟ݂ ܘܒܘܼܬ ܫܲܪܝܼܪܘܼܬܘܼܟ݂،

ܣܵܒܵܒ ܓܘܼܪܘܸܣ ܠܘܼܟ݂ ܫܸܡܘܼܟ݂ ܘܗܹܡܸܙܡܵܢܘܼܟ݂ ܥܸܠܸܠ ܡ̣ܢ ܟܠ.

3ܩܲܡ ܓ̰ܲܘܸܒܸܬ ܠܝܼ ܒܝܵܘܡܵܐ ܕܩܪܹܐ ܠܝܼ،

ܩܲܡ ܝܵܗ݇ܒܹܬ ܠܝܼ ܓ̰ܘܼܪܐܲܬ ܒܚܲܝܠܵܐ ܓܵܘ ܓܵܢܝܼ.

4ܒܸܬ ܫܲܟܪܝܼ ܠܘܼܟ݂، ܝܵܐ ܡܵܪܝܵܐ، ܟܠܲܝܗܝ ܡܲܠܟܹ̈ܐ ܕܐܲܪܥܵܐ،

ܣܵܒܵܒ ܫܡܝܼܥ ܠܗܘܿܢ ܗܹܡܸܙܡܵܢܹ̈ܐ ܕܦܘܼܡܘܼܟ݂.

5ܘܒܸܬ ܙܵܡܪܝܼ ܒܘܼܬ ܐܘܼܪ̈ܚܵܬܹܐ ܕܡܵܪܝܵܐ،

ܣܵܒܵܒ ܓܘܼܪܵܐ ܝܠܹܗ ܐܝܼܩܵܪܵܐ ܕܡܵܪܝܵܐ.

6ܘܪܵܡܵܐ ܝܠܹܗ ܡܵܪܝܵܐ ܘܠܟܘܼܦܵܐ ܟܹܐ ܚܵܙܹܐ،

ܘܠܪܵܡܵܢܵܐ ܡ̣ܢ ܪܸܚܩܵܐ ܟܹܐ ܝܵܕܹܥ.

7ܐܸܢ ܚܵܕܪܹܢ ܒܓܵܘܵܐ ܕܥܵܘܩܵܢܵܐ ܒܸܬ ܡܲܚܹܝܬ ܠܝܼ،

ܥܲܠ ܟܲܪܒܵܐ ܕܕܸܫܡܸܢܝܼ̈ ܒܸܬ ܦܲܫܛܸܬ ܐܝܼܕܘܼܟ݂،

ܘܒܸܬ ܦܲܪܩܵܐ ܠܝܼ ܝܲܡܝܼܢܘܼܟ݂.

8ܡܵܪܝܵܐ ܒܸܬ ܬܲܡܸܡ ܟܠ ܒܘܼܬ ܕܝܼܝܼ،

ܡܵܪܝܵܐ، ܫܵܦܵܩܲܬܘܼܟ݂ ܠܥܵܠܲܡ ܝܼܠܵܗ̇،

ܦܘܼܠܚܵܢܹ̈ܐ ܕܐܝܼܕܵܬܘܼ̈ܟ݂ ܠܵܐ ܪܲܦܹܝܬ.

လက္ရွိေရြးခ်ယ္ထားမွု

ܡܙܡܘܪ̈ܐ 138 (ܩܠܚ): ABTAB

အေရာင္မွတ္ခ်က္

မၽွေဝရန္

ကူးယူ

မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ

ܟܬܵܒ݂ܵܐ ܩܲܕܝܼܫܵܐ ܒܠܸܫܵܢܵܐ ܐܵܬܘܿܪܵܝܵܐ အေၾကာင္းကို ပို၍ သင္ယူပါ။