ܡܙܡܘܪ̈ܐ 137 (ܩܠܙ)

137 (ܩܠܙ)

1ܥܲܠ ܢܲܗܪ̈ܵܘܵܬܹܐ ܕܒܵܒܹܠ،

ܬܵܡܵܐ ܝ݇ܬܝܼܒ݂ ܠܲܢ، ܐܘܼܦ ܒܟܹܐ ܠܲܢ،

ܟܲܕ ܕܟ݂ܝܼܪܵܐ ܠܲܢ ܨܸܗܝܘܿܢ.

2ܥܲܠ ܚܹܠܵܦܹ̈ܐ ܕܒܓܵܘܘܼܗ̇،

ܬܠܹܐ ܠܲܢ ܟܸܢܵܪ̈ܲܢ.

3ܣܵܒܵܒ ܬܵܡܵܐ ܠܲܒܠܵܢܲܢ̈ ܠܐܲܣܝܼܪܘܼܬܵܐ ܛܠܝܼܒ ܠܗܘܿܢ ܡܸܢܲܢ ܙܡܵܪ̈ܝܵܬܹܐ،

ܘܓ̰ܲܢܓ̰ܸܪ̈ܵܢܲܢ ܛܠܝܼܒ ܠܗܘܿܢ ܡܸܢܲܢ ܚܲܕܘܼܬܵܐ، ܒܹܐܡܵܪܵܐ،

”ܙܡܘܿܪܘܼܢ ܐܸܠܲܢ ܡ̣ܢ ܙܡܵܪ̈ܝܵܬܹܐ ܕܨܸܗܝܘܿܢ.“

4ܕܵܐܟ݂ܝܼ ܙܵܡܪܲܚ ܙܡܵܪ̈ܝܵܬܹܐ ܕܡܵܪܝܵܐ،

ܥܲܠ ܐܲܪܥܵܐ ܢܘܼܟ݂ܪܵܝܬܵܐ؟

5ܐܸܢ ܢܵܫܹܝܢܵܟ݂ܝ، ܝܵܐ ܐܘܿܪܸܫܠܸܡ،

ܢܵܫܝܵܐ ܝܲܡܝܼܢܝܼ ܡܗܝܼܪܘܼܬܘܼܗ̇.

6ܫܵܥܹܐ ܠܸܫܵܢܝܼ ܠܫܵܡܵܟܝܼ،

ܐܸܢ ܠܵܐ ܕܵܟ݂ܪܹܢܵܟ݂ܝ،

ܐܸܢ ܠܵܐ ܡܲܐܣܩܸܢ ܠܐܘܿܪܸܫܠܸܡ،

ܥܸܠܸܠ ܡ̣ܢ ܪܹܫܵܐ ܕܚܲܕܘܼܬܝܼ.

7ܕܟ݂ܘܿܪ، ܝܵܐ ܡܵܪܝܵܐ، ܠܒܢܲܝ̈ ܐܲܕܘܿܡ،

ܒܝܵܘܡܵܐ ܕܓܵܠܘܼܬܵܐ ܕܐܘܿܪܸܫܠܸܡ،

ܕܐ݇ܡܝܼܪܗܘܿܢ، ”ܬܠܘܿܚܘܼܢ، ܬܠܘܿܚܘܼܢ،

ܗܲܠ ܫܲܬܐܸܣܬܘܼܗ̇.“

8ܝܵܐ ܒܪܵܬ ܒܵܒܹܠ، ܗܕܝܼܪܬܵܐ ܠܚܪܵܒ݂ܵܐ،

ܛܘܼܒ݂ܵܐ ܠܗ̇ܘ ܕܦܵܪܹܥ ܠܵܟ݂ܝ،

ܒܦܘܼܪܥܵܢܵܐ ܕܦܪܝܼܥ ܠܵܟ݂ܝ ܐܸܠܲܢ.

9ܛܘܼܒ݂ܵܐ ܠܗ̇ܘ ܕܕܵܒܹܩ ܘܛܵܪܹܦ ܠܝܵܠܵܕ݇ܟ݂ܝ̈

ܥܲܠ ܩܵܝܵܐ.

လက္ရွိေရြးခ်ယ္ထားမွု

ܡܙܡܘܪ̈ܐ 137 (ܩܠܙ): ABTAB

အေရာင္မွတ္ခ်က္

မၽွေဝရန္

ကူးယူ

မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ

ܟܬܵܒ݂ܵܐ ܩܲܕܝܼܫܵܐ ܒܠܸܫܵܢܵܐ ܐܵܬܘܿܪܵܝܵܐ အေၾကာင္းကို ပို၍ သင္ယူပါ။