ܡܙܡܘܪ̈ܐ 122 (ܩܟܒ)
122 (ܩܟܒ)
ܙܡܵܪܬܵܐ ܕܐ݇ܣܵܩܬܵܐ، ܒܝܲܕ ܕܵܘܝܼܕ.
1ܚܕܹܐ ܠܝܼ ܟܲܕ ܐ݇ܡܝܼܪܗܘܿܢ ܐܸܠܝܼ،
”ܠܒܲܝܬܵܐ ܕܡܵܪܝܵܐ ܐܵܙܲܠ݇ܚ.“
2ܒܸܟܠܵܝܵܐ ܝܗ݇ܘܵܘ ܐܲܩܠܵܬܲܢ̈
ܒܕܲܪ̈ܘܵܙܵܟ݂ܝ، ܝܵܐ ܐܘܿܪܸܫܠܸܡ.
3ܐܘܿܪܸܫܠܸܡ ܒܢܝܼܬܵܐ،
ܐܲܝܟ݂ ܡܕܝܼܢ݇ܬܵܐ ܩܕܝܼܚܬܵܐ ܒܚܕܵܕܹ̈ܐ.
4ܕܬܵܡܵܐ ܐ݇ܣܝܼܩ ܠܗܘܿܢ ܫܲܒ݂ܛܹ̈ܐ، ܫܲܒ݂ܛܹ̈ܐ ܕܡܵܪܝܵܐ،
ܣܵܗܕܘܼܬܵܐ ܠܝܼܣܪܵܝܹܠ،
ܠܫܲܟܘܼܪܹܐ ܠܫܸܡܵܐ ܕܡܵܪܝܵܐ.
5ܣܵܒܵܒ ܬܵܡܵܐ ܝ݇ܬܝܼܒ݂ ܠܗܘܿܢ ܟܘܼܪ̈ܣܝܹܐ ܠܕܝܼܘܵܢ،
ܟܘܼܪ̈ܣܝܹܐ ܕܒܹܝܬ ܕܵܘܝܼܕ.
6ܛܠܘܿܒܘܼܢ ܫܠܵܡܵܐ ܕܐܘܿܪܸܫܠܸܡ،
ܗܵܘܝܼ ܡܲܢܬܝܼܵܢܹ̈ܐ ܡܲܚܸܒܵܢܵܟ݂ܝ̈.
7ܗܵܘܹܐ ܫܠܵܡܵܐ ܒܫܘܼܪܵܟ݂ܝ،
ܫܸܠܝܘܼܬܵܐ ܒܩܲܨܪ̈ܵܟ݂ܝ.
8ܒܘܼܬ ܐܲܚܘܿܢܘܵܬܝܼ̈ ܘܪ̈ܵܚܡܝܼ،
ܒܸܬ ܐܵܡܪܹܢ، ”ܗܵܘܹܐ ܫܠܵܡܵܐ ܓܵܘܵܟ݂ܝ.“
9ܒܘܼܬ ܒܲܝܬܵܐ ܕܡܵܪܝܵܐ ܐܲܠܵܗܲܢ،
ܒܸܬ ܒܵܥܹܝܢ ܛܵܒ݂ܬܵܐ ܐܸܠܵܟ݂ܝ.
လက္ရွိေရြးခ်ယ္ထားမွု
ܡܙܡܘܪ̈ܐ 122 (ܩܟܒ): ABTAB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Aramaic Bible Translation Assyrian Bible © 2025 Aramaic Bible Translation