ܡܙܡܘܪ̈ܐ 112 (ܩܝܒ)
112 (ܩܝܒ)
ܗܲܠܸܠܘܼܝܵܐ.
1ܛܘܼܒ݂ܵܐ ܠܐ݇ܢܵܫܵܐ ܕܙܵܕܹܥ ܡ̣ܢ ܡܵܪܝܵܐ،
ܒܦܘܼܩܕܵܢܘܼ̈ܗܝ ܒܵܣܡܵܐ ܠܹܗ ܪܵܒܵܐ.
2ܓܲܢ݇ܒܵܪܵܐ ܒܐܲܪܥܵܐ ܒܸܬ ܗܵܘܹܐ ܙܲܪܥܹܗ،
ܕܵܘܪܵܐ ܕܬܪ̈ܘܼܨܹܐ ܒܸܬ ܦܵܐܹܫ ܒܘܼܪܟ݂ܵܐ.
3ܕܵܘܸܠܬܵܐ ܘܥܘܼܬܪܵܐ ܓܵܘ ܒܲܝܬܹܗ ܝܢܵܐ،
ܘܙܲܕܝܼܩܘܼܬܹܗ ܦܵܝܫܵܢܬܵܐ ܝܠܵܗ̇ ܠܥܵܠܲܡ.
4ܙܪܝܼܩ ܠܹܗ ܒܲܗܪܵܐ ܓܵܘ ܚܸܫܟܵܐ ܠܬܪܘܼܨܵܐ،
ܚܲܢܵܢܵܐ ܝܠܹܗ ܘܡܪܲܚܡܵܢܵܐ ܘܙܲܕܝܼܩܵܐ.
5ܛܘܼܒ݂ܵܢܵܐ ܝܠܹܗ ܐ݇ܢܵܫܵܐ ܚܲܢܵܢܵܐ ܘܕܟܹܐ ܝܲܗ݇ܒܸܠ ܕܲܝܢܵܐ،
ܕܟܹܐ ܥܵܒܹܕ ܨܒ݂ܘܼܝܵܬܹ̈ܗ ܒܗܵܩܘܼܬܵܐ،
6ܘܠܥܵܠܲܡ ܠܹܐ ܫܵܥܹܫ،
ܕܟ݂ܵܪܵܐ ܕܙܲܕܝܼܩܵܐ ܒܸܬ ܗܵܘܹܐ ܠܥܵܠܲܡ.
7ܡ̣ܢ ܚܲܒܪܵܐ ܚܸܪܒܵܐ، ܠܹܐ ܙܵܕܹܥ،
ܡܩܵܘܝܵܢܵܐ ܝܠܹܗ ܠܸܒܹܗ ܒܣܲܒ݂ܪܵܐ ܠܡܵܪܝܵܐ.
8ܣܢܝܼܕܵܐ ܝܠܹܗ ܠܸܒܹܗ ܠܹܐ ܙܵܕܹܥ،
ܗܲܠ ܕܚܵܙܹܐ ܙܵܟ݂ܘܼܬܵܐ ܠܕܸܫܡܸܢܘܼ̈ܗܝ.
9ܒܘܼܪܒܸܙ ܠܹܗ ܘܝܘܼܗ݇ܒܸܠ ܠܹܗ ܠܣܢܝܼܩܹ̈ܐ،
ܙܲܕܝܼܩܘܼܬܹܗ ܦܵܝܫܵܢܬܵܐ ܝܠܵܗ̇ ܠܥܵܠܲܡ،
ܪܹܫܹܗ ܒܸܬ ܪܵܐܹܡ ܒܐܝܼܩܵܪܵܐ.
10ܪܲܫܝܼܥܵܐ ܒܸܬ ܚܵܙܹܐ ܘܒܸܬ ܟܵܪܹܒ،
ܟܹܟܘܼ̈ܗܝ ܒܸܬ ܚܲܪܚܸܟ̃ ܘܒܸܬ ܦܵܫܹܪ،
ܫܲܗܘܲܬܬܵܐ ܕܪ̈ܲܫܝܼܥܹܐ ܒܸܬ ܛܵܠܩܵܐ.
လက္ရွိေရြးခ်ယ္ထားမွု
ܡܙܡܘܪ̈ܐ 112 (ܩܝܒ): ABTAB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Aramaic Bible Translation Assyrian Bible © 2025 Aramaic Bible Translation