ܡܬܠ̈ܐ 17
17
ܡܲܬܠܹ̈ܐ ܕܡܲܠܟܵܐ ܫܠܹܝܡܘܿܢ
1ܒܘܼܫ ܨܦܵܝܝܼ ܝܠܹܗ ܩܸܛܥܵܐ ܒܵܪܘܿܙܵܐ ܕܠܲܚܡܵܐ ܘܫܸܠܝܘܼܬܵܐ ܥܲܡܹܗ،
ܡ̣ܢ ܒܲܝܬܵܐ ܡܸܠܝܵܐ ܒܸܣܪܵܐ ܥܲܡ ܡܲܩܲܪܵܨܘܼܬܵܐ.
2ܪܹܓܵܐ ܦܲܪܡܝܼܵܢܵܐ ܒܸܬ ܗܲܟܸܡ ܥܲܠ ܒܪܘܿܢܵܐ ܡܲܢܟܸܦܵܢܵܐ،
ܘܒܓܵܘܵܐ ܕܐܲܚܘܿܢܘܵܬܹ̈ܐ ܒܸܬ ܦܲܠܸܥ ܝܵܪܬܘܼܬܵܐ.
3ܡܵܐܢܵܐ ܕܨܵܪܲܦܬܵܐ ܩܵܐ ܣܹܐܡܵܐ ܝܠܹܗ، ܘܟܘܼܪܵܐ ܩܵܐ ܕܲܗܒ݂ܵܐ،
ܐܝܼܢܵܐ ܒܵܚܪܵܢܵܐ ܕܠܸܒܵܘܵܬܹ̈ܐ ܡܵܪܝܵܐ ܝܠܹܗ.
4ܥܵܒ݂ܕܵܢܵܐ ܕܒܝܼܫܘܼܬܵܐ ܟܹܐ ܡܲܨܝܸܬ ܠܣܸܦܘܵܬܹ̈ܐ ܕܥܵܘܠܵܐ،
ܕܲܓܵܠܵܐ ܟܹܐ ܨܲܠܹܐ ܢܵܬܵܐ ܠܠܸܫܵܢܵܐ ܕܡܲܚܪܲܒ݂ܬܵܐ.
5ܡܲܣܚܸܪܵܢܵܐ ܒܡܸܣܟܹܢܵܐ ܟܹܐ ܡܲܝܬܹܐ ܠܵܘܡܵܐ ܠܒܵܪܝܵܢܹܗ،
ܗ̇ܘ ܕܚܵܕܹܐ ܒܓܘܼܢܚܵܐ ܠܹܐ ܗܵܘܹܐ ܙܲܟܵܝܵܐ.
6ܟܠܝܼܠܵܐ ܕܣܵܒܹ̈ܐ ܝܢܵܐ ܒܢܘܿܢܹ̈ܐ ܕܒܢܘܿܢܹ̈ܐ،
ܘܚܸܩܪܵܐ ܕܒܢܘܿܢܹ̈ܐ ܝܢܵܐ ܐܲܒ݂ܵܗܲܝ̈ܗܝ.
7ܠܹܐ ܠܵܚܡܝܼ ܠܣܲܟ݂ܠܵܐ ܣܸܦܘܵܬܹ̈ܐ ܕܡܝܲܬܪܘܼܬܵܐ،
ܟܡܵܐ ܙܵܘܕܵܐ ܠܢܲܨܝܼܚܵܐ ܣܸܦܘܵܬܹ̈ܐ ܕܕܘܼܓܠܵܐ.
8ܠܘܼܚܸܫܬܵܐ ܝܠܵܗ̇ ܪܸܫܘܲܬ ܒܥܲܝܢܹ̈ܐ ܕܡܵܪ̈ܵܘܵܬܘܼܗ̇،
ܟܹܐ ܚܵܫܒ݂ܝܼ ܠܟܠ ܕܘܼܟܵܐ ܕܦܵܬܠܵܐ ܟܹܐ ܡܲܢܬܝܼܵܐ.
9ܗ̇ܘ ܕܟܲܣܹܐ ܓܢܵܗܵܐ ܛܵܥܝܵܢܵܐ ܕܚܘܼܒܵܐ ܝܠܹܗ،
ܐܝܼܢܵܐ ܗ̇ܘ ܕܥܵܒܹܕ ܬܢܵܝܬܵܐ ܠܩܸܨܲܬ ܟܹܐ ܦܵܪܹܫ ܠܗܘܿܢ ܪ̈ܵܚܡܹܐ ܡܸܚܕܵܕܹ̈ܐ.
10ܒܘܼܫ ܟܵܪ ܟܹܐ ܥܵܒ݂ܕܵܐ ܢܓ̰ܵܘܬܵܐ ܒܦܲܪܡܝܼܵܢܵܐ،
ܡ̣ܢ ܠܸܡܚܵܝܵܐ ܠܣܲܟ݂ܠܵܐ ܐܸܡܵܐܐ ܓܵܗܹ̈ܐ.
11ܐܲܚܟ̰ܝܼ ܡܵܪܘܿܕܘܼܬܵܐ ܟܹܐ ܛܵܥܹܐ ܒܝܼܫܵܐ،
ܘܐܝܼܙܓܲܕܵܐ ܕܛܠܘܼܡܝܵܐ ܒܸܬ ܦܵܐܹܫ ܫܘܼܕܪܵܐ ܥܲܠܘܼܗܝ.
12ܫܒ݂ܘܿܩ ܬܵܦܩܵܐ ܕܸܒܵܐ ܩܛܝܼܥܬܵܐ ܡ̣ܢ ܓܘܼܪ̈ܝܘܼܗ̇ ܒܐ݇ܢܵܫܵܐ،
ܘܠܵܐ ܣܲܟ݂ܠܵܐ ܬܵܦܹܩ ܒܝܼܹܗ ܒܣܲܟ݂ܠܘܼܬܹܗ.
13ܗ̇ܘ ܕܦܵܪܹܥ ܒܝܼܫܬܵܐ ܡܓܹܒܵܐ ܕܛܵܒ݂ܬܵܐ،
ܠܹܐ ܦܵܪܩܵܐ ܒܝܼܫܬܵܐ ܡ̣ܢ ܒܲܝܬܹܗ.
14ܐܲܝܟ݂ ܬܪܵܥܬܵܐ ܕܡ̈ܝܼܵܐ ܝܠܵܗ̇ ܫܲܪܵܝܬܵܐ ܕܕܘܼܪܵܫܵܐ،
ܫܒ݂ܘܿܩ ܠܵܗ̇ ܡܩܵܕ݇ܡ ܚܵܝܡܵܐ ܡܲܩܲܪܵܨܘܼܬܵܐ.
15ܗ̇ܘ ܕܡܲܟܫܸܛ ܠܪܲܫܝܼܥܵܐ، ܘܗ̇ܘ ܕܥܵܒܹܕ ܚܲܝܵܒ݂ܵܐ ܠܙܲܕܝܼܩܵܐ،
ܬܸܪܘܲܝܗܝ ܛܲܡܐܘܼܬܵܐ ܝܢܵܐ ܠܡܵܪܝܵܐ.
16ܩܵܡܘܿܕܝܼ ܐܵܗܵܐ ܙܘܼܙܵܐ ܒܐܝܼܕܵܐ ܕܣܲܟ݂ܠܵܐ
ܠܸܩܢܵܝܵܐ ܚܸܟ݂ܡܬܵܐ، ܟܲܕ ܠܲܝܬ ܠܹܗ ܗܵܘܢܵܐ؟
17ܪܵܚܡܵܐ ܒܟܠ ܙܲܒ݂ܢܵܐ ܟܹܐ ܡܲܚܸܒ،
ܘܐܲܚܘܿܢܵܐ ܩܵܐ ܥܕܵܢܵܐ ܕܐܘܼܠܨܵܢܵܐ ܦܝܼܫܵܐ ܝܠܹܗ ܝ݇ܠܝܼܕܵܐ.
18ܐ݇ܢܵܫܵܐ ܚܣܝܼܪ ܗܵܘܢܵܐ ܟܹܐ ܫܵܥܹܫ ܐܝܼܕܵܐ
ܠܸܗܘܵܝܵܐ ܥܲܪܵܒ݂ܵܐ ܩܵܕ݇ܡ ܚܲܒ݂ܪܹܗ.
19ܗ̇ܘ ܕܡܲܚܸܒ ܓܢܵܗܵܐ ܟܹܐ ܡܲܚܸܒ ܡܲܩܲܪܵܨܘܼܬܵܐ،
ܗ̇ܘ ܕܡܲܪܸܡ ܬܲܪܥܹܗ ܟܹܐ ܛܵܥܹܐ ܠܬܠܵܚܵܐ.
20ܗ̇ܘ ܕܦܟ̰ܝܼܠܵܐ ܝܠܹܗ ܠܸܒܹܗ ܠܹܐ ܡܲܫ݇ܟ̰ܸܚ ܛܵܒ݂ܬܵܐ،
ܘܗ̇ܘ ܕܥܵܒܹܕ ܦܸܠܡܵܐ ܒܠܸܫܵܢܹܗ ܒܸܬ ܢܵܦܹܠ ܒܒܝܼܫܬܵܐ.
21ܗ̇ܘ ܕܡܲܠܸܕ ܣܲܟ݂ܠܵܐ ܟܹܐ ܡܲܝܬܹܐ ܠܹܗ ܠܚܲܫܵܐ ܕܓܵܢܹܗ،
ܘܠܹܐ ܚܵܕܹܐ ܒܵܒܵܐ ܕܐܲܗܡܲܩ.
22ܠܸܒܵܐ ܚܸܕܝܵܐ ܟܹܐ ܡܲܠܝܸܙ ܠܵܗ̇ ܒܵܣܲܡܬܵܐ،
ܐܝܼܢܵܐ ܪܘܼܚܵܐ ܫܡܝܼܛܬܵܐ ܟܹܐ ܡܲܒܪܸܙܵܐ ܠܗܘܿܢ ܓܲܪ̈ܡܹܐ.
23ܪܲܫܝܼܥܵܐ ܟܹܐ ܫܵܩܹܠ ܪܸܫܘܲܬ ܒܛܸܫܘܵܐ،
ܠܡܲܦܟ̰ܘܼܠܹܐ ܐܘܼܪ̈ܚܵܬܹܐ ܕܗܵܩܘܼܬܵܐ.
24ܩܵܕ݇ܡ ܦܵܬܵܐ ܕܦܲܪܡܝܼܵܢܵܐ ܝܠܵܗ̇ ܚܸܟ݂ܡܬܵܐ،
ܐܝܼܢܵܐ ܥܲܝܢܹ̈ܐ ܕܣܲܟ݂ܠܵܐ ܒܦܪܵܩܬܵܐ ܕܐܲܪܥܵܐ ܝܢܵܐ.
25ܒܪܘܿܢܵܐ ܣܲܟ݂ܠܵܐ ܟܲܪܒܵܐ ܝܠܹܗ ܠܒܵܒܘܼܗܝ،
ܘܡܲܪܝܼܪܘܼܬܵܐ ܠܗ̇ܝ ܕܩܲܡ ܝܵܠܕܵܐ ܠܹܗ.
26ܠܹܐ ܝܠܵܗ̇ ܨܦܵܝܝܼ ܠܡܲܓ̰ܪܘܼܡܹܐ ܠܙܲܕܝܼܩܵܐ،
ܐܘܼܦ ܠܵܐ ܠܸܡܚܵܝܵܐ ܠܢܲܨܝܼܚܹ̈ܐ ܒܘܼܬ ܬܪܘܼܨܘܼܬܵܐ.
27ܗ̇ܘ ܕܚܵܣܹܟ݂ ܗܹܡܸܙܡܵܢܘܼ̈ܗܝ ܐܝܼܬ ܠܹܗ ܝ݇ܕܲܥܬܵܐ،
ܘܫܸܠܝܵܐ ܕܪܘܼܚܵܐ ܐ݇ܢܵܫܵܐ ܦܲܪܡܝܼܵܢܵܐ ܝܠܹܗ.
28ܐܘܼܦ ܣܲܟ݂ܠܵܐ ܕܫܵܬܹܩ ܟܹܐ ܦܵܐܹܫ ܚܫܝܼܒ݂ܵܐ ܚܲܟܝܼܡܵܐ،
ܟܲܕ ܐܵܟ̰ܹܡ ܣܸܦܘܵܬܹ̈ܗ ܟܹܐ ܦܵܐܹܫ ܚܘܼܫܒܸܢܵܐ ܦܲܪܡܝܼܵܢܵܐ.
လက္ရွိေရြးခ်ယ္ထားမွု
ܡܬܠ̈ܐ 17: ABTAB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Aramaic Bible Translation Assyrian Bible © 2025 Aramaic Bible Translation
ܡܬܠ̈ܐ 17
17
ܡܲܬܠܹ̈ܐ ܕܡܲܠܟܵܐ ܫܠܹܝܡܘܿܢ
1ܒܘܼܫ ܨܦܵܝܝܼ ܝܠܹܗ ܩܸܛܥܵܐ ܒܵܪܘܿܙܵܐ ܕܠܲܚܡܵܐ ܘܫܸܠܝܘܼܬܵܐ ܥܲܡܹܗ،
ܡ̣ܢ ܒܲܝܬܵܐ ܡܸܠܝܵܐ ܒܸܣܪܵܐ ܥܲܡ ܡܲܩܲܪܵܨܘܼܬܵܐ.
2ܪܹܓܵܐ ܦܲܪܡܝܼܵܢܵܐ ܒܸܬ ܗܲܟܸܡ ܥܲܠ ܒܪܘܿܢܵܐ ܡܲܢܟܸܦܵܢܵܐ،
ܘܒܓܵܘܵܐ ܕܐܲܚܘܿܢܘܵܬܹ̈ܐ ܒܸܬ ܦܲܠܸܥ ܝܵܪܬܘܼܬܵܐ.
3ܡܵܐܢܵܐ ܕܨܵܪܲܦܬܵܐ ܩܵܐ ܣܹܐܡܵܐ ܝܠܹܗ، ܘܟܘܼܪܵܐ ܩܵܐ ܕܲܗܒ݂ܵܐ،
ܐܝܼܢܵܐ ܒܵܚܪܵܢܵܐ ܕܠܸܒܵܘܵܬܹ̈ܐ ܡܵܪܝܵܐ ܝܠܹܗ.
4ܥܵܒ݂ܕܵܢܵܐ ܕܒܝܼܫܘܼܬܵܐ ܟܹܐ ܡܲܨܝܸܬ ܠܣܸܦܘܵܬܹ̈ܐ ܕܥܵܘܠܵܐ،
ܕܲܓܵܠܵܐ ܟܹܐ ܨܲܠܹܐ ܢܵܬܵܐ ܠܠܸܫܵܢܵܐ ܕܡܲܚܪܲܒ݂ܬܵܐ.
5ܡܲܣܚܸܪܵܢܵܐ ܒܡܸܣܟܹܢܵܐ ܟܹܐ ܡܲܝܬܹܐ ܠܵܘܡܵܐ ܠܒܵܪܝܵܢܹܗ،
ܗ̇ܘ ܕܚܵܕܹܐ ܒܓܘܼܢܚܵܐ ܠܹܐ ܗܵܘܹܐ ܙܲܟܵܝܵܐ.
6ܟܠܝܼܠܵܐ ܕܣܵܒܹ̈ܐ ܝܢܵܐ ܒܢܘܿܢܹ̈ܐ ܕܒܢܘܿܢܹ̈ܐ،
ܘܚܸܩܪܵܐ ܕܒܢܘܿܢܹ̈ܐ ܝܢܵܐ ܐܲܒ݂ܵܗܲܝ̈ܗܝ.
7ܠܹܐ ܠܵܚܡܝܼ ܠܣܲܟ݂ܠܵܐ ܣܸܦܘܵܬܹ̈ܐ ܕܡܝܲܬܪܘܼܬܵܐ،
ܟܡܵܐ ܙܵܘܕܵܐ ܠܢܲܨܝܼܚܵܐ ܣܸܦܘܵܬܹ̈ܐ ܕܕܘܼܓܠܵܐ.
8ܠܘܼܚܸܫܬܵܐ ܝܠܵܗ̇ ܪܸܫܘܲܬ ܒܥܲܝܢܹ̈ܐ ܕܡܵܪ̈ܵܘܵܬܘܼܗ̇،
ܟܹܐ ܚܵܫܒ݂ܝܼ ܠܟܠ ܕܘܼܟܵܐ ܕܦܵܬܠܵܐ ܟܹܐ ܡܲܢܬܝܼܵܐ.
9ܗ̇ܘ ܕܟܲܣܹܐ ܓܢܵܗܵܐ ܛܵܥܝܵܢܵܐ ܕܚܘܼܒܵܐ ܝܠܹܗ،
ܐܝܼܢܵܐ ܗ̇ܘ ܕܥܵܒܹܕ ܬܢܵܝܬܵܐ ܠܩܸܨܲܬ ܟܹܐ ܦܵܪܹܫ ܠܗܘܿܢ ܪ̈ܵܚܡܹܐ ܡܸܚܕܵܕܹ̈ܐ.
10ܒܘܼܫ ܟܵܪ ܟܹܐ ܥܵܒ݂ܕܵܐ ܢܓ̰ܵܘܬܵܐ ܒܦܲܪܡܝܼܵܢܵܐ،
ܡ̣ܢ ܠܸܡܚܵܝܵܐ ܠܣܲܟ݂ܠܵܐ ܐܸܡܵܐܐ ܓܵܗܹ̈ܐ.
11ܐܲܚܟ̰ܝܼ ܡܵܪܘܿܕܘܼܬܵܐ ܟܹܐ ܛܵܥܹܐ ܒܝܼܫܵܐ،
ܘܐܝܼܙܓܲܕܵܐ ܕܛܠܘܼܡܝܵܐ ܒܸܬ ܦܵܐܹܫ ܫܘܼܕܪܵܐ ܥܲܠܘܼܗܝ.
12ܫܒ݂ܘܿܩ ܬܵܦܩܵܐ ܕܸܒܵܐ ܩܛܝܼܥܬܵܐ ܡ̣ܢ ܓܘܼܪ̈ܝܘܼܗ̇ ܒܐ݇ܢܵܫܵܐ،
ܘܠܵܐ ܣܲܟ݂ܠܵܐ ܬܵܦܹܩ ܒܝܼܹܗ ܒܣܲܟ݂ܠܘܼܬܹܗ.
13ܗ̇ܘ ܕܦܵܪܹܥ ܒܝܼܫܬܵܐ ܡܓܹܒܵܐ ܕܛܵܒ݂ܬܵܐ،
ܠܹܐ ܦܵܪܩܵܐ ܒܝܼܫܬܵܐ ܡ̣ܢ ܒܲܝܬܹܗ.
14ܐܲܝܟ݂ ܬܪܵܥܬܵܐ ܕܡ̈ܝܼܵܐ ܝܠܵܗ̇ ܫܲܪܵܝܬܵܐ ܕܕܘܼܪܵܫܵܐ،
ܫܒ݂ܘܿܩ ܠܵܗ̇ ܡܩܵܕ݇ܡ ܚܵܝܡܵܐ ܡܲܩܲܪܵܨܘܼܬܵܐ.
15ܗ̇ܘ ܕܡܲܟܫܸܛ ܠܪܲܫܝܼܥܵܐ، ܘܗ̇ܘ ܕܥܵܒܹܕ ܚܲܝܵܒ݂ܵܐ ܠܙܲܕܝܼܩܵܐ،
ܬܸܪܘܲܝܗܝ ܛܲܡܐܘܼܬܵܐ ܝܢܵܐ ܠܡܵܪܝܵܐ.
16ܩܵܡܘܿܕܝܼ ܐܵܗܵܐ ܙܘܼܙܵܐ ܒܐܝܼܕܵܐ ܕܣܲܟ݂ܠܵܐ
ܠܸܩܢܵܝܵܐ ܚܸܟ݂ܡܬܵܐ، ܟܲܕ ܠܲܝܬ ܠܹܗ ܗܵܘܢܵܐ؟
17ܪܵܚܡܵܐ ܒܟܠ ܙܲܒ݂ܢܵܐ ܟܹܐ ܡܲܚܸܒ،
ܘܐܲܚܘܿܢܵܐ ܩܵܐ ܥܕܵܢܵܐ ܕܐܘܼܠܨܵܢܵܐ ܦܝܼܫܵܐ ܝܠܹܗ ܝ݇ܠܝܼܕܵܐ.
18ܐ݇ܢܵܫܵܐ ܚܣܝܼܪ ܗܵܘܢܵܐ ܟܹܐ ܫܵܥܹܫ ܐܝܼܕܵܐ
ܠܸܗܘܵܝܵܐ ܥܲܪܵܒ݂ܵܐ ܩܵܕ݇ܡ ܚܲܒ݂ܪܹܗ.
19ܗ̇ܘ ܕܡܲܚܸܒ ܓܢܵܗܵܐ ܟܹܐ ܡܲܚܸܒ ܡܲܩܲܪܵܨܘܼܬܵܐ،
ܗ̇ܘ ܕܡܲܪܸܡ ܬܲܪܥܹܗ ܟܹܐ ܛܵܥܹܐ ܠܬܠܵܚܵܐ.
20ܗ̇ܘ ܕܦܟ̰ܝܼܠܵܐ ܝܠܹܗ ܠܸܒܹܗ ܠܹܐ ܡܲܫ݇ܟ̰ܸܚ ܛܵܒ݂ܬܵܐ،
ܘܗ̇ܘ ܕܥܵܒܹܕ ܦܸܠܡܵܐ ܒܠܸܫܵܢܹܗ ܒܸܬ ܢܵܦܹܠ ܒܒܝܼܫܬܵܐ.
21ܗ̇ܘ ܕܡܲܠܸܕ ܣܲܟ݂ܠܵܐ ܟܹܐ ܡܲܝܬܹܐ ܠܹܗ ܠܚܲܫܵܐ ܕܓܵܢܹܗ،
ܘܠܹܐ ܚܵܕܹܐ ܒܵܒܵܐ ܕܐܲܗܡܲܩ.
22ܠܸܒܵܐ ܚܸܕܝܵܐ ܟܹܐ ܡܲܠܝܸܙ ܠܵܗ̇ ܒܵܣܲܡܬܵܐ،
ܐܝܼܢܵܐ ܪܘܼܚܵܐ ܫܡܝܼܛܬܵܐ ܟܹܐ ܡܲܒܪܸܙܵܐ ܠܗܘܿܢ ܓܲܪ̈ܡܹܐ.
23ܪܲܫܝܼܥܵܐ ܟܹܐ ܫܵܩܹܠ ܪܸܫܘܲܬ ܒܛܸܫܘܵܐ،
ܠܡܲܦܟ̰ܘܼܠܹܐ ܐܘܼܪ̈ܚܵܬܹܐ ܕܗܵܩܘܼܬܵܐ.
24ܩܵܕ݇ܡ ܦܵܬܵܐ ܕܦܲܪܡܝܼܵܢܵܐ ܝܠܵܗ̇ ܚܸܟ݂ܡܬܵܐ،
ܐܝܼܢܵܐ ܥܲܝܢܹ̈ܐ ܕܣܲܟ݂ܠܵܐ ܒܦܪܵܩܬܵܐ ܕܐܲܪܥܵܐ ܝܢܵܐ.
25ܒܪܘܿܢܵܐ ܣܲܟ݂ܠܵܐ ܟܲܪܒܵܐ ܝܠܹܗ ܠܒܵܒܘܼܗܝ،
ܘܡܲܪܝܼܪܘܼܬܵܐ ܠܗ̇ܝ ܕܩܲܡ ܝܵܠܕܵܐ ܠܹܗ.
26ܠܹܐ ܝܠܵܗ̇ ܨܦܵܝܝܼ ܠܡܲܓ̰ܪܘܼܡܹܐ ܠܙܲܕܝܼܩܵܐ،
ܐܘܼܦ ܠܵܐ ܠܸܡܚܵܝܵܐ ܠܢܲܨܝܼܚܹ̈ܐ ܒܘܼܬ ܬܪܘܼܨܘܼܬܵܐ.
27ܗ̇ܘ ܕܚܵܣܹܟ݂ ܗܹܡܸܙܡܵܢܘܼ̈ܗܝ ܐܝܼܬ ܠܹܗ ܝ݇ܕܲܥܬܵܐ،
ܘܫܸܠܝܵܐ ܕܪܘܼܚܵܐ ܐ݇ܢܵܫܵܐ ܦܲܪܡܝܼܵܢܵܐ ܝܠܹܗ.
28ܐܘܼܦ ܣܲܟ݂ܠܵܐ ܕܫܵܬܹܩ ܟܹܐ ܦܵܐܹܫ ܚܫܝܼܒ݂ܵܐ ܚܲܟܝܼܡܵܐ،
ܟܲܕ ܐܵܟ̰ܹܡ ܣܸܦܘܵܬܹ̈ܗ ܟܹܐ ܦܵܐܹܫ ܚܘܼܫܒܸܢܵܐ ܦܲܪܡܝܼܵܢܵܐ.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Aramaic Bible Translation Assyrian Bible © 2025 Aramaic Bible Translation