ܕܢܝܐܝܠ 2
2
ܚܸܠܡܵܐ ܕܢܒ݂ܘܼܟܲܕܢܵܨܲܪ
1ܘܒܫܹܢ݇ܬܵܐ ܕܬܲܪܬܹܝ ܕܡܲܠܟܘܼܬܵܐ ܕܢܒ݂ܘܼܟܲܕܢܵܨܲܪ، ܚܠܝܼܡ ܠܹܗ ܢܒ݂ܘܼܟܲܕܢܵܨܲܪ ܚܸܠܡܹ̈ܐ، ܘܫܓ݂ܝܼܫ ܠܵܗ̇ ܪܘܼܚܹܗ، ܘܫܸܢܬܹܗ ܦܪܝܼܕ ܠܵܗ̇. 2ܘܦܩܝܼܕ ܠܹܗ ܡܲܠܟܵܐ ܕܩܵܪܝܼ ܠܚܲܪ̈ܵܫܹܐ ܘܠܐܵܫܘܿܦܹ̈ܐ، ܘܠܡܓ݂ܘܼܫܹ̈ܐ، ܘܠܟܲܠܕܵܝܹ̈ܐ، ܠܡܲܕܘܼܥܹܐ ܠܡܲܠܟܵܐ ܚܸܠܡܘܼ̈ܗܝ. ܘܐ݇ܬܹܐ ܠܗܘܿܢ ܘܟܠܹܐ ܠܗܘܿܢ ܩܵܕ݇ܡ ܡܲܠܟܵܐ. 3ܘܐ݇ܡܝܼܪܹܗ ܐܸܠܲܝܗܝ ܡܲܠܟܵܐ، ”ܚܸܠܡܵܐ ܚܠܝܼܡ ܠܝܼ، ܘܫܓ݂ܝܼܫ ܠܵܗ̇ ܪܘܼܚܝܼ ܠܝܼܕܵܥܵܐ ܠܚܸܠܡܵܐ.“ 4ܘܗܘܼܡܙܸܡ ܠܗܘܿܢ ܟܲܠܕܵܝܹ̈ܐ ܥܲܡ ܡܲܠܟܵܐ ܐܵܪܵܡܵܐܝܼܬ، ”ܝܵܐ ܡܲܠܟܵܐ، ܠܥܵܠܡܝܼܢ ܚܝܝܼ. ܐ݇ܡܘܿܪ ܚܸܠܡܵܐ ܠܪܹ̈ܓܵܘܵܬܘܼܟ݂، ܘܦܘܼܫܵܩܹܗ ܒܸܬ ܡܲܕܥܲܚ.“ 5ܓ̰ܘܼܘܸܒ ܠܹܗ ܡܲܠܟܵܐ ܠܟܲܠܕܵܝܹ̈ܐ ܘܐ݇ܡܝܼܪܹܗ، ”ܚܲܒܪܝܼ ܡܩܵܘܝܵܢܵܐ ܝܠܹܗ: ܐܸܢ ܠܵܐ ܡܲܕܥܝܼܬܘܿܢ ܠܝܼ ܚܸܠܡܵܐ ܘܦܘܼܫܵܩܹܗ، ܒܸܬ ܦܵܝܫܝܼܬܘܿܢ ܩܘܼܛܩܸܛܹܐ، ܘܒܵܬܵܘ̈ܟ݂ܘܿܢ ܠܙܸܒܠܵܐ ܒܸܬ ܦܵܝܫܝܼ ܡܘܼܚܕܸܪܹܐ. 6ܐܝܼܢܵܐ ܐܸܢ ܚܸܠܡܵܐ ܘܦܘܼܫܵܩܹܗ ܡܲܕܥܝܼܬܘܿܢ، ܡܵܘܗܒ݂ܵܬܹ̈ܐ ܘܕܲܫܢܹ̈ܐ ܘܐܝܼܩܵܪܵܐ ܪܵܒܵܐ ܒܸܬ ܩܲܒܠܝܼܬܘܿܢ ܡܸܢܝܼ. ܒܘܼܬ ܐܵܗܵܐ، ܚܸܠܡܵܐ ܘܦܘܼܫܵܩܹܗ ܡܲܕܸܥܡܘܼܢ ܠܝܼ.“ 7ܓ̰ܘܼܘܸܒ ܠܗܘܿܢ ܓܵܗܵܐ ܕܬܲܪܬܹܝ ܘܐ݇ܡܝܼܪܗܘܿܢ، ”ܡܲܠܟܵܐ ܚܸܠܡܵܐ ܐܵܡܹܪ ܠܪܹ̈ܓܵܘܵܬܹܗ، ܘܦܘܼܫܵܩܹܗ ܒܸܬ ܡܲܕܥܲܚ.“ 8ܓ̰ܘܼܘܸܒ ܠܹܗ ܡܲܠܟܵܐ ܘܐ݇ܡܝܼܪܹܗ، ”ܫܲܪܝܼܪܵܐܝܼܬ ܒܝܼܕܵܥܵܐ ܝܘܸܢ ܐܵܢܵܐ ܕܥܕܵܢܵܐ ܐܲܚܬܘܿܢ ܒܸܙܒ݂ܵܢܵܐ ܝܬܘܿܢ، ܣܵܒܵܒ ܚܙܹܐ ܠܵܘܟ݂ܘܿܢ ܕܡܩܵܘܝܵܢܵܐ ܝܠܹܗ ܚܲܒܪܝܼ، 9ܕܐܸܢ ܚܸܠܡܵܐ ܠܵܐ ܡܲܕܥܝܼܬܘܿܢ ܠܝܼ، ܐܝܼܬ ܚܕܵܐ ܕܝܵܢܬܵܐ ܥܲܠܵܘܟ݂ܘܿܢ. ܘܗܹܡܸܙܡܵܢ ܕܲܓܵܠܬܵܐ ܘܚܪܝܼܒ݂ܬܵܐ ܬܘܼܚܡܸܢܵܘܟ݂ܘܿܢ ܠܹܐܡܵܪܵܐ ܐܸܠܝܼ ܗܲܠ ܕܩܸܨܲܬ ܫܲܚܠܸܦܵܐ. ܒܘܼܬ ܐܵܗܵܐ، ܚܸܠܡܵܐ ܐ݇ܡܘܿܪܘܼܢ ܠܹܗ ܐܸܠܝܼ، ܕܝܵܕܥܹܢ ܕܐܘܼܦ ܦܘܼܫܵܩܹܗ ܡܵܨܹܝܬܘܿܢ ܕܡܲܕܥܝܼܬܘܿܢ ܠܝܼ.“ 10ܓ̰ܘܼܘܸܒ ܠܗܘܿܢ ܟܲܠܕܵܝܹ̈ܐ ܩܵܕ݇ܡ ܡܲܠܟܵܐ ܘܐ݇ܡܝܼܪܗܘܿܢ، ”ܠܲܝܬ ܐ݇ܢܵܫܵܐ ܥܲܠ ܐܲܪܥܵܐ ܕܡܵܨܹܐ ܠܡܲܕܘܼܥܹܐ ܚܲܒܪܵܐ ܕܡܲܠܟܵܐ؛ ܗܸܟ̃ ܡܲܠܟܵܐ ܓܘܼܪܵܐ ܝܲܢ ܫܲܠܝܼܛܵܐ ܠܹܐ ܝܠܹܗ ܒܘܼܩܪܵܐ ܗܹܡܸܙܡܵܢ ܐܲܝܟ݂ ܕܐܵܗܵܐ ܡ̣ܢ ܗܸܟ̃ ܚܲܪܵܫܵܐ، ܘܐܵܫܘܿܦܵܐ، ܘܟܲܠܕܵܝܵܐ. 11ܘܚܲܒܪܵܐ ܕܒܲܩܘܼܪܹܐ ܝܠܹܗ ܡܲܠܟܵܐ ܝܲܩܘܼܪܹܐ ܝܠܹܗ، ܘܐ݇ܢܵܫܵܐ ܠܲܝܬ ܕܡܲܕܸܥ ܠܹܗ ܩܵܕ݇ܡ ܡܲܠܟܵܐ، ܫܒ݂ܘܿܩ ܡ̣ܢ ܐܲܠܵܗܹ̈ܐ، ܕܡܲܥܡܪܲܝܗܝ ܥܲܡ ܒܢܲܝ̈ ܐ݇ܢܵܫܵܐ ܠܹܐ ܝܠܹܗ.“
12ܣܵܒܵܒ ܐܵܗܵܐ، ܡܲܠܟܵܐ ܟܪܝܼܒ ܠܹܗ ܪܵܒܵܐ ܘܒܚܸܡܬܵܐ ܓܘܼܪܬܵܐ ܐ݇ܡܝܼܪܹܗ ܠܛܲܠܘܼܩܹܐ ܠܟܠܲܝܗܝ ܚܲܟܝܼܡܹ̈ܐ ܕܒܵܒܹܠ. 13ܘܦܘܼܩܕܵܢܵܐ ܦܠܝܼܛ ܠܹܗ ܕܚܲܟܝܼܡܹ̈ܐ ܦܵܝܫܝܼ ܩܛܝܼܠܹܐ؛ ܘܛܥܹܐ ܠܗܘܿܢ ܠܕܵܢܝܼܐܹܝܠ ܘܠܚܲܒ݂ܪ̈ܵܘܵܬܹܗ ܠܸܦܝܵܫܵܐ ܩܛܝܼܠܹܐ.
14ܗ̇ܝܓܵܗ ܕܵܢܝܼܐܹܝܠ ܓ̰ܘܼܘܸܒ ܠܹܗ ܒܬܲܚܡܲܢܬܵܐ ܘܒܡܸܠܟܵܐ ܠܐܵܪܝܼܘܼܟ݂، ܪܲܒ ܕܲܚܫܹ̈ܐ ܕܡܲܠܟܵܐ، ܕܦܠܝܼܛܵܐ ܝܗ݇ܘܵܐ ܠܸܩܛܵܠܵܐ ܠܚܲܟܝܼܡܹ̈ܐ ܕܒܵܒܹܠ. 15ܓ̰ܘܼܘܸܒ ܠܹܗ ܘܐ݇ܡܝܼܪܹܗ ܠܐܵܪܝܼܘܼܟ݂، ܫܲܠܝܼܛܵܐ ܕܡܲܠܟܵܐ، ”ܒܘܼܬ ܡܘܿܕܝܼ ܝܠܹܗ ܡܲܠܟܵܐ ܡܲܠܝܘܼܙܹܐ ܒܦܘܼܩܕܵܢܹܗ؟“ ܗ̇ܝܓܵܗ ܩܸܨܲܬ ܡܘܼܕܸܥ ܠܹܗ ܐܵܪܝܼܘܼܟ݂ ܠܕܵܢܝܼܐܹܝܠ. 16ܘܕܵܢܝܼܐܹܝܠ ܥܒ݂ܝܼܪܹܗ ܘܛܠܝܼܒ ܠܹܗ ܡ̣ܢ ܡܲܠܟܵܐ ܕܝܲܗ݇ܒܸܠ ܐܸܠܹܗ ܥܕܵܢܵܐ ܠܡܲܕܘܼܥܹܐ ܦܘܼܫܵܩܵܐ ܠܡܲܠܟܵܐ.
ܐܲܠܵܗܵܐ ܒܸܓܠܵܝܵܐ ܐ݇ܪܵܙܵܐ ܠܕܵܢܝܼܐܹܝܠ
17ܗ̇ܝܓܵܗ ܕܵܢܝܼܐܹܝܠ ܐ݇ܙܝܼܠ ܠܹܗ ܠܒܲܝܬܹܗ، ܘܡܘܼܕܸܥ ܠܹܗ ܩܸܨܲܬ ܠܚܲܢܲܢܝܵܐ، ܘܡܝܼܫܵܐܹܝܠ، ܘܥܲܙܲܪܝܵܐ، ܚܲܒ݂ܪ̈ܵܘܵܬܹܗ، 18ܕܛܵܠܒܝܼ ܪ̈ܲܚܡܹܐ ܡ̣ܢ ܐܲܠܵܗܵܐ ܕܫܡܲܝܵܐ ܥܲܠ ܕܐܵܗܵܐ ܐ݇ܪܵܙܵܐ، ܕܠܵܐ ܛܵܠܩܝܼ ܕܵܢܝܼܐܹܝܠ ܘܚܲܒ݂ܪ̈ܵܘܵܬܹܗ ܥܲܡ ܫܲܪܟܵܐ ܕܚܲܟܝܼܡܹ̈ܐ ܕܒܵܒܹܠ. 19ܗ̇ܝܓܵܗ ܦܝܼܫ ܠܹܗ ܓܸܠܝܵܐ ܐ݇ܪܵܙܵܐ ܠܕܵܢܝܼܐܹܝܠ ܒܚܸܙܘܵܐ ܕܠܲܝܠܹܐ. ܒܘܼܬ ܐܵܗܵܐ، ܒܘܼܪܸܟ݂ ܠܹܗ ܕܵܢܝܼܐܹܝܠ ܠܐܲܠܵܗܵܐ ܕܫܡܲܝܵܐ.
20ܓ̰ܘܼܘܸܒ ܠܹܗ ܕܵܢܝܼܐܹܝܠ ܘܐ݇ܡܝܼܪܹܗ،
”ܗܵܘܹܐ ܫܸܡܹܗ ܕܐܲܠܵܗܵܐ ܡܒܘܼܪܟ݂ܵܐ ܡ̣ܢ ܥܵܠܲܡ ܘܗܲܠ ܥܵܠܲܡ،
ܣܵܒܵܒ ܚܸܟ݂ܡܬܵܐ ܘܓܲܢ݇ܒܵܪܘܼܬܵܐ ܕܝܼܹܗ ܝܢܵܐ.
21ܘܗ̇ܘ ܟܹܐ ܫܲܚܠܸܦ ܥܕܵܢܹ̈ܐ ܘܙܲܒ݂ܢܹ̈ܐ،
ܟܹܐ ܡܲܢܦܸܠ ܡܲܠܟܹ̈ܐ، ܘܟܹܐ ܡܲܩܸܡ ܡܲܠܟܹ̈ܐ،
ܟܹܐ ܝܲܗ݇ܒܸܠ ܚܸܟ݂ܡܬܵܐ ܠܚܲܟܝܼܡܹ̈ܐ،
ܘܝ݇ܕܲܥܬܵܐ ܠܝܵܕܥܵܢܹ̈ܐ ܕܦܲܪܡܵܝܬܵܐ.
22ܗ̇ܘ ܟܹܐ ܓܵܠܹܐ ܫܘܼܠܵܢܹ̈ܐ ܥܲܡܘܼܩܹ̈ܐ ܘܫܘܼܠܵܢܹ̈ܐ ܛܸܫܝܹ̈ܐ،
ܟܹܐ ܝܵܕܹܥ ܡܘܿܕܝܼ ܝܠܹܗ ܒܚܸܫܟܵܐ،
ܘܒܲܗܪܵܐ ܥܲܡܹܗ ܟܹܐ ܫܵܪܹܐ.
23ܐܸܠܘܼܟ݂، ܝܵܐ ܐܲܠܵܗܵܐ ܕܐܲܒ݂ܵܗܵܬܝܼ̈، ܫܲܟܘܼܪܹܐ ܝܘܸܢ ܘܫܲܒܘܼܚܹܐ ܝܘܸܢ ܐܵܢܵܐ،
ܣܵܒܵܒ ܚܸܟ݂ܡܬܵܐ ܘܓܲܢ݇ܒܵܪܘܼܬܵܐ ܝܘܼܗ݇ܒܸܠ ܠܘܼܟ݂ ܐܸܠܝܼ،
ܘܐܵܕܝܼܵܐ ܩܲܡ ܡܲܕܥܸܬ ܠܝܼ ܡܸܢܕܝܼ ܕܛܠܝܼܒ ܠܲܢ ܡܸܢܘܼܟ݂،
ܕܩܸܨܲܬ ܕܡܲܠܟܵܐ ܩܲܡ ܡܲܕܥܸܬ ܠܲܢ.“
24ܣܵܒܵܒ ܐܵܗܵܐ ܕܵܢܝܼܐܹܝܠ ܥܒ݂ܝܼܪܹܗ ܠܟܸܣ ܐܵܪܝܼܘܼܟ݂، ܗ̇ܘ ܕܡܘܼܬܸܒ݂ ܠܹܗ ܡܲܠܟܵܐ ܠܛܲܠܘܼܩܹܐ ܠܚܲܟܝܼܡܹ̈ܐ ܕܒܵܒܹܠ؛ ܐ݇ܙܝܼܠ ܠܹܗ ܘܗܲܕܟ݂ܵܐ ܐ݇ܡܝܼܪܹܗ ܐܸܠܹܗ، ”ܠܚܲܟܝܼܡܹ̈ܐ ܕܒܵܒܹܠ ܠܵܐ ܛܲܠܩܸܬ. ܡܲܥܒܸܪܝܼ ܩܵܕ݇ܡ ܡܲܠܟܵܐ، ܘܒܸܬ ܡܲܕܥܸܢ ܐܸܠܹܗ ܦܘܼܫܵܩܵܐ.“
25ܗ̇ܝܓܵܗ ܐܵܪܝܼܘܼܟ݂ ܒܡܲܠܝܲܙܬܵܐ ܡܘܼܥܒܸܪܹܗ ܠܕܵܢܝܼܐܹܝܠ ܩܵܕ݇ܡ ܡܲܠܟܵܐ، ܘܗܲܕܟ݂ܵܐ ܐ݇ܡܝܼܪܹܗ ܐܸܠܹܗ، ”ܡܘܼܫ݇ܟ̰ܸܚ ܠܝܼ ܓܲܒ݂ܪܵܐ ܡ̣ܢ ܒܢܲܝ̈ ܓܵܠܘܼܬܵܐ ܕܝܼܗܘܼܕ، ܕܦܘܼܫܵܩܵܐ ܠܡܲܠܟܵܐ ܒܸܬ ܡܲܕܸܥ.“ 26ܓ̰ܘܼܘܸܒ ܠܹܗ ܡܲܠܟܵܐ ܘܐ݇ܡܝܼܪܹܗ ܠܕܵܢܝܼܐܹܝܠ، ܕܫܸܡܹܗ ܝܼܗ݇ܘܵܐ ܒܸܠܛܫܵܨܲܪ، ”ܟܹܐ ܡܵܨܹܝܬ ܠܡܲܕܘܼܥܝܼ ܚܸܠܡܵܐ ܕܚܙܹܐ ܠܝܼ ܘܦܘܼܫܵܩܹܗ؟“ 27ܓ̰ܘܼܘܸܒ ܠܹܗ ܕܵܢܝܼܐܹܝܠ ܩܵܕ݇ܡ ܡܲܠܟܵܐ ܘܐ݇ܡܝܼܪܹܗ، ”ܐ݇ܪܵܙܵܐ ܕܡܲܠܟܵܐ ܒܲܩܘܪܹܐ ܝܠܹܗ، ܠܵܐ ܚܲܟܝܼܡܹ̈ܐ، ܘܠܵܐ ܐܵܫܘܿܦܹ̈ܐ، ܘܠܵܐ ܚܲܪ̈ܵܫܹܐ، ܘܠܵܐ ܩܵܨܘܿܡܹ̈ܐ، ܡܵܨܝܼ ܠܡܲܕܘܼܥܹܐ ܠܡܲܠܟܵܐ، 28ܐܝܼܢܵܐ ܐܝܼܬ ܐܲܠܵܗܵܐ ܒܫܡܲܝܵܐ ܕܟܹܐ ܓܲܠܹܐ ܐ݇ܪ̈ܵܙܹܐ، ܘܡܘܼܕܸܥ ܠܹܗ ܠܡܲܠܟܵܐ ܢܒ݂ܘܼܟܲܕܢܵܨܲܪ ܡܘܿܕܝܼ ܒܸܬ ܗܵܘܹܐ ܒܚܲܪܬܵܐ ܕܝܵܘܡܵܢܹ̈ܐ. ܚܸܠܡܘܼܟ݂ ܘܚܸܙܘܹ̈ܐ ܕܪܹܫܘܼܟ݂ ܟܲܕ ܥܲܠ ܫܘܝܼܬܘܼܟ݂ ܐܵܗܵܐ ܝܠܹܗ: 29ܐܲܢ݇ܬ، ܝܵܐ ܡܲܠܟܵܐ، ܟܲܕ ܥܲܠ ܫܘܝܼܬܘܼܟ݂، ܚܘܼܫܵܒ݂ܘܼ̈ܟ݂ ܐ݇ܣܝܼܩ ܠܗܘܿܢ ܘܨܠܹܐ ܠܗܘܿܢ ܕܡܘܿܕܝܼ ܒܸܬ ܗܵܘܹܐ ܡ̣ܢ ܒܵܬ݇ܪ ܕܐܵܗܵܐ، ܘܓܵܠܝܵܢܵܐ ܕܐ݇ܪ̈ܵܙܹܐ ܩܲܡ ܡܲܕܸܥ ܠܘܼܟ݂ ܡܘܿܕܝܼ ܒܸܬ ܗܵܘܹܐ. 30ܘܐܵܢܵܐ، ܠܵܐ ܦܝܼܫ ܠܹܗ ܓܸܠܝܵܐ ܐܵܗܵܐ ܐ݇ܪܵܙܵܐ ܐܸܠܝܼ ܡܣܵܒܵܒ ܒܘܼܫ ܚܸܟ݂ܡܬܵܐ ܐܝܼܬ ܒܝܼܝܼ ܡ̣ܢ ܟܠܲܝܗܝ ܚܵܝܹ̈ܐ، ܐܸܠܵܐ ܩܵܐ ܕܦܘܼܫܵܩܵܐ ܠܡܲܠܟܵܐ ܦܵܐܹܫ ܡܘܼܕܸܥܵܐ ܘܚܘܼܫܵܒܹ̈ܐ ܕܠܸܒܘܼܟ݂ ܝܵܕܥܹܬ.
ܕܵܢܝܼܐܹܝܠ ܡܲܕܘܼܥܹܐ ܘܦܲܫܘܼܩܹܐ ܚܸܠܡܵܐ ܕܢܒ݂ܘܼܟܲܕܢܵܨܲܪ
31ܐܲܢ݇ܬ، ܝܵܐ ܡܲܠܟܵܐ، ܗܘܹܐ ܠܘܼܟ݂ ܒܸܚܙܵܝܵܐ، ܘܗܵܐ، ܚܲܕ ܨܲܠܡܵܐ ܓܘܼܪܵܐ. ܐܵܗܵܐ ܨܲܠܡܵܐ ܓܘܼܪܵܐ ܝܗ݇ܘܵܐ، ܘܫܲܦ̮ܩܹܗ ܪܵܒܵܐ ܪܵܒܵܐ، ܘܒܸܟܠܵܝܵܐ ܝܗ݇ܘܵܐ ܠܒܲܠܩܘܼܒ݂ܠܘܼܟ݂، ܘܚܸܙܘܹܗ ܣܲܗܡܵܢܵܐ. 32ܗ̇ܘ ܨܲܠܡܵܐ، ܪܹܫܹܗ ܡ̣ܢ ܕܲܗܒ݂ܵܐ ܨܸܦܝܵܐ ܝܗ݇ܘܵܐ، ܨܲܕܪܹܗ ܘܕܪ̈ܲܥܢܵܢܘܼܗܝ ܡ̣ܢ ܣܹܐܡܵܐ، ܟܹܪ݇ܣܹܗ ܘܥܸܛܡܵܬܹ̈ܗ ܡ̣ܢ ܢܚܵܫܵܐ، 33ܫܵܩܵܢܘܼ̈ܗܝ ܡ̣ܢ ܦܪܸܙܠܵܐ، ܐܲܩܠܵܬܹ̈ܗ ܡܸܢܲܝܗܝ ܡ̣ܢ ܦܪܸܙܠܵܐ، ܘܡܸܢܲܝܗܝ ܡ̣ܢ ܦܹܚܵܪܵܐ. 34ܗܘܹܐ ܠܘܼܟ݂ ܒܸܚܙܵܝܵܐ ܘܟܹܐܦܵܐ ܦܝܼܫ ܠܹܗ ܦܪܝܼܡܵܐ ܕܠܵܐ ܒܐܝܼܕܵܬܹ̈ܐ، ܘܡܚܹܐ ܠܹܗ ܠܨܲܠܡܵܐ ܥܲܠ ܐܲܩܠܵܬܹ̈ܗ ܕܦܪܸܙܠܵܐ ܘܕܦܹܚܵܪܵܐ ܘܕܘܼܩܕܸܩܲܝ ܠܹܗ. 35ܗ̇ܝܓܵܗ ܕܘܼܩܕܸܩ ܠܗܘܿܢ ܡܸܚܕܵܕܹ̈ܐ ܦܪܸܙܠܵܐ، ܦܹܚܵܪܵܐ، ܢܚܵܫܵܐ، ܣܹܐܡܵܐ، ܘܕܲܗܒ݂ܵܐ، ܘܗܘܹܐ ܠܗܘܿܢ ܐܲܝܟ݂ ܬܸܒ݂ܢܵܐ ܕܡ̣ܢ ܒܸܐܕܪ̈ܵܬܹܐ ܕܩܲܝܛܵܐ، ܘܕܘܼܪܝܲܝ ܠܹܗ ܦܵܘܚܵܐ، ܘܫܵܘܦܲܝܗܝ ܠܵܐ ܡܘܼܒܝܸܢܹܗ ܐ݇ܚܹܪ݇ܢܵܐ. ܘܟܹܐܦܵܐ ܕܡܚܹܐ ܠܹܗ ܠܨܲܠܡܵܐ، ܗܘܹܐ ܠܹܗ ܛܘܼܪܵܐ ܓܘܼܪܵܐ، ܘܡܠܹܐ ܠܵܗ̇ ܟܠܵܗ̇ ܐܲܪܥܵܐ. 36ܐܵܗܵܐ ܝܠܹܗ ܚܸܠܡܵܐ، ܘܦܘܼܫܵܩܹܗ ܒܸܬ ܐܵܡܪܲܚ ܠܡܲܠܟܵܐ.
37ܐܲܢ݇ܬ، ܝܵܐ ܡܲܠܟܵܐ، ܡܲܠܟܵܐ ܕܡܲܠܟܹ̈ܐ ܝܘܸܬ، ܕܐܲܠܵܗܵܐ ܕܫܡܲܝܵܐ ܝܘܼܗ݇ܒܸܠ ܠܹܗ ܐܸܠܘܼܟ݂ ܡܲܠܟܘܼܬܵܐ، ܚܲܝܠܵܐ، ܥܘܼܫܢܵܐ، ܘܐܝܼܩܵܪܵܐ، 38ܘܒܟܠ ܕܘܼܟܵܐ ܕܥܵܡܪܝܼ ܒܢܲܝ̈ ܐ݇ܢܵܫܵܐ، ܚܲܝܘܬܵܐ ܕܒܲܪܝܼܵܐ، ܘܦܵܪܲܚܬܵܐ ܕܫܡܲܝܵܐ، ܝܘܼܗ݇ܒܸܠ ܠܹܗ ܒܐܝܼܕܘܼܟ݂، ܘܩܲܡ ܥܵܒܹܕ ܠܘܼܟ݂ ܫܲܠܝܼܛܵܐ ܥܲܠ ܟܠܲܝܗܝ–ܐܲܢ݇ܬ ܝܼܘܸܬ ܗ̇ܘ ܪܹܫܵܐ ܕܕܲܗܒ݂ܵܐ. 39ܘܒܵܬ݇ܪܘܼܟ݂ ܒܸܬ ܩܵܝܡܵܐ ܡܲܠܟܘܼܬܵܐ ܐ݇ܚܹܪ݇ܬܵܐ، ܟܘܼܦܬܵܐ ܡܸܢܘܼܟ݂، ܘܒܵܬ݇ܪ ܗܵܕܵܐ ܡܲܠܟܘܼܬܵܐ ܐ݇ܚܹܪ݇ܬܵܐ، ܬܠܝܼܬܵܝܬܵܐ، ܕܢܚܵܫܵܐ، ܕܒܸܬ ܗܲܟܡܵܐ ܥܲܠ ܟܠܵܗ̇ ܐܲܪܥܵܐ. 40ܘܡܲܠܟܘܼܬܵܐ ܪܒ݂ܝܼܥܵܝܬܵܐ ܒܸܬ ܗܵܘܝܵܐ ܙܲܪܒܵܢܬܵܐ ܐܲܝܟ݂ ܦܪܸܙܠܵܐ، ܣܵܒܵܒ ܦܪܸܙܠܵܐ ܟܹܐ ܕܲܩܕܸܩ ܘܚܵܫܹܠ ܟܠ؛ ܘܐܲܝܟ݂ ܦܪܸܙܠܵܐ ܕܛܵܒܹܚ، ܗܲܕܟ݂ܵܐ ܠܟܠܲܝܗܝ ܐܲܢܹܐ ܒܸܬ ܕܲܩܕܸܩܵܐ ܘܒܸܬ ܛܵܒ݂ܚܵܐ. 41ܘܕܵܐܟ݂ܝܼ ܕܚܙܹܐ ܠܘܼܟ݂ ܐܲܩܠܵܬܹ̈ܐ ܘܨܸܒܥܵܬܹ̈ܐ ܡܸܢܲܝܗܝ ܡ̣ܢ ܛܝܼܢܵܐ ܕܦܲܚܵܪܵܐ، ܘܡܸܢܲܝܗܝ ܡ̣ܢ ܦܪܸܙܠܵܐ، ܗܲܕܟ݂ܵܐ، ܡܲܠܟܘܼܬܵܐ ܦܘܼܠܸܥܬܵܐ ܒܸܬ ܗܵܘܝܵܐ، ܐܝܼܢܵܐ ܣܵܗܡܵܐ ܡܸܢܘܼܗ̇ ܒܸܬ ܗܵܘܝܵܐ ܡ̣ܢ ܩܸܘܝܘܼܬܵܐ ܕܦܪܸܙܠܵܐ، ܕܵܐܟ݂ܝܼ ܕܚܙܹܐ ܠܘܼܟ݂ ܦܪܸܙܠܵܐ ܚܒ݂ܝܼܛܵܐ ܒܦܹܚܵܪܵܐ ܕܛܝܼܢܵܐ. 42ܘܨܸܒܥܵܬܹ̈ܐ ܕܐܲܩܠܵܬܹ̈ܐ ܡܸܢܲܝܗܝ ܕܦܪܸܙܠܵܐ ܘܡܸܢܲܝܗܝ ܕܦܹܚܵܪܵܐ، ܗܲܕܟ݂ܵܐ ܡܲܠܟܘܼܬܵܐ ܒܸܬ ܗܵܘܝܵܐ ܡܸܢܘܼܗ̇ ܙܲܪܒܵܢܬܵܐ ܘܡܸܢܘܼܗ̇ ܡܸܬܬܲܒ݂ܪܵܢܬܵܐ. 43ܘܕܵܐܟ݂ܝܼ ܕܚܙܹܐ ܠܘܼܟ݂ ܦܪܸܙܠܵܐ ܚܒ݂ܝܼܛܵܐ ܒܦܹܚܵܪܵܐ ܕܛܝܼܢܵܐ، ܗܲܕܟ݂ܵܐ ܒܸܬ ܚܵܒ݂ܛܝܼ ܓܵܢܲܝܗܝ ܒܓܒ݂ܵܪܵܐ، ܐܝܼܢܵܐ ܠܹܐ ܬܵܒܥܝܼ ܠܚܕܵܕܹ̈ܐ ܐܲܝܟ݂ ܕܦܪܸܙܠܵܐ ܠܹܐ ܚܵܒܹܛ ܥܲܡ ܦܹܚܵܪܵܐ. 44ܘܒܝܵܘܡܵܢܹ̈ܐ ܕܐܵܢܝܼ ܡܲܠܟܹ̈ܐ، ܒܸܬ ܡܲܩܸܡ ܐܲܠܵܗܵܐ ܕܫܡܲܝܵܐ ܡܲܠܟܘܼܬܵܐ ܕܠܥܵܠܡܝܼܢ ܕܠܹܐ ܚܵܪܒ݂ܵܐ، ܘܗ̇ܝ ܡܲܠܟܘܼܬܵܐ ܠܥܲܡܵܐ ܐ݇ܚܹܪ݇ܢܵܐ ܠܹܐ ܦܵܝܫܵܐ ܫܒ݂ܝܼܩܬܵܐ، ܘܒܸܬ ܕܲܩܕܸܩܵܐ ܘܛܲܠܩܵܐ ܟܠܲܝܗܝ ܐܲܢܹܐ ܡܲܠܟܘܵܬܹ̈ܐ، ܘܗ̇ܝ ܒܸܬ ܟܵܠܝܵܐ ܠܥܵܠܲܡ، 45ܕܵܐܟ݂ܝܼ ܕܚܙܹܐ ܠܘܼܟ݂ ܕܡ̣ܢ ܛܘܼܪܵܐ ܦܝܼܫ ܠܹܗ ܦܪܝܼܡܵܐ ܟܹܐܦܵܐ ܕܠܵܐ ܒܐܝܼܕܵܬܹ̈ܐ، ܘܕܘܼܩܕܸܩ ܠܹܗ ܦܪܸܙܠܵܐ، ܘܢܚܵܫܵܐ، ܘܦܹܚܵܪܵܐ، ܘܣܹܐܡܵܐ، ܘܕܲܗܒ݂ܵܐ. ܐܲܠܵܗܵܐ ܓܘܼܪܵܐ ܡܘܼܕܸܥ ܠܹܗ ܠܡܲܠܟܵܐ ܡܸܢܕܝܼ ܕܒܸܬ ܗܵܘܹܐ ܒܵܬ݇ܪ ܕܐܵܗܵܐ، ܘܫܲܪܝܼܪܵܐ ܝܠܹܗ ܚܸܠܡܵܐ، ܘܡܗܘܼܡܢܵܐ ܦܘܼܫܵܩܹܗ.“
ܡܲܠܟܵܐ ܢܒ݂ܘܼܟܲܕܢܵܨܲܪ ܡܲܐܣܘܼܩܹܐ ܠܕܲܪ̈ܓܹܐ ܕܕܵܢܝܼܐܹܝܠ ܘܚܲܒ݂ܪ̈ܵܘܵܬܹܗ
46ܗ̇ܝܓܵܗ ܡܲܠܟܵܐ ܢܒ݂ܘܼܟܲܕܢܵܨܲܪ ܢܦܝܼܠ ܠܹܗ ܥܲܠ ܦܵܬܹܗ، ܘܣܓ݂ܝܼܕ ܠܹܗ ܠܕܵܢܝܼܐܹܝܠ، ܘܦܩܝܼܕ ܠܹܗ ܠܡܲܩܪܘܼܒܹܐ ܩܘܼܪܒܵܢܵܐ ܘܒܸܣܡܹ̈ܐ ܐܸܠܹܗ. 47ܓ̰ܘܼܘܸܒ ܠܹܗ ܡܲܠܟܵܐ ܠܕܵܢܝܼܐܹܝܠ ܘܐ݇ܡܝܼܪܹܗ، ”ܒܫܲܪܝܼܪܘܼܬܵܐ، ܐܲܠܵܗܵܘܟ݂ܘܿܢ ܗ̇ܘ ܝܼܠܹܗ ܐܲܠܵܗܵܐ ܕܐܲܠܵܗܹ̈ܐ، ܘܡܵܪܵܐ ܕܡܲܠܟܹ̈ܐ، ܘܓܵܠܝܵܢܵܐ ܕܐ݇ܪ̈ܵܙܹܐ، ܕܡܨܹܐ ܠܘܼܟ݂ ܠܸܓܠܵܝܵܐ ܐܵܗܵܐ ܐ݇ܪܵܙܵܐ.“ 48ܗ̇ܝܓܵܗ ܡܲܠܟܵܐ ܠܕܵܢܝܼܐܹܝܠ ܥܒ݂ܝܼܕ ܠܹܗ ܓܘܼܪܵܐ، ܘܡܵܘܗܒ݂ܵܬܹ̈ܐ ܓܘܼܪܹ̈ܐ ܪܵܒܵܐ ܝܘܼܗ݇ܒܸܠ ܠܹܗ ܐܸܠܹܗ، ܘܥܒ݂ܝܼܕ ܠܹܗ ܫܲܠܝܼܛܵܐ ܥܲܠ ܟܠܹܗ ܐܘܼܚܕܵܢܵܐ ܕܒܵܒܹܠ، ܘܪܲܒ ܫܲܠܝܼܛܹ̈ܐ ܥܲܠ ܟܠܲܝܗܝ ܚܲܟܝܼܡܹ̈ܐ ܕܒܵܒܹܠ. 49ܘܕܵܢܝܼܐܹܝܠ ܛܠܝܼܒ ܠܹܗ ܡ̣ܢ ܡܲܠܟܵܐ، ܘܡܘܼܬܸܒ݂ ܠܹܗ ܡܲܠܟܵܐ ܠܫܸܕܪܵܟ، ܘܡܝܼܫܵܟ، ܘܥܒܸܕܢܵܓ݂ܘܼ ܥܲܠ ܚܸܠܡܲܬ ܕܐܘܼܚܕܵܢܵܐ ܕܒܵܒܹܠ، ܐܝܼܢܵܐ ܕܵܢܝܼܐܹܝܠ ܒܬܲܪܥܵܐ ܕܡܲܠܟܵܐ ܝܗ݇ܘܵܐ.
လက္ရွိေရြးခ်ယ္ထားမွု
ܕܢܝܐܝܠ 2: ABTAB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Aramaic Bible Translation Assyrian Bible © 2025 Aramaic Bible Translation
ܕܢܝܐܝܠ 2
2
ܚܸܠܡܵܐ ܕܢܒ݂ܘܼܟܲܕܢܵܨܲܪ
1ܘܒܫܹܢ݇ܬܵܐ ܕܬܲܪܬܹܝ ܕܡܲܠܟܘܼܬܵܐ ܕܢܒ݂ܘܼܟܲܕܢܵܨܲܪ، ܚܠܝܼܡ ܠܹܗ ܢܒ݂ܘܼܟܲܕܢܵܨܲܪ ܚܸܠܡܹ̈ܐ، ܘܫܓ݂ܝܼܫ ܠܵܗ̇ ܪܘܼܚܹܗ، ܘܫܸܢܬܹܗ ܦܪܝܼܕ ܠܵܗ̇. 2ܘܦܩܝܼܕ ܠܹܗ ܡܲܠܟܵܐ ܕܩܵܪܝܼ ܠܚܲܪ̈ܵܫܹܐ ܘܠܐܵܫܘܿܦܹ̈ܐ، ܘܠܡܓ݂ܘܼܫܹ̈ܐ، ܘܠܟܲܠܕܵܝܹ̈ܐ، ܠܡܲܕܘܼܥܹܐ ܠܡܲܠܟܵܐ ܚܸܠܡܘܼ̈ܗܝ. ܘܐ݇ܬܹܐ ܠܗܘܿܢ ܘܟܠܹܐ ܠܗܘܿܢ ܩܵܕ݇ܡ ܡܲܠܟܵܐ. 3ܘܐ݇ܡܝܼܪܹܗ ܐܸܠܲܝܗܝ ܡܲܠܟܵܐ، ”ܚܸܠܡܵܐ ܚܠܝܼܡ ܠܝܼ، ܘܫܓ݂ܝܼܫ ܠܵܗ̇ ܪܘܼܚܝܼ ܠܝܼܕܵܥܵܐ ܠܚܸܠܡܵܐ.“ 4ܘܗܘܼܡܙܸܡ ܠܗܘܿܢ ܟܲܠܕܵܝܹ̈ܐ ܥܲܡ ܡܲܠܟܵܐ ܐܵܪܵܡܵܐܝܼܬ، ”ܝܵܐ ܡܲܠܟܵܐ، ܠܥܵܠܡܝܼܢ ܚܝܝܼ. ܐ݇ܡܘܿܪ ܚܸܠܡܵܐ ܠܪܹ̈ܓܵܘܵܬܘܼܟ݂، ܘܦܘܼܫܵܩܹܗ ܒܸܬ ܡܲܕܥܲܚ.“ 5ܓ̰ܘܼܘܸܒ ܠܹܗ ܡܲܠܟܵܐ ܠܟܲܠܕܵܝܹ̈ܐ ܘܐ݇ܡܝܼܪܹܗ، ”ܚܲܒܪܝܼ ܡܩܵܘܝܵܢܵܐ ܝܠܹܗ: ܐܸܢ ܠܵܐ ܡܲܕܥܝܼܬܘܿܢ ܠܝܼ ܚܸܠܡܵܐ ܘܦܘܼܫܵܩܹܗ، ܒܸܬ ܦܵܝܫܝܼܬܘܿܢ ܩܘܼܛܩܸܛܹܐ، ܘܒܵܬܵܘ̈ܟ݂ܘܿܢ ܠܙܸܒܠܵܐ ܒܸܬ ܦܵܝܫܝܼ ܡܘܼܚܕܸܪܹܐ. 6ܐܝܼܢܵܐ ܐܸܢ ܚܸܠܡܵܐ ܘܦܘܼܫܵܩܹܗ ܡܲܕܥܝܼܬܘܿܢ، ܡܵܘܗܒ݂ܵܬܹ̈ܐ ܘܕܲܫܢܹ̈ܐ ܘܐܝܼܩܵܪܵܐ ܪܵܒܵܐ ܒܸܬ ܩܲܒܠܝܼܬܘܿܢ ܡܸܢܝܼ. ܒܘܼܬ ܐܵܗܵܐ، ܚܸܠܡܵܐ ܘܦܘܼܫܵܩܹܗ ܡܲܕܸܥܡܘܼܢ ܠܝܼ.“ 7ܓ̰ܘܼܘܸܒ ܠܗܘܿܢ ܓܵܗܵܐ ܕܬܲܪܬܹܝ ܘܐ݇ܡܝܼܪܗܘܿܢ، ”ܡܲܠܟܵܐ ܚܸܠܡܵܐ ܐܵܡܹܪ ܠܪܹ̈ܓܵܘܵܬܹܗ، ܘܦܘܼܫܵܩܹܗ ܒܸܬ ܡܲܕܥܲܚ.“ 8ܓ̰ܘܼܘܸܒ ܠܹܗ ܡܲܠܟܵܐ ܘܐ݇ܡܝܼܪܹܗ، ”ܫܲܪܝܼܪܵܐܝܼܬ ܒܝܼܕܵܥܵܐ ܝܘܸܢ ܐܵܢܵܐ ܕܥܕܵܢܵܐ ܐܲܚܬܘܿܢ ܒܸܙܒ݂ܵܢܵܐ ܝܬܘܿܢ، ܣܵܒܵܒ ܚܙܹܐ ܠܵܘܟ݂ܘܿܢ ܕܡܩܵܘܝܵܢܵܐ ܝܠܹܗ ܚܲܒܪܝܼ، 9ܕܐܸܢ ܚܸܠܡܵܐ ܠܵܐ ܡܲܕܥܝܼܬܘܿܢ ܠܝܼ، ܐܝܼܬ ܚܕܵܐ ܕܝܵܢܬܵܐ ܥܲܠܵܘܟ݂ܘܿܢ. ܘܗܹܡܸܙܡܵܢ ܕܲܓܵܠܬܵܐ ܘܚܪܝܼܒ݂ܬܵܐ ܬܘܼܚܡܸܢܵܘܟ݂ܘܿܢ ܠܹܐܡܵܪܵܐ ܐܸܠܝܼ ܗܲܠ ܕܩܸܨܲܬ ܫܲܚܠܸܦܵܐ. ܒܘܼܬ ܐܵܗܵܐ، ܚܸܠܡܵܐ ܐ݇ܡܘܿܪܘܼܢ ܠܹܗ ܐܸܠܝܼ، ܕܝܵܕܥܹܢ ܕܐܘܼܦ ܦܘܼܫܵܩܹܗ ܡܵܨܹܝܬܘܿܢ ܕܡܲܕܥܝܼܬܘܿܢ ܠܝܼ.“ 10ܓ̰ܘܼܘܸܒ ܠܗܘܿܢ ܟܲܠܕܵܝܹ̈ܐ ܩܵܕ݇ܡ ܡܲܠܟܵܐ ܘܐ݇ܡܝܼܪܗܘܿܢ، ”ܠܲܝܬ ܐ݇ܢܵܫܵܐ ܥܲܠ ܐܲܪܥܵܐ ܕܡܵܨܹܐ ܠܡܲܕܘܼܥܹܐ ܚܲܒܪܵܐ ܕܡܲܠܟܵܐ؛ ܗܸܟ̃ ܡܲܠܟܵܐ ܓܘܼܪܵܐ ܝܲܢ ܫܲܠܝܼܛܵܐ ܠܹܐ ܝܠܹܗ ܒܘܼܩܪܵܐ ܗܹܡܸܙܡܵܢ ܐܲܝܟ݂ ܕܐܵܗܵܐ ܡ̣ܢ ܗܸܟ̃ ܚܲܪܵܫܵܐ، ܘܐܵܫܘܿܦܵܐ، ܘܟܲܠܕܵܝܵܐ. 11ܘܚܲܒܪܵܐ ܕܒܲܩܘܼܪܹܐ ܝܠܹܗ ܡܲܠܟܵܐ ܝܲܩܘܼܪܹܐ ܝܠܹܗ، ܘܐ݇ܢܵܫܵܐ ܠܲܝܬ ܕܡܲܕܸܥ ܠܹܗ ܩܵܕ݇ܡ ܡܲܠܟܵܐ، ܫܒ݂ܘܿܩ ܡ̣ܢ ܐܲܠܵܗܹ̈ܐ، ܕܡܲܥܡܪܲܝܗܝ ܥܲܡ ܒܢܲܝ̈ ܐ݇ܢܵܫܵܐ ܠܹܐ ܝܠܹܗ.“
12ܣܵܒܵܒ ܐܵܗܵܐ، ܡܲܠܟܵܐ ܟܪܝܼܒ ܠܹܗ ܪܵܒܵܐ ܘܒܚܸܡܬܵܐ ܓܘܼܪܬܵܐ ܐ݇ܡܝܼܪܹܗ ܠܛܲܠܘܼܩܹܐ ܠܟܠܲܝܗܝ ܚܲܟܝܼܡܹ̈ܐ ܕܒܵܒܹܠ. 13ܘܦܘܼܩܕܵܢܵܐ ܦܠܝܼܛ ܠܹܗ ܕܚܲܟܝܼܡܹ̈ܐ ܦܵܝܫܝܼ ܩܛܝܼܠܹܐ؛ ܘܛܥܹܐ ܠܗܘܿܢ ܠܕܵܢܝܼܐܹܝܠ ܘܠܚܲܒ݂ܪ̈ܵܘܵܬܹܗ ܠܸܦܝܵܫܵܐ ܩܛܝܼܠܹܐ.
14ܗ̇ܝܓܵܗ ܕܵܢܝܼܐܹܝܠ ܓ̰ܘܼܘܸܒ ܠܹܗ ܒܬܲܚܡܲܢܬܵܐ ܘܒܡܸܠܟܵܐ ܠܐܵܪܝܼܘܼܟ݂، ܪܲܒ ܕܲܚܫܹ̈ܐ ܕܡܲܠܟܵܐ، ܕܦܠܝܼܛܵܐ ܝܗ݇ܘܵܐ ܠܸܩܛܵܠܵܐ ܠܚܲܟܝܼܡܹ̈ܐ ܕܒܵܒܹܠ. 15ܓ̰ܘܼܘܸܒ ܠܹܗ ܘܐ݇ܡܝܼܪܹܗ ܠܐܵܪܝܼܘܼܟ݂، ܫܲܠܝܼܛܵܐ ܕܡܲܠܟܵܐ، ”ܒܘܼܬ ܡܘܿܕܝܼ ܝܠܹܗ ܡܲܠܟܵܐ ܡܲܠܝܘܼܙܹܐ ܒܦܘܼܩܕܵܢܹܗ؟“ ܗ̇ܝܓܵܗ ܩܸܨܲܬ ܡܘܼܕܸܥ ܠܹܗ ܐܵܪܝܼܘܼܟ݂ ܠܕܵܢܝܼܐܹܝܠ. 16ܘܕܵܢܝܼܐܹܝܠ ܥܒ݂ܝܼܪܹܗ ܘܛܠܝܼܒ ܠܹܗ ܡ̣ܢ ܡܲܠܟܵܐ ܕܝܲܗ݇ܒܸܠ ܐܸܠܹܗ ܥܕܵܢܵܐ ܠܡܲܕܘܼܥܹܐ ܦܘܼܫܵܩܵܐ ܠܡܲܠܟܵܐ.
ܐܲܠܵܗܵܐ ܒܸܓܠܵܝܵܐ ܐ݇ܪܵܙܵܐ ܠܕܵܢܝܼܐܹܝܠ
17ܗ̇ܝܓܵܗ ܕܵܢܝܼܐܹܝܠ ܐ݇ܙܝܼܠ ܠܹܗ ܠܒܲܝܬܹܗ، ܘܡܘܼܕܸܥ ܠܹܗ ܩܸܨܲܬ ܠܚܲܢܲܢܝܵܐ، ܘܡܝܼܫܵܐܹܝܠ، ܘܥܲܙܲܪܝܵܐ، ܚܲܒ݂ܪ̈ܵܘܵܬܹܗ، 18ܕܛܵܠܒܝܼ ܪ̈ܲܚܡܹܐ ܡ̣ܢ ܐܲܠܵܗܵܐ ܕܫܡܲܝܵܐ ܥܲܠ ܕܐܵܗܵܐ ܐ݇ܪܵܙܵܐ، ܕܠܵܐ ܛܵܠܩܝܼ ܕܵܢܝܼܐܹܝܠ ܘܚܲܒ݂ܪ̈ܵܘܵܬܹܗ ܥܲܡ ܫܲܪܟܵܐ ܕܚܲܟܝܼܡܹ̈ܐ ܕܒܵܒܹܠ. 19ܗ̇ܝܓܵܗ ܦܝܼܫ ܠܹܗ ܓܸܠܝܵܐ ܐ݇ܪܵܙܵܐ ܠܕܵܢܝܼܐܹܝܠ ܒܚܸܙܘܵܐ ܕܠܲܝܠܹܐ. ܒܘܼܬ ܐܵܗܵܐ، ܒܘܼܪܸܟ݂ ܠܹܗ ܕܵܢܝܼܐܹܝܠ ܠܐܲܠܵܗܵܐ ܕܫܡܲܝܵܐ.
20ܓ̰ܘܼܘܸܒ ܠܹܗ ܕܵܢܝܼܐܹܝܠ ܘܐ݇ܡܝܼܪܹܗ،
”ܗܵܘܹܐ ܫܸܡܹܗ ܕܐܲܠܵܗܵܐ ܡܒܘܼܪܟ݂ܵܐ ܡ̣ܢ ܥܵܠܲܡ ܘܗܲܠ ܥܵܠܲܡ،
ܣܵܒܵܒ ܚܸܟ݂ܡܬܵܐ ܘܓܲܢ݇ܒܵܪܘܼܬܵܐ ܕܝܼܹܗ ܝܢܵܐ.
21ܘܗ̇ܘ ܟܹܐ ܫܲܚܠܸܦ ܥܕܵܢܹ̈ܐ ܘܙܲܒ݂ܢܹ̈ܐ،
ܟܹܐ ܡܲܢܦܸܠ ܡܲܠܟܹ̈ܐ، ܘܟܹܐ ܡܲܩܸܡ ܡܲܠܟܹ̈ܐ،
ܟܹܐ ܝܲܗ݇ܒܸܠ ܚܸܟ݂ܡܬܵܐ ܠܚܲܟܝܼܡܹ̈ܐ،
ܘܝ݇ܕܲܥܬܵܐ ܠܝܵܕܥܵܢܹ̈ܐ ܕܦܲܪܡܵܝܬܵܐ.
22ܗ̇ܘ ܟܹܐ ܓܵܠܹܐ ܫܘܼܠܵܢܹ̈ܐ ܥܲܡܘܼܩܹ̈ܐ ܘܫܘܼܠܵܢܹ̈ܐ ܛܸܫܝܹ̈ܐ،
ܟܹܐ ܝܵܕܹܥ ܡܘܿܕܝܼ ܝܠܹܗ ܒܚܸܫܟܵܐ،
ܘܒܲܗܪܵܐ ܥܲܡܹܗ ܟܹܐ ܫܵܪܹܐ.
23ܐܸܠܘܼܟ݂، ܝܵܐ ܐܲܠܵܗܵܐ ܕܐܲܒ݂ܵܗܵܬܝܼ̈، ܫܲܟܘܼܪܹܐ ܝܘܸܢ ܘܫܲܒܘܼܚܹܐ ܝܘܸܢ ܐܵܢܵܐ،
ܣܵܒܵܒ ܚܸܟ݂ܡܬܵܐ ܘܓܲܢ݇ܒܵܪܘܼܬܵܐ ܝܘܼܗ݇ܒܸܠ ܠܘܼܟ݂ ܐܸܠܝܼ،
ܘܐܵܕܝܼܵܐ ܩܲܡ ܡܲܕܥܸܬ ܠܝܼ ܡܸܢܕܝܼ ܕܛܠܝܼܒ ܠܲܢ ܡܸܢܘܼܟ݂،
ܕܩܸܨܲܬ ܕܡܲܠܟܵܐ ܩܲܡ ܡܲܕܥܸܬ ܠܲܢ.“
24ܣܵܒܵܒ ܐܵܗܵܐ ܕܵܢܝܼܐܹܝܠ ܥܒ݂ܝܼܪܹܗ ܠܟܸܣ ܐܵܪܝܼܘܼܟ݂، ܗ̇ܘ ܕܡܘܼܬܸܒ݂ ܠܹܗ ܡܲܠܟܵܐ ܠܛܲܠܘܼܩܹܐ ܠܚܲܟܝܼܡܹ̈ܐ ܕܒܵܒܹܠ؛ ܐ݇ܙܝܼܠ ܠܹܗ ܘܗܲܕܟ݂ܵܐ ܐ݇ܡܝܼܪܹܗ ܐܸܠܹܗ، ”ܠܚܲܟܝܼܡܹ̈ܐ ܕܒܵܒܹܠ ܠܵܐ ܛܲܠܩܸܬ. ܡܲܥܒܸܪܝܼ ܩܵܕ݇ܡ ܡܲܠܟܵܐ، ܘܒܸܬ ܡܲܕܥܸܢ ܐܸܠܹܗ ܦܘܼܫܵܩܵܐ.“
25ܗ̇ܝܓܵܗ ܐܵܪܝܼܘܼܟ݂ ܒܡܲܠܝܲܙܬܵܐ ܡܘܼܥܒܸܪܹܗ ܠܕܵܢܝܼܐܹܝܠ ܩܵܕ݇ܡ ܡܲܠܟܵܐ، ܘܗܲܕܟ݂ܵܐ ܐ݇ܡܝܼܪܹܗ ܐܸܠܹܗ، ”ܡܘܼܫ݇ܟ̰ܸܚ ܠܝܼ ܓܲܒ݂ܪܵܐ ܡ̣ܢ ܒܢܲܝ̈ ܓܵܠܘܼܬܵܐ ܕܝܼܗܘܼܕ، ܕܦܘܼܫܵܩܵܐ ܠܡܲܠܟܵܐ ܒܸܬ ܡܲܕܸܥ.“ 26ܓ̰ܘܼܘܸܒ ܠܹܗ ܡܲܠܟܵܐ ܘܐ݇ܡܝܼܪܹܗ ܠܕܵܢܝܼܐܹܝܠ، ܕܫܸܡܹܗ ܝܼܗ݇ܘܵܐ ܒܸܠܛܫܵܨܲܪ، ”ܟܹܐ ܡܵܨܹܝܬ ܠܡܲܕܘܼܥܝܼ ܚܸܠܡܵܐ ܕܚܙܹܐ ܠܝܼ ܘܦܘܼܫܵܩܹܗ؟“ 27ܓ̰ܘܼܘܸܒ ܠܹܗ ܕܵܢܝܼܐܹܝܠ ܩܵܕ݇ܡ ܡܲܠܟܵܐ ܘܐ݇ܡܝܼܪܹܗ، ”ܐ݇ܪܵܙܵܐ ܕܡܲܠܟܵܐ ܒܲܩܘܪܹܐ ܝܠܹܗ، ܠܵܐ ܚܲܟܝܼܡܹ̈ܐ، ܘܠܵܐ ܐܵܫܘܿܦܹ̈ܐ، ܘܠܵܐ ܚܲܪ̈ܵܫܹܐ، ܘܠܵܐ ܩܵܨܘܿܡܹ̈ܐ، ܡܵܨܝܼ ܠܡܲܕܘܼܥܹܐ ܠܡܲܠܟܵܐ، 28ܐܝܼܢܵܐ ܐܝܼܬ ܐܲܠܵܗܵܐ ܒܫܡܲܝܵܐ ܕܟܹܐ ܓܲܠܹܐ ܐ݇ܪ̈ܵܙܹܐ، ܘܡܘܼܕܸܥ ܠܹܗ ܠܡܲܠܟܵܐ ܢܒ݂ܘܼܟܲܕܢܵܨܲܪ ܡܘܿܕܝܼ ܒܸܬ ܗܵܘܹܐ ܒܚܲܪܬܵܐ ܕܝܵܘܡܵܢܹ̈ܐ. ܚܸܠܡܘܼܟ݂ ܘܚܸܙܘܹ̈ܐ ܕܪܹܫܘܼܟ݂ ܟܲܕ ܥܲܠ ܫܘܝܼܬܘܼܟ݂ ܐܵܗܵܐ ܝܠܹܗ: 29ܐܲܢ݇ܬ، ܝܵܐ ܡܲܠܟܵܐ، ܟܲܕ ܥܲܠ ܫܘܝܼܬܘܼܟ݂، ܚܘܼܫܵܒ݂ܘܼ̈ܟ݂ ܐ݇ܣܝܼܩ ܠܗܘܿܢ ܘܨܠܹܐ ܠܗܘܿܢ ܕܡܘܿܕܝܼ ܒܸܬ ܗܵܘܹܐ ܡ̣ܢ ܒܵܬ݇ܪ ܕܐܵܗܵܐ، ܘܓܵܠܝܵܢܵܐ ܕܐ݇ܪ̈ܵܙܹܐ ܩܲܡ ܡܲܕܸܥ ܠܘܼܟ݂ ܡܘܿܕܝܼ ܒܸܬ ܗܵܘܹܐ. 30ܘܐܵܢܵܐ، ܠܵܐ ܦܝܼܫ ܠܹܗ ܓܸܠܝܵܐ ܐܵܗܵܐ ܐ݇ܪܵܙܵܐ ܐܸܠܝܼ ܡܣܵܒܵܒ ܒܘܼܫ ܚܸܟ݂ܡܬܵܐ ܐܝܼܬ ܒܝܼܝܼ ܡ̣ܢ ܟܠܲܝܗܝ ܚܵܝܹ̈ܐ، ܐܸܠܵܐ ܩܵܐ ܕܦܘܼܫܵܩܵܐ ܠܡܲܠܟܵܐ ܦܵܐܹܫ ܡܘܼܕܸܥܵܐ ܘܚܘܼܫܵܒܹ̈ܐ ܕܠܸܒܘܼܟ݂ ܝܵܕܥܹܬ.
ܕܵܢܝܼܐܹܝܠ ܡܲܕܘܼܥܹܐ ܘܦܲܫܘܼܩܹܐ ܚܸܠܡܵܐ ܕܢܒ݂ܘܼܟܲܕܢܵܨܲܪ
31ܐܲܢ݇ܬ، ܝܵܐ ܡܲܠܟܵܐ، ܗܘܹܐ ܠܘܼܟ݂ ܒܸܚܙܵܝܵܐ، ܘܗܵܐ، ܚܲܕ ܨܲܠܡܵܐ ܓܘܼܪܵܐ. ܐܵܗܵܐ ܨܲܠܡܵܐ ܓܘܼܪܵܐ ܝܗ݇ܘܵܐ، ܘܫܲܦ̮ܩܹܗ ܪܵܒܵܐ ܪܵܒܵܐ، ܘܒܸܟܠܵܝܵܐ ܝܗ݇ܘܵܐ ܠܒܲܠܩܘܼܒ݂ܠܘܼܟ݂، ܘܚܸܙܘܹܗ ܣܲܗܡܵܢܵܐ. 32ܗ̇ܘ ܨܲܠܡܵܐ، ܪܹܫܹܗ ܡ̣ܢ ܕܲܗܒ݂ܵܐ ܨܸܦܝܵܐ ܝܗ݇ܘܵܐ، ܨܲܕܪܹܗ ܘܕܪ̈ܲܥܢܵܢܘܼܗܝ ܡ̣ܢ ܣܹܐܡܵܐ، ܟܹܪ݇ܣܹܗ ܘܥܸܛܡܵܬܹ̈ܗ ܡ̣ܢ ܢܚܵܫܵܐ، 33ܫܵܩܵܢܘܼ̈ܗܝ ܡ̣ܢ ܦܪܸܙܠܵܐ، ܐܲܩܠܵܬܹ̈ܗ ܡܸܢܲܝܗܝ ܡ̣ܢ ܦܪܸܙܠܵܐ، ܘܡܸܢܲܝܗܝ ܡ̣ܢ ܦܹܚܵܪܵܐ. 34ܗܘܹܐ ܠܘܼܟ݂ ܒܸܚܙܵܝܵܐ ܘܟܹܐܦܵܐ ܦܝܼܫ ܠܹܗ ܦܪܝܼܡܵܐ ܕܠܵܐ ܒܐܝܼܕܵܬܹ̈ܐ، ܘܡܚܹܐ ܠܹܗ ܠܨܲܠܡܵܐ ܥܲܠ ܐܲܩܠܵܬܹ̈ܗ ܕܦܪܸܙܠܵܐ ܘܕܦܹܚܵܪܵܐ ܘܕܘܼܩܕܸܩܲܝ ܠܹܗ. 35ܗ̇ܝܓܵܗ ܕܘܼܩܕܸܩ ܠܗܘܿܢ ܡܸܚܕܵܕܹ̈ܐ ܦܪܸܙܠܵܐ، ܦܹܚܵܪܵܐ، ܢܚܵܫܵܐ، ܣܹܐܡܵܐ، ܘܕܲܗܒ݂ܵܐ، ܘܗܘܹܐ ܠܗܘܿܢ ܐܲܝܟ݂ ܬܸܒ݂ܢܵܐ ܕܡ̣ܢ ܒܸܐܕܪ̈ܵܬܹܐ ܕܩܲܝܛܵܐ، ܘܕܘܼܪܝܲܝ ܠܹܗ ܦܵܘܚܵܐ، ܘܫܵܘܦܲܝܗܝ ܠܵܐ ܡܘܼܒܝܸܢܹܗ ܐ݇ܚܹܪ݇ܢܵܐ. ܘܟܹܐܦܵܐ ܕܡܚܹܐ ܠܹܗ ܠܨܲܠܡܵܐ، ܗܘܹܐ ܠܹܗ ܛܘܼܪܵܐ ܓܘܼܪܵܐ، ܘܡܠܹܐ ܠܵܗ̇ ܟܠܵܗ̇ ܐܲܪܥܵܐ. 36ܐܵܗܵܐ ܝܠܹܗ ܚܸܠܡܵܐ، ܘܦܘܼܫܵܩܹܗ ܒܸܬ ܐܵܡܪܲܚ ܠܡܲܠܟܵܐ.
37ܐܲܢ݇ܬ، ܝܵܐ ܡܲܠܟܵܐ، ܡܲܠܟܵܐ ܕܡܲܠܟܹ̈ܐ ܝܘܸܬ، ܕܐܲܠܵܗܵܐ ܕܫܡܲܝܵܐ ܝܘܼܗ݇ܒܸܠ ܠܹܗ ܐܸܠܘܼܟ݂ ܡܲܠܟܘܼܬܵܐ، ܚܲܝܠܵܐ، ܥܘܼܫܢܵܐ، ܘܐܝܼܩܵܪܵܐ، 38ܘܒܟܠ ܕܘܼܟܵܐ ܕܥܵܡܪܝܼ ܒܢܲܝ̈ ܐ݇ܢܵܫܵܐ، ܚܲܝܘܬܵܐ ܕܒܲܪܝܼܵܐ، ܘܦܵܪܲܚܬܵܐ ܕܫܡܲܝܵܐ، ܝܘܼܗ݇ܒܸܠ ܠܹܗ ܒܐܝܼܕܘܼܟ݂، ܘܩܲܡ ܥܵܒܹܕ ܠܘܼܟ݂ ܫܲܠܝܼܛܵܐ ܥܲܠ ܟܠܲܝܗܝ–ܐܲܢ݇ܬ ܝܼܘܸܬ ܗ̇ܘ ܪܹܫܵܐ ܕܕܲܗܒ݂ܵܐ. 39ܘܒܵܬ݇ܪܘܼܟ݂ ܒܸܬ ܩܵܝܡܵܐ ܡܲܠܟܘܼܬܵܐ ܐ݇ܚܹܪ݇ܬܵܐ، ܟܘܼܦܬܵܐ ܡܸܢܘܼܟ݂، ܘܒܵܬ݇ܪ ܗܵܕܵܐ ܡܲܠܟܘܼܬܵܐ ܐ݇ܚܹܪ݇ܬܵܐ، ܬܠܝܼܬܵܝܬܵܐ، ܕܢܚܵܫܵܐ، ܕܒܸܬ ܗܲܟܡܵܐ ܥܲܠ ܟܠܵܗ̇ ܐܲܪܥܵܐ. 40ܘܡܲܠܟܘܼܬܵܐ ܪܒ݂ܝܼܥܵܝܬܵܐ ܒܸܬ ܗܵܘܝܵܐ ܙܲܪܒܵܢܬܵܐ ܐܲܝܟ݂ ܦܪܸܙܠܵܐ، ܣܵܒܵܒ ܦܪܸܙܠܵܐ ܟܹܐ ܕܲܩܕܸܩ ܘܚܵܫܹܠ ܟܠ؛ ܘܐܲܝܟ݂ ܦܪܸܙܠܵܐ ܕܛܵܒܹܚ، ܗܲܕܟ݂ܵܐ ܠܟܠܲܝܗܝ ܐܲܢܹܐ ܒܸܬ ܕܲܩܕܸܩܵܐ ܘܒܸܬ ܛܵܒ݂ܚܵܐ. 41ܘܕܵܐܟ݂ܝܼ ܕܚܙܹܐ ܠܘܼܟ݂ ܐܲܩܠܵܬܹ̈ܐ ܘܨܸܒܥܵܬܹ̈ܐ ܡܸܢܲܝܗܝ ܡ̣ܢ ܛܝܼܢܵܐ ܕܦܲܚܵܪܵܐ، ܘܡܸܢܲܝܗܝ ܡ̣ܢ ܦܪܸܙܠܵܐ، ܗܲܕܟ݂ܵܐ، ܡܲܠܟܘܼܬܵܐ ܦܘܼܠܸܥܬܵܐ ܒܸܬ ܗܵܘܝܵܐ، ܐܝܼܢܵܐ ܣܵܗܡܵܐ ܡܸܢܘܼܗ̇ ܒܸܬ ܗܵܘܝܵܐ ܡ̣ܢ ܩܸܘܝܘܼܬܵܐ ܕܦܪܸܙܠܵܐ، ܕܵܐܟ݂ܝܼ ܕܚܙܹܐ ܠܘܼܟ݂ ܦܪܸܙܠܵܐ ܚܒ݂ܝܼܛܵܐ ܒܦܹܚܵܪܵܐ ܕܛܝܼܢܵܐ. 42ܘܨܸܒܥܵܬܹ̈ܐ ܕܐܲܩܠܵܬܹ̈ܐ ܡܸܢܲܝܗܝ ܕܦܪܸܙܠܵܐ ܘܡܸܢܲܝܗܝ ܕܦܹܚܵܪܵܐ، ܗܲܕܟ݂ܵܐ ܡܲܠܟܘܼܬܵܐ ܒܸܬ ܗܵܘܝܵܐ ܡܸܢܘܼܗ̇ ܙܲܪܒܵܢܬܵܐ ܘܡܸܢܘܼܗ̇ ܡܸܬܬܲܒ݂ܪܵܢܬܵܐ. 43ܘܕܵܐܟ݂ܝܼ ܕܚܙܹܐ ܠܘܼܟ݂ ܦܪܸܙܠܵܐ ܚܒ݂ܝܼܛܵܐ ܒܦܹܚܵܪܵܐ ܕܛܝܼܢܵܐ، ܗܲܕܟ݂ܵܐ ܒܸܬ ܚܵܒ݂ܛܝܼ ܓܵܢܲܝܗܝ ܒܓܒ݂ܵܪܵܐ، ܐܝܼܢܵܐ ܠܹܐ ܬܵܒܥܝܼ ܠܚܕܵܕܹ̈ܐ ܐܲܝܟ݂ ܕܦܪܸܙܠܵܐ ܠܹܐ ܚܵܒܹܛ ܥܲܡ ܦܹܚܵܪܵܐ. 44ܘܒܝܵܘܡܵܢܹ̈ܐ ܕܐܵܢܝܼ ܡܲܠܟܹ̈ܐ، ܒܸܬ ܡܲܩܸܡ ܐܲܠܵܗܵܐ ܕܫܡܲܝܵܐ ܡܲܠܟܘܼܬܵܐ ܕܠܥܵܠܡܝܼܢ ܕܠܹܐ ܚܵܪܒ݂ܵܐ، ܘܗ̇ܝ ܡܲܠܟܘܼܬܵܐ ܠܥܲܡܵܐ ܐ݇ܚܹܪ݇ܢܵܐ ܠܹܐ ܦܵܝܫܵܐ ܫܒ݂ܝܼܩܬܵܐ، ܘܒܸܬ ܕܲܩܕܸܩܵܐ ܘܛܲܠܩܵܐ ܟܠܲܝܗܝ ܐܲܢܹܐ ܡܲܠܟܘܵܬܹ̈ܐ، ܘܗ̇ܝ ܒܸܬ ܟܵܠܝܵܐ ܠܥܵܠܲܡ، 45ܕܵܐܟ݂ܝܼ ܕܚܙܹܐ ܠܘܼܟ݂ ܕܡ̣ܢ ܛܘܼܪܵܐ ܦܝܼܫ ܠܹܗ ܦܪܝܼܡܵܐ ܟܹܐܦܵܐ ܕܠܵܐ ܒܐܝܼܕܵܬܹ̈ܐ، ܘܕܘܼܩܕܸܩ ܠܹܗ ܦܪܸܙܠܵܐ، ܘܢܚܵܫܵܐ، ܘܦܹܚܵܪܵܐ، ܘܣܹܐܡܵܐ، ܘܕܲܗܒ݂ܵܐ. ܐܲܠܵܗܵܐ ܓܘܼܪܵܐ ܡܘܼܕܸܥ ܠܹܗ ܠܡܲܠܟܵܐ ܡܸܢܕܝܼ ܕܒܸܬ ܗܵܘܹܐ ܒܵܬ݇ܪ ܕܐܵܗܵܐ، ܘܫܲܪܝܼܪܵܐ ܝܠܹܗ ܚܸܠܡܵܐ، ܘܡܗܘܼܡܢܵܐ ܦܘܼܫܵܩܹܗ.“
ܡܲܠܟܵܐ ܢܒ݂ܘܼܟܲܕܢܵܨܲܪ ܡܲܐܣܘܼܩܹܐ ܠܕܲܪ̈ܓܹܐ ܕܕܵܢܝܼܐܹܝܠ ܘܚܲܒ݂ܪ̈ܵܘܵܬܹܗ
46ܗ̇ܝܓܵܗ ܡܲܠܟܵܐ ܢܒ݂ܘܼܟܲܕܢܵܨܲܪ ܢܦܝܼܠ ܠܹܗ ܥܲܠ ܦܵܬܹܗ، ܘܣܓ݂ܝܼܕ ܠܹܗ ܠܕܵܢܝܼܐܹܝܠ، ܘܦܩܝܼܕ ܠܹܗ ܠܡܲܩܪܘܼܒܹܐ ܩܘܼܪܒܵܢܵܐ ܘܒܸܣܡܹ̈ܐ ܐܸܠܹܗ. 47ܓ̰ܘܼܘܸܒ ܠܹܗ ܡܲܠܟܵܐ ܠܕܵܢܝܼܐܹܝܠ ܘܐ݇ܡܝܼܪܹܗ، ”ܒܫܲܪܝܼܪܘܼܬܵܐ، ܐܲܠܵܗܵܘܟ݂ܘܿܢ ܗ̇ܘ ܝܼܠܹܗ ܐܲܠܵܗܵܐ ܕܐܲܠܵܗܹ̈ܐ، ܘܡܵܪܵܐ ܕܡܲܠܟܹ̈ܐ، ܘܓܵܠܝܵܢܵܐ ܕܐ݇ܪ̈ܵܙܹܐ، ܕܡܨܹܐ ܠܘܼܟ݂ ܠܸܓܠܵܝܵܐ ܐܵܗܵܐ ܐ݇ܪܵܙܵܐ.“ 48ܗ̇ܝܓܵܗ ܡܲܠܟܵܐ ܠܕܵܢܝܼܐܹܝܠ ܥܒ݂ܝܼܕ ܠܹܗ ܓܘܼܪܵܐ، ܘܡܵܘܗܒ݂ܵܬܹ̈ܐ ܓܘܼܪܹ̈ܐ ܪܵܒܵܐ ܝܘܼܗ݇ܒܸܠ ܠܹܗ ܐܸܠܹܗ، ܘܥܒ݂ܝܼܕ ܠܹܗ ܫܲܠܝܼܛܵܐ ܥܲܠ ܟܠܹܗ ܐܘܼܚܕܵܢܵܐ ܕܒܵܒܹܠ، ܘܪܲܒ ܫܲܠܝܼܛܹ̈ܐ ܥܲܠ ܟܠܲܝܗܝ ܚܲܟܝܼܡܹ̈ܐ ܕܒܵܒܹܠ. 49ܘܕܵܢܝܼܐܹܝܠ ܛܠܝܼܒ ܠܹܗ ܡ̣ܢ ܡܲܠܟܵܐ، ܘܡܘܼܬܸܒ݂ ܠܹܗ ܡܲܠܟܵܐ ܠܫܸܕܪܵܟ، ܘܡܝܼܫܵܟ، ܘܥܒܸܕܢܵܓ݂ܘܼ ܥܲܠ ܚܸܠܡܲܬ ܕܐܘܼܚܕܵܢܵܐ ܕܒܵܒܹܠ، ܐܝܼܢܵܐ ܕܵܢܝܼܐܹܝܠ ܒܬܲܪܥܵܐ ܕܡܲܠܟܵܐ ܝܗ݇ܘܵܐ.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Aramaic Bible Translation Assyrian Bible © 2025 Aramaic Bible Translation