ܕܢܝܐܝܠ 1
1
ܕܵܢܝܼܐܹܝܠ ܘܚܲܒ݂ܪ̈ܵܘܵܬܹܗ ܒܒܵܒܹܠ
1ܒܫܹܢ݇ܬܵܐ ܕܬܠܵܬ ܕܡܲܠܟܘܼܬܵܐ ܕܝܘܿܝܵܩܝܼܡ ܡܲܠܟܵܐ ܕܝܼܗܘܼܕܵܐ، ܐ݇ܬܹܐ ܠܹܗ ܢܒ݂ܘܼܟܲܕܢܵܨܲܪ ܡܲܠܟܵܐ ܕܒܵܒܹܠ ܠܐܘܿܪܸܫܠܸܡ، ܘܚܘܼܪܕܝܼܵܐ ܠܹܗ. 2ܘܣܘܼܦܹܐ ܠܹܗ ܡܵܪܝܵܐ ܒܐܝܼܕܹܗ ܠܝܘܿܝܵܩܝܼܡ ܡܲܠܟܵܐ ܕܝܼܗܘܼܕܵܐ، ܘܚܲܕ ܣܵܗܡܵܐ ܡ̣ܢ ܡܵܐܢܹ̈ܐ ܕܒܲܝܬܵܐ ܕܐܲܠܵܗܵܐ، ܘܡܘܼܐܬܲܝ ܠܹܗ ܠܐܲܪܥܵܐ ܕܣܸܢܥܵܪ، ܠܒܲܝܬܵܐ ܕܐܲܠܵܗܹܗ، ܘܡܵܐܢܹ̈ܐ ܡܘܼܥܒܸܪܲܝ ܠܹܗ ܠܒܹܝܬ ܓܲܙܵܐ ܕܐܲܠܵܗܹܗ.
3ܘܦܩܝܼܕ ܠܹܗ ܡܲܠܟܵܐ ܠܐܲܫܦܢܲܙ، ܪܲܒ ܡܗܲܝܡܢܘܼ̈ܗܝ، ܕܡܲܝܬܹܐ ܡ̣ܢ ܒܢܲܝ̈ ܝܼܣܪܵܝܹܠ، ܘܡ̣ܢ ܙܲܪܥܵܐ ܕܡܲܠܟܘܼܬܵܐ، ܘܡ̣ܢ ܢܲܨܝܼܚܹ̈ܐ، 4ܝܵܠܹ̈ܕ݇ܐ ܕܠܲܝܬ ܒܝܼܲܝܗܝ ܗܸܟ̃ ܡܘܼܡܵܐ، ܘܫܲܦܝܼܪܹ̈ܐ ܒܚܸܙܘܵܐ، ܘܗܵܘܢܵܢܹ̈ܐ ܒܟܠܵܗ̇ ܚܸܟ݂ܡܬܵܐ، ܘܝܵܕܥܵܢܹ̈ܐ ܕܝ݇ܕܲܥܬܵܐ، ܘܦܲܪ̈ܡܝܼܵܢܹܐ ܕܝܘܼܠܦܵܢܵܐ، ܘܕܐܝܼܬ ܡܨܵܝܬܵܐ ܒܝܼܲܝܗܝ ܠܸܟܠܵܝܵܐ ܒܒܲܝܬܵܐ ܕܡܲܠܟܵܐ، ܠܡܲܠܘܼܦܲܝ ܣܸܦܪܵܝܘܼܬܵܐ ܘܠܸܫܵܢܵܐ ܕܟܲܠܕܵܝܹ̈ܐ. 5ܘܪܫܝܼܡ ܠܹܗ ܐܸܠܲܝܗܝ ܡܲܠܟܵܐ ܪܸܙܩܵܐ ܕܝܵܘܡܵܐ ܒܝܵܘܡܹܗ، ܡ̣ܢ ܛܲܥܡܵܬܹ̈ܐ ܕܡܲܠܟܵܐ، ܘܡ̣ܢ ܚܲܡܪܵܐ ܕܫܬܵܝܬܹܗ، ܠܓܲܪܘܘܼܣܲܝ ܬܠܵܬ ܫܸܢܹ̈ܐ، ܘܒܚܲܪܬܵܐ ܟܵܠܝܼ ܩܵܕ݇ܡ ܡܲܠܟܵܐ. 6ܘܗܘܹܐ ܠܗܘܿܢ ܓܵܘܲܝܗܝ ܡ̣ܢ ܒܢܲܝ̈ ܝܼܗܘܼܕܵܐ، ܕܵܢܝܼܐܹܝܠ، ܘܚܲܢܲܢܝܵܐ، ܘܡܝܼܫܵܐܹܝܠ، ܘܥܲܙܲܪܝܵܐ. 7ܘܡܘܼܬܸܒ݂ ܠܹܗ ܐܸܠܲܝܗܝ ܪܲܒ ܡܗܲܝܡܢܹ̈ܐ ܫܸܡܵܢܹ̈ܐ، ܘܩܪܹܐ ܠܹܗ ܠܕܵܢܝܼܐܹܝܠ ܒܸܠܛܫܵܨܲܪ، ܘܠܚܲܢܲܢܝܵܐ ܫܸܕܪܵܟ، ܘܠܡܝܼܫܵܐܹܝܠ ܡܝܼܫܵܟ، ܘܠܥܲܙܲܪܝܵܐ ܥܒܸܕܢܵܓ݂ܘܼ.
8ܘܡܘܼܬܸܒ݂ ܠܹܗ ܕܵܢܝܼܐܹܝܠ ܒܠܸܒܹܗ ܕܠܵܐ ܡܛܲܡܐܹܐ ܓܵܢܹܗ ܒܛܲܡܥܵܬܹ̈ܐ ܕܡܲܠܟܵܐ، ܘܒܚܲܡܪܵܐ ܕܫܬܵܝܬܹܗ؛ ܘܛܠܝܼܒ ܠܹܗ ܡ̣ܢ ܪܲܒ ܡܗܲܝܡܢܹ̈ܐ ܕܠܵܐ ܡܛܲܡܐܹܐ ܗ݇ܘܵܐ ܓܵܢܹܗ. 9ܘܝܘܼܗ݇ܒܸܠ ܠܹܗ ܐܲܠܵܗܵܐ ܠܕܵܢܝܼܐܹܝܠ ܫܵܦܵܩܲܬ ܘܪ̈ܲܚܡܹܐ ܩܵܕ݇ܡ ܪܲܒ ܡܗܲܝܡܢܹ̈ܐ. 10ܘܐ݇ܡܝܼܪܹܗ ܪܲܒ ܡܗܲܝܡܢܹ̈ܐ ܠܕܵܢܝܼܐܹܝܠ، ”ܒܸܙܕܵܥܵܐ ܝܘܸܢ ܐܵܢܵܐ ܡ̣ܢ ܡܵܪܝܼ ܡܲܠܟܵܐ، ܗ̇ܘ ܕܪܫܝܼܡ ܠܹܗ ܐ݇ܟ݂ܵܠܬܵܘܟ݂ܘܿܢ ܘܫܬܵܝܬܵܘܟ݂ܘܿܢ. ܩܵܡܘܿܕܝܼ ܚܵܙܹܐ ܦܵܬܘܵܬܵܘ̈ܟ݂ܘܿܢ ܒܘܼܫ ܚܘܼܠܩܵܢܹ̈ܐ ܡ̣ܢ ܝܵܠܹ̈ܕ݇ܐ ܕܒܫܸܢܵܘ̈ܟ݂ܘܿܢ، ܘܦܵܪܹܡ ܠܹܗ ܪܹܫܝܼ ܡܲܠܟܵܐ؟“ 11ܐܝܼܢܵܐ ܐ݇ܡܝܼܪܹܗ ܕܵܢܝܼܐܹܝܠ ܠܡܲܠܨܵܪ، ܗ̇ܘ ܕܡܘܼܬܸܒ݂ ܠܹܗ ܪܲܒ ܡܗܲܝܡܢܹ̈ܐ ܥܲܠ ܕܵܢܝܼܐܹܝܠ، ܘܚܲܢܲܢܝܵܐ، ܘܡܝܼܫܵܐܹܝܠ، ܘܥܲܙܲܪܝܵܐ، 12”ܓ̰ܲܪܸܒ ܠܪܹ̈ܓܵܘܵܬܘܼܟ݂ ܥܸܣܪܵܐ ܝܵܘܡܵܢܹ̈ܐ، ܘܝܵܗ݇ܒ݂ܝܼ ܠܲܢ ܡܸܢܕܝܼܵܢܹ̈ܐ ܙܪ̈ܝܼܥܹܐ ܠܹܐܟ݂ܵܠܵܐ، ܘܡ̈ܝܼܵܐ ܠܸܫܬܵܝܵܐ. 13ܘܦܵܝܫܝܼ ܚܸܙܝܹܐ ܩܵܕ݇ܡܘܼܟ݂ ܚܸܙ̈ܘܲܢ، ܘܚܸܙܘܹ̈ܐ ܕܝܵܠܹ̈ܕ݇ܐ ܕܒܹܐܟ݂ܵܠܵܐ ܝܢܵܐ ܛܲܥܡܵܬܹ̈ܐ ܕܡܲܠܟܵܐ، ܘܐܲܝܟ݂ ܕܚܵܙܹܝܬ ܥܒ݂ܘܿܕ ܥܲܡ ܪܹ̈ܓܵܘܵܬܘܼܟ݂.“ 14ܘܫܡܝܼܥ ܠܹܗ ܐܸܠܲܝܗܝ ܒܐܵܗܵܐ ܚܲܒܪܵܐ، ܘܓ̰ܘܼܪܒܲܝ ܠܹܗ ܥܸܣܪܵܐ ܝܵܘܡܵܢܹ̈ܐ. 15ܘܒܚܲܪܬܵܐ ܕܥܸܣܪܵܐ ܝܘܵܡܵܢܹ̈ܐ ܦܝܼܫ ܠܗܘܿܢ ܚܸܙܝܹܐ ܚܸܙܘܲܝ̈ܗܝ ܒܘܼܫ ܫܲܦܝܼܪܹ̈ܐ ܘܦܲܓ݂ܪܵܢܵܐܝܼܬ ܒܘܼܫ ܡܸܠܝܹܐ ܡ̣ܢ ܟܠܲܝܗܝ ܝܵܠܹ̈ܕ݇ܐ ܕܒܹܐܟ݂ܵܠܵܐ ܝܗ݇ܘܵܘ ܛܲܥܡܵܬܹ̈ܐ ܕܡܲܠܟܵܐ. 16ܘܗܘܹܐ ܠܹܗ ܡܲܠܨܵܪ ܒܸܫܩܵܠܵܐ ܛܲܥܡܵܬܲܝ̈ܗܝ ܘܚܲܡܪܵܐ ܕܫܬܵܝܬܲܝܗܝ، ܘܒܝܼܵܗ݇ܒ݂ܵܐ ܐܸܠܲܝܗܝ ܡܸܢܕܝܼܵܢܹ̈ܐ ܙܪ̈ܝܼܥܹܐ.
17ܘܐܲܢܹܐ ܝܵܠܹ̈ܕ݇ܐ ܐܲܪܒܥܘܿܢܬܲܝܗܝ، ܝܘܼܗ݇ܒܸܠ ܠܹܗ ܐܸܠܲܝܗܝ ܐܲܠܵܗܵܐ ܝܘܼܠܦܵܢܵܐ ܘܦܲܪܡܵܝܬܵܐ ܒܟܠ ܣܸܦܪܵܝܘܼܬܵܐ ܘܚܸܟ݂ܡܬܵܐ، ܘܕܵܢܝܼܐܹܝܠ ܦܘܼܪܡܹܐ ܠܹܗ ܟܠܲܝܗܝ ܚܸܙܘܹ̈ܐ ܘܚܸܠܡܹ̈ܐ. 18ܘܒܚܲܪܬܵܐ ܕܝܵܘܡܵܢܹ̈ܐ ܕܦܩܝܼܕܵܐ ܝܗ݇ܘܵܐ ܡܲܠܟܵܐ ܠܡܲܝܬܘܼܝܲܝ، ܡܘܼܐܬܝܲܝ ܠܹܗ ܪܲܒ ܡܗܲܝܡܢܹ̈ܐ ܩܵܕ݇ܡ ܢܒ݂ܘܼܟܲܕܢܵܨܲܪ. 19ܘܗܘܼܡܙܸܡ ܠܹܗ ܥܲܡܲܝܗܝ ܡܲܠܟܵܐ، ܘܠܵܐ ܡܫ݇ܟ̰ܝܼܚ ܠܹܗ ܒܹܝܠ ܟܠܲܝܗܝ ܝܵܠܹ̈ܕ݇ܐ ܐܲܝܟ݂ ܕܵܢܝܼܐܹܝܠ، ܘܚܲܢܲܢܝܵܐ، ܘܡܝܼܫܵܐܹܝܠ، ܘܥܲܙܲܪܝܵܐ. ܘܟܠܹܐ ܠܗܘܿܢ ܩܵܕ݇ܡ ܡܲܠܟܵܐ. 20ܘܟܠ ܚܲܒܪܵܐ ܕܚܸܟ̣ܡܬܵܐ ܘܦܲܪܡܵܝܬܵܐ ܕܒܘܼܩܸܪܹܗ ܡܸܢܲܝܗܝ ܡܲܠܟܵܐ، ܡܘܼܫ݇ܟ̰ܚܲܝ ܠܹܗ ܥܣܲܪ ܬܵܩܹ̈ܐ ܥܲܠ ܟܠܲܝܗܝ ܚܲܪ̈ܵܫܹܐ ܘܐܵܫܘܿܦܹ̈ܐ ܕܓܵܘ ܟܠܵܗ̇ ܡܲܠܟܘܼܬܹܗ. 21ܘܗܘܹܐ ܠܹܗ ܕܵܢܝܼܐܹܝܠ ܗܲܠ ܫܹܢ݇ܬܵܐ ܕܚܕܵܐ ܠܟܘܿܪܸܫ ܡܲܠܟܵܐ.
လက္ရွိေရြးခ်ယ္ထားမွု
ܕܢܝܐܝܠ 1: ABTAB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Aramaic Bible Translation Assyrian Bible © 2025 Aramaic Bible Translation
ܕܢܝܐܝܠ 1
1
ܕܵܢܝܼܐܹܝܠ ܘܚܲܒ݂ܪ̈ܵܘܵܬܹܗ ܒܒܵܒܹܠ
1ܒܫܹܢ݇ܬܵܐ ܕܬܠܵܬ ܕܡܲܠܟܘܼܬܵܐ ܕܝܘܿܝܵܩܝܼܡ ܡܲܠܟܵܐ ܕܝܼܗܘܼܕܵܐ، ܐ݇ܬܹܐ ܠܹܗ ܢܒ݂ܘܼܟܲܕܢܵܨܲܪ ܡܲܠܟܵܐ ܕܒܵܒܹܠ ܠܐܘܿܪܸܫܠܸܡ، ܘܚܘܼܪܕܝܼܵܐ ܠܹܗ. 2ܘܣܘܼܦܹܐ ܠܹܗ ܡܵܪܝܵܐ ܒܐܝܼܕܹܗ ܠܝܘܿܝܵܩܝܼܡ ܡܲܠܟܵܐ ܕܝܼܗܘܼܕܵܐ، ܘܚܲܕ ܣܵܗܡܵܐ ܡ̣ܢ ܡܵܐܢܹ̈ܐ ܕܒܲܝܬܵܐ ܕܐܲܠܵܗܵܐ، ܘܡܘܼܐܬܲܝ ܠܹܗ ܠܐܲܪܥܵܐ ܕܣܸܢܥܵܪ، ܠܒܲܝܬܵܐ ܕܐܲܠܵܗܹܗ، ܘܡܵܐܢܹ̈ܐ ܡܘܼܥܒܸܪܲܝ ܠܹܗ ܠܒܹܝܬ ܓܲܙܵܐ ܕܐܲܠܵܗܹܗ.
3ܘܦܩܝܼܕ ܠܹܗ ܡܲܠܟܵܐ ܠܐܲܫܦܢܲܙ، ܪܲܒ ܡܗܲܝܡܢܘܼ̈ܗܝ، ܕܡܲܝܬܹܐ ܡ̣ܢ ܒܢܲܝ̈ ܝܼܣܪܵܝܹܠ، ܘܡ̣ܢ ܙܲܪܥܵܐ ܕܡܲܠܟܘܼܬܵܐ، ܘܡ̣ܢ ܢܲܨܝܼܚܹ̈ܐ، 4ܝܵܠܹ̈ܕ݇ܐ ܕܠܲܝܬ ܒܝܼܲܝܗܝ ܗܸܟ̃ ܡܘܼܡܵܐ، ܘܫܲܦܝܼܪܹ̈ܐ ܒܚܸܙܘܵܐ، ܘܗܵܘܢܵܢܹ̈ܐ ܒܟܠܵܗ̇ ܚܸܟ݂ܡܬܵܐ، ܘܝܵܕܥܵܢܹ̈ܐ ܕܝ݇ܕܲܥܬܵܐ، ܘܦܲܪ̈ܡܝܼܵܢܹܐ ܕܝܘܼܠܦܵܢܵܐ، ܘܕܐܝܼܬ ܡܨܵܝܬܵܐ ܒܝܼܲܝܗܝ ܠܸܟܠܵܝܵܐ ܒܒܲܝܬܵܐ ܕܡܲܠܟܵܐ، ܠܡܲܠܘܼܦܲܝ ܣܸܦܪܵܝܘܼܬܵܐ ܘܠܸܫܵܢܵܐ ܕܟܲܠܕܵܝܹ̈ܐ. 5ܘܪܫܝܼܡ ܠܹܗ ܐܸܠܲܝܗܝ ܡܲܠܟܵܐ ܪܸܙܩܵܐ ܕܝܵܘܡܵܐ ܒܝܵܘܡܹܗ، ܡ̣ܢ ܛܲܥܡܵܬܹ̈ܐ ܕܡܲܠܟܵܐ، ܘܡ̣ܢ ܚܲܡܪܵܐ ܕܫܬܵܝܬܹܗ، ܠܓܲܪܘܘܼܣܲܝ ܬܠܵܬ ܫܸܢܹ̈ܐ، ܘܒܚܲܪܬܵܐ ܟܵܠܝܼ ܩܵܕ݇ܡ ܡܲܠܟܵܐ. 6ܘܗܘܹܐ ܠܗܘܿܢ ܓܵܘܲܝܗܝ ܡ̣ܢ ܒܢܲܝ̈ ܝܼܗܘܼܕܵܐ، ܕܵܢܝܼܐܹܝܠ، ܘܚܲܢܲܢܝܵܐ، ܘܡܝܼܫܵܐܹܝܠ، ܘܥܲܙܲܪܝܵܐ. 7ܘܡܘܼܬܸܒ݂ ܠܹܗ ܐܸܠܲܝܗܝ ܪܲܒ ܡܗܲܝܡܢܹ̈ܐ ܫܸܡܵܢܹ̈ܐ، ܘܩܪܹܐ ܠܹܗ ܠܕܵܢܝܼܐܹܝܠ ܒܸܠܛܫܵܨܲܪ، ܘܠܚܲܢܲܢܝܵܐ ܫܸܕܪܵܟ، ܘܠܡܝܼܫܵܐܹܝܠ ܡܝܼܫܵܟ، ܘܠܥܲܙܲܪܝܵܐ ܥܒܸܕܢܵܓ݂ܘܼ.
8ܘܡܘܼܬܸܒ݂ ܠܹܗ ܕܵܢܝܼܐܹܝܠ ܒܠܸܒܹܗ ܕܠܵܐ ܡܛܲܡܐܹܐ ܓܵܢܹܗ ܒܛܲܡܥܵܬܹ̈ܐ ܕܡܲܠܟܵܐ، ܘܒܚܲܡܪܵܐ ܕܫܬܵܝܬܹܗ؛ ܘܛܠܝܼܒ ܠܹܗ ܡ̣ܢ ܪܲܒ ܡܗܲܝܡܢܹ̈ܐ ܕܠܵܐ ܡܛܲܡܐܹܐ ܗ݇ܘܵܐ ܓܵܢܹܗ. 9ܘܝܘܼܗ݇ܒܸܠ ܠܹܗ ܐܲܠܵܗܵܐ ܠܕܵܢܝܼܐܹܝܠ ܫܵܦܵܩܲܬ ܘܪ̈ܲܚܡܹܐ ܩܵܕ݇ܡ ܪܲܒ ܡܗܲܝܡܢܹ̈ܐ. 10ܘܐ݇ܡܝܼܪܹܗ ܪܲܒ ܡܗܲܝܡܢܹ̈ܐ ܠܕܵܢܝܼܐܹܝܠ، ”ܒܸܙܕܵܥܵܐ ܝܘܸܢ ܐܵܢܵܐ ܡ̣ܢ ܡܵܪܝܼ ܡܲܠܟܵܐ، ܗ̇ܘ ܕܪܫܝܼܡ ܠܹܗ ܐ݇ܟ݂ܵܠܬܵܘܟ݂ܘܿܢ ܘܫܬܵܝܬܵܘܟ݂ܘܿܢ. ܩܵܡܘܿܕܝܼ ܚܵܙܹܐ ܦܵܬܘܵܬܵܘ̈ܟ݂ܘܿܢ ܒܘܼܫ ܚܘܼܠܩܵܢܹ̈ܐ ܡ̣ܢ ܝܵܠܹ̈ܕ݇ܐ ܕܒܫܸܢܵܘ̈ܟ݂ܘܿܢ، ܘܦܵܪܹܡ ܠܹܗ ܪܹܫܝܼ ܡܲܠܟܵܐ؟“ 11ܐܝܼܢܵܐ ܐ݇ܡܝܼܪܹܗ ܕܵܢܝܼܐܹܝܠ ܠܡܲܠܨܵܪ، ܗ̇ܘ ܕܡܘܼܬܸܒ݂ ܠܹܗ ܪܲܒ ܡܗܲܝܡܢܹ̈ܐ ܥܲܠ ܕܵܢܝܼܐܹܝܠ، ܘܚܲܢܲܢܝܵܐ، ܘܡܝܼܫܵܐܹܝܠ، ܘܥܲܙܲܪܝܵܐ، 12”ܓ̰ܲܪܸܒ ܠܪܹ̈ܓܵܘܵܬܘܼܟ݂ ܥܸܣܪܵܐ ܝܵܘܡܵܢܹ̈ܐ، ܘܝܵܗ݇ܒ݂ܝܼ ܠܲܢ ܡܸܢܕܝܼܵܢܹ̈ܐ ܙܪ̈ܝܼܥܹܐ ܠܹܐܟ݂ܵܠܵܐ، ܘܡ̈ܝܼܵܐ ܠܸܫܬܵܝܵܐ. 13ܘܦܵܝܫܝܼ ܚܸܙܝܹܐ ܩܵܕ݇ܡܘܼܟ݂ ܚܸܙ̈ܘܲܢ، ܘܚܸܙܘܹ̈ܐ ܕܝܵܠܹ̈ܕ݇ܐ ܕܒܹܐܟ݂ܵܠܵܐ ܝܢܵܐ ܛܲܥܡܵܬܹ̈ܐ ܕܡܲܠܟܵܐ، ܘܐܲܝܟ݂ ܕܚܵܙܹܝܬ ܥܒ݂ܘܿܕ ܥܲܡ ܪܹ̈ܓܵܘܵܬܘܼܟ݂.“ 14ܘܫܡܝܼܥ ܠܹܗ ܐܸܠܲܝܗܝ ܒܐܵܗܵܐ ܚܲܒܪܵܐ، ܘܓ̰ܘܼܪܒܲܝ ܠܹܗ ܥܸܣܪܵܐ ܝܵܘܡܵܢܹ̈ܐ. 15ܘܒܚܲܪܬܵܐ ܕܥܸܣܪܵܐ ܝܘܵܡܵܢܹ̈ܐ ܦܝܼܫ ܠܗܘܿܢ ܚܸܙܝܹܐ ܚܸܙܘܲܝ̈ܗܝ ܒܘܼܫ ܫܲܦܝܼܪܹ̈ܐ ܘܦܲܓ݂ܪܵܢܵܐܝܼܬ ܒܘܼܫ ܡܸܠܝܹܐ ܡ̣ܢ ܟܠܲܝܗܝ ܝܵܠܹ̈ܕ݇ܐ ܕܒܹܐܟ݂ܵܠܵܐ ܝܗ݇ܘܵܘ ܛܲܥܡܵܬܹ̈ܐ ܕܡܲܠܟܵܐ. 16ܘܗܘܹܐ ܠܹܗ ܡܲܠܨܵܪ ܒܸܫܩܵܠܵܐ ܛܲܥܡܵܬܲܝ̈ܗܝ ܘܚܲܡܪܵܐ ܕܫܬܵܝܬܲܝܗܝ، ܘܒܝܼܵܗ݇ܒ݂ܵܐ ܐܸܠܲܝܗܝ ܡܸܢܕܝܼܵܢܹ̈ܐ ܙܪ̈ܝܼܥܹܐ.
17ܘܐܲܢܹܐ ܝܵܠܹ̈ܕ݇ܐ ܐܲܪܒܥܘܿܢܬܲܝܗܝ، ܝܘܼܗ݇ܒܸܠ ܠܹܗ ܐܸܠܲܝܗܝ ܐܲܠܵܗܵܐ ܝܘܼܠܦܵܢܵܐ ܘܦܲܪܡܵܝܬܵܐ ܒܟܠ ܣܸܦܪܵܝܘܼܬܵܐ ܘܚܸܟ݂ܡܬܵܐ، ܘܕܵܢܝܼܐܹܝܠ ܦܘܼܪܡܹܐ ܠܹܗ ܟܠܲܝܗܝ ܚܸܙܘܹ̈ܐ ܘܚܸܠܡܹ̈ܐ. 18ܘܒܚܲܪܬܵܐ ܕܝܵܘܡܵܢܹ̈ܐ ܕܦܩܝܼܕܵܐ ܝܗ݇ܘܵܐ ܡܲܠܟܵܐ ܠܡܲܝܬܘܼܝܲܝ، ܡܘܼܐܬܝܲܝ ܠܹܗ ܪܲܒ ܡܗܲܝܡܢܹ̈ܐ ܩܵܕ݇ܡ ܢܒ݂ܘܼܟܲܕܢܵܨܲܪ. 19ܘܗܘܼܡܙܸܡ ܠܹܗ ܥܲܡܲܝܗܝ ܡܲܠܟܵܐ، ܘܠܵܐ ܡܫ݇ܟ̰ܝܼܚ ܠܹܗ ܒܹܝܠ ܟܠܲܝܗܝ ܝܵܠܹ̈ܕ݇ܐ ܐܲܝܟ݂ ܕܵܢܝܼܐܹܝܠ، ܘܚܲܢܲܢܝܵܐ، ܘܡܝܼܫܵܐܹܝܠ، ܘܥܲܙܲܪܝܵܐ. ܘܟܠܹܐ ܠܗܘܿܢ ܩܵܕ݇ܡ ܡܲܠܟܵܐ. 20ܘܟܠ ܚܲܒܪܵܐ ܕܚܸܟ̣ܡܬܵܐ ܘܦܲܪܡܵܝܬܵܐ ܕܒܘܼܩܸܪܹܗ ܡܸܢܲܝܗܝ ܡܲܠܟܵܐ، ܡܘܼܫ݇ܟ̰ܚܲܝ ܠܹܗ ܥܣܲܪ ܬܵܩܹ̈ܐ ܥܲܠ ܟܠܲܝܗܝ ܚܲܪ̈ܵܫܹܐ ܘܐܵܫܘܿܦܹ̈ܐ ܕܓܵܘ ܟܠܵܗ̇ ܡܲܠܟܘܼܬܹܗ. 21ܘܗܘܹܐ ܠܹܗ ܕܵܢܝܼܐܹܝܠ ܗܲܠ ܫܹܢ݇ܬܵܐ ܕܚܕܵܐ ܠܟܘܿܪܸܫ ܡܲܠܟܵܐ.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Aramaic Bible Translation Assyrian Bible © 2025 Aramaic Bible Translation