San Lucas 9မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Tik'ri xub'ij chke kunjel jumpa mnaq: —We o jun kraj kok wuk' chpam nchak, ot mow che xaw ku'ono su kraj re ku'ono. Jare nmister che kutij k'ax che u'anik su kwaj in, peche kutelej b'i ucruz runjel ij, kitrij chwij.

Chin jun che xa jare kub'soj uk'asnmal chi' chuchlew, ot su kuri'ej chik echi' ksachtaj uwuch. Per chin jun ksachtaj uwuch wmal wech in, jare re kuriq na jun uk'asnmal chla' chkaj ruk' Dios che ot uk'isik.

Ni Jesús xub'ij che: —Chin jun kuchap jun kwesa rech kuchkuj ulew, tik'ri kitjinik kka'y chrij, sk'um taj kel nuchak. Soq jala', we o jun che k'e uk'u'x ruk' su uy'om kanoq, tqal taj che kok wuk' chpam utzlaj atb'altzij rech Dios, soq ot chuptan rech kub'ij utzij Re, —xche che.

¿Sut uptan che jun mnaq we kuch'ak runjel jumpa kraj re che kriqtaj chi' chuchlew, tik'ri k'ut xa kutzaq uk'asnmal chla' ruk' Dios?

Chin jun mnaq kk'ix wmal in, soq we kk'ix rmal ntzij, jarela kink'laj taj echi' kintzlij chnuloq chi' chuchlew. Jala k'antjik echi' in nAchi nuK'jol Dios, kimpi ruk' nim weqle'n, wuk'am loq uchu'ab' nQaw chla' chkaj rich'il kchu'ab' lo'laj taq ángel.

Ri Jesús xub'ij che: —Nk'aj par o kjul, soq o ksok nk'aj tz'kin, per ni in, nAchi nuK'jol Dios, ot jachi kinkotz'b'a nijlom rech kinwarik. We katpi wuk', kariq na k'ax peche le', —xche che.

Tik'ri xub'ij chke: —Chin jun mnaq che kuk'am nak'ali' rmal wech in, jare in knuk'amo. Chin knuk'am in, soq kuk'am Qajaw Dios che xnutaq loq. Chin jun che ot mas reqle'n chixo'l, jare re mas nim kuril Dios, —xche chke.