Mateyu 7မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

“Bɛbiza, na bɛbava mɔɔ bɛbiza la bɛamaa bɛ. Bɛkpondɛ, na bɛbanwu ye. Bɛbɔ nu, na bɛbabuke bɛ anlenkɛ ne.

Ɔluakɛ awie biala mɔɔ biza la, asa ka ye. Awie biala mɔɔ kpondɛ la, nwu ye. Ɔti saa bɛkɛbɔ nu ɛdeɛ a, anlenkɛ ne noko babuke amaa bɛ.

“Bɛdabɛ mɔɔ bɛtie me edwɛkɛ na bɛdi zo na bɛtoa me la ze nrɛlɛbɛ kɛ nrenyia mɔɔ si ye sua wɔ bolɛ ketekete zo la.

“Yɛ mɔɔ ɛkulo kɛ menli yɛ maa wɔ la maa bɛdabɛ noko. Ɛhye a le Mosisi mɛla ne nee ngapezoma ne mɔ ngilehilenu ne sikalɛ a.

Emomu Ngoane Adenle anlenkɛ ɛdeɛ ne le ekyi, yɛɛ ye adenle ne le feɔɔ, na menli ekyi bie ala a kola nwu zɛhae adenle ne a.

“Adenle ɛdenraa bie anu a bɛdua nu bɛkɔ Anwuma belemgbunli maanle ne anu a. Adenle ne mɔɔ kɔ Abɔnsam sua zo la le kpolomgbolo zɛhae, yɛɛ ye anlenkɛ ne noko le wanaanwo kpalɛ maa ɛlɔne pemgbenlamgbe ne mɔɔ kɛva zɛhae adenle ne mɔɔ nuhua ɛvalɛ ɛnyɛ se la anu.

Na saa bɛmɛ menli ahonle ɛsesebɛvoma, ɛtaneyɛvoma bɔbɔ ze kɛ bɛsi bɛfa ahyɛlɛndeɛ kpalɛ bɛmaa bɛ mra a, ɛnee duzu ati a bɛ Ze mɔɔ wɔ Anwuma la amgba ala ɛnrɛva ahyɛlɛndeɛ kpalɛ ne ɛnrɛmaa bɛdabɛ mɔɔ bɛbiza bɛfi ye lɔ la ɛ?

“Mmabua ɛ gɔnwo ndɛne, ammaa bɛambua ɛdawɔ noko ndɛne. Ɔluakɛ kɛ ɛsi ɛbua menli ndɛne la yɛɛ menli babua ɛdawɔ noko ndɛne a.

“Na bɛdabɛ mɔɔ bɛte me edwɛkɛ ne na bɛnva la le ahoasea, kɛ nrenyia mɔɔ si ye sua wɔ ɛnwea nu la.

Na duzu ati a ɛdwenle mumunli mɔɔ la ɛ diema bie anye zo la anwo wɔ melɛ mɔɔ dosinli la wɔ deɛ mumua ne azo a? Ɛkɛha kɛ, ‘Agɔnwolɛ, maa memboa wɔ memaa ɛye mumunli ne mɔɔ la ɛ nye ne azo la,’ wɔ mekɛ mɔɔ ɛdawɔ mumua ne ɔlua dosinli ne mɔɔ la ɛ nye zo la ati ɛnnwu aze la ɔ?

“Bɛnlea bɛ nwo boɛ wɔ ahilehilevolɛ adalɛma mɔɔ bɛfa mboane nwoma bɛkpolo, noko akee bɛle mbedi, na bɛkɛtete bɛ nu nzokɛnzoka la anwo. Bɛbahola bɛava bɛ nyɛleɛ ne mɔ bɛanwu bɛ sonla holɛ, kɛmɔ bɛkola bɛfa baka ma bɛnwu ye baka holɛ ko la pɛ, ɔluakɛ kukue ɛngola ɛnzo amango ma ɛmmaa ɔnyɛ boɛ.

Bɛnea ma ne mɔ mɔɔ mbaka ngakyile ne mɔ so la azo a bɛkola bɛnwu bɛ mbaka holɛ ko ndɛndɛ a.

Baka mɔɔ so ma menlemenle la ɛnzo ma ɛnwonle ɛlɛ. Yɛɛ baka mɔɔ so ma ɛnwonle la noko ɛngola ɛnzo ma mɔɔ le kpalɛ la.

“Ɔti mbaka biala mɔɔ bɛnzo ma kpalɛ la bɛpepɛ bɛ bɛgua, na bɛfuandi bɛ bɛgua senle nu.