Mateyu 6မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Na saa bɛdumua bɛkpondɛ Ye belemgbunli maanle ne nee Ye tenleneyɛlɛ ne wɔ bɛ ɛbɛlabɔlɛ nu, na bɛtɛnla ahomeka nu kɛmɔ ɔkpondɛ kɛ bɛyɛ la a ɔbava ninyɛne ɛhye mɔ amuala yeamaa bɛ.

“Ɛhye ati bɛmmadwenle ɛhyema ɛdeɛ ne anwo, na mɔɔ bazi ɛhyema la wɔ Nyamenle sa nu. Dwenle ɛnɛ angome anwo na gyakyi ɛhyema.

“Ɔti me folɛdulɛ a le kɛ: Bɛmmadwenle ninyɛne mɔɔ le kɛ aleɛ, nzule anzɛɛ nza, ezukoa nee ndanlɛ nwo. Ɔluakɛ bɛmɛ bɛlɛ ngoane nee nwonane dɛba, na bɛhyia ɛsesebɛ ɛsesebɛ kpole kpalɛ bɛtɛla aleɛ mɔɔ bɛbali nee ndanlɛ mɔɔ bɛbaheda la.

Na saa ɛyɛ asɔne a, ɛdawɔ ɛ ngomekye fi ɛlɔne ne anu te ɛ nwo, na to ɛ nwo anlenkɛ nu na yɛ wɔ nzɛlɛlɛ ne fealera nu kile ɛ Ze ne mɔɔ ze wɔ fealera nu edwɛkɛ la, na ɛ sa baha wɔ ahatualɛ ne.

“Ɛhye ati bɛnlea nzɛlɛlɛ ɛhye azo na bɛzɛlɛ: ‘Yɛ Ze mɔɔ wɔ anwuma, yɛyeyɛ wɔ duma nwuanzanwuanza ne. Yɛsɛlɛ kɛ, wɔ Belemgbunlililɛ ne ɛrɛla. Maa wɔ ɛhulolɛdeɛ ɛyɛ ɛkɛ wɔ azɛlɛ ye azo, kɛmɔ bɛyɛ ye wɔ anwuma lɔ la.

Maa yɛ ɛnɛ dahuu aleɛ kɛmɔ ɛyɛ ye dahuu biala la

na fa yɛ ɛtane kyɛ yɛ, kɛmɔ yɛfa yɛkyɛ bɛdabɛ mɔɔ bɛyɛ ɛtane bɛtia yɛ la.

Mmafa yɛ ɛkɔ munzule nu, na ye yɛ fi Munzuvolɛ ne asa anu. Ɔyɛ ɛkɛ.’

Saa ɛfa bɛdabɛ mɔɔ bɛfo wɔ la ɛtane ɛkyɛ bɛ a, ɛ Ze ne mɔɔ wɔ anwuma la ɔdaye noko ɔbava wɔ deɛ ne yeahyɛ wɔ; na saa wɔamkponle bɛ ɛtanefakyɛ deɛ ne azo a ɔdaye noko ɔnrɛva wɔ deɛ ne ɔnrɛhyɛ wɔ.

Bɛnlea anwomanyunlu nloma bɔbɔ! Bɛndwenle aleɛ mɔɔ bɛbali la anwo, bɛngyia kɛ bɛkɛlua anzɛɛ bɛkɛbu anzɛɛ bɛkɛzie aleɛ, ɔluakɛ bɛ Ze ne mɔɔ wɔ anwuma la a maa bɛ aleɛ a. Na bɛmɛ noko bɛ nwo lɛ nvasoɛ kpole kpalɛ wɔ ɔ nye zo tɛla nloma ne mɔ.

“Bɛmmafa agyapandeɛ biala bɛsie azɛlɛ ye azo ɛke mɔɔ nrɛlana nee nlɛtɛba kola sɛkye ye, na nwule noko kola kɔwua la. Bɛkpondɛ agyapandeɛ ne bɛzie bɛ Anwuma Belemgbunli maanle ne anu na ɛkɛ ne yɛɛ bɛnrɛminli bɛ bolɛ mɔɔ bɛsonle la, na eza bɛ nwo kɛyɛ kɔlɔɔnwo kɛvi awulema asa anu a. Na saa wɔ nvasoɛ kosooti wɔ Anwuma belemgbunli maanle ne anu a ɛnee wɔ ahonle ne ɔdaye ɔbawa ɛkɛ ne bie.

“Awie biala ɛngola ɛnzonle menli nwiɔ: Nana Nyamenle nee ezukoa. Ɔluakɛ ɛbahyi ko na wɔahulo ɛhendeɛ ne, anzɛɛ, kɛ ɛbahulo ko na wɔahyi ko ne.

Bɛmɛ mɔɔ bɛ diedi le ekyi a! Saa Nana Nyamenle nea felawɔse bɔbɔ mɔɔ fi ɛnɛ a ɛhyema ɛnee bɛnle ɛkɛ ne bieko la a, ɛnee duzu ati a ɔnrɛhola ɔnrɛnlea bɛdabɛ noko a?

Na emomu saa ɛyɛ atiakunlukɛnlɛma wɔamaa awie a, yɛ ye fealera nu, na mmamaa ɛ sa bɛne ne bɔbɔ nwu deɛ mɔɔ ɛ sa fema ne ɛlɛyɛ la. Na ɛ Ze ne mɔɔ ze fealera nu edwɛkɛ biala la badua wɔ kakɛ wɔ nwolɛ wɔ bagua nu.

“Bɛnlea boɛ! Bɛmmayɛ bɛ atiakunlukɛnlɛma ne bagua nu, amaa bɛahanvo bɛ, ɔluakɛ anrɛɛ bɛ sa ɛnrɛha bɛ ahyɛlɛdeɛ ne biala bɛnrɛvi bɛ Ze ne mɔɔ wɔ anwuma la lɔ.

“Mɔɔ fale ɛhɔnehyelɛ nwo la noko ɛne. Saa ɛkye ɛhɔne wɔagyakyi wɔ aleɛ ɔlua sunsum nu gyimalilɛ bie ati a, mmayɛ ye bagua nu kɛmɔ maanle gyɛne nu amra mɛlɛbɛlavoma ne mɔ yɛ ye la, ɔluakɛ bɛmunlomunla bɛ nyunlu, na bɛbɔ mɔdenle kɛ bɛkɛyɛ bɛ nwo alɔbɔlɛ alɔbɔlɛ, na eza bɛnziezie bɛ nwo amaa menli ali nyane amaa bɛ. Nɔhalɛ nu, ɛhye a le ahatualɛ ala mɔɔ bɛ sa baha ye kenle bie la. Na wɔmɔ saa ɛkye ɛhɔne a, siezie ɛ nwo kpalɛ, na wula tɛladeɛ kɛnlɛma, ammaa awie biala annwu ɛ nzi kɛ ɛlɛkye ɛhɔne, kyesɛ ɛ Ze ne mɔɔ wɔ anwuma mɔɔ ze fealera nu edwɛkɛ biala la ala. Na Yemɔ a badua wɔ kakɛ a.