Yohani 15မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Une ne likomo lya mambesya, umwe mwe samba syake. Yo pala akwikala mu mwangu, nune indi mumwake, weyo akwela iseke inyingi, ukusita une mutabaghile ukubombapo nachimo.

Ikala mumwangu, une nikale mumwinyu, ngati kasamba ko katabaghile ukwela iseke pakene, pene po kamamatile kwi komu lya mambesya. Numwe bubu mutangela iseke pala mutakwikala mumwangu.

Pala umwe mukwikala mumwangu, namasyu ghangu gha kwikala mumwinyu, suma fyosi fyo mukulonda, po fikwisa pakubombiwa ku kwinyu.

Umwe mutasalite une, loli une mbasalite umwe, sona mbasalite umwe ukuti mubuke nu kwela iseke, iseke syo sikwikalisya, umwakuti fyosi fyo mukusuma kwa Tata mwilita lyangu akwisa pakubapa umwe.

Atalipo nayumo umundu yo ali nu lughano ukukila pa ulu, ichakuti umundu apalekeke ubumi bwake chifukwa cha bamanyani wake.

Kosi akasamba ko kali mumwangu, ko katakwela iseke akukafumyamo. Kosi akasamba ko kakwela iseke akapalandila, ukuti kongelele pa kwela iseke inyingi.

Ululaghilo lwangu lo ulu, mughananaghe ngati mo une mbaghanile umwe.

Pa isi u Tata wangu akughindikiwamo, ukuti mwele iseke inyingi, po mwilangisye mwebene pakuba mwe bamanyili bangu.

Une ne mambesya gha bwanaloli, po u Tata wangu yo mulimi.

Pala umundu yo atakwikala mumwangu, akutaghiwa panja ngati kasamba, kafoka, isamba sikubunganikiwa nukutaghiwa pamulilo, po sikupya.

Nayugha ifindu ifi numwe, umwakuti ukuhoboka kwangu kube mumwinyu, nukuti ulusekelo lwinyu lube lwakufikapo.

Pala mukwifwila indaghilo syangu, po mukwisa pakuba mu lughano lwangu, ngati mo ngukongela indaghilo sya Tata wangu, po ngwikala mulughano lwake.

Ululaghilo lwangu lwakuti umwe mughananaghe.

Pala mukaba ba muchisu chapasi ichi, po ichisu nge chibaghanite umwe ukuba mwe bake, loli chifukwa chakuti umwe te mweba muchisu chapasi muno, loli ngabasala ukufuma muchisu chapasi, cho chifukwa ichisu chapasi chibabengite umwe.