Yohani 14မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Umutende ngubalekela umwe, ngubapa umutende wangu. Ndakubapa umwe ngati mo ichisu chapasi chikubapela. Mutakatamiwaghe mumyoyo yinyu pamo ukoghopa.

U Yesu akamwamula akati, “Une ne sila, ne bwanaloli, sona ne bumi, nayumo yo akwisa kwa Tata, loli pene po akwendela mumwangu.

Mutakatamiwaghe mumyoyo yinyu, mumusubile u Chala, sona musubile nune.

Loli Umwafwilisi, u Mbepo Mwikemo, yo u Tata akwisa pakubatumila mwilita lyangu, yo akwisa pakubamanyisya nukubakumbusya ifindu fyosi fyo nayugha numwe.

“Yo pala akukonga ndaghilo syangu nu kwifwila. Po weyo anganite une, yo pala anganite une, akwisa pakughaniwa nu Tata wangu, nune ngwisa pakumughana sona ngwisa pakwibonesya nemwene kukwake.”

Po une ngwisa pakusuma kwa Tata, po akwisa pakubapa umwe umwafwilisi uyungi, ukuti ikale numwe bwile na bwile, We Mbepo yo akafumbula ubwanaloli ukuyana nisya Chala. Ichisu chapasi chitangamupokela, chifukwa chitangamutesya pamo chitangamumanya, loli umwe mumumenye, pakuti akwikala numwe, sona ali mumwinyu.

Po fyosi fyo mukusumila mwilita lyangu, ngwisa pakubomba, pakuti u Tata aghindikiwe ukwendela mu Mwana. Pala mukusuma fyosi ukwendela mwilita lyangu, une ngwisa pakubomba.

“Pala munganite une, po mukonge indaghilo syangu.

Munyumba ya Tata wangu muli ubuyo ubwingi ubwa kwikalamo. Pala butakabangamo ngali mbabusisye, nabuka pakubanosekesya ubuyo umwe.

Po pala ngubuka pakubanosekesya ubuyo umwe, ngwisa sona pakubasenya ukuti ko indi une koko numwe mukabe.

U Tomasi akayugha akati, “Malafyale, tutamenyeko ko ukubuka, po tungayimanya buli isila?”