Matayo 5မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Neri vahe tevekati kijari na kuchighubika na khore, mira vechike ana he lushagha kalo chivamurikie vakhabuna veaha he minda. Wato oto, na kune chidumuwe luatame kaghu lumurike he vahe, kalo vaakho miboire kaghu mikulho, vamkaari Aba kaghu eaha are ana.

Kune mu luatame lwa vahe va idi, muang'a ukwauwe ana he lubwa kira muhe eneuakho.

Venelhamuiwa velo swaho isilo makusa, kwaite venemuakho Kiumbi.

Venelhamuiwa velo kela na kasu iye kuboi vyo edumu Kiumbi, kwaite venekhuijwa.

Mira ani namubao, vadumuni vankuru kaghu naho muvaaresie huvo vemukharoti kune

“Venelhamuiwa vahuye va swaho, kwaite Udilao waare ana he Kiumbi ni mkini.

Venelhamuiwa vegera nhunguru he vahe, kwaite venesewa vainyi va Kiumbi.

Venelhamuiwa huvo vebenie ulhamuisho, kwaite venelhamuijwa.

Venelhamuiwa vekharotijwa kwa mburi ya kuboi cho Kiumbi edumu, kwaite Udilao wakwe Kiumbi ni mkini.”

Venelhamuiwa velo mbalamija he vahali, kwaite Kiumbi enevaakhoiya mbalamija.

“Venelhamuiwa kune vahe vekune muolhu na kumula vigi kaghu na kumukharotija kwa mburi gho. Lhamuiwani hawe nakuma gimbe ja mlhamuisho ake kulhamuwa kaghu ni kugiru are ana he Kiumbi. Kwaite nirewato vevaboiie varoto va Kiumbi veelitie mweesinalita.”

Venelhamuiwa vahe vetaae kwaite venepala idi.

“Kune mumnaro wa idi. Mira mnaro ukulahati unaro kuu unesawemo? Teukaye kigi kahali, mira unebibiwe gahana naho vahe veneudaha.

Kwato miboire kaghu ifuru, sahucho Aba kaghu waare ana cho efurue he vigi khabuna.”

Ukuba ‘Ee’, idumuwa ikhwa ‘Ee’, naho ukuba ‘Hai’ idumuwa ikhwa ‘Hai’. Neri kigi kiwe chisaisha ka chili he Shetani.”

Mwaako he miku yakwe Musa heeyoiwe ite, “Muhe ekumhiri m'aro kuu iila, nau enehiriwe iila hile ekumgu m'aro iiki nau eneguwe iiki.” Mira ani namuba, “Usihikane na muhe mkusa. Mira kai muhe ekukuma izokhera he iulho kechi la sughano, mkiritie akuma na iulho la hina.

Ukuneakho iila kechi la sughano likuboi uboi makusa, ling'ofule urelibibi uda. Ni keba ari kulahati kigi kiwe he msa kechi, kuro msa kechi kubibiwe he mwalha wa bamuza usiga. Naho kai muharegha kechi wa sughano ukuboi uboi makusa, ute ureubibi uda. Ni keba kulahati kigi kiwe cha msa kechi kuro kulahati msa kechi mkhabuna kuso he mwalha wa bamuza usiga.”