Yohana 15မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Ani ni mkhatu wa mzabibu, nakune mumatambi. Efufu za gho, na ani nikukhwa za hakuu, ka enesa matunda makumure, kwaite nesiaha ani mkhatu wa mzabibu, kune temumuru kuboi kigi.

Zokhoni za gho, na ani nizokho za kaghu. Sahu kigi itambi la mzabibu telimuru kusa matunda wangalo likusekhwa he mzabibu, wato oto kune temumuru kusa matunda mukusezokho za gho.

Mukufufu za gho na viome gho vikufufu za kaghu, lhawani kira kigi mudumu na kune munechiowe.

Kune temunilhoije ani, mira niani nimulhoije kune, mukhwa vahina gho, neemulhoje muso muresa matunda, matunda yesionika, kwato kira kigi munemlhawa Aba sacho edumu enemuo.

Tehelo ludumusho lugirusha kutakho ya ludumuisho, lwa muhe egu uzime kuu kwa mburi ya vasaho kuu.

Kira itambi liaha za gho lisisa matunda u etalite, nahu itambi lisa matunda etaliboia kikulho kalo lisa matunda makumure.

Miku gho niu ya, dumuanani, sa kigi ani nimudumue kune.

Kune mukusa matunda makumure, Aba gho enegimbikwa, kwa kwali ya ineaija ite kune muvahina gho.

Yesu ekavaba, Ani niu mzabibu wa kweri, na Aba gho niu mkurume.

Muhe neri muwe ekusaazokho za gho u etoe sa itambi libibiwe gahana na kuhala, matambi yekuhala yetabunguruwe na kubibiwe he mwalha na kulhaha.

Nimubaie ya mburi kalo mulhamuiwe sakigi ani nilhamuiwa, naho kulhamuiwa kaghu kufuru.

Kai munedara miku gho, munezokho he ludumuisho gho, sahu kigi ani nidarie miku yakwe Aba gho na kuzokho he ludumuisho kuu.

Kwato, miku nimuo niu ya, mudumuane.

Kai mwe vahe vaidi, vahe idi vesemudumue kune sacho vevadumu vahe kini. Mira kune temuvahe va idi, kwaite nitemulhoja kune kuli he idi kalo mukhwa vahe gho, niu chiro idi limusanuiwa.