نُومَه وِ کلیسای روم 1မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

سی یَکِه مِه دِ انجیل عار نارِم، سی یَکِه ایی انجیل، قُوَتِ خدا اَ سی نجاتِ هَر کَه کِه ایمُو بیارَه، اول یهودی وَ اوسِه غیرِیهودی.

سی یَکِه دِ وَه، صالح بی‌یِه‌نی کِه دِ خدا اَ، دیاری موئَه، کِه دِ اول تا وِ آخِر وِ ری پایَه ایمُونَه. چِنُو کِه دِ کِتُوِ حَبَقوقِ نبی نیسَنَه بی‌یَه: «صالح وِ ایمُو زِنِه‌ئی می‌کَه.»

سی یَکِه او صفت‌یا خدا کِه نِموئَه دیشُو، یعنی قُوَتِ ابدی وَ ذاتِ الهیش دِ شروعِ خلقتِ دنیا وِ وسیلَه کاریا او خو دیاری بینَه، پس وِنُو دَ هیچ عُذر وُ بُنِه‌ای نارَن.

سی یَکِه هَر چَن خدا نِه اِشناختِن، اما قُرپِ او نِه هِه چی خدا نِئَه نائاشتِن وَ شُکرِش نَکِردِن، بلکِم دِ فکرِ خُوشُو گرفتارِ چیا باطل بییِن وَ دِل‌یا نَفَهمِشُو نِه تاریکی گِرِت دِ وَر.

سی یَکه وِنُو حقیقتی نِه کِه دِ بارَه خدا هی وا دِرو عِوَض کِردِن وَ آفریدَه‌یا خدا نِه دِ جالِ خودِ آفرینندَه، پِرَسِش وَ خدمت کِردِن، خدائی کِه تا ابد شایستَه پِرَسِش اَ. آمین.

سی یَکِه غَضُوِ خدا دِ آسمُو میا وِ تیشکِ هَر جور بی‌دینی وَ ناراسیِ مردِمُونی کِه وا ناراسیشُو، نِها حقیقتِ نِه مِئی‌رَن.

سی ایی خاطر خدا هَم وِنُو نِه دِ هَوَس‌یا ناپِسَنِ خُوشُو وِل کِرد. سی یَکه زَنُونِشُو رابطَه‌یا طبیعی نِه وا رابطَه‌یا غیرِطبیعی عِوَض کِردِن؛ وَ هِه وِ ایی صورت، پیایا هَم دِ رابطَه طبیعی وا زَنُو دَس کَشیئِن وَ دِ مینِ تَشِ شهوت وا یَک، سُوختِن، پیایا وا پیایا کاریا ناپِسَن کِردِن وَ مکافاتِ عملِ گَنِ خُوشُو نِه گِرِتِن. وَ دِ اوچِه کِه سی وِنُو اِشناختِه‌نِ خدا ارزشی نائاشت، خدا وِنُو نِه وِل کِرد دِ فکریا گَنِشُو تا او چیئی کِه نَبایِس بَکَن، بَکَن.

وا یَکِه ادعا دُونائی می‌کِردِن، نایُو بییِن. وَ جِلالِ خدایِ ابدی نِه وا شکل‌یائی چی انسانِ فانی وَ بالِنَه‌یا وَ حیوُونیا وَ خزندَه‌یا عِوَض کِردِن.