YEHESKIEL 33မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Polelea mao̒ olimongolio deu̒ domi Wau̒, Allahu Taa̒ala tatumu-tumulo, EEYA Taa Laba-labaalo Molanggato, Wau̒ diila sanangi wonu taa moleeto mate; bolii̒o mao̒ Wau̒ motohilaa tio mololaa mao̒ duduu-saalio alihu tio debo tumutumulo. Wuu bangusa lo Isirai̒lu, pohuhelilo mohutu u moleeto! Yilongola timongoli ohilaa mate?

Wuu manusia panaa, yio̒ puduo̒o-U̒ mowali tamoodahawa bangusa lo Isirai̒lu. Potunggula mao̒ ode limongolio poe̒ela botie

Wonu yio̒ mopoe̒elao̒ taa moleeta boito wau tio mohuto mohuheli mohutu moleeto, yi tio maamate odelo taa odusa, bo yio̒ lohihilao mamoa̒ahu.”

Bo wonu tamoodahawa boito moo̒onto musu meidungga wau tio diila mopotingohe mola tuoto topotala, tulusi musu momate-mateelo mao̒ tau-tauwalo odusa boito, yi tatihu-tihula to opopate limongolio matontuliyo-U̒ monto olio.

Titaalo tita tamodungohe tuoto u topotaala boito bo diila momandungi mao̒, wau musu monao̒ mai tulusi momate olio mate-mateelo mao̒, yi tio mate sababu totalaalio lohihilao. Humayaalio tio momandungi tuoto topotala boito, tantulo mao̒ tio mowali moa̒ahu.