من الإنجيل – عن متّى 5မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

في حدا بضوّي قنديل وبقوم بغطّيه! ولّا بحطُّه بأعلى مطرح تينوّر القرنة كلّا وقت يضوّيه؟ فكونوا نور الله عالأرض إدّام النّاس وهيك بشوفوا أعمالكُن الصّالحة بالأساس، وبيِتّجهوا لوليكُن الرحمن يلّي بيهتم فيكُن متل الأب الحنون. وبِقَدموا الشكر والتسبيح لله في عُلاه، ربّ الكون."

إنتو نور العالم، متل مدينة عراس جبل، ما بْتِخْفَى عحدا، واضحة المعالِم.

هنيئاً ليلّي قلوبُن طاهرة، لأنُّه الله بشَوْفْتُه رح ينعَم عليُن.

هنيئاً ليلّي لطاعة الله متعطشين، لأنّه الله رح ينصفهُن ويكونوا راضيين.

بس أنا بدّي وضّح هالوصيّة: حِبّوا أعداءكُن، وإدعوا بالخير لكلّ يلّي بيضطَهْدّوكُن.

وقال: "هنيئاً للمتواضِع قلبُن إدّام ربُّن، لأنُّه المملكة الربّانية من نصيبُن.

هنيئاً لصانعي السّلام، لأنُّه "عيالُ الله" رح يتسمّوا.

هنيئاً للحزانى المقهورين، لأنُّه الله رح يواسيهُن ويكونوا متعزّيين.

هنيئاً للمضّطَهدين بسبيل طاعة الله، لأنّه للمملكة الربّانية رح ينضمّوا.

هنيئاً ليلّي بيرحموا غيرُن، لأنّه الله رح يرحمُن.

هنيئاً إلكُن إذا طردوكُن أو شتموكُن، لأنكُن أتباعي، أو حتّى كذَّبوكُن، لا تحزنوا أبدا، ما في داعي، بالعكس! افرحوا كتير وانبسطوا من كلّ قلبكُن، لأنُّه أجركُن كبير عند ربكُن فهيك اضْطَهدوا الأنبيا يلّي قبلكُن."

هنيئاً للبُسطا المُسالمين، لأنُّهن المملكة الربّانية يلّي وعدهُن ربنا فيها وارتين.

"إنتو الملح للنّاس بس إذا الملح ما عاد ملَّح، ما في شي بِرَجّعُه، وما بقى لشي يِصْلَح، إلّا إنّه ينكب برّة ويِنداس.

فيا أحبّائي كونوا بمحبِّتكُن كاملين، متل وليكُن الرحمن في عُلاه ربّ العالمين."

فخلّوا كلامكُن نعم يعني نعم ولأ يعني لأ، وأيّ شي زيادة عن هيك بكون من عمل الشيطان فما تحلُف عشان تِتصدَّق."

"سمعتوا هالوصيّة قالوها بالتوراة، أبا عن جدّ، "العين بالعين والسنّ بالسنّ"، ومش أكتر من هالقدّ، بس أنا بدّي وضّح هالوصيّة: لا تقاوم يلّي بيغلط معَك، بالعكس يلّي بيضربَك عخدَّك اليمين برملُه التاني وخلّيه يضربَك.

وبهالحالة، إذا مَثَلاً عينَك أو إيدَك بتغلط والآخرة بتخسّرَك، فعينَك قلَعا وإيدَك قطَعا. فإنُّه تفقُد عضو واحد من جسمَك، أحسَنلَك! ولا تنكَب بنار جهنَم كلَّك." وهون سيّدنا عيسى (سلامه علينا) استعمل المبالغة حتى الناس تبعُد عن الشهوات والزنى.